富臨漁港囍臨門皇宴 (已結業)

友人贈送了一張免費魚券, 襯著到期日之前專程到來食個晚飯3個人, 7點半左右黎到, 全場差不多滿座醬炒翡翠茄煲: 豆板醬炒香肉粒同茄子... 翡翠茄跟平時食開的茄子唔同, 手指公咁上下粗, 綠色的皮脆脆地, 食落幾特別, 配個醬幾惹味, 但如果個醬多d會更好粒粒泡芥菜苗: 芥菜苗嫩口, 沒有我討厭的苦澀味, 面頭的菇和雜菜粒幾鮮味, 配個湯甜甜的, 配合得不錯, 可惜個湯不夠熱辣辣清蒸紅"魚立"魚: 約一斤小一點, 雖然是免費的, 不過也絕不欺場, 魚肉香滑, 食得出相當新鮮服務本來不錯的, 但是結帳時我比信用卡等左好耐... 10分鐘後侍應走黎比張單我簽, 但信用卡就唔見左... 又搵左一輪先至搵返我張卡比我! 幸好態度都幾良好, 如果唔係真係火滾呢...

好朋友星期六生日,佢就提意係依度食飯!首先唔係叫野食;係叫啤酒!!!叫一支百威食燒餓有半價呀!噤就半隻啦!(都好味咖)跟住就叫左兩個小菜花膠豆腐煲(普通)銀雪魚------好味牛肉煲------唔食得唔知呢?都ok幾好食......不過下次可唔可以唔食小菜呀!

15/6/2008 早阿婆山長水遠由天水圍黎上環一齊飲荼~媽選左呢間方便阿婆落車二來幾次黎食晚飯都覺得唔錯我地叫左11碟左右啦~佢咩都加少少海鮮, 不過又唔見得好好食我DAD叫錯左個鮑魚叉燒包($26)好食都唔緊要呀~係唔太好食~食極都唔見佢粒鮑魚呢間係無盅飯食~唔係好明囉個人只覺得呢間D帶子芋角係好食~其他都只不過係一般貨色~可接受啦服務一般~叩好耐先有人應, 不過係個場太大埋單5人$280(都真係幾貴下~又唔係太飽

父親節, 黎左富臨食晚飯7點鐘, 全場都滿座, 幸好訂左位set dinner較貴, 只散叫了幾個小菜黑椒牛仔骨: 有十多舊牛仔骨, 有好多都係肉, 絕不欺場, 牛肉很林和入味; 但美中不足的是洋蔥不夠熟燒鵝: 要了半隻, 水準依然 奇妙明蝦球: 蝦球很大粒, 份量不少, 蝦仁爽口, 用沙津醬炒香, 味道很不錯艇皇浸莧菜: 艇皇大概指魚肚吧, 湯很清甜, 莧菜味道ok生果盤的菠蘿同西瓜都幾甜另外也要了百合南瓜露, 很多南瓜蓉, 唔會太甜, 8蚊算很抵食人很多, 難得d侍應仲幾好招呼, 菜上得也快

今日試了新點心蝦醬蒸鮮魷: 鮮魷份量ok, 但明顯蒸得過左龍... 另外魚雲也不夠新鮮, 有點腥味...燒鵝瀨, 蓮藕餅同叉燒包則無問題

買了富臨的糉卷, 端午黎應下節一盒包括: 瑤柱金華火腿粽2隻同蛋黃蓮蓉鹼水粽2隻瑤柱金華火腿粽: 唔錯呀, 幾足料, 不會太痴牙鹼水粽就送左比人, 無試到78蚊, 價錢算合理

又試了新點心~蜆芥鯪魚球: 有6粒, 鯪魚球幾彈牙, 不錯!炸兩腸: 炸兩不夠脆, 味道不過不失啦...其他叫了煎豆沙餅, 燒鵝瀨, 煎蓮藕餅, 魚雲同魚湯雲吞都保持高水準~人很多, 不過服務都ok, 一舉手o的waiter都應得幾快~

今日下晝又試左2個新點心, 潮式蒸蝦餃同潮式伊麵蝦餃的皮比一般的厚和煙韌... 是因為潮式的做法嗎? 感覺似粉果多過蝦餃潮式伊麵... 係媽咪叫的, 佢鍾意食潮州野... 我就對呢d野麻麻地下次都係叫返d平時食開既野好d

燒鵝贈卷的最後一日, 唔好浪費, 再黎開餐5個人叫了燒鵝, 芝士海蝦伊麵, 花菇燒豆腐同一盅冬瑤燉響螺湯燒鵝先來, 水準是絕對穩定, 一個字, 正!再來是冬瑤燉響螺, 個盅好大! 寫就寫住4人份量, 不過我地總共都飲左8-9碗湯湯是相當的濃郁, 湯料勁多, 有好多響螺同雞, 食湯渣兩大碟已經可以飽過叫一個餸...88蚊, 非常抵食!花菇燒豆腐: 冬菇片大約7-8片, 豆腐燒得可口, ok啦芝士海蝦伊麵: 今日既蝦依然好多, 有十幾隻, 不過可惜比上次煮得老左, 蝦肉較"鞋"口... 而伊麵也不夠芝士汁, 中間有點乾, 失左準呀!不過總括而言, 食物都係好食serve我地既侍應服務很好, 特別係一位姓梁既, 著灰色西裝, 應該係經理, 態度非常好, 而且好勤力, 值得一讚!

今日lunch試左2個新點心煎蘿蔔糕: 好多蘿蔔! 唔會食到一舊舊粉, 幾好味!泰式炸蝦餅: $22有4大舊, 炸得很脆, 蝦肉也彈牙, 喜歡食香口野既朋友應該會喜歡~ 配埋個酸甜醬更好味 不過今日lunch time好多人... waiter都好忙, 要等好耐先serve到客人... 會唔會係唔夠人手呢? 希望有關方面留意返

繼續為左免費燒鵝贈卷而黎食野~除了燒鵝, 仲叫了生炒骨燒鵝是完全沒有問題...不過生炒骨就很失望! 炸粉非常厚, 包住好大舊骨, 同很多肥肉... 幾乎沒有食到瘦肉!雖然是很平呀, 不過都唔可以接受如此出品... 希望快D改善呀另外叫了紫米露同百合南瓜露紫米露好多紫米, 不太甜幾好味南瓜露亦好足料, 食到好多南瓜蓉同百合, 味道比起紫米露稍甜一些8蚊一碗, 算物有所值呀~整體都幾滿意, 可惜個生炒骨扣哂分...

又係富臨? 係呀因為有免費的燒鵝卷...7點鐘, 人唔係好多order左芝士海蝦伊麵, 濃湯腐竹浸莧菜, 同埋半隻免費燒鵝燒鵝: 咪就係好味囉... 芝士海蝦伊麵: d蝦多到... 十幾隻蝦鋪滿成碟, 全部都大大隻有肉食... 伴伊麵味道很好!濃湯腐竹浸莧菜: 腐竹和菜都很甜, 可惜湯有點不夠熱, 否則更佳!生果盤有西瓜同菠蘿, 兩樣都甜得很, 不過已經很飽食唔哂了... 打包了食剩的四分一隻燒鵝走

又係富臨的lunch time時間...叫了蓮藕餅, 燒鵝瀨, 帶子腸, 鮮蝦腐皮卷, 魚雲帶子腸的帶子多到跌出來... 加上特價真係好抵食 腐皮卷好香脆... 不過太油了, 成個底都比油浸住, 唔係咁好呢! 另外想讚一下魚雲... 之前因為太多骨所以有一排無食, 今日再order, 改善了很多呀, 魚雲既份量多返, 也多左肉食... 唔知酒家係咪有睇過之前我響openrice講既意見呢?

星期六全日特價, 真係好多人想講返d意見, 有讚有彈讚既係燒鵝瀨有好多燒鵝, 煎蓮藕餅有成大半吋厚, 蘿蔔千絲酥鬆化足料, 魚湯雲吞大粒抵食彈既係個別侍應黑口黑面手腳勁慢... 當中不少都係新面孔, 可能係未做得慣? 另外叉燒包既皮近來做得厚左d...希望可以有所改善話時話, 咁多人幫襯, 點解都無咩人寫食評... 搞到我好似專為富臨寫食評咁

早前富臨做promotion, 惠顧晚餐送游水海班, 4個人以上送一斤, 所以一家人黎食dinner脆皮燒腩仔: 好正! 皮好脆, 肉唔太肥唔太瘦, 啱啱好, 鬆化得很!8.5分雜菇炒豆: 雜菇炒得幾入味, 但荷蘭豆就有渣7分魚湯浸菜苗: 菜苗很嫩, 魚湯好鮮味, 配搭不錯!7.5分游水海班: 雖然係送既, 不過無將貨就價, 食得出真係新鮮游水魚. 魚肉蒸得好香好嫩滑, 認真無得頂! 9.5分咖哩牛尾煲: 家人覺得好味, 我就覺得太咸啦... 6.5分燒鵝: 每次黎呢度必食之選, 保持一貫高水準, 皮脆肉香, 正!9.5分呢餐圍返埋一人都係70蚊度, 有燒鵝有海班, 真係抵到爛...!