富記潮州粉麵

營業中

休息中

心血來潮想平平地食下粉麵，經過見到呢間招牌好搶眼，擺出嚟嘅Menu有散叫粉麵飯，兼有套餐，價錢又親民就入咗去幫襯。即刻落左2個必食之選-招牌崩沙牛腩河粉（另加拼牛丸）：聽聞崩沙腩是牛腩中最矜貴的存在，筋膜連少少肉，軟腍味香。係貴少少，但都試下！仲可以order瘦腩，但食落口感不失，依然好嫩滑，好香牛味；而且唔會韌！加拼的牛丸咬落都彈牙同牛味十足！牛三寶：包括多牛筋，牛肚及牛腩。牛筋好有膠質感，但不油膩；牛肚係爽口，牛腩都大大舊，但唔會難咬；湯底加入腩汁，成碗麵好牛！配粉麵不少得辣椒油。佢既辣椒油都好香；另外有辣菜脯。菜脯比較特別，不是只有死辣。加入麵內，好有咬口及令湯底有點昇華！另加點炸魚皮，魚皮亦十分香脆，新鮮。整體上富記既牛都唔錯。而且餐廳整潔，都有不少選擇，下次十分期待佢地自家製既魚旦粉。

因為我好喜歡食牛腩，一星期都會有一至兩餐係選擇牛腩做晚餐，今日經過元朗呢間富記潮州粉麵店，就比門口個大大的牛腩燈箱吸引住，就決定了品嚐牛腩飯做我的晚餐了。等外賣期間, 我看到餐單上都有唔同既選擇, 而且價錢便宜,  但要下次再來品嚐了。雖然有好多種選擇，但我都不作他選，直接選擇牛腩飯，但今晚真的有點肚餓，就決定加多份牛筋試試。滑嫩、入口即化的崩沙腩，加上大大件鬆軟的牛筋，配上特製的腩汁，這餐晚餐，真的十分滿足😀埋單嘅時間更加發現。佢哋仲做緊買10送一，下次真是叫埋朋友一起食先😀

今日放工一個人食飯，經過這間富記潮州粉麵，雖然店名是粉麵店但看一看餐牌，原來還提供飯食的，今日有點肚餓，所以就選擇了南乳豬手飯。豬手肉質嫩，搭配南乳醬，味道濃郁，滿滿骨膠原非常有口感，飯粒吸收了豬手汁的精華，讓整碗飯更加美味。等餐時再看一看餐牌，發覺有生材料賣，店員話魚蛋是自家製造的，於是我買了一磅回家，另外辣椒油也是自家製的，喜歡吃辣的話可以不防買一樽試試。富記雖然店舖不算大，但地方簡潔乾淨。除了粉、麵、飯、選擇都算多，眼見受附近街坊喜愛。

見到粉麵 套餐 幾抵食，但想食飯，所以……鎮江骨飯，包奶茶少花奶（凍飲都唔駛加錢）鎮江骨 份量 ok，肉質 ok，肉唔算多，味道可以，幾欣賞有翠綠嘅菜底。飯量算幾多.茶走 嘅茶底幾濃郁，結果我要加番多d花奶職員有耐性，效率高

一入到去就比姐姐安排坐到最入，野都未開始食就熱到成頭出哂汗，望下啲冷氣先知原來無開冷氣，叫左3次先去開冷氣，仲答我開左啦！當人傻㗎叫碗麵加個油菜，份油菜等勁耐都未黎，追問左呀姐先知原來落單呀姐無落到油菜😓 早知無落到就唔要期間一邊食一邊聽住啲人催碗麵催油菜，漏單漏到嚇死人。最緊要係無開冷氣都唔知，全場一片混亂，真係無咩野都唔好入去食。麵就一般般啦，無咩特別。漏單方面真係要再做好啲，一張枱漏麵算，坐底無半個張，經已見到有4-5張枱話漏單

富記潮州粉麵前幾日熱到爆炸，入到元朗見未夠鐘針灸，喺元朗週圍搵有冷氣地方食野，求其入咗一間「富記潮州粉麵」，呢間門口都係有一級，差唔多每一日我都會帶住斜板，去邊間食野都唔緊要，最緊要係有充足冷氣、入面地方闊落同啱口味！1.牛腩河$37+凍鴛鴦$8（9.5/10）呢碗牛腩河份量非常多，尤其是河粉越食越多，牛腩都有大約8舊，今次落單記得叫咗牛腩肥少少，仲有得加辣椒油同辣菜脯，辣菜脯鹹咗少少，整體好唔錯！凍鴛鴦：呢杯凍鴛鴦係要加$8，奶茶同咖啡好夾，只係得好少好少酸味，甜度適中，好好飲！2.A套餐（牛腩,牛丸,雲吞）幼麵+凍檸茶+腐乳通菜$52（9.5/10）呢個套餐A入麵包括有8舊牛腩、1粒牛丸同1粒鮮蝦雲吞，麵揀咗幼麵，仲包埋一杯凍檸茶同腐乳通菜。凍檸茶：茶味唔會好出，幾好飲！腐乳通菜：呢個套餐有埋腐乳通菜真係好抵食，通菜份量算多，只係腐乳好鹹，我唔點腐乳食通菜都ok！2人總共價錢$97個人口味總評分：9.5/10地址：元朗裕景坊15-25號玉成大廈地下D號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，

今日經過見到入邊無乜人冇乜生意，唔明白點解，之前堂食食過呢間，明明覺得幾好食，但而家明白點解。話說今日下午，買咗個外賣，個樓面阿叔掛住玩電話，一路聽order一路望住個電話，完全冇望過我。我外賣叫牛腩河，返到屋企打開發現係牛雜河，打返去同佢地反映，個樓面阿叔態度都仲係懶懶閒！ 屋企人無人食牛雜，慘過食淨河，無下次！

返工食晏最重要夠飽同快食基本上食粉麵夠快夠飽之如又有啖湯飲下🤣🤣之前同幾個同事出去食晏發現到呢一間既牛河又幾好食😋 所以都多左黎幫襯價錢合理、平民之選、份量又唔少🙂每次都必叫多蔥牛腩好夠牛味、肥瘦都剛好唔算少重點河粉底每次黎食極都有好多 😂我以為唔洗錢咁可以自行加辣椒油同菜脯 覺得加埋食慾大增😂😂下次都會想試下食飯類或者其他餸凍奶茶習慣左飲走甜所以更加飲到一間鋪既茶底第一次飲果陣果得佢地茶非常新鮮所以每次黎都要嗌杯🤣🤣🫶🏻

朋友幫我買外賣，唔知食乜佢是但買咗個牛筋河俾我，好震驚係一碗過無湯同麵分隔！一打開已經吸晒啲湯咁濟，河粉發到好粗口感好淋好梅...為咗唔浪費食物我夾硬食咗大半碗...牛筋多又粗身好咬口唔太淋，而且好入味，都幾好食✔️但同碗麵係完全2個世界嘅存在，明顯本身味道係唔夾，勉強湊成一個麵😩$38係抵食嘅，真心好大碗料又足。如果外賣可以湯麵分開放成件事可能好唔一樣。我試完個湯唔鐘意仲可以加煲仔飯鼓油當撈河調味嘛