富園豐海鮮酒家 (已結業)

好耐冇飲過茶，一早同爸媽飲早茶！一早九點左右已座無虛席其實觀塘有好多間茶樓都係有差唔多價錢嘅任選兩款點心套餐，不過通常其他茶樓只有八至十款俾你揀，依度有成二十款！選擇多之餘，仲有貴價的金錢肚都係特價點心，正！我地最喜歡竟然係價值$10.8 最平嘅薑汁千層糕，口頭煙韌，薑汁味濃另外，我推介其他茶樓較少見嘅生蒸排骨糯米飯，糯米飯好香口入味，有少少臘味調味，味道適中，配上幾粒排骨，抵食，一次過滿足晒食兩款點心嘅慾望！

平日午飯時間走訪好多間食肆都大排長龍，行到腳仔軟，終於搵到間唔洗點排隊，雖然睇見富字頭都唔係幾開胃，如果唔係午飯時間所剩無幾，都唔會考慮試下。坐得冇耐即停電，冇燈冇冷氣，等左十幾分鐘先恢復。人手明顯唔夠，漏單問題嚴重，叫左十碟漏足三碟。食物選擇偏少，對選擇困難者黎講可能都係好事，可惜我唔係。價錢跟質素一樣一般，特別個雪山叉燒包，扁得黎又厚粉，係我呢世仔食過最難食既一個。畀得起呢個價錢，喺附近絕對可以食得更好。

家庭聚會去左官塘富園豐。一行六人安頓後！見到廣告阿拉斯加蟹988一隻頗給引！於餐廳經理的安排下我和媽媽到水族箱親自挑選阿拉斯加蟹。池中每隻都生猛新鮮大得誇張。由於我們有六人，職員熱心幫我們挑選較大隻的，然後我們選了清清蒸方式，食材新鮮清蒸才是皇道。除了阿拉斯加蟹，巨大的阿拉斯加蟹熱騰騰的上桌，嗅到香氣撲鼻，看到上桌後的蟹後我們都驚呼連連！真的很巨型，每隻蟹腳，差不多有手臂粗！店員很貼心的每隻腳一把剪刀劏開...讓大家都能容易品嚐蟹的知味..每個節位都是滿滿的肉...每吃一口都是津津入味！除了蟹，還另外點了有米豬，今晚我們是準備大快朵頤乳豬一早就打電話嚟預訂左乳豬原隻開邊，分咗好多份。豬入釀滿曬炒香蝦糯米飯。因為釀入隻豬有D豬油浸入去。所以勁香口無得頂而且d飯食落幾煙韌！乳豬皮焗得夠脆夠香， 有肉唔會好肥！至於味道與坊間飲宴時食到既乳豬並無太大既分別除此之外 我地仲另外叫左蒸沙巴及海龍躉及兩個小菜而那條清蒸沙巴海龍躉！十分新鮮，蒸得十分恰當，不會蒸得過老！兩個小菜普通不多作介紹...

呢間酒樓係丫爸成日去，食左好多次，佢下午茶個瀨粉真係幾抵食，叫左一碗雞瀨粉，佢上錯左燒鵝瀨粉，D鵝唔係太肥唔係太好食，但另一碗叫左叉燒，好正丫，高質過燒鵝好多
另外佢既下午茶有一粒蝦餃叫，好平幾蚊粒仲有少少湯，2個人$90都可以接受

有次同婆婆食飯有三圍 好多人一齊食 感覺個經理好好 仲會介紹下菜式 不過側邊啲姐姐就。。。太多人食飯冇乜點影到相總括都唔錯嘅黃色嗰個 好似類似啲炸沙律嘅嘢 酸酸甜甜脆口 本身以為黃色下面嗰塊係紙 點知原來都食得 幾有心思😂😂😂而下面嗰隻乳豬呢 好似仲包住啲糯米飯咁 我見到有啲紅米囉乳豬幾脆口 唔油唔漏我記得仲食咗有西蘭花 嗰碟係齋黎嘅 唔知叫咩名 但個重點係西蘭花度 西蘭花有渣 👎🏿👎🏿👎🏿其他食物大家都認為有些少偏鹹 有個雞囉 好瘦睇落 個樣好老😂😂 但係食落都唔係老嘅 係偏鹹囉都係有一條紅色嘅蒸魚我就食得係最多嘅甜品就係薑汁紅棗糕 比出面冇咁甜 冇咁辣薑味

晚市小菜有優惠 好抵食美道又不錯變左屋企人既新飯堂雞煲翅好清好足料一煲可大概分5碗雞肉煲完都仲好滑翅都係大大塊 分量都唔算少唔似其他酒樓咁細細條又冇味蒸沙巴龍躉都幾大條 魚肉滑 唔過火呢個價錢黎講物超所值屋企人鍾意食賣相都唔差 幾香值得一提服務幾好侍應姐姐都幾落力尤其部長熱情招呼已經encore左去食幾次優惠menu入面既野差唔多試哂

放工去行觀塘諗唔到食乜，行行下去咗駿業街見到呢間中式酒家，就叫咗個3選1 嘅抵食小菜，再叫咗碟炒通菜係無未及隔咗差唔多成半碗油，條蒸魚就蒸得太熟肉質變得唔爽太硬，係個冰梅㰖角骨好食些，係工業區來講佢個價錢唔算平，食物麻麻，但服務態度都 ok, 環境就好嘈，唔係咁好坐，未試過會試一次，沒有咩驚喜。

已去了四五次每次水準都保持住，食他們的長腳蟹也好好食。他們的特價晚市小菜也不差尤其是那個but C 豚肉，片皮鴨, 其他小菜也不差蒸元貝都係$22。1隻，會繼續幫襯因為經理真的好好招呼，咁嘅價錢有咁嘅服務我覺得都算不錯

是日乃2018年12月31日，公司大部份人都放假，返工的只有两類同事。就係做晒今年工作好得閒等收爐同埋趕緊年結忙到甩轆的人。呢幾日香港好凍，剛從北海道度完假的同事話仲凍過落雪。於是大家都想食D暖笠笠的午飯。有人提議煲仔飯，就有人 建議呢度。 因為早嚟，唔使等位。 煲仔飯叫咗 臘味煲仔飯，食完成身暖笠笠。 特價點心紙上有 花旗參湯蝦餃。吾記得係14個8定24個8有四隻. 好抵食。 鮑汁鳳爪，鳳爪唔夠冧。小籠包，麻麻地皮太厚。 薑汁千層糕食完又係暖笠笠。 又叫咗個煎薄撐， 為今年或者一個完滿嘅句號。

飲茶來呢間，未講食物前要先彈吓張枱。每張枱腳都藏有大大個火鍋爐，全餐不停的頂著對腳。直坐又唔得，橫坐又唔係，全餐飯都坐得好辛苦，食完條腰骨其實已經彎左。腳已痺，下次真係 no way ！ 其實加一張大少少的木圓枱面就可以解決問題啦，做得酒樓冇理由唔識 ....... 餐牌午市有呢張，都算應有盡有。幾欣賞佢D精美小食夠多選擇，連咕嚕肉、口水雞、蓮藕餅同沙薑豬手粒都有。又幾吸引既，不過今日想正正經經飲餐茶算了，所以只叫了點心。即磨咖啡都有？唔簡單喎！講返食物，水準正正常常，唔難食但味道冇驚喜，有改善空間。咖哩土魷 咖哩唔夠香，但土魷就幾彈牙幾爽口既。目測土魷有五件，下層係完全唔入味的蘿蔔，不吃沒損失。蝦餃蝦餃一客四隻，都夠大隻的，饀可以，但皮略為厚左D 。奶皇流沙包奶皇唔夠香，但都好味的。而且流沙質感比較稀，有灌湯包的感覺，飮奶皇湯一樣。蝦腸大大隻原隻蝦仁，加上瓜類，腸粉皮亦唔錯，襯熱食啦喂！ 虎皮青椒同樣，魚肉煎得唔夠香。勝在份量大，少有一客四件噃。㷛仔飯就超多料，舖滿的。可惜少左D蒜蓉豆豉椒絲，少左D色少左D味。飯偏淋，沒有飯焦。埋單約 $250， 正常價。

天氣漸涼，下班後打算試試「燒烤+串串燒火鍋」，怎料得來了失望中伏的消費體驗，有意光顧者需三思。一入到店內見四周都人去樓空，只有數檯人在進食這店的小菜，未有人在進食「燒烤+串串燒火鍋」。基於抱著不會相信太差的心態下，所以作出了後悔的嘗試。推介的串串燒是客人於可雪櫃拿取已準備好的食物，食物會預先用竹籤串起，可按食量拿取，每串$4.8（見圖片），部分會用兩條竹籤串起所以會以$9.6計算，食物的選擇不多，目測約20-30款食物在雪櫃。亦有些食物會依顏色的碟來分辨價錢（如餃、魷魚等）$28/$38/$48。食物的味道亦令人失望，蝦不新鮮、響鈴簿而不脆、粟米淡而無味、肥牛缺乏牛味.....進食途中樓面阿姐叫我們要盡興去拿多些食物，那時刻是仍未飽肚但已再沒有食慾再進食下去，只想把已取的食物進食後便結帳。平均每位$175，付款後該樓面阿姐表示「每人都唔洗$200，係好抵食。」這令人更覺反感。出來消費，貴d都比得起，只是價值的問題，高質的貴d令人樂意享用，甚至當回頭客。這店相信很難會有誘因使人回頭支持，同區有大量選擇，假若保持這現狀相信難以維持經營。

相信香港人應該有不少人也很喜歡飲中茶吧！而我就是其中一個！雖然平時喜歡跟朋友去Cafe！但其實只要跟家人一起時就特別會想去飲唐茶！因為這是我的童年回憶！小時候的假日不是跟爸爸媽媽，哥哥，姐姐一大班人飲午市茶！現在長大了還是很喜歡飲茶！但說真的一個人飲茶可以點的點心真的不多！一籠燒賣、蝦餃就已經一人要食8粒了！更不要說有時還會叫蒸飯或是腸粉之類的！基本上叫兩至三份點心就已經超飽了！所以今天下午在此新店茶樓廣告牌發現有優惠！細心觀察一下居然有花旗參湯蝦餃皇！仲點係寫住一碗一粒！就上去試試！店鋪位於一樓！店面以中式酒樓來說也不算太大！不過座位還算OK的！我點了三個點心！花旗參湯蝦餃皇上菜時皮仍完整！喝一口清湯味道柔和清甜！花旗參味道不算很顯著！蝦餃值得一食！用上鮮蝦,餡中包了蝦肉鮮甜爽口又彈牙！至於粉果一籠三顆粉果皮薄餡飽滿！吃起來清爽不膩！黑椒牛仔骨碟上不會太多醬汁！吃起來仍然肉嫩，好功夫！茶資一人8元，埋單$48平民化的價格！