富記潮州粉麵

營業中

休息中

今日下午到了這間粉麵店吃粉麵，這間餐廳座位很多，而且食物款式都相當不少，魚蛋、魚片、魚皮餃、鮮蝦雲吞、牛腩、豬手等等應有盡有，而且粉麵高相當便宜價廉物美。今天點了一碗魚蛋魚片河粉，魚蛋魚味香濃，爽口彈牙，魚片都非常爽口彈牙，味道不錯。河粉又滑，份量又多，飽肚。仲加入了自家製的辣油，辣油帶點點微辣更能令整碗魚蛋粉惹味，相當不錯，喜歡吃辣的朋友可以試試。魚蛋粉份量充足，而且非常抵吃。另外，點了一碗淨鮮蝦雲吞，一共有六粒。這裏的雲吞彈牙爽口，餡料豐富，入邊有豬肉跟蝦肉，啖啖肉好滋味。這裏的魚蛋跟雲吞都相當出色！我們還加配了一份炸魚皮，炸魚皮脆卜卜味道很好，值得加配。而且仲可以浸入湯汁內形成另一種口感，浸入了湯的魚皮更為鮮甜美味。正點了一碗粉麵仲可以以優惠價加配飲品。

富記潮州粉麵每星期總有兩日會入元朗針灸，今次已經係第二次回訪「富記潮州粉麵」，實在太掛住佢哋嘅凍鴛鴦，見未食午飯就揀咗呢間粉麵店食，呢間粉麵店門口有一級，如果輪椅人士想入去食嘅話，就要自備斜板，入面雖然空間唔算好闊，但店員都好樂意歡迎安排輪椅人士入去食野，最近門口果張枱就最方便輪椅人士！1.梅菜扣肉飯$51+凍鴛鴦$8（9.5/10）呢個梅菜扣肉飯份量好多，梅菜甜甜地，扣肉半肥瘦分明，軟硬適中，當我食完之後，原來梅菜扣肉飯都幾多人叫，我估計梅菜扣肉飯係佢哋招牌菜！飲品就揀咗凍鴛鴦，要加$8，上次飲完覺得好好飲，鴛鴦好香滑，又唔會偏酸，正到爆！2.五香牛腩幼麵$37+熱檸水（9/10）呢個五香牛肉幼麵個牛腩有少少韌，牛腩大約有5舊，幼麵份量勁多，唔錯唔錯！飲品就揀咗熱檸水，有3片檸檬！3.川味口水雞$38（9.5/10）呢碟川味口水雞個廚房幫我揀咗雞髀位，口水雞斬開有6舊雞件，肉質非常嫩滑，辣味適中，又唔會過咸，好味！4.淨墨魚丸（6粒）$34（10/10）呢碗淨墨魚丸一共有六粒，咬落非常彈牙，好好味！5.腐乳通菜$15（8.5/10）上次食完腐乳通菜之後，已經知道佢哋會落好多腐乳醬，今

之前 朋友 嚟食過 牛腩同雲吞, 覺得唔錯, 所以今次就嚟買個外賣返去試下🙃1️⃣淨食：牛筋拼牛腩牛筋好大條, 好有口感,又淋又軟滑. 牛腩 入口有牛味, 件件都大件, 肉質軟淋, 肥肥哋, 口感唔會乾柴. 仲有面頭嘅乾蔥芹蒜 都好惹味, 下次要叫落多啲😜2️⃣淨靚魚片頭鍾意佢粒粒都炸過, 課題吸收曬湯底嘅味道👍🏻, 令到每一粒魚片頭嘅滋味提升咗🥳3️⃣淨雲吞拼魚蛋雲吞都幾大粒, 裏面有蝦都唔少, 食得出有蝦味, 整體調教味道唔錯. 魚蛋粒粒爽口彈牙, 好過好多店舖😌4️⃣熱菜蜜好耐冇飲過, 入口已經飲得出西洋菜味😊🔥附送辣椒油食得出係傳統辣椒油味, 原來係自家制, 鍾意食辣味嘅朋友一定要試下座位幾寬敞燈光明亮地方乾淨 企理一邊係 4人卡位, 一邊係4人座位, 中間係圓枱

尋晚落車後見到時間有D晏，決定係富記叫幾個飯外賣拎返屋企。海南雞飯雞件油亮，雞皮爽滑，雞肉嫩滑，冇因為係外賣就變到乾爭爭。原汁牛腩飯肉質腍軟入味，牛腩炆得夠晒腍，入口即化，肉味香濃蟲草花鴨腿湯飯呢個湯值得一試，清甜滋潤，飲完暖笠笠。蟲草花同鴨腿嘅精華完全融入湯入面，鴨腿炆得夠晒入味。喱間粉面舖既外賣到屋企都一樣保持到水準，下次有機會一定會試下堂食。

自己一個去富記潮州粉麵快食，點咗薑蔥肥牛飯加熱咖啡($50)。味道正常，份量足夠，好飽又方便，係快食嘅不錯選擇。食品部分薑蔥肥牛飯($50)：薑蔥香氣濃郁，肥牛片軟嫩又夠味，拌飯食幾滿足。飯嘅份量足夠，食完覺得飽肚。不過整體係屬於正常水準，冇乜特別突出嘅地方，但絕對係對得住價錢嘅快餐選擇。熱咖啡：熱咖啡味道正常，冇特別深刻，但係快餐店配飯已經算係OK。⭐食品評分：3.5/5環境與服務富記環境整潔，出餐速度快，服務員態度平易近人，唔會令人生厭，適合快快食完就走嘅場合。價錢平實，性價比唔錯。⭐環境與服務評分：4/5總體感受富記潮州粉麵係一間適合趕時間或者想食簡單飯嘅快餐店。薑蔥肥牛飯份量足，味道正常，成餐加埋熱咖啡係一個飽肚又唔會出錯嘅選擇，值得試下。⭐總體評分：3.5/5

呢間餐廳食物質素一流，頂呱呱，如果鍾意食粉麵嘅朋友，一定要嚟呢間餐廳，我同朋友響餐廳熄咗一整晚，見到客人非常多，真係好受歡迎，而且座位都唔錯，好有空間感，裝修幾靚，仲有洗手間，光線非常足夠，選擇好多，我真係好推介佢哋嘅墨魚丸河粉，可以加腩汁，服務非常好，而且蔥花好夠，湯底都好濃郁，加埋杯凍檸茶，真係人間美食，仲要墨魚丸大大粒，真係好抵食呀，仲有佢哋嘅牛雜河粉都係一流，每碟都大大件，好豐富，牛筋河都問得好林，好爽口，真係比起出面嘅訓練點，做得好好呀，牛腩非常新鮮，好入味，而且整體都比我想像中覺得好好食，而且我哋仲叫咗一個蠔油菜心，又健康又多，炸魚皮都係超級趣，非常好食，每次嚟呢間餐廳，一定要叫一個炸魚皮，非常美味，而且好大碟，如果住元朗嘅朋友一定要泥試呀！

中午同朋友係元朗附近買野，lunch見到尼間粉面店都幾多人，一於入去試下。服務好好，乾淨舒適。叫左個五香牛雜湯幼麵，牛雜煮得非常入味，湯底清甜濃郁，搭配上幼麵，口感滑爽。湯中有多種牛雜，包括牛柏葉、牛肺和牛腸，每一口都能感受到牛雜的新鮮和嚼勁，真係好開胃。跟住一個招牌崩沙腩湯米粉，沙腩肉質嫩滑，湯底濃厚而不油膩，米粉吸收咗湯汁，味道極佳。每一口都有肉香伴隨著米粉的滑感，配上香蔥和辣椒，令整碗米粉更加出色，吃完讓人意猶未盡。野飲叫左杯凍豆漿，豆漿滑順，味道香濃，十分解渴。一杯熱檸檬水則清新解膩，酸酸甜甜，非常適合搭配重口味的食物，幫助消化。最後加左個蠔油菜心，菜心新鮮脆口，蠔油調味恰到好處，增添咗一絲鹹香。

又來到元朗千色附近搵食，今次就嚟呢間富記潮州粉麵食返碗麵先！餐廳除咗有得食粉麵之外，仲有提供唔同嘅飯類同埋咖喱等等，而且價錢都相當親民～雲吞麵💰HK$34雲吞大大粒，皮薄餡靚，內餡有鮮嫩嘅豬肉同埋蝦肉，味道鮮美！麵質亦非常之彈牙～牛丸河💰HK$34牛丸牛味濃郁，仲有少少爆汁嘅效果！河粉口感柔滑，同湯底都非常之夾！川味口水雞💰HK$38雞肉肉質柔嫩，配搭惹味嘅口水汁，令人垂涎欲滴～爽口墨魚丸(淨食)💰HK$34墨魚丸充滿墨魚嘅鮮甜味，而且爽口彈牙～郊外油菜💰 跟餐+HK$15揀咗腩汁配菜心！菜心吸引咗腩汁滿滿嘅精華，味道變得更加清甜～自製豆漿💰跟餐+HK$8豆漿味道唔會太甜，而且有濃厚嘅豆香味～✨辣椒油呢到嘅辣椒油都係餐廳自家製，味道又香又辣，令人特別醒胃！鍾意食辣嘅朋友仔，真係千祈唔可以錯過啊～原來餐廳嘅食材係由自家工場製作，除咗堂食可以嘆到之外，仲有火鍋配料可以買返屋企，價錢又合理！下次來呢度果陣要買定啲生料返屋企先～

天氣凍食米線就最岩！放工經過呢間喺裕景坊小巴總站附近既富記潮州粉麵， 見到有晚市套餐非常抵食，有麵有菜有嘢飲都係50幾蚊入到去發現原來除咗米線，仲有碟頭飯食，我哋就叫咗一個蟲草花鴨腿湯飯、油菜、崩沙腩、魚蛋幼麵。蟲草花鴨腿湯飯 （4🌟）- 清清地，幾好味，美中不足係鴨腿有少少鞋，不過總括嚟講都唔差😊油菜 （4🌟)- 味道正常🙂，但我覺得如果可以揀幼啲同嫩啲嘅菜心，會更加好😆崩沙腩 （5🌟🌟🌟）- 呢碟崩砂腩我同朋友就大力推介，炆得好腍好入味，仲要係半肥瘦添，好鍾意呀😍😍😍魚蛋幼麵（4🌟）- 唔算好差，但係我覺得賣相可以做得更加好🤣當然呢間舖頭只係普通食魚蛋粉麵，唔可以有太高嘅期望，對比返佢嘅價錢，其實性價比都唔錯😊😊富記潮州粉麵 (元朗)元朗裕景坊15-25號玉成大廈地下D號舖

富記潮州粉麵元朗裕景坊15-25號玉成大廈地下D號舖魚蛋粉 嚟香港一定要食辣菜脯 潮州辣椒油零舍好食魚蛋魚片麵加紫菜 加份炸魚皮香脆無比 獨特嘅魚油香味自家製魚片頭魚蛋 夠彈牙 食到辣辣地，整杯凍檸樂呢個就係香港人生活日常咖喱系列 滷味系列 無論是在繁忙的午餐時光，還是悠閒的下午茶，這碗熱騰騰的魚蛋麵都能帶給人們滿滿的幸福感正川味口水雞獨特惹味口水醬汁 一嚿靚靚雞腿肉 雞肉在冷卻後切片搭配由花椒油、辣椒油、蒜泥、醋和香菜等調料調製而成麻辣香氣 川味無窮

Lunch 突然想食雲吞麵，走左去呢間富記！呢間好似開左好多年，之前都食過1,2次，價錢又ok！lunch time都坐滿哂！牛腩牛丸幼麵 $44牛腩望落吾錯，咬落幾淋，餐牌寫住牛丸系手打，所以叫左黎試下，食落都幾彈牙，但得2粒，多1-2粒會更好。幼麵亦都幾爽彈，吾會好重鹼水味。淨雲吞 $34人多食既關係叫左碗雲吞share食，大約有6-7粒，都有5蚊銀禁大粒，皮滑，入面有見到啲蝦。雲吞會跟啲生菜，吾想食麵既話淨食雲吞都系個吾錯既選擇！牛三寶飯 $63呢度除左麵，仲有飯食，朋友怕食麵吾夠飽所以叫飯，白飯分開上，都幾大碗飯！牛三寶有牛筋、牛肚同牛腩，底下有蘿蔔墊底，用牛腩汁浸住。口水雞 $38口水雞麻之餘，帶少少甜，所以吾系好辣。餐牌：

今次要推介嘅餐廳就是富記潮州粉麵，地址在元朗裕景坊15-20號玉成大廈地下，見到門口好多人排隊，真係好吸引，而且知道好受歡迎，應該好有質素，而且見到裏面嘅服務質素都好好，店員嘅姐姐都非常有熱情，而且服務周到，好有親切感，有主動，所以我覺得真係好加分，而且佢哋餐牌都有好多選擇，有唔同嘅訓練，你都可以選擇小食閂房，加埋個油菜，價錢都經濟實惠，非常抵食，識食嘅話一定叫埋個藍汁，我懶得加埋牛腩同牛肚真係好入味，而且呢度嘅牛腩真係好推介，肥瘦得好均勻，好新鮮，而且佢哋嘅特製魚蛋牛丸，帶好好食，而且佢哋嘅湯底濃郁，個面加埋個湯，真係好惹味，真係好想成碗湯都飲晒，而且呢度嘅衛生程度都好高，獨立廁所，非常方便，所以客人喺度食飯真係有賓至如歸的感覺

今日帶成班同事去食飯，放咗工見到呢一個招牌大大個，吸引咗，餐牌多選擇，而且價錢經濟實惠，見到食物嘅賣相好吸引，於是去試吓，估唔到好有驚喜，而且食物嘅質素非常高，真係好好食，而且非常方便，等元朗站附近，好快就會搵到，但我最出名嘅係佢哋嘅牛腩河粉，佢哋嘅招牌崩沙牛腩河粉真係一定要幫襯，因為佢哋嘅肉質鮮嫩，而且好多肉，好香嘅牛肉味，真係好正啊，加埋個特飲紅豆冰，真係完美的配搭，而且佢哋嘅牛三寶，真係有好多牛筋牛肚牛腩，個牛筋好有膠質感，而且唔油膩，個牛肚都係好爽口彈牙，真係好正呀，如果朋友鍾意食牛三寶嘅話我一定會推介呢一間餐廳，而且仲叫咗個小食，炸魚皮，炸雞翼，魚皮同雞翼都打得非常之香脆，好新鮮，而且份量十足，可以叫埋唔同嘅朋友嚟試吓

🐮牛筋、牛腩雙拼（淨餸）牛筋都幾大嚿，又軟腍，又入味，好有骨膠原。牛腩 都好正，舊舊都有。3嚿 白蘿白，好清甜，冇渣，白蘿白 配牛筋腩，絕配！🐽鎮江骨（淨餸）用了一字骨，嚿嚿有肉，咬落骨肉易分離，味道酸酸甜甜，甜多過酸，底部有生菜，有肉有菜，夠健康！🐷東坡肉（淨餸）名符其實嘅五花腩，一層豬皮、一層油、一層豬肉、再一層油 同一層豬肉。入口即溶，肥而不膩。脂肪超標嘅人間美食😌。同樣地底部有生菜，有肉有菜，夠健康！🔥朋友最愛 辣椒油，夠香辣

今日放工肚餓，發現公司附近開咗呢一間富記粉麵，店員姐姐非常熱情，介紹咗最近佢哋出咗去呢一款抵食套餐首先揀咗個粉面先，有幾個唔同嘅選擇，每個選擇都會有三款餸，仲可以加個油菜同嘅人都係$50左右，超抵食！我簡咗牛腩牛肚雲吞河，識食當然加埋腩汁～有牛腩牛肚全部都好入味 ，牛腩係我最鐘意食，肥廋剛好食落好新鮮，牛肚軟腍，雲吞蝦肉大大粒夠晒爽口！同事唔係好肚餓叫咗一個韭菜餃淨食，一碗有六粒，每一隻都脹卜卜，全部都係餡韭菜餃同肉比例啱啱好，同埋食落唔會太重味精味抵讚