富臨皇宮 (已結業)

何文田富臨皇宮， 位於萬基大廈，朋友的巴士有站到酒樓門前，有電梯上1樓十分方便。叫左蝦餃，真不錯，蝦🦐爽，皮不算薄，燉蛋白就好滑不太甜。紫薯糕就麻麻，有些硬，生煎包很好食，炸乳鴿好味道，皮脆肉嫩，但不夠入味。桂花糕晶瑩剔透，涷吃透心涼。咸水角有四個，抵。燒鵝瀨粉也不錯。叫左十多樣點心，滿足暢談的開心見面。

農曆年過後都冇陪過兩老去街，㨂左窩打老道富臨皇宮，事關佢哋話門口幾架巴士都返到屋企，真係多得兩蚊嘅搭車優惠👍確實呢間富臨皇宮，燈光火著好醒晨，地方仲好寬躺，今日就見到有歌舞function ，諗住好嘈啦，原來晚飯仲有第二個聽，睇埸服務員又足夠，好似坐貴賓廳咁服侍週到。 金銀菜燉白肺，白菜🥬清甜可口，老媽大讚白肺處理得非常乾淨，我就鍾意啖湯少油少鹽，足料順喉。酒樓晚飯，盡叫枱面推介是常識吧，上湯焗龍蝦🦐，兩隻開邊蒸，大份又大體，味道更加冇甩底，清湯入饌龍蝦🦞汁獻，互相配合，龍蝦仔大小合度，起左肉都唔細隻，而且彈牙新鮮，好得👍 豉汁大鱔加入荷葉同蒸，荷香中和豉汁，陣陣清香，大鱔爽口䜴汁惹味，兩老讚口不絕⭐️⭐️⭐️⭐️⭐️菠蘿生炒排骨幾時都咁受歡迎，富臨呢度駕輕就熟，脆脆排骨掛著甜酸醬料，即刻要加多碗白飯呀。 松茸姬花膠炆豆腐，菇菌香炆煮豆腐清清地，花膠軟冧冧，配搭有營健康。鮮腐竹皇帝苗又係清新之選，食埋即煎菜肉飽，超級大滿足，埋單800鬆啲蚊，難得老人家話唔貴，事關又龍蝦、又花膠、仲有白鱔同豬肺，買餸格價真係唔夠佢哋嚟，佢哋滿意就好🥰

同屋企人食飯， 首選一定係富臨，因為平時飲早茶都喺富臨， 晚飯質素應該有保證。海參花菇玉掌煲， 花菇雖然成寸厚好大隻，海參發得好大條， 但係非常入味，加埋老人家喜歡的鴨掌，食到佢哋舐舐脷。涼瓜肉碎煎蛋， 涼瓜切成一粒一粒加埋肉碎香蔥 一齊炒蛋，蛋餅切開八塊， 火喉控制得非常好， 煎得金黃色，不會一夾就散，簡單又健康。新鮮的菜肉包熱辣辣送上來， 外邊煎得香脆脆， 入面好鬆軟。切記一上台就夾嚟食， 因為真係好熱，小心你的舌頭。一家人都對今晚的菜式非常滿，有時間可以試其他小菜。

工作忙碌，一家人很久沒有外出一齊食飯了， 剛好慶祝新成員加入， 今晚就選擇到何文田富臨食一餐家庭飯。何文田富臨這一間位置比較遠離地鐵站， 如果不想行，要在旺角接一程小巴或者巴士，在萬基大廈下車。酒樓位於萬基大廈1樓， 見到樓梯行前少少就有 升降機，畀老人家或有需要的人士用。晚飯特色優惠48蚊一隻手抓跳舞雞， 抵食！雞皮燒得好脆，肉質比較鮮嫩，他配上沙薑汁，風味十足，其實我覺得就咁食已經好好味。最緊要係帶住手套直接撕雞肉下來食， 十分好味又有趣火腩大鱔煲， 鱔魚切開一舊舊用輕微炸漿炸過， 鎖住鱔肉水份。他用麵豉醬去炒， 火腩出他的油份， 成個餸好香， 雖然唔係太適合老人家食，但係真係覺得好好味。 老豆覺得如果多一些蒜頭會更好。我們當然唔可以全部都是肉啦，點一個高山耳浸菜心苗， 木耳，菜心苗，西芹，紅蘿蔔絲用高湯浸熟， 佢份量都幾大喎， 夠曬四個人食，清一清其他小菜的油膩。老黃瓜響螺湯， 老黃瓜煲的湯非常清甜， 不會太油膩，響螺湯滋陰補腎， 十分推薦。看他送上來的湯料，就知道他用料十足。來的時候有小插曲：爸爸是個巴士通， 他知道我們坐的巴士可以直到酒樓樓下， 但是我沒有聽清楚他的說話，早了

下星期去韓國旅行，提前同媽媽食生日🎂飯。 當然選擇佢最愛既中菜啦。去左旺角接媽媽放工，然後一起黎依間富臨皇宮。-媽咪成日同朋友黎依間酒樓飲茶，話點心唔錯，但晚餐就未試過。 小菜都有多款選擇，而且價錢唔貴呀。 媽媽佢永遠都唔捨得仔女花錢呢。所以每次話請佢出街食飯，都要邀請好幾次佢先答應😅-我地見到poster 可以三選一款😋手抓跳舞雞皮脆肉嫩；點上沙薑汁更為惹味-另外還點了一試小菜，最喜歡的有😋砵酒焗桶蠔用砵酒的香甜提昇蠔的鮮味；蠔的size 是珍寶級、肥嘟嘟有咬口薄薄麵粉炸得外層香脆，咬落中間多汁-😋美極香薯牛仔粒雖然牛柳粒是主角，但上桌後總是最先被吃光的是薯仔粒😆薯粒色澤金黃、炸得入味牛柳是牛肉中最細嫩的部分，簡單煎香已能帶出肉味，肉質軟嫩👍🏻-媽媽鍾意飲湯，我地點左滋補湯水齊齊飲😋金銀菜燉白肺白肺湯係媽媽既最愛，由於烹煮一碗白肺湯工序多而繁複，並非間間餐廳有得供應。所以今晚見到餐牌有，有點驚喜呢。十分足料！菜乾好香，湯底清甜，呷一口暖入心扉。-

今晚約左公公婆婆食飯，揀左依一間佢好鍾意既酒樓。 一來地點方便佢地；二來餐廳服務同食物都有水準。而且老人家話抵食😁-餐廳大堂燈光明亮，俾人一種醒精感覺；而且職員好友善咁打招呼同招待，俾人一種親切感。-叫左幾款小菜，價錢合理。♥️火腩大鱔煲好鍾意食鱔，大鱔肥美啖啖肉；整得夠鑊氣又入味，配料白蘿蔔好清甜-♥️鐵板黑椒豬手想不到酒樓都有黑椒豬手！公公話想試，起初擔心豬手皮會過脆過硬，公公牙力不夠。 但職員介紹這款招牌菜的鹹豬手皮夠稔肉夠嫩，同西式製法不同，鐵板上夠熱再加上黑椒汁好夠香。而且職員仲會幫手切豬手呢-另外，餐廳有promotion !食晚飯可以有三選一： 手抓跳舞雞、上湯焗加拿大龍蝦、清蒸原條沙巴仔♥️手抓跳舞雞職員會提供手套給我們去手斯烤雞。一邊撕已感受到皮脆肉香；公公婆婆最愛雞脾，我就最愛雞翼，雞肉很滑而且大家都食得好滿足。-婆婆同我由細到大都鍾意食生煎菜肉包婆婆從前都愛手製生煎包，但年紀開始大就冇再整了。酒樓這款生煎包，婆婆食完都好滿意。一碟六個，每個都是暖笠笠，折痕漂亮；麵包軟熟，底部微微煎香。一口生煎包帶來幸福的感覺。-食飽飽大滿足！😁-

同屋企人去了富臨食飯，晚飯有三款$48特價小菜，每枱可以任揀一款，有蒸魚、龍蝦或者雞。清蒸原條沙巴仔原條沙巴體積算中型，不大不小，所以較易蒸熟，$48街市都買唔到，火喉控制剛好，不會蒸過火，魚肉嫩滑雪白。鐵板黑椒豬手豬手原隻以鐵板上枱，店員即場剪成小件，再淋上黑椒汁，豬手表皮煙韌有咬口，肉質夠腍，亦都不會太咸，應該是出過水去掉咸味。生煎菜肉包菜肉包即叫即煎，表面煎至帶點微脆，麵包鬆軟，包底都不會太油膩。

同朋友兩個去飲茶⋯其實附近既酒樓唔多，所以都去過依間酒樓幾次架喇。好彩味道都算okay...不過每次食既水準都有出入，所以就真係睇下你好唔好彩喇。叫左個薄餅，依個係我最鍾意食既點心⋯因爲唔係間間酒樓有得食，所以每次我去依間酒樓都一定會叫尼食。趣趣地都幾得意⋯⋯又叫左蝦餃，蝦餃就不過不失啦⋯個腐皮卷都幾好食既⋯所以每次都會叫依三款食物⋯不過有時就會燶左少少⋯但都可接受的。而其他兩款食物就係我朋友叫既，我就覺得麻麻地，所以只吃了一啖就冇食喇。環境都ok...成日都坐滿人，不過全部都係街坊尼架喇，所以佢地同職員都好熟。由於唔係太肚餓，所以依個份量都夠兩個人食。

樓面反映現時酒樓請人困難，當天飲早茶全場千幾二千尺坐滿人，但樓面祇有四五個侍應。客人看見樓面嗰幾個員工做到黑口黑面，都自己斟茶攞碗筷。我和家人當天坐的位置冷氣兜頭吹，搵個經理調節冷氣，之後都係一樣咁凍。問佢佢就話已經關掉冷氣，似乎是敷衍了事。食物方面，蘿蔔千絲酥幾好食，其他点心都叫皮薄餡靚，但因為冷氣太凍，擺上枱一兩分鐘已經凍曬，影響食物質素。

朋友都有分好多種，我哋呢啲養狗嘅人士，唔少得有啲狗友，平時除咗一齊放狗之外 ，定時定候都會聚一聚！今次就決定食呢間富臨，叫小菜大家慢慢傾慢慢嘆。有女士通常都會帶啲湯水飲下，叫咗呢個金銀菜燉白肺湯，老實講呀，平時喺屋企真係好少會煲白肺湯，工序又繁複，通常出街見到都會叫嚟飲！味道都OK ,如果濃郁啲就更加正！跟住叫咗個金裝拼盤，有燒腩仔、鴨胸、腐皮卷同埋炸豆腐。份量好鬼足，啲男士食到舔舔脷！果皮蒸鮑魚仔，雖然叫做鮑魚仔，但都其實幾大隻架！平時出去食好多時候都好有咬口，呢度就蒸得啱啱好，唔會太韌。另外有叫咗一個木桶豉油雞，因為朋友好鬼鍾意食雞，一坐低已經嗌住要叫返隻雞食下！味道都唔錯，不過因為坐嘅位置冷氣比較大，吹凍咗就冇咁熱辣辣時咁好食。所以幾時都話嘢一定要趁熱食啊！接着嘅係黑椒頂級牛仔骨，有男人就當然多啲肉類啦！估唔到又係幾好食，呢碟仲要係最快清點嘅一個餸！啲黑椒味超級香口，男人食緊牛仔骨嘅時候，我哋就清晒入邊啲配菜，好鬼惹味！頭先咪話有個朋友好鍾意食雞，其實我覺得佢係鍾意食燒味。見佢一話叫完隻雞之後又話要食叉燒，仲要個叉燒係後加嘅，我都有少少驚食唔晒呀。點知佢哋真係清鬼晒好恐怖！除咗燒

唔好以為何文田食飯一定會好貴，其實去到呢間富臨皇宮，1蚊1隻嘅木桶豉油雞，唔單止係優惠，而且味道仲要幾好，雞皮非常之滑，雞肉又夠入味，而且份量仲要夠大隻可以同人share。接著嘅金裝拼盤同埋叉燒王一樣好好食，有脆卜卜嘅燒腩仔、肉嫩入味嘅鴨胸肉、炸豆腐，而叉燒王用上半肥瘦豬肉，帶有豬肉嘅爽勁口感，加上惹味嘅醬汁，令人無得抗拒。果皮蒸鮑魚，用止果皮加秘製豉油，味道固然吸引，而鮑魚肉質鮮甜味美，中意食海鮮嘅要必點。食中菜，當然唔少得食小菜，波羅咕嚕肉看肉簡單，但要做到酸甜味適中，醬汁濃淡適中確實唔容易。而且骨肉比例適中，開胃之餘仲可以送飯品嚐。

展開復活假嘅前夕，當然最好係食返餐啦。去到何文田嘅富臨皇宮，環境都幾舒適，而每款小菜價格都唔貴。就好似呢個金銀菜燉白肺湯，用上真材實料去燉湯，湯水入口鮮甜，無落味精之下味道都十足！接著呢道西蘭花帶子珊瑚蚌亦獲氣十足，上菜時香味十足，而帶子同珊瑚蚌亦食得出鮮味十足，質感爽口，推烈推介俾大家！木桶豉油雞以優惠價發售，但質素有保證，豉油醃得入味，雞肉亦夠嫩滑！而花膠冬菇鵝掌煲同樣好好食，蠔汁味道唔會過婆，但又能夠帶起食材嘅味道，而配上彈牙十足嘅花膠，非常之合拍！接著嘅果皮蒸鮑魚亦不容錯過，果皮嘅香味，加上蔥花，秘制豉油嘅味道令味道更滋味，配上鮑魚煙韌而又易咀嚼嘅口感，感覺一流！

今日送個客去酒店後，經過富臨，大佬話請食飯，小菜全部都是幾十蚊起，算幾抵食，價錢迫得住茶餐廳，但質素不俗，而且服務一流。叉燒王每舊叉燒厚切約一截手指，肥瘦均勻，有淡淡的蜜糖香味，肉質嫩腍。果皮蒸鮑魚鮑魚不算特別大隻，但肉質爽口彈牙，有淡淡的果皮香味。姬松茸花膠燉響螺湯一煲湯有六至八人的份量，而且有些湯渣魚雞腳螺頭瘦肉等，湯很清甜，有姬松茸給響螺的鮮甜味。花膠北菇鵝掌煲花膠都幾大舊，炆得入味而且很腍，不過很大隻而且厚肉，鵝掌入口即離骨。生煎菜肉包新鮮熱辣煎起，外皮不會太厚，裏面的豬肉餡有肉汁。

富臨又有$1一隻雞推廣，所以帶了屋企人去食晚飯，除了有特價雞之外，還有一些小菜，價錢都是幾十至百元起，跟在大排檔價錢都差不多，認真抵食。金裝拼盤齋燒鵝、炸豆腐、燒腩仔、煙鴨胸，炸豆腐外層有薄薄的炸漿，炸得外脆內嫩滑；齋燒鵝外層是炸漿裏面是素菜，比較膩；燒腩仔皮脆肉嫩，肥瘦均勻；煙鴨胸則比較普通。木桶豉油雞酒樓推廣價一蚊一隻雞，外皮脂肪少而且爽口，雞肉雖然是冰鮮雞，但沒有血腥味，而且很嫩滑，豉油味適中不會太鹹。家鄉炆腩肉即是鹹菜炆豬肉，鹹菜咸味較重，腩肉肥瘦均勻，炆得很入味，整體比較濃味。西蘭花帶子珊瑚蚌西蘭花翠綠爽脆，帶子煎得剛熟，所以很嫩腍，珊瑚蚌炒得爽脆。

久不久都會去這間富臨吃晚飯，質素總是普普通通，跟一般的中式酒樓沒有兩樣。可是，今晚吃的卻很驚喜。驚喜的菜式是燒乳豬，豬上枱時還是熱乎乎的，外皮燒得金黃香脆，肉質鮮嫩豐肉汁，製法和味道跟葡式烤乳豬十分相似。魚蒸的時間恰到好處，肉質還能夠保持鮮嫩。炸子雞炸煮功到家，外脆內嫩，肉還能掛著雞汁，不會太乾。