富寶會所私房菜

營業中

休息中

上次嚟食過，覺得物材新夠新鮮，菜式選擇多，食物水準唔錯，加上呢道可以包場包房，有麻雀檯供應，餐廳亦自訂語句展示於餐廳大型屏幕，真係咩類型朋友都啱過嚟chill下。💫 招牌炸子雞炸子雞係粵菜經典菜式之一，上次食過，真係好好味，經油炸而仍然保持皮脆肉嫩多汁，所以今次同朋友食飯，都一定要Encore😋💫白灼花螺新鮮花螺經過白灼，可以保留原有的鮮味 ，肉質鮮嫩有嚼頭，用牙籤挑出螺肉，蘸上壽司醬油，好食到停唔到口。💫蒜泥白肉（須預訂）蒜泥白肉味道蒜蓉帶少少辣連埋白肉食好好味五花白肉肥瘦剛剛好，味道濃郁而不膩，分量十足，好彩記得預訂，朋友個個都食到番尋味。

今次又想同大家介紹呢間之前已經食過嘅富寶會所私房菜❤️今次叫咗以下幾款菜式:蒜泥白肉✨需要預訂豉椒豆豉炒花甲✨籠仔蒜蓉粉絲蒸開邊蝦✨超級推介蒜泥白肉，鍾意食蒜香味十足嘅人就一定要叫呢個！食到肉嘅鮮同嫩，超級滿意！而且仲好入味添！鑊氣十足嘅豉椒豆豉炒花甲我哋都食到一乾二淨，蒜蓉、豆豉、薑片同辣椒炒到好香。籠仔蒜蓉粉絲蒸開邊蝦我都好鍾意，大大個蒸籠蒸開邊蝦好似更加入味，開邊蝦蝦肉彈牙鮮甜，粉絲仲好香蒜蓉味。佢哋最近仲推出咗個週日套餐都好吸引，下次一於嚟試吓先❤️

我哋閨蜜四姊妹終於聚頭，三寶同四寶上年移民之後，今個星期返嚟。我同大寶一早決定，要搵個地方又可以打麻雀，又可以食嘢。😁話晒我哋分開之前最後一次聚會都係打麻雀。🤪之前都係我哋去大家屋企，而家我哋個個屋企有晒化骨龍，冇得嚮屋企打。所以我同大寶一早就物色地方，搵到呢間私房菜，網上話又好味又有得包房打雀，今日嚟到真係好正。🤭一入到房見到電視顯示welcome back，原來大寶同餐廳夾定，指定語句顯示響大螢幕，連我都無講，當然驚喜又感動！大寶仲話海鮮要提前預訂，佢今日都訂咗啦！我哋四個可以先打麻雀，再出去享受晚餐，真係好開心！白灼海赤米蝦呢度菜好特別，海赤米蝦蝦殼脆薄，肉質鮮甜彈牙，連殼原隻享用都可以，點埋嘅醬汁食，鮮味更提升一層。豉椒炒蘇格蘭蟶子蟶子肉質非常肥厚，好大隻，鮮味十足，用豉椒炒更添惹味！京蔥爆牛肉牛肉薄切，牛味夠濃，呢道菜炒得好有鑊氣，配埋京蔥炒，成道菜好香，送飯一流，我哋不停添飯。

之前聽朋友講過富寶啲私房菜做得唔錯，所以今次老竇生日就嚟咗食🤤屋企人都好鍾意食蝦，叫咗呢個白灼海赤米蝦，平時多數食啲海多數主打大隻，呢個海赤米蝦好有特色，識落鮮甜，配炸埋醬汁，好上癮，令人食到欲罷不能🤩上湯焗龍蝦伊麵底好有驚喜，龍蝦非常之新鮮有咬口，非常之有質素，啲伊面朔晒龍蝦嘅海鮮精華，好好味，一定要嗌😍富寶私房菜都幾full，大家要食記住book位，有啲海鮮菜式都要打電話嚟預訂😆#九龍城美食

【九龍城海鮮盛宴🦑｜巧遇高質惹味私房菜】🐨豉油王乾煎蝦推薦度：⭐️⭐️⭐️⭐️⭐️蝦食得出係用新鮮蝦整嘅🦐用豉油煎得香脆又乾身、好惹味，而且唔會好鹹～加埋洋蔥、乾蔥等炒得好香，色香味都好吸引😆配埋側邊嘅蕃茄食，有一個好清新嘅效果🍅.🐨銀魚仔勝瓜海鮮湯飯推薦度：⭐️️️️⭐️⭐️⭐️⭐️呢個湯飯好有驚喜💕海鮮令到個湯變得好鮮甜，勝瓜更加令到個湯飯變得更加有口感🍚不過海鮮數量有限，記得最好提前預訂咗先吖！.🐨白灼鱔片推薦度：⭐⭐️⭐️⭐️鱔片同樣新鮮，以蔥薑去腥灼熟，保持到鮮味之餘，魚質保持到彈牙唔會好鬆散👅.⌫餐廳提供包場包房服務，可聯絡餐廳自訂語句展示於餐廳大型屏幕🖥 搞生日會一流⌫仲有麻雀檯供娛樂用途-----☼-----☼-----☼-----☼-----☼-----富寶會所私房菜📍地址：九龍城侯王道28號一至2樓🐨推薦度：😋😋😋😋😋/5 💰人均價格：$200或以上🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡💡.

次次去開九龍城都有好多唔同餐廳選擇，今日想食中式嘢，於是就嚟咗呢一間私房菜試下。入邊有好多唔同海鮮選擇，但係店員都提醒我哋，有啲海鮮最好提前預訂，咁先可以新鮮啲。白灼鱔片佢嘅鱔片非常之滑身，而且炒得好入味，爽滑彈牙。好多餐廳都炒得唔太好食，但係呢一間真係好出色，可以食得出佢嘅海鮮真係好新鮮。銀魚仔勝瓜海鮮湯飯好少地方可以食到湯飯，而佢嘅湯飯都好鮮甜。仲要材料十足，唔怕剩係得湯冇餸。黑胡椒炒膏蟹炒蟹一定要新鮮，佢嘅海鮮因為好新鮮，所以識落蟹肉超鮮甜，而且炒得好入味好香口。

九龍城真係愈來愈多高質食店,依間待私房菜的確色香味俱全,而且地方好夠大,好適合一家大細去玩,仲有麻雀檯供娛樂用途,如果有人生日,仲可以自訂語句展示於餐廳大型屏幕,多人既生日PARTY 可以包房,今日因為唔多人食,所以就點左小菜京蔥爆牛肉超有鑊氣,好好味既牛肉,炒得一D都唔乾,好有驚喜既乾煎黃腳𩶘店員話海鮮最好提前預訂,依條真係好新鮮,煎得剛剛好呀魚湯勝瓜肉丸浸大蜆我係好鐘意飲魚湯既,新鮮濃郁而且健康整體都係好好味,好想再試多D菜式~

*:.｡. .｡.:*富寶會所私房菜-九龍城*:.｡. .｡.:* 今次同Kik先生屋企人終於衝出大圍，黎到富寶會所私房菜食晚飯。初時都唔知食咩好，老人家又只係想食中菜，好彩有朋友推介左呢間私房菜，質素又真係唔錯喎✨啫啫豬膶雞煲🍲✨我同kik 先生都好鐘意食豬膶，咁岩呢幾日天氣涼左咁多最岩食依個煲。雞件好嫩滑，豬膶腌得好入味又唔會煮到"鞋"晒，加埋洋蔥，乾蔥頭，蒜頭同蔥，送飯無得頂👍🏻✨白灼鱔片🐉✨用白灼的方式保留了鱔魚鮮嫩的口感。這道菜色澤白淨，鱔魚片肉質滑嫩，入口即溶嘅感覺。烹調方法看似簡單,但能夠保持食材的原味，以突顯鱔魚的鮮美。喜歡食魚嘅朋友仔一定要試下✨京蔥爆牛肉🥩✨呢度菜以牛肉片作主角，配以京蔥和多種調味料，牛肉片經過爆炒後肉汁已經被鎖住，加上京蔥的香辣，充滿濃郁的香氣和口感，男女老幼都岩食🫶🏻開🍚地址：富寶會所私房菜九龍城侯王道28號一至2樓#九龍城 #私房菜 #會所 #粵菜 #富寶會所私房菜 #美食尋寶#九龍城美食 #美食推薦 #香港美食#私房菜推薦 #潮州菜 #粵菜 #侯王道28號

我今日嘅身份係一個好女婿。😊話說我外母一向熱情好客，又愛四方城，適逢佢好友兼雀友生日，佢哋想大搞，外母又認頭做搞手，早已命令我搵好地方，我上網搵到後，佢重要我親身嚟同佢試下睇下，為朋友，親力親為嘅老人家。👍🏻我一入去呢間店，地方相當寬敞，裝修乾淨企理，一張張圓枱，枱同枱之間都唔會太迫嘅，座椅全部有軟墊，坐得舒服。同外母問餐廳預訂詳情，店員詳細解答。餐廳話海鮮最好提前預訂，佢哋提供包場包房服務，又有麻雀檯供娛樂用途，重可以自訂語句展示於餐廳大型屏幕，可以打入生日祝福，啱哂佢老人家心意。一場嚟到，我哋兩個當然食吓嘢，都幾有驚喜。❤️魚肉勝瓜肉丸浸大蜆蜆肉肉厚鮮甜，肉丸大大粒夠彈牙，勝瓜爽脆，不得不提個湯底，魚湯煲到乳白色，鮮甜可口，正～銀魚仔勝瓜海鮮湯飯我本身鍾意食湯飯，今次呢個飯夠足料，海鮮湯底清甜，配埋勝瓜爽脆，銀魚仔又將個海鮮味提升左，食完消暑又滿足。

豉椒炒蘇格蘭蟶子🥰聖子肉質鮮嫩口感細膩,而且沒有腥味都冇沙👍豉椒嘅香味和辣味令到菜增添了豐富的風味💓菜式嘅調味都適中,味道不會過於強烈,菜式色香味俱全,係一道令人回味嘅佳餚😋豉油王乾煎蝦🦐煎蝦外皮金黃酥脆,內裏鮮嫩多汁,豉油王嘅香氣濃郁,與海鮮香氣相融合,拎嚟送飯一流🥳而且餐廳外圍仲有大屏幕,遇上大時大節可以事先同餐廳預訂特定字句顯示於大屏幕😎食完飯仲可以一齊打返幾圈先走添!🀄️Jeng Jeng🤩

之前都食過幾次富寶，一直都覺得佢哋啲中菜做得唔錯，今次經過唔知食咩，又上嚟食啦🤤京蔥爆牛肉整得幾有水準🥰牛肉切得厚薄適中，而且好新鮮，非常有牛味，有埋京蔥嘅加持，食落更加有風味，有咬口得來又夠juicy❤️白灼海赤米蝦好特別好，平時食中菜，多數食海蝦大大隻，今次試咗呢個海赤米蝦，都意外地鮮味十足，雖然望落細細隻，配搭埋鹹香嘅醬汁，非常惹味✌🏻餐廳環境一直保持都唔錯，食物水準又係質素嘅表現，會keep住食😆

中秋節一家人食飯，親戚book左富寶會所私房菜，第一次去見到餐廳都闊落，坐得好舒服😌首先上菜嘅係上湯焗龍蝦伊麵底🦞呢道菜用鮮嫩嘅龍蝦肉同彈牙嘅伊麵做主角，再加上濃郁嘅上湯，味道非常鮮美🤩龍蝦肉鮮嫩多汁，而且焗烤完之後，散發出誘人嘅香氣♨️伊麵底就吸收了湯汁嘅滋味，入口細緻順滑，俾人一種滿足感。呢道菜結合咗海鮮同伊麵嘅美味，絕對係一碟高質嘅佳餚🥰另一碟豉椒炒蘇格蘭蟶子都好好食😋佢用新鮮嘅蘇格蘭蟶子做主角，搭配豉椒嘅獨特風味，味道鮮香而唔會油膩～蟶子嘅質感彈牙，肉質鮮嫩，完美咁keep住佢原本嘅鮮甜。豉椒嘅香氣同蟶子完美融合，帶嚟一種獨特嘅風味體驗😋呢道菜俾咗一種新鮮同豐富嘅口感🤘🏿💕不過新戚同我講原來如果想要食到餐廳嘅海鮮菜式，最好提前預訂，因為佢哋嘅海鮮菜式好受歡迎，可能會好快賣哂㗎🥶咁就證明咗佢哋用嘅係真正新鮮嘅食材，為客人提供最高品質嘅海鮮🐙🦑🦐🦞🦀🐟另外餐廳仲提供咗一個麻雀檯俾客人用🤣唔單止可以享受美食，仲可以同朋友或者屋企人共度一個愉快嘅時光🥹最後餐廳仲提供咗一個有趣嘅服務，只要聯絡餐廳就可以自訂語句，展示係餐廳嘅大型屏幕😎呢個服務都幾特別，而且增添咗用餐嘅娛樂性同互動性🥰

🐮富寶會所私房菜🐮🐮#hkbeeflover_私房菜🐮#hkbeeflover_九龍城• • •🐮🐮評價🐮🐮富寶會所私房菜以潮州菜和粵菜為特色今次試了啫啫豬潤雞煲、黑胡椒炒膏蟹啫啫豬潤雞煲 🐥融合了潮州菜和粵菜的精髓以新鮮的豬肉和雞肉為主要食材豬潤爽脆雞肉入味兩者相配合令人回味無窮！煲汁中使用了潮州和粵菜的特色調味料賦予了菜品豐富的香氣和層次感這種複雜但平衡的味道令「啫啫豬潤雞煲」成為一道獨特的美食體驗黑胡椒炒膏蟹🦀這道菜以鮮嫩的膏蟹為主角配以濃郁的黑胡椒醬汁展現了粵菜的烹飪技巧膏蟹的肉質鮮美搭配上黑胡椒的香辣味道營造出一種令人難以抗拒的滋味這道菜的烹飪過程需要較高的技巧以確保膏蟹的肉質保持鮮嫩而黑胡椒的香氣和辣味充分融入每一口✨✨✨✨✨餐廳的海鮮菜品需要提前預訂，確保每一道菜都使用最新鮮的海鮮其次，餐廳設有麻雀檯供客人娛樂使用，讓用餐體驗更加豐富多彩餐廳的大型屏幕可展示自訂語句營造出獨特的氛圍和個性化的用餐體驗如您需要舉辦特殊場合或私人聚會，餐廳可提供包場和包房服務確保您的用餐環境私密舒適👍🏻🍴將潮州菜和粵菜的精髓融合在一起以新鮮的食材和精心烹煮• • •🐮女友總評分 🤎🤎🤎🤎🐮男友

京蔥爆牛肉🥩⭐️⭐️⭐️⭐️⭐️呢粉炒牛肉唔好提佢外表平平無奇，食起上來非常非常有鑊氣🥘 牛肉肉質鮮嫩！配上大量京蔥 調味味道剛剛好 配飯食好好胃口🍚乾煎黃腳𩶘（伴蘿蔔蓉及喜馬拉雅岩鹽）🐠煎魚雖然看似容易，但係其實非常考技巧同功夫！ 只要師傅手勢唔好隨時將鮮味的魚變成一片淡而無味的白紙🤣🤣🤣 呢間私房菜巧妙地將黃腳立嘅鮮甜味同魚嘅肉質依然保留！再配有獨特嘅蘿蔔蓉有意想唔到嘅驚喜 黑胡椒炒膏蟹🦀用黑胡椒炒膏蟹是一個非常新鮮的配搭！很多酒樓都會用薑蔥或避風塘炒 第一次吃用黑胡椒炒的膏蟹🥹🥹 原來可以帶出蟹的鮮味同肉質 本來只係每人一碗飯 最後要每人嗌多一碗白飯，因為實在太惹味啦😍😍！如果有啲特別海鮮想食可以預先同私房菜預訂☺️ 私房菜的店員服務非常良好親切友善😆 大家都食得好開心餐廳仲話俾我哋知原來可以book麻雀檯同埋如果要慶祝特別生日或節日可以預先自訂語句展示於餐廳大型屏幕🖥 😁 等我下次叫多啲朋友再試多啲餸先

去九龍城吃泰菜就很有名，但原來有一間中菜也十分高質！不是朋友邀請，也不知道這區有一間私房菜。餐廳有麻雀檯供娛樂用途，與朋友吃飯兼打翻幾圈就最好不過了！另外還可聯絡餐廳自訂語句展示於餐廳大型屏幕，下次跟朋友來慶生可以試試！我們點了兩道菜 - 白灼鱔片及豉油王乾煎蝦。鱔片十分鮮甜和爽口，一啲也不油膩。蝦的份量真大，肉質爽口彈牙，而且相當入味，還很有鑊氣！伴碟竟是鮮蕃茄片，清新解膩，兩者都好夾。不得不提，如果想點海鮮，建議提前預訂，讓餐廳好好準備唷～