富記飯店 (已結業)

第一次去富記係幾個月前,朋友帶上去…環境唔錯呢！最喜歡圓形卡位，好有privacy,又夠闊,又有大大個LCD電視睇!忙o左一日,坐低後有返屋企食飯o既感覺,但o野食只算OK,可能係太夜去o既原因,味覺不太靈敏…所以對富記無乜深刻印象! ;P但上個禮拜再去,感覺好似去o左另一間富記咁!但係裝修無變!招呼o個位經理都係同一個靚女呀!最終結論應該係廚房換了fit人!食物o既味道令我離開o既時候好滿足!出街食飯,對食物自已好驚兩樣o野…油同味精!今次到富記有幾樣通常唔會食o既o野都令我有驚喜:香噴噴熱辣辣o既黃金蝦好好味呀!食幾隻都唔想停!個炒飯一D都唔油膩,粒粒飯都有蛋包住o家!好正呀!冰鎮黃鱔同o的芥蘭都好脆呀!好特別o既菜式!師傅刀章好勁!o的黃鱔塊塊都一樣咁薄!令一向對黃鱔無乜好感o既我對佢令眼相看!魚湯金銀蛋莧菜,好清甜!個例湯火候十足,有阿媽feel!離開o既時候真係好滿足!絕對會再返去試其他菜式！