富士山55 (拉麵沾麵專門店)

營業中

休息中

今晚去完科學館同歷史博物館之後，就嚟左喺噴泉隔離嘅富士山55食拉麵沾麵喇😊嗌左兩個麵同男朋友share食，特濃豚骨沾麵&白湯豚骨拉麵。沾麵湯底濃郁，麵質彈牙，又唔會越食越口渴，證明以真材實料肴製而成。拉麵幼細，豚肉半肥瘦，好味。

我同朋友第一次黎，唔知有兩度門。我地係商場入面度門入左鋪，當時員工話冇位叫我地出去等陣，咁我地就出番商場內個入口等啦，等左20分鐘，個員工又行出黎叫我地去另外一個門口重新排隊，我地追問點解，佢就話個個先係正門。首先，個位員工態度惡劣，唔承認自己比嘅指示不足。如果當初我地入錯門口，係咪應該講明叫我地去正門排隊，而唔係指示我地出番商場內門口等? 第二，該員工指商場內度門已經貼住左張紙話呢個唔係正門，但當時度門打開左，張紙已經唔係面向客人黎到就見到嘅地方，係咪應該有更清晰指示?最後我地白等左20分鐘，一肚氣，冇去重新排過隊，亦冇心情試入面嘅麵，係非常唔愉快嘅經歷。

不正宗的日式沾麵店，收取正宗沾麵店的價錢。食物：-麵送上枱的時候，已經完全沒有暖溫，因此之後浸在湯裏也只變得微暖。-湯送上枱的時候，調味料還在湯面浮來浮去。-2塊日式叉燒合格。服務：以茶餐廳的標準來說合格，以日式餐廳來說很低分-店主會拿著食物在店內邊走邊食，不是因爲忙碌（店內只有六位客人），是因為寫意。-港人廚師會跟著店內音樂一起唱，很熱鬧，結合工作和卡拉OK。-侍應還可以。裝潢：-很有本地懷舊冰室特色。

特濃豚骨沾麵 $88兩片叉燒加半隻流心蛋👍🏻座位上安裝左電磁爐比客人翻熱湯底 非常貼心❤️湯底非常濃郁 鹹香味十足😆但都要趁熱享用 因為好快就會凍😂麵身雖然做唔到掛湯效果 但都尚算彈牙☺️

工作做到攰 就同朋友嚟咗尖沙咀店嘅富士山55食 地點好易搵到幾近尖東新文華噴水池個邊我叫咗個幾特別嘅二郎系拉麵$83食落真係好鐘意嚟一款因為佢嘅蒜香同蔥花 再加上雞同魚介湯仲有清清地嘅椰菜等湯味道十分濃郁 又唔會係好咸係少數會想飲埋嘅湯🤤🤤味道十分滿意佢嘅份量都唔細食極都仲有十分飽足！麵質揀咗硬身 果然質感很好叉燒都肥瘦均衡 味道突出朋友嘅沾麵仲可以無限加熱確保佢嘅味道口感整體上真係十分滿意係可以再encore嘅拉麵店😋

呢間既沾麵真係食過咁多間最好味既沾麵, 所以一經過我就會諗起佢~每次黎都會叫特濃豚肉沾麵食一上檯個湯已經熱辣辣, 即刻飲啖先, 係勁濃既豚骨味, 而且個麵好煙韌, 將d凍既麵放落熱辣辣既豚骨湯食, 咁既配搭係最正架叉燒肉都好淋, 我自己鐘意將叉燒同蛋放哂係個豚骨湯浸住, 咁食既時候就會吸哂d湯啦~如果食食下覺得個湯唔夠熱既話可以放係個電磁爐加番熱黎食都得架食到最後仲可以加錢整芝士飯, 不過我就未試過, 因為次次都食到飽哂, 但我見隔離檯好似食得好開心, 我諗下次都要試下先~

LUNCH時間 ~ 去左食沾麵~ 叫左個白湯豚骨沾麵~ 可以自己選擇要咩麵質同要不要蔥同荀~ 有得食啦~ 有兩片肉同流心蛋~ 白湯清清地 每食一啖沾一沾~ 好好食呢~ 只是座位較迫夾~

好耐冇食沾麵，係尖沙咀開咗富士山55，一於同朋友去食食個沾麵。尖沙咀間鋪頭比較細，就算過咗晚飯時間，都需要等位。鋪頭比較逼夾，座位唔算闊，所以一大班人去食就唔係幾好。我叫左一個豚骨湯沾麵，比起我上次加左＄10食特濃骨湯，分別唔大。而且我覺得口味冇咁重，仲好食左添！不過沾麵嘅湯底比上次食既仲要稀，令到啲麵唔算掛湯，有少少失望。佢好彩有個電磁爐安裝咗喺枱面，食得慢都唔怕啲湯凍，因為可以即刻加熱個湯。其他湯底唔算太吸引，朋友食咗個櫻花蝦湯，雖然都算惹味，但始終個湯底都係比較稀，唔掛湯。

Just knew that this restaurant has a few other locations as well. The one that i tried was the tsim sha tsui east one. Got a bit of a wait before getting in. We waited for almost 10 minutes and we got a table. I always wanted to try the sakura prawns ramen and my friend ordered the dipped ramen. The sakura prawn ramen came and was amazed by its colour and smell. I tried the soup and it was soo nice as it was thick and not too salty. The ramen texture i choice medium since it is always safe. Rame

天氣大涼，有甚麼事情好得過坐於一個暖暖的室內，吃一碗熱騰騰的沾麵 ?就連一向不好此道的太太，也忍不住嚴寒要來跟我和小友一同過來食碗熱麵來禦寒。在這裡吃麵最大的妙處，便是邊食邊可以將沾湯置於身旁的電磁爐不斷翻熱，這樣就可以保證到由頭至尾，都可以食到熱湯與熱麵了....自己點了最back to basic的魚介豚骨湯沾麵。麵身粗而兼備嚼勁，是小弟認為城中其一最佳的；叉燒肉非常軟淰，咬下去嘴巴滲有微微的炙香，不錯；溏心蛋相比較之下，就稍失色了，蛋黃的流心度明顯不足....沾湯本身沒有甚麼過人特別之處，只是普通正正常常的魚介豬骨湯。不過有了電磁爐帶來熱力的加持底下，當然亦不會太遜色的....但對我來講，最後登場，加多少許錢就可換來的芝士飯炊，才是壓軸好戲....飯粒索盡了沾湯的甜味，再加上溶化掉的芝士帶來豐厚的texture，濃重口味而入口熱騰騰的，吃完後整個人㷫烚烚，最適合天寒地凍的時候吃了....

☺️尖沾麵🍜熱烘烘豚骨湯🐷第一次吃沾麵就係黎呢間，味道唔算特別，但一試無妨！👌🏻白湯豚骨拉麵 $83：恍如普通湯拉麵😂拉麵軟硬度、湯濃度、配菜 都可以自選程度或加唔加。其實主要特色在於有電磁爐可以慶熱啲湯，唔會攤凍🔥聽講沾麵啲湯要全部飲嗮先符合正宗吃法，飲唔嗮就會撈白飯同芝士🧀但我地暫時未有呢個胃口同勇氣💨👌🏻日式煎餃子 $32 ：正常，不過不失。🏠地方狹窄，坐位比較迫，電磁爐都要二人共用。

有事去尖東， 正午12:00正四處搵嘢食，見到這間「富士山」，一直都很想試。我在日本吃過很多沾麵，在香港不敢吃，因為一般都做得非常鹹及非常油膩。點了櫻花蝦豬骨拉麵，選擇了「濃湯」，「正常硬度」。上檯鋪滿櫻花蝦米。賣相不錯。嘗試了湯底，原來濃湯即是等於沾麵的湯，超級濃。好在店裏有清湯可以加，櫻花蝦米非常有趣，雖然味道已經被濃湯蓋過，但脆脆地口感不俗，而且再進一步提升湯底的鮮味。下次可以試一試不加蔥，可能會比較容易吃出蝦米味。麵的硬到偏遠啊，如果想吃日本的正常硬度應該要選較硬。同場追加了雞翼，做得不錯，皮脆肉嫩多汁。

足足排左個半鐘！之前聽人講呢間沾麵好食！專情黎試下！去到見到10幾個人排緊隊，諗住唔使等好耐！點知足足等左個半鐘！最後仲要唔好食！真係覺得好唔抵！鵝肝牛魔塔沾麵 $168 150g牛肉特濃雙色海膽沾麵 $298我本身對黑松露係唔抗拒架！但係黑松露湯底配呢兩個沾麵都係十級唔match!! 都唔知邊個諗出黎!跟住有個牌教人點食沾麵！話個湯好易凍，要座熱住咁去食，好奇怪囉，啲bar枱位 我地坐邊邊兩個人得一個爐係附近！真係火都黎！個湯唔夠熱 沾咩麵都唔好味啦！海膽係ok ge , 夠新鮮！食落口冇臭味冇怪味！三文魚子都係大大粒，晶瑩通透！但係個牛肉真係不知所謂！乾到一啲汁都咬唔出！又冇牛肉味!好采叫左最少份量150g!!!呢個價錢！排左咁耐！食咁樣既質數！真係一定唔會再黎！

本身之前夜晚行過見過好多人等位！心諗應該好好食喎咁多人！終於有時間去試下啦！下午時間去無咩人又唔使等位！店內有2張8人枱，亦有bar枱位8張左右！鋪面較細，所以夜晚等位應該好正常！一入去，店員叫我2人可以坐8人長枱！正唔使咁迫！一睇餐牌圖片先！心大心細，食沾麵定食拉麵好呢？到最後選擇2碗拉麵！1碗白湯豚骨拉麵，1碗櫻花蝦油拉麵！價錢都唔平喎😮本身拉麵可以選擇硬或軟，湯底可選擇濃湯或較清！等了幾分鐘就來了！一睇櫻花蝦個碗好靚喎！一夾心諗點解個湯底咁結既！😑拉麵仲係好幼身，好似一蘭咁！已經心諗依碗野唔係好適合我喇！我覺得成碗野最好食係溏心蛋！好彩我每碗加多一隻姐😜我只可以講依間店我無下次！我入元朗或屯門食都好過佢！

一向係沾麵粉絲,亦係辣妹。有日路過見到一款辣王的沾麵,深受吸引!剛巧老公生日,我地就黎試下。我點左果碗所謂的辣王牛肚沾麵,老公點左濃湯豚骨拉麵。剛巧是下午茶時間,加小食加$10,加汽水加$5。講真,我果碗所謂辣王的沾麵一點都稱不上辣。跟海報上紅色的湯底有點兒相差個十萬八千里。味道是很創新的感覺.有點似食緊中或的牛肚麵。可惜湯不夠熱,一上枱也沒有燙口的感覺,很是失望。還好是餐廳設有小型電磁爐,可以返熱湯。可幸老公的拉麵還算可以。湯很濃,拉麵也很有咬口。如果有下次,我會想試下海膽沾麵。。。希望唔會再失望啦～