家家戶戶

營業中

休息中

完咗疫情又開埋關，韓國街搖身一變，好多鋪頭都唔同晒，以往食開的韓國餐廳都閂晒。有日經過想食韓國嘢，就揀咗韓國街最尾呢間 ”家家戶戶”，原因係店內仲有幾枱食客，相反其他店有店員企係門口招徠但店入面無客人。講返 ”家家戶戶”，睇review話店入面嘅店員係菲律賓人，態度有少少隨便，個日去食都無乜特別，如果想要用嘅服務態度可能要去更貴價的餐廳。呢度自己寫紙仔落單，好快點咗個煎餃子 ($69) 同韓式炒粉絲套餐 ($89)，另外再收加一，咁嘅價位令我對食物質素有期望，同時又有啲失望。煎餃子唔好食，入面釀咗粉絲，無乜肉，調味都欠奉，餃子皮少脆但少少厚粉，食咗一兩個已經有啲滯😥韓式炒粉絲套餐的海帶湯，放咗少少蒜蓉粒，但碗湯上菜時是凍的，不能接受；其他小食都普通，泡菜就似平時超市買開個款，無乜誠意😥唯一可以讚的是炒粉絲，用白菜、紅蘿蔔絲、洋蔥同牛肉炒，個粉絲係熱辣辣上菜的，但啲牛肉好乾、超難𡁻，大家要小心。

韓國街入邊有很多間韓國餐廳，行到最尾就是家家戶戶。地方不算太大。簡約風。價錢不算太貴。有些項目是有兩個價錢，原來平是淨叫，貴啲是跟餐，套餐有一支乳酸飲料，幾款配菜，一碗湯。泡菜餅($98)是我其中一款很喜歡的韓式食物。厚薄剛好，有泡菜味，但不會太辣。韓式炒粉絲跟餐($98)份量十足，味道正常。韓式牛肉石頭飯($109)，因為掛住食泡菜餅，所以個飯放了一會兒才攪拌。竟然有飯焦。正呀。微辣。但好食。紫菜卷($63)賣相唔錯，但識落比較淡味。

其實早兩年同朋友去過呢間食晚飯，當時都覺得唔錯，過多兩年嘅6月，行過尖沙咀，經過呢段韓國街，又肚餓又熱，就直接行入去食。點知嗌完餐之後，突然間熄晒成個餐廳嘅冷氣，仲要熄埋燈，送完餐之後就坐喺我哋隔離，原來先知佢哋夠鐘午休💤 （因為見到佢哋拎瑜珈墊準備瞓覺😓）心諗要客人食得咁急，就唔好接我哋生意！仲要嘢食味道愈來愈差😥 仲要加一服務費，服務就欠佳希望佢哋有改善啦！

𝗨𝗻𝗱𝗲𝗿𝗿𝗮𝘁𝗲𝗱 𝗞𝗼𝗿𝗲𝗮𝗻 𝗹𝗼𝗰𝗮𝗹 𝗲𝗮𝘁𝗲𝗿𝘆 @𝗧𝗦𝗧One of the most underrated local Korean eatery I’ve recently been to🇰🇷 ordered both bulgogi bibimbap n jiajiangmyun, my all time comfort food🤤你間位於尖沙咀韓國街嘅小店性價比高，值得一試。叫咗牛肉石鍋飯同埋炸醬麵，兩者都係食韓國嘢必叫。[𝗕𝘂𝗹𝗴𝗼𝗴𝗶 𝗕𝗶𝗯𝗶𝗺𝗯𝗮𝗽 牛肉石鍋飯] ($99 - set)portion was quite filling, gochujang, a spicy and slightly sweet chili paste adds a nice kick of flavor🌶️ the crust at the bed of steamed rice was definitely the highlight🤩份量幾大，重點係一定要落韓式甜辣醬。飯焦係精粹。[𝗦𝗲𝗮𝗳𝗼𝗼𝗱 𝗝𝗶𝗮𝗷𝗶𝗮𝗻𝗴𝗺𝘆𝘂𝗻 海鮮炸醬麵] ($79)not the mos

見唔洗排隊就入左去食dinner叫左個牛肉石頭鍋飯加$10轉set (有湯，益力多同啲小菜）大概～$99見個石鍋出哂煙諗住會有飯焦食 點知食到最後都冇 冇左石鍋飯既精粹🤔啲飯太濕 牛肉好普通 啲伴菜都冇韓國風味 算係食過既韓式石鍋飯中數一數二差😥都幾失望下呢間餐廳仲要收加一service charge 所以埋單都$100幾 呢個價錢黎講會有其他更好option所以都唔洗試🤣

🙋🏻‍♀️ 約咗兩個朋友農曆新年後飯聚，大家想食下韓國嘢過口癮，於是小編揀咗之前米紙有介紹過嘅家家戶戶。😁🍕 泡菜煎餅 😋😋😋😋😋依個係小編食過數一數二好食嘅泡菜煎餅。👏🏻 外面煎得好脆口，近乎半煎炸，但一啲都唔會乾爭爭，內裏餅身好軟熟，充滿泡菜嘅鹹香味，點上佢哋嘅鹹辣微酸嘅煎餅汁，又會清爽啲！好大份煎餅！同朋友嚟必點share嚟試試！🤗🥘 純豆腐海鮮湯 😋😋😋😋我哋每人叫咗一個韓式定食，小編偏愛韓國豆腐湯，望上去份量都唔惹小！有四小碟韓式小菜、一大碗白飯 🍚 同一大鍋熱辣辣豆腐海鮮湯🥘。水潤滑身嘅豆腐份量好多好大舊，湯頭唔算太辣，海鮮都係常見嗰啲，配飯食一流！而且一定飽！🙆🏻‍♀️ 晚餐 💵💵💵 約港幣$110/人💁🏻‍♀️ 溫馨提示一下大家：依間餐館只接受walk in，冇得訂座㗎！目測店舖可容納廿幾人，通常食完店員就會收餐，都唔會坐得耐㗎！😆🙆🏻‍♀️ 最後，喜歡嘅話，歡迎follow @foodirectory.hk！

韓國街除咗炸雞，原來都有傳統韓國餐廳，餐廳不算太大，但氣氛滿滿，好有小店的感覺。我哋每人一個set，加多個紫菜卷一齊食。紫菜卷正常，沒有太大特別，韓式炒粉絲，熱辣辣，份量也不少，清清地👍🏻另外，叫咗泡菜豆腐湯，我怕辣的，都可以食到，唔錯！

入店之前係門口度都等咗十分鐘，期間冇一個店員出嚟同我哋講仲有幾耐要等。等咗大概十分鐘左右，店員先走出嚟安排我地入座，坐低望餐牌，選擇都幾多。叫嘢食個方法都幾特別，要客人寫低嘢食嘅號碼落單。紫菜卷，$63，8舊左右，味道十分清淡。。。冇乜特色。海鮮餅，$98，辣醬都係正常辣醬，但係個海鮮餅勁厚面粉。。亦都食唔出話有咩海鮮。純豆腐豬肉湯，$99（套餐價），小食味道正常，個湯就真係俾到驚喜我，辣味同泡菜味都恰到好處，豆腐個量都好多，入面隻蛋就算熟咗都索曬味。埋單仲要收加一，覺得要收加一服務方面就應該要再做好啲。

🔸韓式牛肉石頭飯 $78最常見石頭飯 必須要做到有飯焦😍 而呢間都冇令人失望 仲熱辣辣上枱👍👍但飯略為偏濕🍚 加上牛肉肉質較韌 可惜值得一讚撈完醬汁同蛋汁後 味道濃郁 可口.🔸牛骨湯麵 $58可以唔洗叫☠️ 好明顯用左公仔麵底味精湯底😩 食完我個晏就勁口渴。。明明係牛骨 但就比左"鞋質"肉塊 OMG值得一提既係 個紫菜卷都算可以 唔錯😮‍💨自私評分：🌕🌑🌑🌑🌑自私評論：餐廳除咗食物之外，價錢都唔算抵。。服務一般，內裡座位多為木凳，建議要有心理準備先過嚟食🫠 同埋唔好有太大期望🫢📣 #小麗麗食在尖沙咀記 🚩 #家家戶戶 #尖沙咀金巴利街1B恆港中心地下1號舖#食在尖沙咀 #韓國菜 #韓國餐 #尖沙咀韓國街 #香港 #尖沙咀美食 #尖沙咀劣食 #尖沙咀餐廳 #香港餐廳 #評論 #分享 #餐廳 #抵食 #食評 #香港美食 #美食 #foodie #hkfoodie #foodiehk #tsimshatusi #hkrestaurant #restaurant

有次經過門口見到呢個綠色碗感覺好似好地道！心諗嘢食應該唔錯，念念不忙咁過咗2星期終於經過尖沙咀就去試食啦，叫咗個炸醬面套餐，啲面質林到爛咁制，呢個炸醬味道較淡，同我之前食過嘅炸醬面味道有啲差別，我個人覺得煮個包裝炸醬面較好味，或者紅磡有間都好味，而其他食物：餃子，泡菜，淡味紫菜湯，酸黃瓜算正常，泡菜味道算好食！店內都多人食，但呢個係我係韓國街食嘢嘅第一伏，臨走仲比我見到啲唔應該見到嘅不衛生情況，眼都凸L埋！一直話比自己知睇錯！最後係隔離舖買咗個飯卷，好好味

係尖沙咀附近行街🛍️ 諗起之前係Youtube有人推薦哩間餐廳嘅泡菜餅 加上幾想食韓國🇰🇷嘢 所以就決定試下啦 菜式可以揀單點或者Set Set有4款小食 是日小食係泡菜 韭菜花 烚花生🥜 同豆腐 價錢相差大約10蚊左右✿ 泡菜豬肉鍋set ✿ [$109]泡菜味係偏酸 非常開胃 冬天飲落去好暖 份量都比較足 豬肉係條狀 同出面其他餐廳唔同 但係都幾好食🤤值得推介✿ 韓式牛肉炒粉絲set ✿ [$98]炒粉絲好香麻油味 份量都多 粉絲軟硬程度啱啱好 不過牛肉冇咩味 同埋有啲柴 而且比較多油 對比起其他韓國餐廳比較遜色 Set有埋海帶湯 比較重胡椒粉味地址➸尖沙咀金巴利街1B恆港中心地下1號舖★好食指數★：3/5★服務態度★：3/5★有加一★

韓國菜癮起，lunch time行遠啲都要過韓國街食野。待應比較冷漠，一坐低唔會點serve，唔知係咪因為係外奴 (非韓國人)關係，唔識中文，就咁放低張點菜紙就行開，基本上無講過一句野。泡菜豬肉鍋 ($75)價錢都幾公道，包4款小碟，其中竟然有韮菜，大白菜同豆腐仔都正常；不過蛋卷就感覺比較孤寒，很薄的一片，因凍咗入口較靭。個鍋好夠熱，食完都仲出緊煙。味道尚好，湯夠辣但不會很嗆喉，仲有少少肉甜味。裏面有泡菜、金菇、豆腐、豬肉，都係正常野。豬肉份量算多，可惜豬肉並非切片，而係切丁，有幾舊好似燒肉咁切。浸湯自然都會比較靭，不過都咬得入既。

食過幾次閒日lunch,味道還好有特價嘅價錢算抵。今日星期五din,原來石鍋飯星期五冇特價，張紙冇寫，算啦都叫左個，味道ok嘅但變左仲貴過大街嗰幾間，正路配菜要俾錢先有。原本想去隔離嗰間但執左，人地配菜任添。然後叫左個炸雞，哇k11 foodcourt 嗰間仲好食過佢幾廿倍。明明寫住雞翼就俾雞件，啲雞又乾又柴一啲肉汁都冇，皮淋一啲都5脆，最慘個甜辣汁5甜5辣係酸嘅，無心整雞5該5好整，$83有8舊仔，上邊清真認證嗰間貴10蚊但有8件大大件，仲要加一。DONT TRY THE FRIED CHICKEN ITS THE WORST I HAVE EVEN TRIED仲要俾人趕走

之前睇youtube見有人試食唔同餐廳既泡菜湯🤣對上一次黎呢間餐廳果陣無試過，一直心思思想食😁襯新年假期貪得意去韓國街撞吓睇吓有無開門🙈好好彩佢初四有開，成條街得2間韓國餐廳有開乍！.今次叫左一個海鮮拉麵set🍜、泡菜豬肉湯🍲set、煎豬肉餃子🥟.叫set既話平均都係加10蚊左右，會有4款前菜，有泡菜、炒魚糕、炒椰菜、蓮藕/酸蘿蔔.✨海鮮拉麵set✨唔知係用既公仔麵牌子問題定係咩，麵質唔夠彈牙🤧至於海鮮都係預料既雪藏野啦🦐另外仲有3件韓式壽司🍙.✨泡菜豬肉湯set✨送上枱果陣個湯仲係沸騰狀態，咁凍天氣食夠晒正！入面有泡菜、6-7粒豬肉粒粒、金菇、魚糕，材料黎講就唔算豐富，但勝在個湯好送飯🔥辣度大概比十小辣辣dd，應該大部分人都食到既辣度🌶️.煮湯用既泡菜同伴菜隻泡菜食落係唔一樣🤪同埋個湯飲落有陣蕃茄味😂.✨煎豬肉餃子✨唔算好大粒，一口size左右，本身味道唔算濃，可以點附送既辣汁，會惹味d

見門口好多人排隊，以為好食，點之中伏！！！一坐低已經聞到張枱有浸up味，之後叫咗個紫菜卷同埋炸雞。紫菜卷嘅蟹膏有腥味，炸雞係食過最難食嘅炸雞，啲皮完全唔脆，好淋。之前叫待應比杯水，個杯好污穢，想飲又聞到好大浸up味，勁臭，完全飲唔到落口。懷疑佢地嘅抹布無定期更換！！！衛生好有問題，麻煩注意下！！完全唔明點解可以有人會排呢間垃圾，真係永遠都唔會再食！！！待應嘅態度都好一般，叫佢拎個水都拎咗好耐先有。