富記飯店 (已結業)

朋友結婚姊妹食飯揀左呢度...我都係第一次黎...環境唔錯...可惜我地隔離個檯超嘈....食d野個賣相唔錯...不過味道就濃...有幾樣野太鹹...食完勁口渴...

琴晚同朋友仔聚會去咗哩度食，七點幾唔洗等位，坐長梳化位，舒服~本來諗住食法式片皮雞&吱吱喳喳炒飯，原來有個朋友仔之前食過話麻麻，最後叫咗︰脆皮海鹽雞半隻- 幾好味，咸咸地，個皮好脆方魚肉碎泡飯- ok，不過冇乜方魚日式什菜煲- ok，都幾多料，初初以為個底果d係麵，淋得好緊要，後來問吓先知原來係玉子豆腐切成條鐵板什錦豆腐- 賣相幾吸引，有菜、玉子豆腐、蝦&魷魚，不過一食，就覺得咸囉，味道又麻麻，唔多鍾意，但啲朋友仔話ok喎...黃金焗蝦- 咸蛋黃炒蝦球，好味~服務就除咗一個著裇衫似係高級啲0既男人幾好之外，其他侍應就唔多好，講嘢態度差。冇睇到門口啲相有邊個明星，但琴晚就見到幾個亞視藝員，不過唔知叫咩名，淨係up得出陳展鵬囉...

這店門口有好多相，都是明星與老闆的合照，即是有很多明星幫襯過。兩個人星期六夜晚八點去食竟然不用等位。入到去有幾樣野都值得讚賞，首先，一直被酒家忽視的二人位在此店變得是個好位。這裡的二人位是一些間格精美的箱座，又有沙發又有「菇筍」。另一樣要讚的是，這店會把菜由廚房上到店內中央的分菜桌上，若要加工便在那兒先處理好，這對地方小的酒家很有幫助，不用侍應在客人的桌上舞一輪，減少危險。同時，分湯會先分好，不用阻礙客人用膳，但就無得睇下個湯原先個樣。食物方面，我覺得一般，雖然可以感覺到廚師是個有料有廚藝的人，但用料入貨就唔係好得。中下價貨買入，高價賣出，雖有廚師的功夫，但我就覺得唔價。羊腩煲：無乜好，味道就係一般羊腩煲咁，但用羊的部　　　　位不佳，不是做羊腩煲的理想位置蒜泥豆苗：好多油砵酒焗蠔：好食，好大隻蠔，不過好貴焗蠔是這店的招牌菜之一，所以有咁上下，但一般菜式就真係好一般。可能真係要叫佢推介的菜式才會有驚喜。這些菜式都有咁上下價錢，但勝在款式都不少，我見其他食客好多枱點的菜都差不多，都是招牌菜類。如果我有錢或有人請，我會再來試試。

三個人,六碟餸. 叫咗炸豆腐做小食,有炸菜伴碟,不過炸菜就太淡味,可惜,因為我都好鍾意食炸菜架. 而豆腐外脆內滑,都唔錯. 叫呢個番茄羊肉都係試吓,我本身鍾意食羊肉,但見用番茄做都係第一次. 一放低以為搞錯咗係湯,不過又唔想問,咁就有理冇理都食咗佢啦. 原來係番茄羊肉湯,哈哈哈!! (真係唔肯定) 我地一邊食,一邊飲湯囉,都ok架,味道幾好,羊肉都夠羶味,啱哂我! 清炒豆苗幾好,唔會太軟,咬落去重有青菜味,我鍾意呢個火路. 法國雞基本上係炸子雞嘅皮,加鵝肝再夾一舊仔炸銀絲卷,幾有創意. 我係見公關介紹都係為佢而嚟架!! 我個人覺得幾有趣嘅食法,都幾好吖! 蒜蓉炒芥蘭唔使講啦,ok,不過多油咗啲. 最後糯米飯有少少失望,啲米有少少生,唔夠軟熟,可以多水番啲會好啲. 味道還可以,不過好似食蛇啲糯米飯正啲喎!! 哈哈哈!! 最後送嘅腐竹白果意米西米蓮子糖水好多料,幾有誠意呀!!再加上六支波打啤,好耐冇飲過,都算係唔錯嘅一餐.可能冇地毯吸聲,都幾嘈吵,講嘢要鬥大聲. 不過服務唔錯喎.

環境果到算係幾好,一班朋友係到傾計一流,果陣去係食正價..價錢算係貴,但份量真係太小,實在唔夠分,食食下前面張台好似埋錯單,計小左人地好多個茶介,最終經理出來之後就冇事,之後隔左一陣..左邊張2人台埋單,果果女仔話計多佢地1個茶介,要佢取消,個經理好似唔願意咁,個女仔走果陣,我聽到佢話,你地計小人地茶介關人鬼事咩,都唔使係人地張單到做手腳,火爆爆咁走左,到我地埋單果陣..wa張單真係好貴,可能d野太小份量,係咁叫,搞到好貴la~睇返茶介果到,又打多我地2個茶介,又係個女經理埋單,我同佢講,又唔小心打多左茶介丫?佢就面都紅埋,幫我地取消返,咁既餐廳唔會再去!!!!!!!!

食友約了在富記行動，還以為是花園街的那間，原來是瓊華中心這間「高級版」，真的未吃已鬧了一場小笑話。聽聞這兩間富記是同一個老闆，是耶非耶不得而知，但論叉燒，當然還是喜歡花園街那邊的全肥叉。成功突襲，隱匿兩天，終於可以重見天日，一班朋友又坐低食番餐，大家七咀八舌的談旅行談買物談近況，吃什麼又變得次要。菜色已叫了一轉，就食住先。先吃叉燒，兩成肥肉，口感太硬，不夠軟腍，一般水準。蜜味十足，也不過甜，調味是交到功課；冰鎖黃鱔賣相不錯，黃鱔在冰鎮之效果下，肉質爽脆，當然今時今日的黃鱔，難有甜味，此點明白，都吃得過；黃金蝦雖然蝦隻不大，但炒得香口又不會太油膩，貪心的吃了幾隻；另外再叫幾味，虎皮椒炒蝦球的虎皮椒已去籽，全無霸氣，同意友人T及K的意見，在香港也吃不到似樣的虎皮椒，次次也連不大吃得辣的A也可以吃埋一份，可想而知；蝦乾小炒王炒得濕濕的，雖然有不少的蝦乾，吃落也不見香口，麻麻地；蜜豆少牛柳粒的牛柳粒是疏打牛，很失望；明明記得也有一味煎藕餅的，但現在回想起又沒有多大印象，很奇怪；其實還想試一味脆皮肘子，但售罄，不好彩。地方光鮮企理，有卡位又有大電視，環境不錯。伙記們招呼也好，對於我們的「特別行動

一直都好想試試這裡的‘冰鎮黃鱔’，今天終於一嘗，得喎！一片片黃鱔放在白雪雪的碎冰上，旁邊插上碧綠的芥蘭作裝飾，望著都已覺得很開心．至於味道，黃鱔雖然已煮熟，但仍十分鮮甜，而且冰鎮過後肉質變得很爽脆，很特別，正！另外我們也試了‘法式片皮雞’，亦很不錯；片皮燒雞夾著鵝肝，放在炸饅頭上，明明三樣都是極之肥膩的食物，但配在一起味道十分之好，皮脆香口，我連吃了五六塊也不覺得飽滯．此外，我們亦點了個‘葡汁烟肉焗石蠔’，中規中矩啦；蠔應該是新鮮的，但味道全被葡汁的濃味蓋過了．最後是‘脆皮肘子’，味道都不錯．唯一美中不足是，居然沒有甜品menu，飯後每人奉送‘海帶綠豆沙’一碗，味道就唔．．．可以放棄．

星期五同朋友上去食飯,食物可以接受,但服務真的令我一肚氣,我埋單時用信用卡找數,侍應已經好大力咁掟我張信用卡落個CARD HOLDER,點止過左一陣,個侍應番轉頭問我係咪已經比左信用卡,當時見佢個樣已經知一定係張卡有事,我清楚記得自己已經比左張卡佢,跟住見佢好驚咁周圍找,然後經理都一齊找,但仲未有人話我聽發生MUD 事,過左一陣個侍應仲依然問我係咪已經比左張卡,話張卡唔見左,叫我找清楚D.有冇搞錯,比張卡埋單都可以整唔見,仲要扺賴....過左一陣我打電話取消張卡,到我做好哂取消手續佢先至話找番,原來張卡跌左係D卡位入面,不知所謂,之後經理仲好意思要我埋單,我食左野當然照比錢,但一肚氣,以後都一定唔會再黎!!!!!!!!!!!!!!!!!

唔食唔知好味道，每次都會有o的驚喜，這裡都可以豐儉由人，想便宜一點，可以試下消夜時段。水準都有番咁上下，大家要知道o既係，係旺角食餐晚飯，通常都要每位$45-70，和這裡的價錢也差不多啦，推介係芝心花枝丸，經過反映和改良之後，外層脆口杏仁片，彈牙的花枝丸入面有芝士心，咬落芝士流出來，正！！

聽到富記飯店個名,以為係大排檔,但上到去,見到d裝修又幾靚喎!我地order左幾個菜,d friend 話冰鎮黃鱔正,椒鹽九肚魚正,個炒飯更加正,又小油,又夠味,唔會太咸.好健康o飯後甜品都唔錯喎,總之好似媽咪煮既咁好味o下次會再黎試其他野食o

第一次去富記係幾個月前,朋友帶上去…環境唔錯呢！最喜歡圓形卡位，好有privacy,又夠闊,又有大大個LCD電視睇!忙o左一日,坐低後有返屋企食飯o既感覺,但o野食只算OK,可能係太夜去o既原因,味覺不太靈敏…所以對富記無乜深刻印象! ;P但上個禮拜再去,感覺好似去o左另一間富記咁!但係裝修無變!招呼o個位經理都係同一個靚女呀!最終結論應該係廚房換了fit人!食物o既味道令我離開o既時候好滿足!出街食飯,對食物自已好驚兩樣o野…油同味精!今次到富記有幾樣通常唔會食o既o野都令我有驚喜:香噴噴熱辣辣o既黃金蝦好好味呀!食幾隻都唔想停!個炒飯一D都唔油膩,粒粒飯都有蛋包住o家!好正呀!冰鎮黃鱔同o的芥蘭都好脆呀!好特別o既菜式!師傅刀章好勁!o的黃鱔塊塊都一樣咁薄!令一向對黃鱔無乜好感o既我對佢令眼相看!魚湯金銀蛋莧菜,好清甜!個例湯火候十足,有阿媽feel!離開o既時候真係好滿足!絕對會再返去試其他菜式！

I alway been here over 5-times in this summer. The food@"富記" was quit nice. All the dishes that I ordered were over my expectation. Their service was great. Also, I like the most were their serving size of each dish. Which not too big portion. So, each time I can order the dish that I like & I can order some new dish to try. I like the most is the icy-eel, the deep fired oyster, steam fish, the sweet & sour soup noodles...etc. Their price was reasonable to me.

這裡好吃的東西, 有黃金蝦, 這是我最欣賞的, 而大煲粥, 只係得啲烋唔綿既粥, 好削, 又少料. 椒鹽九肚魚自是ok. 豉油皇抄麵不錯, 還有抄米粉也可以接受, 米粉較粗身。 有啲樓面衣服有怪味, 應該有一段時間沒有洗衫.

記得上兩次嚟食嘅時候，確實令人有意外驚喜，皆因係旺角有水準嘅中菜真係十隻手指都數得埋(另外一間係神燈)，琴晚再次造訪，發覺水準急劇下跌，好失望...跟女友叫咗三碟餸 --- 砵酒蠔、濟公田雞煲及鐵板海鮮豆腐。砵酒蠔嘅蠔細隻咗好多，酒味不夠，初頭以為佢用煲上，點知只係將隻蠔放响塊生菜上就算，無咗煲仔上嘅香氣，大打折扣；所謂嘅濟公田雞煲只不過係普通嘅田雞煲，田雞算係叫大隻ge，加咗西芹一齊煮，味道好普通，諗嚟諗去都唔知同濟公有乜關係；鐵板豆腐以為用嘅係布包豆腐，點知係用玉子豆腐，呢D後經加工嘅豆腐就完全無豆味，非常討厭；海鮮有帶子、蝦、魷魚等，算係足料，不過我覺得叫做食得吓就係鋪响D料下面嘅一層薄薄嘅蛋皮，呢層皮索晒上面嘅汁，幾惹味...叫咗一碗齋粥，稀稀地，毫不軟綿，估唔到做粥起家嘅呢度都會攪成咁...徹底失望....

早排有朋友提起此飯店有出名的冰鎮黃鱔,必須一試! 故趁同家人到旺角便跑一趟. 果然此菜大家都喜歡! 除此外,其他菜式也火候十足,簡單的一個金銀旦莧菜,咸淡適中,又不油膩;最後連送的南瓜糖果也不媽夫; 另外服務員們不厭其煩地接待我們,也直得嘉許. 因此值得再試!!!