富臨皇宮

營業中

休息中

妹妹來朝拜年, 一早訂了位在這裡, 酒樓在下午三點多已經致電confirm booking.六點半的座, 準時有位, 只是九人有二人甩底, 於是看單叫貨, 有多種選擇, 其中有 六人份量的, 落單的侍應也說夠食, "團樂餐" 最合算, 計有:1. 上湯焗生猛龍蝦 (伊麵底)2. 鮮蟹肉大碗翅3. 蠔皇原隻鮮鮑好市 (六隻)4. 碧綠雙蚌片5. 生炆龍躉翅6. 脆皮炸子雞 (半隻)7. 幸福團圓8. 合時鮮果.送大喜力啤一支, 汽水3 罐. 送游水海斑巻一張. 又可以免費泊車.以上不計加一及茶芥, 要 1688 大元.扑鎚後再加燒鵝半隻, 叫即上.果然快得可以, 十分鐘內已經開始上菜, 是翅先上, 七人也可以夠分這六人的份量. 但可以想像的是魚翅的份量是開玩笑的, 不過味道郤不錯, 濃度亦可以, 其他各不明身份的作料也算可口, 八分.跟著上的菜可是一連串的擺滿一枱, 要叫停; 明白酒家要快速翻枱, 但客人不可能吃得那麼快呀, 侍應也有求必應, 立刻停止上菜. 第二味是上湯焗龍蝦伊麵, 這味份量十足, 龍蝦肉很多, 火侯剛好, 是本地貨, 麵也不少, 味道很好, 八分.跟著是蠔皇原隻鮮

上次試過荃灣分店,印象不太好,今次試下美孚呢間先!對比荃灣,呢間服務明顯好好多,我6.30到達酒樓,見到兩位男女經理同梗成班員工開會,應該係討論工作上的事吧!不過,荃灣分店我就睇唔到有呢樣野啦!!美孚分店的侍應都很有禮,起碼有笑容先,亦很勤快,加水上菜等都很快手,值得稱讚!!至於食物,我地3個人叫左4樣野,包括:1. 素鵝:呢樣最好食,表皮脆又夠熱,入面係齋來的,好好食,只係28蚊抵得笑!!我地食完一碟都未夠,仲要叫多一碟呀!!2. 送的蒸魚: 比起荃灣分店,呢到好食好多,又滑又夠熱!3. 生煎包:呢樣麻麻,反而荃灣的仲好食!4. 雜菜煲: 普普通通,冇乜味!送的水果有西瓜同菠蘿,西瓜好甜好好味!!埋單係228蚊,唔錯唔錯!!最後,要彈的是美孚同荃灣分店一樣,女廁衛生情況惡劣,可能清潔亞姐於晚上6時多下班,所以晚飯時段個廁所真係超級污糟,點算??知道富臨集團的負責人會上黎呢到睇留言,我想講美孚分店已經不錯,幾時改革一下荃灣分店呢??0個邊要搵一個真正做得野的經理壓住場先得wo!!唔知係0米山高皇帝遠呢??點解水準差咁遠??

1.隔離桌叫6次才送來果盤 (等差不多30 分鐘), 結帳又等多20 分鐘2.金銀蛋覓菜 – 好鹹3.蟹鍋 – 凍(一點也不熱)4.蟹鍋後, 足足等50分鐘才見魚出現. 但因沒有侍應在附近, 送菜人將條魚放在隔離桌, 足足等15分鐘後侍應才將條魚上桌.5.扣肉 – ok (魚送來後, 再等20分鐘才送來)6.飯叫5次才送 (足足等 1 小時)7.到自己結帳時, 果盤只需等5分鐘送來. 但叫結帳又叫3次才有侍應取單.一餐普通晚飯足足食 2 小時45分鐘 (等的時間差不超過 1小時25分鐘). 酒樓不滿都要等, 滿坐都不知等多久???

公司8月份生日會 : 富臨 每次舉行生日會飯局我地都會係香港島或九龍區...今次同事卻提意到美孚的富臨..因為佢以前住美孚的關係..光顧到很熟了上次同屋企人係上環個間富臨食過一次..已經唔想再試..不過今次同事生日會..沒辦法了我地叫左個皇之宴套餐 $1488...好在是星期一..如何是星期五六日每圍要$2088 ..包嘉士伯2支同健康飲品2 酌 !京式片皮鴨 (一隻 ) 法式焗海中蝦 野菌翠雙蚌 鮮蟹肉燴魚翅 :清蒸海星班 京扒原條海參 醬爆西芹鴨柳 : 即係把餘下來的鴨絲炒埋一齊脆皮炸子雞 生煎翠肉包 合時鮮果 蛋黃蓮蓉蟠桃大壽包12個 : 如果叫一圍套餐可以$88 叫一盤12個..雖然已經好飽飽..不過都要叫黎食..因為真係幾抵家 總括黎講他的小菜大碟同賣相好...但本人覺得他的小菜味道冇咩味..好點兒淡啊

兒子訂了枱給母親做節, 本人做陪客.七點三十分的枱, 早了十五分鐘到, 知客小姐說正要電召我們, 因為已經有枱.一齊上樓, 只見已是高朋滿座, 水洩不通. 客人坐得背貼背. 很嘈雜.菜單是專為母親節特定的, 內容只是價錢與人數掛鉤.我們三人, 只選了688大元的"愛母宴", 足四位用.內容是:1. 乳豬拼盆; 七分2. 鮮蚧肉燴魚翅; 七分3. 馬來醬野菌蝦仁; 八分4. 古法蒸龍躉件; 七分5. 珍珠蚌泡菜苗; 五分6. 蔥油走地雞(半隻); 五分7. 蓮蓉蟠桃;8. 合時鮮果.送大嘉士伯啤酒一支和汽水三罐.乳豬拼盆先來, 乳豬件不少, 但皮是腍的, 有白切雞和豉油雞, 海哲, 都是普通料.鮮蚧肉燴魚翅頗鹹, 蚧肉無鮮味, 碎翅不腍, 只有形, 不甚中吃.馬來醬野菌蝦仁是比較好的, 蝦仁很爽脆, 但味道很假, 雜菌和西芹郤幾好味.古法蒸龍躉件, 份量很少, 片得薄薄的, 可幸不腥, 味道也不差.珍珠蚌泡菜苗是稍差的, 這蚌沒有味, 粗鞋, 只是賣相頗佳和不肥膩, 在底的白菜不腍, 湯底沒味.蔥油走地雞是最後上的, 已經飽得差不多了, 肉很粗鞋, 可能真的是走地雞, 味道一般.再來的

今日去開美孚做野之後要入屯門...同左媽咪黎呢度飲茶嘩...多人等到呢....好似想打交咁!仲有d客係度嘈同鬧人添....我心諗"呢間野好好食咩?"等左大概35分鐘終於有位!!!我同媽咪叫左:燒鵝瀨:佢特價 $9.8，咁又真係幾抵食wor~我一路行都見到好多人叫佢d燒鵝幾靚...唔會話好肥咁咸菜豬肚:好細碗，但收得幾貴下成碗野得好少豬肚....咸菜就非常之多又唔夠胡椒...所以麻麻地燕麥奶醬飽:呢個係佢呢間野既名點推介?咁我咁鍾意食飽咪試下囉...我就覺得都ok既，因為個飽幾香不過我唔係好知佢既奶醬指既係d咩野....我食到甜甜地...有d似蔗糖但我真係唔知係咩黎...不過都ok既咖啡千層糕:哈哈，呢個係泰式甜品黎架我覺得麻麻地...因為有種好膠質既感覺....同埋其實無咩味總括就係一間好普通既酒樓唔明點解d人好似爭崩頭咁.....=o=

今晚同阿媽同家姐去美孚間富臨食飯,,1直聽阿媽講美孚分店好味d加上有張coupon,, 2-3位送條約1斤的斑仔 所以今次特登黎試下。大約6點半入到去坐,,坐左冇耐就覺得好熱好焗...但係個個時間唔算人多..應該係冷氣唔夠。同埋可能因為佢run緊,,見到佢有個好似經理ge人係到同d員工訓話咁,,搞到得勁小人serve d客,,叫落單都等左好耐我地叫左 燒鵝..龍蝦..西檸雞..同送ge斑仔。由於熱所以我想飲凍水,,佢話冇(凍水都冇??),,不過都俾左杯冰我,,算係咁燒鵝黎到,,感覺上好似比之前冇咁吸引...而且個醬都好低冇咁出色-m-不過都幾好味~然後係龍蝦,,依個真係唔係咁掂,,,,,第1啖食落去仲想讚佢夠香口點知唔知係overcooked定係走油時間耐左...個尾位農左1撻不特只,,,d肉仲好乾我覺得真係唔係唔應該係咁ge水準囉!!反而送ge個條斑仔幾唔錯,,唔會話好細條而且上台時熱氣騰騰咁,,好正。而個西檸雞只可以話不過不失,,平時我去1般地方食西檸雞都會忍唔住口係咁食,,不過今次真係唔係好勾得起我食慾。n。d汁個味道調得真係唔係咁好......我情願去反出面食...之後可能因為

同朋友仔諗左一陣都唔知去邊飲茶好，我想去間多野食既飲茶，朋友仔住美孚，就去美孚試下呢間！呢間茶樓分兩層的，一層係搭枱，一層唔搭枱，唔搭枱就要叫多至少一個小菜先可以就座，咁我地唔慣搭枱，叫多個餸當然冇所謂啦。環境好寛敝舒適，坐低即TICK紙仔，叫左蝦餃，叉燒酥，蘿白糕，咸水角，杏仁XX春卷，雞扎，小菜叫左檸檬雞。蝦餃唔錯，入面全部都係蝦，冇混埋肥豬肉，蝦肉都好爽。叉燒酥又唔錯喎，酥皮還算一層層，甜甜幾好味，料都足！好多叉燒粒。蘿白糕我好鐘意呀！一粒粒方型蘿白粒砌成咁！好有口感，好軟身的。咸水角入面完部都係好軟綿綿既蘿白絲，好正好香好好味，杏仁XX春卷，冇乜印象喇，我覺得麻麻地好食。雞扎就好好味喎！好耐冇食雞扎，覺得真係好好味！舊芋頭大大舊我最鐘意！至於小菜檸檬雞，我地好驚佢會好厚粉，不過個FD話呢間都OK既，咁我地就試下啦！又幾好味喎，酸酸甜甜，好好入口呀！我唔停咁食。最後一定要提一提個XO醬好好味！好多條條瑤柱！一定要讚，為食物生色不少！總括黎講都係好味既飲茶呀！但價錢好似唔平！但朋友請！YEAH!!!

我地一行18人去食飯,我地叫$2688套餐再加餸,但個位部長唔老實係都要我地加多一個湯但套餐己有湯結果兩個湯都飲唔晒..........個位部長有不停叫我地食海新唔叫就黑口黑面,最後我地加左個蝦,這樣會使人反感........ 佢d食物水準一般la冇下次

乳豬沒有太多肥膏，最佳是對現今怕肥要keep fit 的人。乳豬皮又脆又化，而且份量都不少，的確抵食又好食！在這間茶樓，隨便選幾道菜，你都會覺得價錢合理，後來等到餸菜上桌，更覺得以這價錢有這份量及味道，真是經濟之選！希望人人都幸福快樂, 身體健康. 餐餐飽暖滿足

12月30日姐姐個仔係呢度攞百日宴,兩圍,我地好早到左,咁等齊人都等左好耐,仕應有倒茶給我們,我們要求她放下整壺茶,她好像聽不到的,差唔多9點先齊人,先上紅雞蛋,是用紅色的玻璃紙包著雞蛋的,又等左幾耐先嚟醬,又等左好耐先上第一碟餸,乳豬拼盤,有雞,鵝,乳豬,叉燒,薰蹄,海折,全部都幾好味,乳豬較肥,叉燒最好味,好多肉汁及香口.之後是珊瑚玤西芹都幾好味,都幾大碟多料,之後的炸芋蓉帶子盒味道好怪,入面有種像尿味的味道,不知怎形容,可能芋頭配帶子是不夾的吧.蒸魚都好滑都好味呀,花膠鵝掌生菜,花膠有d"色"味,鵝掌好大隻都ok.炸子雞好肥及冇味的,一定要配豉油食先有味.紅豆沙有d像果皮但又不知是否真係果皮的東西,味道怪怪地.合桃酥及桂花糕,合桃酥是用椰絲做的,不好食,桂花糕都幾好味.最後是柑冇食不知道,但他們說很甜.服務方面,那個仕應不知是否新來的,好唔掂,叫佢俾茶壺我地又唔俾,成日好似係度發夢咁,做野勁慢.有人見到佢常係廁所講電話,原來佢仲要係主管級數,後來可能有高級的部長見佢太慢,都忍唔住入嚟幫手.唔會有下次囉!

星期六, 家人一起晚飯, 本來是想去 Asador 的, 但.....最後只有回來美孚, 找家酒樓食飯.5個人, 不打算叫餐, 幸好週末散叫, 都有得叫下, 沒有像上幾次, 幾乎是強迫你去食套餐. 是否經濟低迷的影響, 平常難以搵位的富臨, 一call就有之餘, 而且沒有像趕客般, 炮彈式上菜後趕客, 這次可以讓我們坐幾耐得幾耐.套餐唔啱食, 不如散叫, 其中有些特價推介如東星班$148等, 都是不錯的推介.一個咕嚕甜薯黑豚骨, 什麼黑豚骨覺得只是美其名, 咕嚕黑豚骨, 不就是生炒骨麼......不過, 不用菠蘿, 用了薯仔, 令一個普通的鬼佬骨, 多了一樣野咬.東星班$148, 說大條不大, 不過都好鮮味. 另外有一個叫 蟲草花煎蠔餅, 用上粉去煎, 不是用雞蛋, 有點非我杯茶, 但加上了蟲草花, 多少野整色整水, 都可以俾個 60分.大集團做街坊客, 始終要保持水準, 經濟低迷時, 更應推出更多優惠.....益多D街坊.

中午時間去飲茶,竟然唔需要等位,開左壺菊花茶,之後開始剔點心紙.魚片豬潤粥粥底唔夠火喉,魚骨好多仲好粗.豬肚豬肚夠晒入味,又夠"林",酸菜好醒胃.叉燒腸外皮超厚,食大半之後,最後放棄.鳳爪有5隻,好夠味,碟底唔會好多油,燒賣感覺到裡面用不同既豬肉碎做成,散修修又超肥.叉燒飽餡料好好味,size好細.綿花雞真係好綿花喎,軟綿綿,配料索晒味.2人賣單$170-

今日老爸壽, 就近美孚Book了個抵食星斑魚翅宴. 地方要求了坐牆邊, 唔要啤酒, 改汽水也沒問題, 切蛋糕, 開紅酒唔加錢, 仲有兩渣蔗汁, 茶芥, 加一全包, 12位用, $1488 仲想點.人齊, 叫起菜, 次序錯了, 第一次叫圍檯食飯, 翅先上, 部長端上時, 亦道奇...再來乳豬拚盤, 同蝦仁. 不像酒席般慢慢上, 前兩道菜未食完已來蒸元貝, 原來服務以快為主, 食完個蟹蓋, 星斑蒸上, 魚的確是新鮮, 肉爽口清甜. 姨媽們是愛骨之人, 掃食後, 條魚, 屍不見骨.....到後來花膠鵝掌, 芝麻雞已是半飽, 花膠鵝掌菜多, 大家仍然吃得下, 但芝麻雞同再上之上海翠肉包, 已淪為打包珍品.看見富臨Reply我們的食評, 其公關部有做野, 參考我們的Critic, 作出改善, 有沒有改善呢, 有待更多食客們查核.

爸媽結婚20週年紀念...一家4口黎呢度食餐飯...得4張menu...1張特別推介...1張海鮮+少少熱葷...1張甜品...1張唔記得係咩...款式唔多...點左:上湯焗龍蝦伊麵底$198鬼馬崧子炒帶子$7x野菌燒豆腐$45金瑤蟹肉斑塊無睇到幾$燒鵝(例牌) 無睇到幾$15分鐘內所有野都黎齊...=o="上湯焗龍蝦伊麵底: 佢話龍蝦有斤二兩...d肉有d"削"...普通...鬼馬崧子炒帶子...鬼馬=油炸鬼+馬蹄...仲有西芹...但唔見有崧子...幾好味...豆腐同魚都ok...燒鵝就唔係好夠味...原本係比中立ge...但由沈晚到今朝...我痾左2次...個妹痾左6次...所以變左喊面la...