家家戶戶

營業中

休息中

去尖沙咀行街到咗午飯時間，喺韓國街附近，一於食韓國嘢，朋友揀咗呢一間，話之前食過唔錯。我哋叫咗兩個set share ，都幾豐富幾飽㗎😋LA牛肋骨 set $178牛肋骨用鐵板上，勁大份，我同朋友share食每人都有起碼四件牛肋骨😋牛肋骨熱辣辣香噴噴，肉質鬆軟，完全唔會乾柴，牛味濃郁。配上嘅珍珠米都好好味，用泡菜、韭菜花送飯一流👍🏻。配上嘅海帶湯味道啱啱好，唔會好咸，有好多海帶。韓式牛肉石頭鍋飯 set $109石頭鍋燒得勁熱，一上枱勁多煙😆賣相色彩繽紛，材料豐富，除咗有好多牛肉，配菜有菠菜、生菜、紅蘿蔔絲、蛋、大豆芽菜、醃蘿蔔絲，同埋最重要嘅辣醬😍全部材料同埋飯撈埋一齊，勁香噴噴，味道惹味😋因為石頭鍋夠熱，底部仲會有脆脆嘅鍋巴添👍🏻

今次去到韓國街食韓國野，我地揀左依間家家戶戶入面裝修舒服，d職員又係韓國人，入到去就好似去左韓國當地d家庭小店咁！今次我地叫左石頭飯同炒粉絲1. 韓式辣豬肉石頭飯豬肉嘅味道非常辣香，豬肉經過醃製，口感嫩滑多汁，帶有微微的甜味，配合著飯粒的蓬鬆口感，食起來上黎好滿足。石頭飯底部經過高溫烘烤，所以做到少少飯焦出黎，增加左左成個飯嘅口感2. 韓式牛肉炒粉絲牛肉口感鮮嫩多汁，牛肉炒過之後，更加香口惹味。粉絲吸收咗牛肉同醬汁嘅味，味道非常好，配上蔬菜同調味料，增加左成個粉嘅口感。整體黎講，餐廳食物都做得正宗，味道同係韓國當地食一樣，而且又有好多款式可以配搭嘅套餐，難得係價錢又唔算貴，岩晒三五知己黎聚餐

今日同友人去咗尖沙咀行街，行到去開咗好多韓國店個條街，就入咗去呢間店舖，呢間小店價格親民，環境整潔。睇完餐牌，叫咗兩份套餐 友人叫咗份 [ 蔘雞湯 $168 ] 雞湯好大碗，湯味比較淡，飲嘅時候要加少少鹽落去調下味 (加幾多自行選擇) ，湯內有成隻雞，食雞肉時，都可以放啲黑椒碎落去調味，雞肉肉質嫩滑；釀咗好幾款材料係雞身內，包括有紅棗、糯米等等，糯米口感黏黏的；配白飯一碗[ 泡菜辣豬肉烏冬 $89 ] 泡菜辣得惹味，辣豬肉份量都好多下，烏冬份量多，口感彈牙。配埋碗胡椒味嘅海苔湯、韓式涼拌泡菜、韓式涼拌韭菜、涼拌黃豆芽

尖沙咀金巴利街有好多韓國餐廳，我同朋友去咗其中一間叫「家家戶戶」嘅餐廳食晚飯。餐廳樓底高，環境舒適～有好多款唔同嘅套餐，有飯有麵。嗌左兩個set：LA牛肋骨和蔘雞湯。套餐包前菜、湯、飯和益力多。飯好大碗。好耐冇飲益力多啦，細細支啱啱好。❤️LA牛肋骨放在鐵板上，夠晒熱，夠鑊氣！牛肋骨牛味香濃👏🏻👍🏻配洋蔥🧅好香口。配3款前菜：泡菜、辣漬蘿蔔和韭菜花。❤️蔘雞湯好大煲，入面有成大半隻雞，好足料！除左雞同人蔘重有紅棗，好補呀。旁邊有一小碟椒鹽。侍應話我知要倒椒鹽入去個煲度增添味道。配4款前菜：泡菜、辣漬蘿蔔、韭菜花和豆腐。

尖沙咀韓國街真係有好多間韓國菜餐廳🍴呢間個門面好似我係韓國村見到啲屋仔咁🏡裏面都裝修到好似屋企咁，感覺好舒服而且廚師係韓國人，員工都係外國人.佢有好多款唔同配搭既套餐，有炒肉、石鍋飯、湯飯、粥、麵，成43個唔同既套餐，仲有十幾款小食，超多選擇.我叫左石鍋牛肉飯同埋兩個餐～兩個餐都有配湯、泡菜、韮菜、茄汁腸仔.石鍋牛肉飯個鍋好夠熱，整到好多飯焦，脆卜卜～韓式辣醬、菠菜、紅蘿蔔、泡菜、芽菜、牛肉，啲料好多，撈完食都啖啖肉🤤.香辣豬肉都好juicy，唔會炒到乾哂，夠入味又唔會好鹹.係個咁舒適既環境食韓國人煮既正宗韓國菜，爽👍🏻差咁張床我就可以食飽就訓🤫😂

我最近光顧了一家韓式小餐館，試了他們的韓式炒粉絲、韓式餃子泡菜豬肉餡和人參雞湯。以下是我的客觀評論：😐🍲🥟🍜首先，韓式炒粉絲的味道還不錯，炒得不爛不黏，香氣口感都不錯。但整體味道有點平淡，缺乏一些深度。配料的份量還可以，但如果你追求濃厚的風味，可能會感到失望。需要注意的是，這道菜的辣度相對較低，所以如果你喜歡辛辣口味，可能需要另外調整。🍗🍗🍗人參雞湯相對來說比較一般。雞湯的味道偏清淡。湯中的雞肉質地還算不錯，但整體而言，這碗湯可能不夠濃烈，尤其是對喜歡濃郁風味的人而言。🥟🥟🥟餃子皮薄而餡料相對豐富，然而泡菜的酸辣風味可能不適合每個人的口味，所以如果你對酸味敏感，可能要謹慎選擇。這家韓式小餐館的價格合理，但食物的質量和風味方面有些起伏。用餐環境尚算整潔，適合快速午餐或輕鬆晚餐。總的來說有一些改進的空間，視乎你的口味和期望，可以考慮一試。

家家戶戶地址: 尖沙咀金巴利街1B恆港中心地下1號舖 今日比朋友帶我食咗間正宗韓國家庭式料理🤪，餐廳裝潢環境好似置身在係傳統韓國家庭咁，好舒適，而且食物質素好好食又正宗😙，仲要多款配搭嘅套餐組合價錢都唔貴😚，CP值好高，正。純豆腐豬肉湯🥘$99熱辣辣韓國豆腐湯夠大份量多，飲落去好暖肚，啖啖泡菜味湯底味道濃郁，而且辣度又幾溫和好岩平時唔食辣嘅朋友😌再加上豆腐和條狀豬肉，真係配飯食一流， 非常開胃，正🤤。LA牛肋骨🐮$178牛肋條肉質鮮嫩，煮得相當軟稔，口感好好🙆🏻‍♀️，好入味，效果一流😎，真係好好食，值得一試！意想唔到佢啲米飯粒粒都係用韓國米整，超軟糯香甜，正👍🏻。#nicefoodie尖沙咀----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phto

@Gagahohohk 家家戶戶 韓食.味道：😋😋😋😋😋抵食：👍🏻👍🏻👍🏻👍🏻👍🏻環境：⚡️⚡️⚡️⚡️回訪指數：🤤🤤🤤🤤🤤/5.去尖沙咀 突然諗起韓國野食 就去韓國街行到最入 見到呢間全場爆滿 一定系正野👍🏻..炸醬麵 🌟🌟🌟🌟🌟 $74 單點超好食！！😍 系香港 好難搵好食既炸醬麵了 系韓國既感覺呀👍🏻 連個碗都系韓劇款😂上枱已流口水了🤤 榴槤溶 配爆冰 口感好爽一絲絲既椰溶 冰凍榴槤香 足滿住口腔 好滿足🥰.泡菜煎餅 🌟🌟🌟🌟🌟 $98有驚喜！ 每次食煎餅都無期望 覺得都系麵粉味今次系有種香辣味 應該系自家製醬料混入餅仲有一碟辣汁配搭 即刻味道再高層次了每塊煎餅 入面有完整一塊泡菜！有心思一定要試呢款👍🏻.韓式牛肉石頭飯 🌟🌟🌟🌟 $109 套餐套餐包前菜 紫菜海帶湯😋拌飯好香 色彩繽紛 有食慾 .✨飲品生米酒🍶 $93但我不喝的 男朋友喝的....💫 #家家戶戶 #尖沙咀 #恒港中心 #金巴利街👩‍💻OP網址: https://s.openrice.com/QrbS0i9m100~uKdABAA📍地址: 尖沙咀金巴利街1B恆港中心地下1號舖..#韓國街 #韓食 #

完全唔明白，點解有咁多人排隊！1）服務態度差到爆，全部採用唔識講英文唔識講中文淨係識發脾氣用面色告訴你的侍應生！2）泡菜煎餅的精華，唔係嗰塊餅度，而係係一個醬汁，竟然俾咗一pat紅色杰撻撻嘅醬汁俾我，食都唔想食，又多粉，又淋啤啤！3）炸醬麵，真係食咗一個寂寞！無味！4）煎餃子燶晒5）魚糕湯啲魚糕浸到淋晒6）石頭鍋飯叫正常啲7）連print出嚟嗰張單都可以甩晒色，完全睇唔到價錢，收我四百幾蚊，我真係真心覺得極度唔符合這個價錢的水平，絕對唔會再幫襯呢個係我今年第一個寫過食評，因為真係衰到唔使唔得！！！其實我晏晝已經寫咗一次，但係一路見到冇刊登到出嚟，而家寫多次！

見到好多人排隊，所以特登去試吓。服務態度極差，主要因為侍應全部唔識講英文都唔識講中文，唔知佢識講咩文，但係態度差到爆，因為佢哋好忙。我叫咗泡菜煎餅，煎得唔好食唔香脆，重點係煎餅嘅靈魂嗰個汁，唔係一般有芝麻在面嘅汁，係杰撻撻一Pat紅色嘢，完全唔掂。魚糕湯-魚糕又係浸得太久。炸醬麵完全唔好食。石頭飯還可以正常一點。印張單出嚟完全睇唔到幾多錢因為冇晒墨水。食三四樣嘢410幾蚊，咁嘅價錢真係唔會再考慮佢。

同老婆好耐無食韓國國，專登走去韓國街搵下，見佢清清地幾好咁，叫左兩個餐等食既時候發覺隻鞋踩到啲野滑滑地，一拎開見到隻曱甴，當堂食慾無哂，好嘔心，下次唔會再食呢間

炒牛肉set $118 Set 是加$10 就是多了一碗海帶湯 3碟小小小小的配菜牛肉很乾…海鮮炸醬麵set$119Set 也是加了$10 有海帶湯 兩隻煎餃 一碟小黃蘿蔔 和 kimchi 很普通 不夠熱如其話係海鮮 其實係魷魚😂

平日星期三晚餐食左一個鐘就比人趕走，食之前又唔講話限時，出面限時晚餐都食兩粒鐘啦，啱啱舊雞擺到落口，就叫我埋左張單，話出邊好多人等緊，你限時你又唔講，喺度催人走，真係俾錢買難受，以後都唔會幫襯，垃圾餐廳，啲嘢又唔係好食，服務態度又差，趕人埋單，朋友聚會一定唔好揀呢間餐廳，啲服務店員真係衰到爆，隔離啲餐廳又新又好食啲人又Nice，真係唔會俾錢再幫襯第二次，啲炸雞個皮又林，炒飯又冇味，希望依間店早日執咗，以後都唔想見到間餐廳。

估唔到而家韓國野開到一街都係，而韓國街反而得小貓三四隻，好冷清🍴牛肉鍋套餐 $109估唔到套餐都豐富，每個餐仲有支益力多仔跟，好Q🐥牛肉湯牛肉味好濃，飲落去仲好甜添，有超～大～量～牛肉、蔬菜、仲有年糕係入面，啲野多到唔洗錢咁lols🍴海鮮炸醬撈麵套餐 $109味道唔算太濃，唔係味精既感覺，但夠味～配料同撈麵一樣超多超大兜，海鮮有魷魚、青口、蝦仔，感覺好抵食呢🍴泡菜餅 $98超級脆口～泡菜比起平時食既酸，要挑剔既話就係粉稍為厚左少少🤏 整體來說也是非常不錯啦～

今日打完拳去左尖沙咀呢間家家戶戶， 我地點左個泡菜餅、烤牛肉飯，蔘雞湯、炸雞同麵炒年糕。先講個泡菜餅味太普通，醬汁太簡單，性價比太差。烤牛肉飯就正常發揮，味道okay，叫做全晚最好食既一道菜。好，到講個蔘雞湯，真係令我好失望，個味道太淡，雞肉冇味。依個炸雞嗰醬係OK嘅，不過個雞嘅size太細，所以感覺食炸雞嘅時候好似食緊佢個炸粉多個炸雞。仲有嗰個面炒年糕，比例做得好差，炒麵同年糕嗰醬太多，搞到個面太濕太咸，好難食，所以真心覺得不推薦大家去呢間。