富臨皇宮 (已結業)

早茶點心仲有四個八，係唔係呀 ! 真係㗎。上海菜肉包，仲有兩個添，鹹魚肉餅飯都係五個八，蝦餃燒賣都係十零蚊，重可以叫孖寶。 星期六都可以食到十一點。 不過上海菜肉包就比較行貨，肉餅飯都幾大碗。

難得星期日唔使返工，梗係要出街行下。行行下，不經不覺到下午一點幾，有啲肚餓 ; 咪上酒樓食個午飯，原來星期日都有下午茶時段兩點鐘開始，剛剛好。 食碗燒鵝瀨粉都係十八蚊，抵過去快餐店 ; 仲有燒賣同棉花雞，埋單都唔使一百蚊。

服務態度極差的茶樓。這間茶樓人手極度不足，絕大部分員工只顧著跟熟客打交道。好不容易，有人理會我們，侍應的態度亦是呼呼喝喝的。環境衛生比較一般，但餐具尚算清潔，5套杯碟中只有一隻杯有茶跡。我曾在別的分店，遇過極骯髒的杯碟，甚至要求更杯碟後仍是極骯髒。（那一次，我極生氣。）雖然這次不算太髒，但清潔的用具是非常基本的！食物方面，大部分的食物味道都不錯。煎堆、銀蘿脆皮腸及蝦餃味道不錯。煎堆雖然不是即炸，但還是脆的。銀蘿脆皮腸，皮滑，脆脆夠脆，中間的蘿蔔蓉，好甜，軟滑。菜乾排骨粥，粥底唔錯，但豬肉有臭味😞講整體體驗，是比較差的，但我們在特價時段下單，特價食物選擇都多，所以價錢都幾抵。雖然抵食，味道唔錯，但一家人去食飯，最緊要開開心心。如果飲早茶，會因服務差搞到一家心都唔開心，幾抵同好味，我都唔會滿意。

今日放假出嚟旺角飲茶去咗一間富臨皇宮九點半來到座無虛席人山人海好好彩等咗一陣就有位坐一埋位就睇下有冇特價嘢食 呢間酒樓有樣好特價點心去到十點不枉我山長水遠出到嚟之於味道係點一陣先講 我哋叫咗三個唔同嘅點心 一個係古法馬拉糕 一個係小籠包最後一個梗係飲茶必食嘅蝦餃 古法馬拉糕講真係有啲失望面頭係濕糴糴嘅完全唔好食不過食到過嚟充滿咗以前馬拉糕兒時嘅口感同風味道小籠包其實飲茶係小籠包只不過係個下口印點知又出奇地嘅驚喜小籠包咬落皮薄餡靚仲要有汁嘅真係食完一輪都想再食最後一樣就係蝦餃，蝦餃嘅凳面餃皮 薄薄一層 完全冇穿，味道都算係咁，入面粒粒鮮蝦 唔係出面嘅蝦碎總括嚟講係好抵食囉 不過出到嚟呢度當然就唔係食服務喇斟茶斟水全部自己一手一腳搞掂好似自助形式飲不過見到個價錢都會再幫襯嘅

今晚我們去咗何文田窩打老道嘅「富臨皇宮」食晚飯提早慶祝中秋節！我們叫咗個「迎月宴」乳豬伴素鵝嘅乳豬皮燒得都幾香脆，肉質都幾軟滑，但脂肪就比較多，感覺好油膩，素鵝炸得好酥脆！瑤柱扒雙蔬嘅西蘭花好青嫩，無乜草青味，瑤柱同草菇嘅份量相當多！碧綠蚌片蝦球嘅蝦球好爽甜彈牙，蚌片好爽脆彈牙，味道好鮮味！果皮蒸鮑魚肉質好軟滑彈牙，唔會好韌！紅燒海皇燴燕窩嘅材料都幾豐富，但味道就好鹹！蠔皇翅鮑菇翡翠嘅鮑菇片切得極之薄身，花菇燜得好軟滑腍身！清蒸沙巴龍躉嘅肉質唔係好新鮮，有啲霉嘅感覺！紅燒乳鴿應該燒嘅時間唔夠，唔係好香脆，肉質都幾鬆軟！生炒糯米飯炒得唔乾身同水份比較多，令到糯米飯相當腍身，但材料都算豐富！

約左朋友飲茶，就佢地方便，揀左呢間富臨。呢間店，地方都夠大，好快就有位。叫位個服務員都好有禮貎話:好快有位架喇，等陣呀!入座後，叫野食。中途叫加水，叫左幾次冇人理，啲服務員好悔氣話等一陣啦，仲話:唔夠人手，唔係唔肯請人，係冇人肯做!!! 明白佢地唔夠人手，好繁忙，但唔駛將啲怨氣散播四周丫! 啲客人惟有自己攞餐具，自己加水，自己執野，行黎行去。 講返野食:極品燒鵝瀨粉 - 一碗係脾，一碗得幾舊鵝件，分得好唔均勻。一啖食落去，好酥!!　生煎菜肉包 - 一碟有三個，個包皮好軟熟，幾好味，但微暖，失晒味道原隻鮮蝦腸 - 好食，有大蝦仁，爽滑 四寶滑雞扎 - 一般水準陳皮紅豆沙 - 甜到漏，好難食芝麻流沙包 - 好香既黑芝麻蓉，流晒沙，正古綿馬拉糕 - 鬆軟好味大良雙皮奶 - 等左四十五分鐘先到，好滑，但超級甜，甜都食唔到煎釀虎皮椒 - 等左四十五分鐘，阿姐話冇落單喎，叫我地再落過。再落單後，第二個阿姐又話落左喇，好亂......最後等左個幾鐘，打算埋單佢先黎。都好味既，但等得太耐....阿姐列印左張點心單我地對，ok，直接出去埋單。點心咭同點心單一齊俾個收銀，個收銀問到齊點心未，我答:到齊啦。

任食打邊爐$138，不過只會上豆腐，菜，少量丸同肉，每次落單就要等半個鐘先至上少少野，其他三催四請之後就會話廚房無晒，最後唯有食公仔麵同烏冬醫肚。根本唔係任食，一啲都唔值。唔怪得全場都無咩人打邊爐，絕對無下次，忍唔住要上黎寫第一篇食評，希望唔會再有人中伏！！

今晚我們去咗「富臨皇宮」喺何文田店食晚飯！我們叫咗京式片皮鴨、金果龍利葉燉響螺湯拼大斑兩味清蒸斑頭腩同碧綠炒斑球、魚香茄子煲、菠蘿生炒骨、鐵板黑椒德國豬手、海味銀絲煲同啫啫芥蘭煲！京式片皮鴨嘅皮燒得唔夠脆！金果龍利葉燉響螺湯好似飲緊滾水加味精嘅湯！同埋其他小菜都好難食，清蒸斑頭腩同碧綠炒斑球都係淡而無味，西芹有好多渣！魚香茄子煲都未煮熟就拎出嚟，感覺好似一放落鑊就即刻加色上碟，真係好嚇人呀！我們要求更換，換咗個菠蘿生炒骨，個生炒骨嘅炸粉厚到唔係好感覺食到有肉！鐵板黑椒德國豬手完全未熟透，韌到刀都切唔落，食塊豬皮嗰陣感覺好似食緊「擦膠」咁！海味銀絲煲食落感覺好似食緊橡筋咁，好艱難先吞得落！啫啫芥蘭煲非常油膩同味道超級鹹！