容龍海鮮酒家

營業中

休息中

幾年前黎過呢度食飯，無話好深印象。今次再黎係因為亞爸生日. 比0左流浮山同呢度佢\\\揀，佢\\\話黎呢度,所以甘次做足功\\\課先去買海鮮.去0左老鼠洲0個邊買海鮮，要留意0既係當你揀岩海鮮佢\\\鞤你秤一秤幾錢，同最後鞤你秤既係唔同。第一次秤係用出面既秤會秤輕D所以會平D，但係你揀洒海鮮之後佢\\\會用入面個秤,呢0個秤會秤得貴小小咖!芝士局龍蝦–個個都話好食，局得好脆好香。唔會覺得太肥（雖然係好高kcal）,唔油，果然後招牌菜，必食！糕蟹糯米飯–我見都檯檯都有叫黎食，又係呢度推介，但係我唔覺得有咩甘特別。飯無係味既，味道分得好開，飯還飯，蟹還蟹，有咩甘好食呢？白酌蝦–好味係因為唔使點豉油都食到鮮味，甘係因為D蝦本新好定係廚房煮得好呢？清蒸方利–次次叫條海班都食唔洒所以今次買方利。因為小有得食之餘亞爸又想食..成條食洒，勁呀！呢個我可以好肯定甘講係廚房勁，因為蒸魚好食係好難（雖然我唔食魚，但我都知）叫0左其它小菜，紅燒豆腐煲，雀巢牛柳絲同個冬菇菜（唔知叫乜名）都好好食，清洒。但係個鳳城排骨同紙包雞就好麻麻啦！total $900 for seafood and $1850 for

又到咗一年一度既舊同學聚會，身為搞手既一份子，年年都為咗地點而諗到頭都爆埋，經過一輪商議之後，最終決定去容龍食海鮮，其實我之前未去過架，不過有幾個friend都話好食就一於試下啦！點知......果然無介紹錯！- 香脆芝士焗龍蝦佢地話晒依個係容龍既名菜，佢張成隻龍蝦切開一半，放到成個面都係芝士，真係勁好味、勁香，D龍蝦肉質彈牙，而芝士就焗到好脆，二種口感、雙重享受，簡直一流呀！- 砵酒焗蠔砵酒焗蠔外面好脆，而入面就仲好鬼juicy，味道剛剛好，砵酒味同蠔既鮮味非常平均，最正既係咬落去仲會爆出蠔汁，超正！- 竹籠蒸膏蟹糯米飯佢將一隻大膏蟹分成八件放喺糯米飯上面蒸熟，膏蟹既精華都滲晒落糯米飯度，而軟綿綿既糯米飯沾滿晒蟹肉既甜味同蟹膏既甘香，所以雖然我知道糯米好難消化，都真係忍唔住食左一大碗！(好彩之後無因為食太多糯米飯而胃痛咋！ )- 海龍皇湯(雜錦海鮮湯)見到隔離檯飲緊呢個湯，果陣濃郁既海鮮味飄到過嚟真人叫人抵受唔住，所以我哋都叫咗一份。湯料入面有瀨尿蝦、大蜆、魚肉、白菜、豆腐……，煲到奶白色，入口只係飲到各種海鮮既鮮味而一D腥味都無，比起平時既魚湯，多咗種貝殼類海鮮特有既甜味，而入面既

居然容龍酒家都有免費WI-FI（真係有Ｄ意外，）．停車場係正酒樓下層，好方便，又唔洗收費．聽朋友講容龍幾好環境，個日入開去悅湖，順便去容龍飲茶見識見識，點知原來容龍無茶市，咁唯有叫小菜，甚麼涼瓜牛肉（幾好），味菜鮮魷（味菜太甜），咕嚕肉，白灼蝦，蒸魚，抄菜．整體都幾好，5大2細，六百幾．都ＯＫ

有D嬲，把我買來的大花龍換了“縮水訓覺龍蝦”，不過換得好有技巧，是睡了不久的版本。.....點解所有酒樓都是這樣？？？？--上湯焗龍蝦---技術略有不足--西蘭花---有蟲--回家後---肚呵

i myself feel lobster in cheese is baked. i also specifically asked the ppl there who answered lobster is baked & 'not' deep-fried.anyway. the snails in chilli & wine there also good. snails fresh yet without pungent taste shellfish often hv. but culd grow v spicy if left heated over stove too long.

九點黎到，停車場都懶泊，就咁「劈」架車樓下算數，咁夜當然去唔到三聖村買海鮮，好在容龍本身亦有一般大路既海鮮供應，豉椒炒蟶子王（4隻）、再加一隻十零兩既龍蝦仔開邊芝士焗，海鮮費用總共$220，加工錢另加$90（估唔到幫趁返酒樓本身Ｄ海鮮加工錢都要另計），蟶子有沙，而且韌，明顯炒得過火，老左，好在味道都唔錯，焗龍蝦表面加一層脆皮芝士，食法新鮮，可惜較乾身，而且可能隻龍蝦品種鮮味唔夠，淨係得芝士味而冇龍蝦鮮甜，既然食完都未飽，問侍應有冇好介紹，侍應介紹燒乳鴿$75，隻乳鴿中等size 本身唔夠熱，亦冇乜味，似雪藏貨色，七十五蚊食Ｄ咁既野真係呃錢，其他小菜由$70 起，侍應介推介尚且咁既質素，試問仲邊敢去試？加一罐可樂兩位茶芥，咁就五舊水落樓，感覺慘過俾人打劫。鄉下地方，九點都仲有五成人，生意算唔錯，地方寬敞，檯同檯之間有足夠距離，樓底高，空間感足夠，侍應對答得體有禮，服務幾好，我最欣賞係全場得一部電視，淨係放門口等位既地方俾人解下悶，場內一部電視都冇，唔知由幾時開始，間間食店都要四圍放電視機俾人追電視劇，搞到Ｄ人一路傾偈一路「哨」住部電視，食飽飯想同朋友打下牙較都唔得。各位食評家同容龍海鮮酒

小時候住在三聖, 常常去容龍別墅打千揪同影相, 今次再去懷舊一番!順道慶祝阿哥生日!先去三聖買海鮮, 之後再上去酒樓整兼加料, 買料用左$930, (預料之內!同流浮山差不多!) 1)芝士焗開邊龍蝦好有驚喜, 因為我唔知道原來呢間酒樓最出名之菜式,當阿哥落order點整海鮮時, 佢\叫用芝士焗, 咁我以為係普通酒樓方式, 一層類似白汁咁o既煮法, 但當上前, 每人一set刀, 我仲話使唔使誇張! 原來一d都唔誇, 好似係酒店食法咁, 龍蝦上時, 整整齊齊一半半分開晒, 每半隻面上都舖了一層焗到金黃色o既芝士脆面, (食落有點像kfc o既巴辣香雞奕層脆皮!) 好香好有口感, 脆卜卜!好正!2)椒鹽瀨尿蝦炸後依然有肉汁, 滑lu lu! 辣度適中, 都幾香口! 唔錯!3)粉絲蒸帶子略為失望, 唔知係咪食唔切d, 碟上後隔了一陣才食, 沒有了那份熱騰騰的感覺, 又不知是否大廚忘了落熟油及豉油, 還是特登想原汁原味(?!)味道淡了, 帶不出了帶子的鮮味!4)海鮮什錦湯我見都有一煲(真係屋企用o黎煲湯的\"梯\"煲!原煲上, 不是一窩!)裏面有魚(唔知咩魚, 海鮮檔送o既!)另外酒樓再加小唐菜

估唔到由香港島去容龍和去西貢差不多時間,所以日後又多一個選擇了!今天有地膽朋友一齊先去三聖買海鮮再上容龍,龍蝦不是時令所以沒有芝士焗開邊龍蝦有點失望, 後來點了蝦,美國桶蠔.花蟹,小象拔蚪及石斑魚.豉油王大蝦及呠酒蠔彌補了我的失落,大蝦的味道剛好連殼都可以吃, 呠酒蠔有酒香但內裏仍juicy唯獨是我覺得用中國蠔會蠔味重一點, 石斑魚蒸到剛好"骨肉分離"不錯不錯. 而粉絲蒜容蒸小象拔蚪都幾好但我比較喜歡扇貝, 今次錯過了(其實是買海鮮時忽忙漏買)下次一定會試. 薑沖炒花蟹有鍋氣但如果不是只有三個人就可以叫膏蟹蒸糯米飯.....四周環境不錯有小海景但佩套設施...糖水鋪仍侍改善

之前阿媽同D親戚拒地黎食過. 講到好好甘等我以為真係好好食...但唔知係咪因為比拒D甘差既service影響左..覺得唔好食...總之覺得好唔抵尋日total 9個大人2個細路去~~食左成千幾2000蚊圍返真係1個要300幾有多.問題係並唔係物有所值!個咩福建炒飯都要160...我都明呢間係大酒家唔係茶餐廳, 但個問題就係兜飯既用料同味道同一般茶餐廳係無分別, 學甘多位話齋, 最好食都係果個芝士局龍蝦個豉油皇煎中蝦都OK, 但個海鮮湯就真係....無野講勁難飲, 勁腥~ 個聖子又係好辣, 可能我唔鐘意食辣,覺得唔好味..總之就D味道同出面普通一般酒樓無分別但就收得甘貴(因為唔係食好多道菜咋!!!) 唔抵!跟住好啦, d service..跟本無service可言入到去, 完全唔會有人問你幾多位啊甘..自己行埋去跟住甘係拎D海鮮去比拒地煮架麻. 無人會接架渦就甘放係到架咋渦..自助得拒丫..差在唔係自己行埋入去廚房煮~然後渦, 你地都知食海鮮要成日剝殼,搞到個碟好污糟架啦.唔識自己黎換碟架渦, 要3催四請先黎我係D普通美心大酒樓都唔洗甘啦~ 斟茶又係..總之就..服務0分!!! 想要好s

第一次寫食評, 多多指教...話說阿媽話想帶婆婆去食椒鹽瀨尿蝦, 諗住入西貢, 問我蒲唔蒲頭... 阿媽叫到, 當然出現啦!!! 上車之後佢突然又話不如入老鼠州啦, 以為佢話去三聖村興記, 點知佢話去容龍, 嘩!!!容龍最正當然係砵酒焗蠔, 芝士焗龍蝦同羔蟹糯米飯, 不過因為得四個人, 婆婆又指明要食瀨尿蝦, 所以只係響三聖村搵呀文哥買左一細筒加拿大蠔, 瀨尿蝦, 方利同蜆, 本來想搵多樣之際, 文哥就好老實咁話3女1男, 上到去叫多碟菜差唔多啦... 好!!! 就攞咁多上容龍... 言歸正傳... 先上一碟豉椒炒蜆, 惹味得黎重食到蜆既鮮味, 正!!... 方利蒸得剛剛好, 肉鮮, 豉油亦調教得唔錯, 不過比起上次港潮樓老闆娘搵到果兩條三斤重方利, 再用油鹽水煮果種美味仍然比唔上(純粹輸材料)... 砵酒焗蠔始終係一絕, 外脆內嫩, 味道剛剛好, 砵酒味同蠔鮮味非常平均, 最正係咬落去重會爆出蠔汁, 不禁大叫"我愛砵酒蠔!!"... 椒鹽瀨尿蝦就中規中舉, 味道不錯, 不過又無咩驚喜... 最後, 叫左碟上湯芥膽, 味道亦都唔錯...婆婆對今餐當然非常滿意, 本來想食瀨尿蝦既佢都比砵

呢度招牌菜係KFC龍蝦，點解咁講？因為佢並非一般芝士焗龍蝦，佢係將芝士、蛋粉漿加在龍蝦的面上炸焗至脆脆的，口感一流，表面芝士脆脆的，而龍蝦唔洗講緊係彈牙爽口啦！而肉味鮮甜。另外，我的至愛就是O本酒焗蠔，仲要買加拿大桶裝的蠔黎整，夠晒口感。這裡功夫真的了得，可以將蠔炸至脆邊的，然後再放入錫紙加酒焗，果種好味，又係難以形容！這裡價錢是貴，但一年獎勵自己一次，也是很應該~~

The restaurant is similar to any typical Family Chinese restaurant which is quite noisy. However the special thing is that they do allow "bring your own seafood" and made according to your specifications, so for those who are picky about the food they take can pick up some fresh ones from nearby fish market.It has some limited parking and driving is necessary and encouraged, so arrive early to secure a parking spot.

食物質素可以,最好芝士焗龍蝦.可惜服務太差:1.10人(給我們坐16人枱,十分大張枱)但食刺生時只給二碟芥辣,多取會黑臉及第三碟後需收付加費.2.上湯浸波菜發現有一大扎黑線,通知侍應生.他們只會收走便算,不作任何解釋.3.侍應收蒸魚碟走時淋了汁在我朋友外套上,當不知情.以上3個情形跟經理理論,只說了聲"今天當黑"走開,直至我們結賬也不見人."服務只有0分"

阿爸阿媽介紹的, 話食海鮮抵食, 環境乾淨, 又住得舒服, 今日Christnas Eve 就book 0左7 個人檯去0左食晚飯.叫0左芝士焗半邊龍蝦, 肉蟹糯米飯, 豉椒炒蟶子, 蒜蓉粉絲蒸扇貝, 砵酒焗生蠔, 白灼蝦, 枝竹羊腩煲, 同埋蒜蓉炒豆苗.我個人偏好貝殼類海產, 覺得最好食係豉椒炒蟶子同白灼蝦. 蟶子好辣, 但好鮮甜好惹味; 白灼蝦係用'九蝦' (譯音only... 有無人知個'九' 應該係邊個'九'?), 好細隻, 但比中蝦甜, 好好食. 阿媽好鍾意芝士龍蝦, 我就覺得一般... 佢唔係唔好食, 但真係太漏, 而且個人覺得龍蝦始終最好食係either 用上湯, 灑鹽grill, or 用0黎整刺身. 肉蟹糯米飯似係羔蟹糯米飯多d (仲要頂角羔蟹!), 不過無所謂, 因為真係勁好食, d 糯米飯有蟹味的! 不過始終係糯米飯, 好滯, 結果食唔晒要打包.其他0野全部都好好食, $2200 for 7, 真係好平好想又去過, 哈哈!

家長，除左係小學時見的之外，佢地響生你呢條化骨龍前，多數都會響呢度見的。之不過，阿家長佢地今日番黎呢度，就好似你小學老師今日見番你一樣咁唔認得。裝修改晒，地方光猛晒，就不外乎變成三聖其中一個的選擇，當海天裝修後間間房咁大陸feel時，又不失為一個選擇的，而且，味道仲無咁濃添。PS:唔知以前有無辣酒煮花螺呢？