富臨漁港囍臨門皇宴 (已結業)

很久沒有來這裡飲早茶,約等了三個字,一樓便有位.點心味道麻麻,價錢適中,一樓不搭枱,茶錢貴$1環境很嘈吵二,三樓點心/茶錢價錢會貴些少我們坐了約一小時,想埋單時便有一位阿嬸話你們是否走呀?我們答是呀,她立即找知客小姐,話要這張枱,知客望也沒望立即替她開新咭,她只是拿了籌號,還未到她,便可以有位,拿籌做什麼呀??虛設!!打尖重快,不用等位,上來便可以沒有規則?見到很多人都是自己找位坐便可以啦!侍應沒有看籌號,坐低便可以開茶.都是x 香集團好,員工做事認真,不會亂七八糟.

地下大堂新間開做外賣點心, 蒸飯$15但不馬虎, 用靚透明食物密實盒, 可入微波爐和循環再用, 豉油係獨立包裝的李KAM記, 玻璃蒸爐櫃, 唔係隨便被客人打開的舊式蒸籠, 好衛生.味道OK, 排骨大粒有肉地, 飯夠多.

09年本人父親去世,內地一班親友特地來港致祭.完事後我帶同親友一同逛街食飯,就去了這間酒樓食晚飯,從未沒試過去食飯會食到一肚火.事綠當晚去到這間酒樓等左20分鐘拿到位就上了2樓,點菜的時候就對部長講:"吾該有無清淡少少的小菜菜單,這幾日吃滯左,想食少肉的小菜."個部長說:食個海鮮套餐啦!抵食啊.我:不了!謝謝,我想要少肉的小菜,你介紹的小菜都好多肉部長:看你們都知道你們係大陸來啦,食下翅啦,沒幾可有得食.我即刻火都來埋來,我好聲好氣同個部長講要少肉的小菜菜單,她就講咁既野,跟住我發晒火個部長先肯拎另外的菜單來,跟住叫白飯....你估都估吾到等左幾耐先有白飯....等左一個鐘...中間找人加水...走埋來蓋上茶壺蓋就走人,理都吾理我們,叫野飲...又係個個位部長行埋來,第一句:我們這裡可樂要廿蚊一支,我先講明,怕你們一陣又嫌貴....我岩岩熄左既火又著晒,今時今日係香港仲可以見到咁的服務,我真係服!!!

屋企附近有間富臨,打邊邊好平,任食任嗌全包宴(包湯底/包火煱料/包飲品/包醬料/包加一),星期一至日每晚9點前,每位只需118; 9點後,只需98!仲唔係抵?!當然,抵係好緊要...但如果抵得黎唔好食既...就98蚊10位都冇用!好食就唔係話十分架喇!但亦唔係"將價就貨"!唔會咁抵死俾d"勁雪味/勁死蝦死魚味同勁難食"既火煱料!特別推介:- 龍蝦丸,好彈牙,配沙嗲湯勁入味!- 雞片,d雞肉好滑,又唔"嚡"!- 駝鳥肉/鮮牛肉,醃得好入味,好正,唔"un",一流!- 脆鯇骨腩,雖然小妹我係唔食魚的,不過老公話好好食,佢次次黎親都一定嗌兩碟或以上!- 至於湯底,我多數都係嗌剩沙嗲,濃就唔會係十分之濃郁架喇!係唔會有方榮記嗰d質素架喇...咁不過我個人就好"彈性"既...幫襯得咁平,就自然明白唔會係十全十美...只要唔係難食到嘔既...都尚可接受既!** 每檯仲會附送一碟配料,內有:串生蝦/珊瑚蚌/帶子,味道都唔錯架!不過就會因應人數黎"配給",人少少就送細碟d,人多多就送大碟d咁囉.

本人於當日擺酒,林經理打點得好好使我順利完成婚宴,例如佢好注重簽署儀式的寧靜而安排所有工作人員和食客都安靜,又例如佢會放一塊膠片於我們提名布的人樣部分上以防別人不小心弄污了我們的樣子,又當我地出現咗亂子事佢作出安排使我們振定下來而且佢好nice又攪笑真的多謝佢的幫忙佢俾咗我好多意見而且十分為客人著想係食物方面佢不時都會問我地有冇問題我覺得佢地d食物都幾好食

星期日去了太子站附近間‘‘窮’’臨食晚飯。1. 前一日已經定左2圍8:00，但去到就話我定左8:30，成班長者坐晒個大堂。如果忙會更改你Ｄ時間。沒錄佢音，吹佢唔賬。2. 8:45坐低，要成9:45先有第一碟餸到，仲要係白灼蝦，洗唔洗咁耐呀！3. 冷氣好差，食到出汗，超辛苦3. 2圍枱得一個生手waiter，放左個翅上枱，叫我地自己puz入飯碗，唔打算俾多隻新碗我地，咁都得！4. 2圍枱的側邊有張細枱，個waiter成個盛碗碟盤和預備上的菜同在一張柗，之後行左去，成個5分鐘後先見人，要我自己上菜。之後多次我自己上菜，咁都得。5. 之前一晚佢地有個同事特登打俾我話有壽飽or美點選的。我地問佢，佢話沒，你地個餐沒架woo。之前一晚有鬼打黎。這間野真係全沒誠信可言。點收$3000一圍？食物ok，環境和招呼9流（差過大排檔）。得個嬲字

阿爸唔番屋企食晚飯，於是我同阿媽就近近地黎試吓呢度嘅火煱。$118，全包，任飲任食。6點先開始，未夠6點都唔俾上去住。剛開始時已有幾張枱。到差唔多七點，已經八成滿，生意算唔錯。要了鴛鴦湯底，沙嗲& 芫茜湯。不過兩者分別不大，因為兩者都無味。好係清水咁清。鮮牛丸：雖唔算好彈，但味道調得好，好有牛味，仲有少少陳皮味添！四寶丸：有牛丸、鯪魚球、豬肉丸同墨魚丸。雖然係手打，不過唔彈牙。牛丸同豬丸較好；鯪魚球有骨又腥腥地；墨魚丸無墨魚粒亦都無味。滑牛肉：好新鮮，色澤紅潤；入口軟滑有牛味肥牛：激差！個邊位已變黑，所以成碟無食過豬潤：唔係黃沙潤，好硬呀！原本以為淥得耐所以硬，但再試淥短d時間，結果都係咁硬雞片：雪雞，無味黑柏葉：正！好爽口，淥一淥就食得！豬爽肚：唔得！嗱到無味，連口感都好奇怪！雲吞：蝦肉均勻，不過蝦實咗少少水餃：好過雲吞，味道鮮d，口感爽d菜肉雲吞：都係現貨，唔係自己包，所以味道唔差，好夠味；菜爽口，好味海鮮拼盤 (free)：有蝦、帶子片同珊瑚蚌。蝦新鮮，蝦味濃肉質爽口；帶子好差已經嗱到咩味都無，無味又無口感；珊瑚蚌好食，好爽口，仲有鮮味蔬菜款色多，有冬瓜、絲瓜、苦瓜、好多好多。酸

早幾日同朋友係土瓜灣分店食晚飯，覺得幾好，又有魚券，約埋爸爸媽媽出來食餐便飯。就腳關係，去左太子分店，諗住集團式經營，質素差唔多。酒樓一樓，近門口食小菜，入面做任食火鍋。知客小姐帶我地行得越來越入，去到一檯四圍都係食火鍋既。心知不妙。由於天氣熱，唔想去第二間，所以，問左再冇其他檯，揀另一張單邊檯就算了。樓面數目少，個個做到「燥底」打衝鋒。等左好耐先執到位又等左好耐先叫到菜。三個人叫了半隻雞、一個炒菜、一碟掌翼加埋條魚。坦白說，出品不差，只係味道偏咸。條魚唔算新鮮但肉質尚算唔錯，唔係送既就霉霉爛爛。不過，服務就認真麻麻過麻麻，無人換碟、無人加水，加上越食越熱。七點半坐低，八點幾上菜。約九時見爸爸將最後一條菜放落口時，即刻舉手叫埋單，個陣時成件恤衫已經濕晒。後尾，仲要等多幾分鐘先有人理，收左張單過左十分鐘都仲要再催多一次先埋到單。服務員盡力，粗支大葉，本身我都好體諒，但係，出來食飯亦都只係想傾下偈，聯誼下，做下孝順仔，點知成餐飯食得唔安樂，仲破左最快食完埋單紀錄。後尾落到街，發覺仲涼過係上面，起碼街邊都仲有d風。

星期六番完個長命工之後, 又約左老闆去太子啦...事關我想行下街.見亞老闆咁好無啦啦會送野俾我..話當父親節禮物..我更係要回禮請食飯啦..無聊人無咩地方去亂入左間酒樓都一心一意想食特價龍蝦..點知亞姐話假日無優惠..最後我地都係叫餱食飯就算.2個人叫左個乳豬拚又燒, 花膠豆腐& xo醬節瓜炒雙蚌...估唔到佢地既燒味又整得幾出色..個又燒最好味,反而個花膠豆腐就一般啦唔算好食...個xo醬炒雙蚌都唔錯, 都唔算好油...總計來講我都幾喜歡此店既食物...價錢都唔算貴..下次都可以考慮中午來飲茶食點心

今曰放假陪阿媽行到太子，諗住去附近洒樓飲茶，所以來到富臨，貪佢集團式經營服務及食物水準有保證，點之換來一吐氣首先本來有兩部用，但係只開放一部，搞到客同貨一齊用，一出就發覺有侍應揸住兩大袋 "龍等" 等入，聽到啲侍應都同街坊食客呻，埋怨洒樓只開一部。第二，我地一坐低tick點心食，點知tick 完叫侍應落單，個侍應話其中一張有優惠嘅點心纸唔用得，仲即場斯斷嗰張點心纸，咁唯有淨喺食正價嗰啲啦。但係叫完先發覺其他比我地遲來嘅人都用到嗰張有優惠嘅點心纸。所以我反映俾個部長聽。點知個部長只係講句唔好意思就箄怱怱忙忙甘就走咗去做其他事情，冇諗過話會改善。第三，點心纸上寫有部分點心要等15-25分鐘，連燒賣都係。15分鐘我都可以等嘅，但係唔好彩要等25分鐘先等到嗰籠燒賣嘅話，我就唔會等啦！總括來講呢間洒樓太多缺陷啦！既然食得咁唔開心，下次都唔再去啦！

星期日，咁啱我阿爸阿媽夜晚得閒 (佢地兩個係大忙人，好多節目)，所以同埋細佬約佢地一齊出街食飯。我本身諗住約佢地去太子"志記"食飯，但係阿媽話佢喺富臨有張魚劵(即免費coupon)，所以我地轉咗嚟呢度開飯。由於我同細佬唔太清楚呢度嘅確實地址，所以我地上咗嚟openrice睇下，順便睇下之前嘅食評。睇完之後我同細佬有啲驚訝，因為呢度劣評如潮。不過唔緊要，因為今晚嘅大前提喺family day；同埋係阿媽有魚券。其實之前嘅食評都係投訴呢度嘅服務質素較多。不過所謂嘅"服務"，有時會係因為部份"食家"得不到對某些事情嘅"要求"或"有所希望"而所提出的；所以我對此等嘅"食評"只係抱住"睇過就算"嘅心態。在此，我唔係想批評其他人嘅文章，只係大家嘅觀點與角度唔同。入翻正題，是晚我地散叫了啲小菜；除了蒸魚，我地仲叫咗脆皮炸子雞、生炒骨、炒四季豆、鮑汁鵝掌海參煲、賽螃蟹。唔知點解，佢嚟多咗碟煮豆腐 (好似係有蟹糕)，所以end up 有七碟餸！先嚟嘅係炸子雞同生炒骨：兩個菜都唔錯，炸子雞肉質好嫩滑、雞亦有鮮味。生炒骨就炒得香口，汁不太酸也不太甜，味道剛好。(同"志記"有得比)跟住係賽螃蟹同錯到嘅煮豆腐：

嬲到第一次寫食評就要negative comment從來都未食過服務咁差, 食物完全同事實不符的餐廰事緣我和十五個同事加一位同事的仔仔一齊去富臨打邊爐因為有同事話呢間抵食.. 118 一位放工一齊去..點知去到俾張十二個人都唔夠坐既"大枱"俾我地搞左一輪俾個經理叫左去食小菜 仲要分開兩圍(每圍八個人)都OKEY 無所謂.我地都係諗住gathering叫位經理俾餐單, 佢一係就俾4 位 $768 , 一係就俾個D $2XXX 個D 貴價餐咁問多一次, 另外有位年輕經理就問我地會有咩BUDGET, 佢寫單俾我地我地就話118 一位啦... 個經理就答應左跟住交待完之後, 我地就等D 人寫單,好啦, 有written menu 俾我地睇, 仲覆我地單話118 一位有白灼海蝦, 燒味拼盤, 有大芥菜, 有臘味飯, 蘇眉兩食(蒸和炒), 金菇肥牛煲(仲有3樣唔記得)點知我地答應左個餐單後一路上上下菜, (註: 每碟送都好小份量, 例牌咁上下)大芥菜無晒貨,轉左做炒油麥菜..再上上下茶, 白灼海蝦又無晒貨,, 叫我地轉翠玉瓜炒蝦球, 蝦球得九粒蘇眉蒸上時, 得十舊, 全部都係魚最肥個部份同魚骨痴

今晚一家十二人到了富臨漁港囍臨門皇宴食晚飯，要了一個富臨宴套餐，感覺如下：樓下的知客態度惡劣，視客人如無物，呼喝傲慢；酒樓部長亦不太理會食客，上菜時間時快時慢，碗碟數目亦不正確，例如上翅時十二人待應卻給了十一碗，令人十分迷惘。原因可能是樓上有婚宴吧，但令到樓下一眾食客苦等多時的話就不太好了不過，食物方面卻不錯，菜式味道頗為討好：翅羹用料尚可，蒸魚不太老，燒雞調味亦很恰當，飯麵糖水等亦不俗於這個經濟艱難時期，這個套餐的價錢方面也屬偏貴呢

隻雞又"鞋"又韌，石班塊又霉，糯米飯又硬又無味，服務又差~!!!!一句講晒.........NO NEST TIME

約左舊同事相聚，飲茶係一個唔錯既選擇，我地一行三人由2點坐到3點幾，中途不停有侍應推介茶式，不過實在太過熱情，令我反而覺得有點煩呢!1) 鮮蝦腐皮倦: 第一眼既感到係好油，應該吸吸油先嘛 ，好在味道還好，份量足夠2) 魚翅鳯眼餃 (唔太記得個名): 圖片舊翅既 size 同實物相差好遠，其中一隻既翅重細過手指尾塊指甲，味道可以，但無特別3) 燒腩仔: 不錯，非常膽口，肥瘦剛剛好，怕肥怕熱氣都要食多幾件 4) 叉燒酥: 唔係我杯茶，夾確試左一件，係好香口，但係入面好多肥豬肉同好濃味既醬，有啲怕怕5) 蘿蔔糕: 一夾就散，但係有食到一條條既蘿蔔絲，不過都係麻麻地6) 蒸排骨: 味道好一般，好難會唔好食連茶位加一共 $132