富臨漁港囍臨門皇宴 (已結業)

當我寫緊呢篇食評果陣，富臨信德中心店經已結業!佢係門外貼出告示，指因租約期滿，營業至10月3日結業，並感謝各位貴客多年支持，又提意客人去集團最近嘅分店幫襯，包括富臨聯發商業中心店、富臨灣仔店及金皇廷灣仔店!我之前都有成日幫襯富臨信德中心店，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!好可惜富臨信德中心店結業，不過我都可以去同區嘅富臨聯發商業中心店!今次係我最後一次幫襯富臨信德中心店，同樣冇令我失望，質素保持水準同樣唔錯呀!味道方面，今次2個人叫咗幾款點心、1碗極品燒鵝瀨粉及1碗豉油雞瀨粉，味道皆唔錯!食物包括1)極品燒鵝瀨粉:燒鵝夠入味夠滑!瀨粉分量多，幾爽口!湯味討好，鹹淡適中!(2)豉油雞瀨粉:豉油雞味道似普通切雞!瀨粉同樣分量多，幾爽口!湯味討好，鹹淡適中!(3)富臨蝦餃皇:蝦餃嘅蝦夠新鮮同入味，蝦餃皮都做得幾夠薄!(4)煎釀茄子:煎得幾香口，魚肉新鮮!(5)花姿炸雲吞:花姿餡好好味!炸得夠脆，油分多咗!(6)濃湯上海餃子:餃子餡落咗雪菜鹹咗!湯味淡咗，味道討好!環境方面，呢間富臨都營業咗好多年，地方都較為殘舊，佢嘅裝修設計唔算豪華

有一晚我們一家三囗去食睌飯,我問門囗個位侍應我的小朋友兩歲半需唔需要收茶錢,她說不需要,於是就入去食,叫埋單時我的咭--茶介上依然係寫住兩個人,到佢拎張單來時,我老公查單發覺茶介要收三個人錢,於是問佢點解會這樣,佢就叫經理來,經理來到時就只係講打錯單,信用咭要照收呢個價,然後俾返九蚊我地,當時都覺得無所謂,但後來我老公同我講佢地向後面講-------------咁係咪十歲坐BB凳就唔收錢呀!!!!!!!!!!

8月8日，一行6人，為家人慶祝生日，帶著蛋糕來到這裡。侍應一見，不斷推銷名貴海鮮，甚麽靑衣、東星、老虎斑等，最後選了豆腐炆龍躉尾，近四百元，不算太貴。連其他蝦蟹菜共約八道菜。其他先上的菜也不算差，洒樓服務和食物水準本來ok。到了豆腐炆龍躉尾，一開蓋熱氣騰騰，各人都分了一口，衹是魚肉較細碎，味道較淡，鮮味尚可，心中有疑，撥開配料，一看那"龍躉尾"，水落石出，吩咐侍應召見經理。經理到來，我正在拍照，跟他說了些話，他也無話可說，最後這菜是取消了。喜慶心情頓減半，叫侍應上生日蛋糕，他就是把蛋糕連綁着的盒，原封不動的拿出來，不要說無插爉燭，义和碟也是再叫才來。

我由去年開始就有幫襯上環富臨，佢嘅質素一直都令我滿意，所以如果我果日要食中菜，唔係幫襯附近嘅明星，多數都係幫襯富臨!富臨捧場客好多，要等好耐位!但係幫襯過咁多次，都未寫過佢，今次就以最近呢次表現作讚賞。富臨蝦餃皇:爽口彈牙，真材實料!花姿炸雲吞:唔肯定果舊餡係蝦膠、墨魚膠定其他膠，但係我覺得好好食!煎釀茄子:煎得好，香口好食!濃湯上海餃子:湯淡味咗D，不過餡都做得唔錯!燒鵝瀨粉:分量多，湯底掂，燒鵝不錯!整體質素良好而且穩定，又夠抵食，食得過，難怪能客納百席咁大地方都要等好耐位! ==========題外話:談到環境，個人認為富臨雖然裝修設計唔係太靚，又有點殘舊；冼手間更是不修邊幅，玻璃鏡烈哂兼水龍頭換到個個唔同款!但勝在難得地方夠大寬敞，酒樓中間冇柱擋住視線，地方唔會九曲十三彎一個廳連住一眼看盡，果個鋪位好多酒樓想幸都幸唔到!就例如附近嘅明星，佢D裝修設計的確好靚，但死症就係身處於舊樓鋪中，柱多橫樑多，地方九曲十三彎，分咗幾個廳，看不通透，少咗某種氣派!其實明星唔係細富臨好多，差個馬鼻，但感覺上富臨大好多就因為富臨可一眼看盡，但明星卻看不通透，我們有一個錯覺!這是我的見解，不知大家看

２個人去飯茶..一入到去無理我地最後都有個呀姐肯理我地我地叫左：棉花雞（無乜味）：咖哩魷魚（幾爽）：咖哩牛柏葉（幾好味）：鳳爪排骨飯好彩Ｄ食物唔太差整體ＯＫ!

個南瓜煎堆仔不知為何變咗大煎堆,本來見到個名我會以為,係煎堆仔裡面有南瓜饀,但除了個體積大了之外連南瓜饀都唔係,我諗個名要揾人改一改(我見到個名會以為係煎堆仔裡面有南瓜饀)不過由於新鮮出油鍋,所以外脆內軟也不失"煙靭"味道都唔差,不過我就食唔到有南瓜味,南瓜本來就味道唔多濃,所以佢放入麵粉一齊磋,就根本出唔到南瓜味,特色煎腸粉,蝦米腸一面煎到有少少焦,另一面唔煎,於是放入口裡面就有兩種口感,唔係乜嘢特別,不過我就真係未係第二到見過咁整小籠包,有兩個有汁,有兩個爆咗汁,味道就真係唔差,因為裡面d肉唔肥,而且有肉香

今日年初二,本應食餐開開心心既飯,點知食到一肚火!!今日由澳門回歸,老媽子執左少少諗住請食飯食返餐好點知就出事!!10點落船到喜臨門問佢收未,個高瘦部長(黑服)話未,話12點先收,補問一句咁夜會唔會百無,佢話唔駛擔心,乜都有!!仲話過左九點有特價時段,好多「送」都好平肚餓關係一坐底十零分鐘即決定左搵一件四眼高瘦部長落左原隻貴妃雞同燒腩仔之後見十分鐘後未到就叫另一個伙計落埋安格斯牛柳粒同菠菜呢兩樣一叫就真係唔駛十分鐘就到,而且亦十分唔錯,但係燒腩就要過多幾個字先到,不過依然好食,途中見其他檯都有叫貴妃雞,阿媽仲好期待話見到都想食點知三個「送」都就黎食完,成11點都未見隻雞到莫非仲係農場唔識返屋企?即刻捉住其中伙計詢問之後食食食,到大約11點半,終於有人肯覆,話隻雞無晒,可唔可轉其他,本來都無咁火點知轉其他「送」,佢都係頭擰擰,仲自爆話燒味廚房11點已經收左工!!你好野!!夠彊11點半先覆我??問佢係咪其實落漏單,仲死口唔認!仲辨駁話賣晒!!攪到好似酒席上完頭盤直接上生果咁!!條友仲贈慶問使唔使送個生果盤畀你.....咪喇....一陣你話唔夠西瓜我咪等到第二朝早?即刻埋單走人,咦?乜得三個

星期六, 一家四口中午飲茶大概點了8個點心, 炸春卷, 料只得肉; 豆苗菜餃; 一般水準; 潮州粉果, 細隻左少少蒜蓉鮮魷 **不是優惠點的, 即是中/大點, 十數元的竟然放有 4 條腸粉伴3-4塊細小的魷魚往常多數是蘿蔔/ 粉絲伴魷魚的, 腸粉真是有搵笨的感覺聽聞抵食 才搭車來試試; 埋單要 $160... **只吃飽3個人, 我吃了一兩件而已

上次黎這間酒樓記得係飲下午茶的...總是覺得這間富臨比起其他分店貴點..可能因高級點吧!我總是覺得星期六黎這間食飯的人都好像係去完澳門返黎咁..哈哈..見海報說叫一支啤酒可以優惠價$13.8 叫例排燒鵝一客..落單時侍應話唔叫啤酒都以優惠價叫一客..真好 泰式鳳爪 : $38 碟不過配料太多了....鳳爪得個4-5隻...好辣 北茹海參鵝掌煲 : 特價餐牌之一 $78 ...鵝掌新鮮大約有4隻..賣相良好 西芹炒象拔蚌 : 賣相好靚喎....但又係配料勁多..加埋一些魚條紅羅白絲等等配料..真係唔多見有象拔蚌呢 服務態度很好..不過見你仲未落的時候...侍應就會勁SELL試這些試那種..不過通通都係一些貴價的食物 總括這間是好睇唔好食....

舊年呀媽大壽就係呢間富臨擺咗幾圍. 食物同招呼都好. 母親節見佢個套餐唔錯,咪去返果度食. 點知今次食物大失水準,又無招呼, 冷氣又唔夠. 嬲到tips都無比孝母宴 : $2680 + 10% + 茶芥芝士焗龍蝦：味道一般. 龍蝦細隻. 唔提佢唔記得上呢味金豬大拼盤：有乳豬件, 鴨胸，海哲(有d假假地咁,同食開果d形狀,質感有分別)，燻蹄，燒排骨碧綠鴛鴦蚌： 味道可以。但附設既蝦醬就勁咸脆奶黃金卷： ok 好味紅燒蟹肉翅： 都可以. 不過翅唔夠上次多蠔皇花膠扣玉掌：鵝掌好淋但唔入味. 嘛嘛地清蒸大海斑：魚肉勁鞋. 最差呢味. 糟蹋咗條魚當紅炸子雞：雞肉完全無味. 同壽宴果次差好遠五谷豐登：荷葉飯. 得兩隻蝦仁仔, 無乜料.蓮蓉蟠桃 : 蓮蓉唔滑合時鮮果一上菜就her her聲趕收工咁,一碟接一碟. 我地計埋細路都係十個人,邊食得切呀? d樓面唔識叫廚房出慢d既! 果晚都唔多人啦! 埋單仲收我十二人茶錢. 咪要佢改單囉. 加一後三仟零五十三, 一毫子都唔比多佢!

菜苗餃 / 鮮魷：普通。淮山紀子煲豬肉：富臨嘅湯一向都不俗，今次也不例外，幾好味！湯浸時蔬：OK。豉油雞：略肥；味道OK。菠蘿雞粒炒飯：菠蘿和雞粒炒飯有點格格不入，可能是炒得不夠耐的緣固；整體味道OK。

陪過好友看婚紗相,回到港島找爸媽吃晚飯,選址這兒是因為媽媽有一張免費蒸魚的優惠卷,而且她已經來試過一次並說很不錯.沒有訂枱,因為預計應該不會太多人,始終位置有點遠,但估計錯誤,差不多全場爆滿,但幸好還有一張枱在門口附近.這兒有不少特價小菜,而且不是行貨,亦沒有將貨就價.拍青瓜海蜇($28) - 餐前小食,還好我們都點了,因為其它的菜都來得比較遲.芝麻海蜇分量較少,但勝在爽口蘸芥辣吃很醒神.而以麻油,醋和辣椒油作調味的青瓜絲則鋪在底部,酸酸的,令人越吃越餓.蒜蓉粉絲蒸聖子($88) 四隻大聖子原隻開邊蒸.聖子乾淨,無沙,肉質也不錯.用這烹調法雖不及用豉椒炒般惹味,但卻能保持其原汁原味.而且粉絲吸收所有精華,送飯一流.生炒咕嚕肉($38) - 不得不讚這個菜.首先因我是咕嚕肉的超級粉絲,對它已有特殊偏好.其二是它的賣相極之吸引.咕嚕肉炸得十分香脆,醬汁無論在顏色,味道,也做得色香味俱全.味道不會太酸或太甜,而且掛醬的效果做得好所以即使放涼了醬汁也不會凝固.而肉炸得剛好,所以肉質能保持嫩滑.這個咕嚕肉實在值得推介.馬拉盞通菜煲($55) - 原煲上,熱辣辣的已叫人食指大動.雖說是馬拉盞,但味

星期六長週, 放工約同事飲茶, 經過連番討論後決定去富臨1點2個字去到, 人唔算多, 加上有同事一早去拎位, 所以即刻有位坐低叫左一輪點心,但因為2點後會有特價點心, 所以只係叫左d冇得平既先整體算平, 食唔哂, 要打包2籠包

媽在報紙剪了張劵, 係惠顧晚餐送一條蒸魚, 見咁抵, 都來一試.7點來到, 原來入口係响地鐵果邊入的, 如果在碼頭那邊下來, 或泊了車下來, 要於一樓坐電梯直到地鑪才得.... 地面係唔可以行到去的.... 都揾左一陣呢....入到去, 當時一半滿人.地方都幾舒適.叫了魚, 另叫了生炒骨, 雞湯皇帝苗, 皇室焗南非鮑魚仔.生炒骨兩分鐘便上, 唔通係一早已炒定既?味超水準, 甜酸剛好, 肉質也好, 粉唔多唔少, 炸得夠脆又唔油, 正!!!!好過上次在大排檔的不知所謂.雞湯皇帝苗都幾大碟, 3人食剛好份量.湯又唔係太重雞味.另菜上有d 酸菜粒及好像是鴨肉粒的東西, 似係吊味的, 不錯.清清地的健康菜一度.皇室焗南非鮑魚仔係88蚊6隻, 唔係原隻的, 係切了粒, 再加d咖哩汁, 再釀返入殼內的;送飯又ok 噃.魚最後上, 都好大條, 真的抵食生熟剛好.魚新鮮, 肉質好, 完全唔腥, 我食了好多.估不到送的都咁落本.如要挑釁, 只好話落了幾多豉油, 略咸.送生果, 但唔知為何俾隻膠义你; 咁大餐廳冇鐵义用膠义咁唔環保?服務一般.3人食了250.走果陣, 竟然已滿坐, 海嘯下再加上只係一般星期四

午餐經常帶飯, 只有一次來過這裏吃 lunch, 今晚卻是一班 IB 同學仔來跟阿 Sir 吃飯.由公司過來不用擔遮便到, 很方便呢!預先叫了套餐, 原本只有一圍, 後來發現阿 sir 眾多, 要加多一圍啊! 五福大拼盤 - 叉燒是比較出眾的一項, 海蜇就不太行, 不入味.XO 醬碧綠雙蚌仁 - 碟大菜少, 而且也放涼了.荔茸香酥帶子 - 也放涼了, 幸好鬆化, 一人起碼有一件.蟹肉竹笙燴魚翅 - 當魚肚羹, 看不見魚翅為上. 蠔皇花膠扣鵝掌 - 是超杰版, 我食左件花膠都怕怕.清蒸海星斑 - 新鮮蒸起熱辣辣, 所謂的星斑也蒸得剛好, 收貨了.潮式泡翡翠 - 原來是白菜浸魚片, 味道也不錯, 有點菜吃, 夠健康.金杏脆皮燒雞 - 餸太多, 吃不下, 此雞也大隻, 有杏仁, 算是有多少特別, 後來我也打包了半隻. haha.生炒糯米飯 - 吃了少許, 跟媽打弄的超煙韌糯米飯差幾班喎!服務初初是有點不周, 找兩隻杯也沒有, 幾經談判, 還好有橙汁和兩支啤酒. 後來服務也改善了.同場加映壽包, 壽包好好味, Happy Birthday Tracey! 這個套餐, 原來由二千多變成一千四百多