富記大排檔

營業中

休息中

這家富記大排檔在區內頗有名氣，而且經歷過不少風風雨雨，特別在2003年沙士期間，生意十分慘淡，老闊透過不少新奇菜式出奇制勝，至今仍然屹立不倒，Lucas才有幸能一嚐其滋味。富記大排檔近年更重新裝修，環境更企理，就算打風落雨也不怕。 富記小炒王配料有魷魚蝦乾、四季豆等等，鑊氣十足，比較上咸，用來配啤酒不錯。 豉油皇炒面老實說，其賣相就真的平平無奇，但一吃下去，就令人刮目相看。咸度剛好而且炒很均，面質有「韌」度。 燒雞－起死回生單係賣相已經值90分！老闊說要用手撕來吃，份外有風味。我撕了雞胸肉來吃，不會太「粗嚡」，外皮香脆，難怪茶檔翻身之作！ 鬼馬釀茄子賣相十分吸引，一條長長的茄子很有氣勢！吃前要將茄子壓一壓，已吸收那個醬汁，令茄子更入味，配飯是不錯的選擇。 蒸水蛋跟不時吃的很不一樣，因為加了海鮮如蜆，令蒸蛋有海鮮味，而且很滑，我不知不覺吃了半盤哦！ 墨魚餅賣相都很墨魚，很彈牙，立馬吃了兩件呢。 總括而言，餐廳環境改善了不少但風味依然，喜歡港式大排檔風味的朋友必定要試。

預定咗行獅子山，咁就順便諗定食乜。早一日經openrice訂枱，book呢間有里數送～由於時間好早（5:30），連埋我只得兩枱客。叫咗4個餸兩個白飯+大啤&汽水。行完山最緊要係嘆支冰凍大啤，但係竟然唔夠凍（罐汽水凍好多），扣分！第一味：脆皮炸大腸，一D都唔脆皮...第二味：蒜茸炒雜菜，話說諗住加個平少少嘅菜，見佢清炒時菜$55（下面有幾款菜揀），我話要炒豆苗，佢話要$68，咁芥蘭啦！佢話都要$68，費時再問唯有轉個炒雜菜，如果唔同菜唔同價錢就寫清楚少少！第三味：沙嗲粉絲蝦煲，呢樣係最好嘅一味餸。蝦都算大隻，唔「梅」、大約有9-10隻。第四味：沙薑雞，得兩枱客竟然都漏單！好彩呢碟嘢唔駛等好耐。半隻份量都幾多，但係都幾鹹總括嚟講呢間嘅評語係：冇下次！最後埋單，$366（只收現金）後話：事隔兩日openrice send咗電郵俾我，話我當日冇去到，好彩我有keep張收據，影返俾佢佢話會幫我加返。老實講25里數冇乜用，但係當食完餐唔滿意嘅飯仲收到呢個電郵，只會令我對呢間餐廳更加反感。

行完獅子山 & 望夫石 再落番大圍 遠處見到隆亨村的2個東菇亭 同行友人都話想食大排擋😋 食開既大排擋都係地下濕 好嘈 服務員愛理不理富記打破我對平時大排擋既印象乾淨企理 環境唔錯 食物大份又有獲氣wo每碟大概80蚊 每人140蚊食左5樣餸 半隻燒雞 好脆皮 豉椒炒花甲 味道剛好啫啫芥蘭 每條菜都黏住肉碎 黃金涼瓜 唔夠鹹蛋香 不過都算好食最後一定要食避風塘系列 我地叫左茄子我地食左3個鐘 無限時 慢慢傾計 為我地既weekend劃上完美句號😎

同朋友行完山, 係大圍揾野食, 一落獅子山燒烤場行10分鐘就有呢冬菇亭樣既靚靚大排檔, 好乾淨! 用隆亨商場既廁所都好近好乾淨!雖則唔係好似街邊大排檔風味, 但環境堅簡單乾淨, 又無時限, 上菜速度都快, 不知不覺食同傾左3粒鐘。講真, 有時食多市政大樓濕既地板, 有時食呢種都好舒爽😎。下次再行過食過😍

男朋友約了他的朋友吃飯，話帶埋我去。收工男朋友車我去大圍富記。駕車來都好方便呀，附近有好多空缺既車位。友人點了粟米魚肚羹、種運雞、薑蔥炒蟹同避風塘茄子，加上砵仔飯。首先來到係栗米魚肚羹，用勁大碗裝住，覺得好好抵得，入面有魚肚、粟米等，好足料。跟住來到砵仔飯，原來砵仔飯係蒸，加上豬油鼓油撈一撈，哇！好好吃，每一口飯都唔捨得吞下。之後，上左個種運雞，有個架晾住隻雞，好搞笑呀，隻雞係炸過，皮脆雞滑，仲提供方便手套比我地，可以用手吃。接著薑蔥炒蟹材料新鮮，肉多。最後到個避風塘茄子，炸過既茄子，我覺得太油膩，吃唔落。

今晚我們去咗大圍隆亨邨熟食亭嘅「富記大排檔」食晚飯！我們叫咗粟米魚肚羹嘅魚肚好爽口彈牙，而且份量都幾多，粟米羹嘅味道好香甜！菠蘿生炒骨嘅炸粉唔算好厚身，肉質好鬆軟，而且每一「嚿」肉都好均勻咁沾滿醬汁！沙嗲粉絲蟹煲嘅蟹肉好鮮甜嫩滑，粉絲吸收晒沙嗲醬嘅香味，令到味道更加惹味！沙薑鷄「半隻」嘅肉質好軟滑，味道亦幾鮮味！泰式明爐魚嘅肉質好鮮甜滑溜，再沾埋泰式嘅辣醬，令到味道更加惹味清香！總括：每碟餸菜都好大碟同份量十足！真係幾抵食！

放假日給太座叫了去行山，由慈雲山行到望夫石才落大圍，經過隆亨邨，立刻先補充體力。在當眼的中央有兩間食肆，其實都是同名同一間，只是一間是茶記，一間像酒家，而且燈火未明，似在備戰狀態，而茶記則燈火通明兼差不多坐滿人。店內裝修奇特，很多用樹幹造的檯椅。行了兩行位，很不容易才找到張檯。點了下午茶餐，芝士西多＋雞中翼，熱奶茶。另點一碟肉絲炒麵。奶茶先送來，味道調得不錯，香滑，這時用來補充體力甚好。芝士西多，中間的芝士熱溶，配合外面上了蛋漿的炸麵包，加糖漿牛油，極度重罪惡感，但兩人分享還好。雞翼熱辣辣，醃得入味，收貨！肉絲炒麵，好多芽菜，有些罐頭草菇，肉絲不多，麵炒得不夠酒樓脆，但明白爐頭火力不可同日而語，也欣然接受！

今晚我們去咗大圍隆亨邨熟食亭嘅「富記大排檔」食晚飯！我們叫咗椒鹽中蝦好新鮮，肉質好結實彈牙，味道好香口惹味！北菇鵝掌煲嘅鵝掌燜得好腍好入味，北菇好軟滑厚身！蒜蓉炒豆苗炒得好夠鑊氣，而且好青嫩！冬蔭功湯嘅材料都幾豐富，湯底都幾辣，而且有好香濃嘅椰汁味！泰式咖哩炒蟹配薄餅嘅賣相好色彩繽紛吸引，蟹好新鮮，肉質好鮮甜嫩滑，咖哩汁好濃郁嘅椰奶香味，薄餅嘅表面焗得好香脆，質感相當煙煙韌韌，再沾上惹味濃郁嘅咖哩汁一齊食，真係好好味呀！海南鷄「半隻」係用個竹鑼載著上碟，感覺都幾特別，鷄肉嘅肉質非常鬆軟嫩滑！

同男朋友踩完單車 去大圍揾好西食 見到呢間有泰國菜食嘅大排檔 感覺幾新鮮 去到個格局唔多似傳統大排檔 大部分都係卡位 唔錯鮮蝦墨魚浸勝瓜份量都幾多 鮮蝦滑同墨魚滑都算有𡁻頭 但勝瓜好raw 加上佢啲皮刨得唔太乾淨 食起上黎有啲草味 所以呢碟只得中評椒鹽鮮魷唔似一般出面食都嘅咁重味 加上佢有落辣椒 感覺上一啲都唔熱氣 上到枱碟鮮魷依然脆身 份量啱啱好 食完都冇乜罪惡感茄子斑腩煲茄子煮得啱啱好 唔會太腍 斑腩對茄子比例差不多50:50 算係好足料 但如果佢可以用原隻砂鍋上菜應該會更加好味(因為而家用鐵鍋上 雖然都夠熱 但冇左個種"沙"一聲 令到色香味都好似爭左啲)

之前已經食過,今次係熟食亭翻新後嘅第一次,原來附近啲食肆已經唔見晒,三間熟食亭中有兩間都俾富記租咗.離遠已經見到門口樹立咗兩隻巨型吹氣熊公仔,有啲渣打馬拉松嘅感覺,嘿. 雖然擴充營業啲位比從前多咗,不過嚟到嘅時候已經滿座,好彩等咗大約十幾分鐘左右就可以入去坐.呢度翻新後只有室內座,加上增設咗冷氣,令樓底變得非常非常非常矮,當晚食客又非常非常非常多,都幾困聲嘈吵.坐位編排得非常非常非常擠迫,不過某部份有半身木欄相隔,總算係同隔離有啲距離感.另外以前係手寫單,而家就變成由侍應即時入電腦,最後就用機印發票到收銀處俾錢,應該會比從前減少咗啲出錯或漏單機會.我哋叫咗青島啤酒同支裝汽水邊飲邊等食.酥炸大腸脆身爽口,肥膏較多,不過都可接受,仲有菠蘿同甜酸汁中和膩感.避風塘茄子表層炸漿酥脆,冇多餘油份,內裡仍然juicy,只係炸蒜唔夠多,不過有啲紅洋蔥,青蔥,大辣椒,食落都幾惹味. 金銀蛋莧菜嘅皮蛋同鹹蛋份量唔少,仲有炸蒜提味,整體唔會太濃,相對起來就健康啲啲.我哋去嗰日係假期,食客非常非常非常多,侍應就只有幾個,好似有啲人手不足,後加嘅食物要提醒多次先有,不過最初落嘅單就冇出現漏單情況.食物方面冇太

味道還是不錯的，就是好難找到，兩個人點了燒雞和小炒還有生炒骨，超級飽的，沒想到在大圍周邊竟有這樣地道的大排檔，環境也不錯啊，還以為所有大排檔都是露天的，還想要嘗試更多的菜式

距離住的地方很近，每次食飯時間人都非常多。挑了一個晚上去吃，四個人點了三個工作日套餐吃的也很飽。但是價格對學生來講有些略高。這裡適合家庭聚會，合家歡套餐很誘人。蒸蛋出乎意料的好吃！

每次去食都有新菜式，泰菜我致愛!小菜夠鑊氣~ 必食!次次食都有新花款套餐又抵食~聚會好地方, 環境舒服冷氣夠，員工招呼周到!下午茶tea time， 雞脾沙律必食， 晚市也有特色飲品!

沒想到一篇食評就給了 富記不是第一次吃富記。記得第一次，想到天氣那麼熱可是又想要大排檔的氣氛，大力小姐的先生就給我找到富記。當時第一次吃了富記小炒王！ 嘩，炒得香，炸透了的蝦乾仔和豆非常配合，當下酒菜一流！ 吃不停，一碟不消一會就清晒！用餐後，不停叫大力先生陪我去。- 今次事隔一個月，外國一回來，念念不忘。再到富記晚餐，叫了富記小炒王，砵酒牛仔骨，黃金九肚魚。<富記小炒王> 依舊水準 ! 豆不乾，蝦乾脆，味道惹味！<砵酒牛仔骨> 我見是店內餐牌推介四樣之一。來到了圖片那一個完全不一樣，我以為叫錯了。砵?酒?紅色的? 好不好吃就見人見智，我就不適合了，可能黑椒可能會更好吃。<黃金九肚魚>也不是第一次吃的菜。安可！黃金是蛋黃外皮，九肚魚好滑，我仍很喜歡。***題外話下單後，待應來錯了<黃金豆腐>，希望我接納，但是大力小姐是爭取很久才叫這菜(因大力先生不喜歡黃金，太肥了)我也不想浪費，可是我太想吃了九肚魚了，所以拒絕了待應，可是當然受到冷眼吧...... 可是我也沒錯吧... 失望。總結報告:大力先生是很喜歡小炒王，我也很

雖然生日已過，但爸說要補吃我的生日飯，知道他們一定不願離開大圍區，又不想爸太破費，所以選了他們一定接受的中菜，還要是價錢合理的富記大排檔。想不到大排檔也有那麼多套餐可以選擇，價錢還非常吸引，最後我們選了晚餐C。芝士牛油蝦伊麵其實也不會期望它的芝士味會有多香濃，不過這碟也能吃得到芝士味，蝦也算新鮮，伊麵煮得軟硬適中，算是不錯了。泰式燒雞(半隻)雖然只是半隻，但這隻雞應該很重稱，份量不少。雞皮燒得夠香，肉質大部分部位也夠嫩滑，調味也做得剛好，不點醬汁其實已經很好味。不過有些部位略肥，所以油份稍為多了少許。啫啫芥蘭煲很有大排檔風味，香噴噴又夠鑊氣，芥蘭炒得翠綠油亮，不過可能啫啫煲都是較味濃的，個人認為鹹了一點。燒鰂魚魚肉鮮軟夠滑，不過可能因為鹽醃，有些部分難免沾了鹽粒，會變得過鹹。附上的那個醬汁香辣帶酸，醒胃又更帶出魚肉的鮮味。這類大排檔模式的中菜館，一般都會重油份和調味，富記算是做得不錯，而且價錢真的很親民。加上很近我，所以我應該間中會去呢。