家家戶戶

營業中

休息中

今日同FD到韓國街買嘢，睇到哩間餐廳基本full曬，平平地百幾港紙已經有個晚市套餐，咁試試啦。餐廳環境唔錯，裝修得好有韓國feel，好似韓劇睇到啲韓國家庭咁。侍應全部都係韓國人，好似有保證TIM。晚市提供數款晚市套餐，每一個睇到都想試。泡菜辣豬肉飯，套餐好豐富，有湯，主菜同4款韓式小菜，同埋益力多。原來韓國傳統套餐會搭配埋益力多，真係第一次知。辣泡菜豬肉分量好大，泡菜醬汁酸辣中和咗豬肉油膩，真係食到停唔落口。參雞湯，估唔到用咗一隻雞，雞肉煲到好軟嫩，已經同骨頭脫離咗。湯飲落雞味好重，帶出淡淡人身味道，如果覺得唔夠咸，仲搭配埋胡椒同鹽，可以適當落少少。整份套餐食落勁飽，真係好抵食，難怪晚市全部full曬啦。

尖沙咀有條韓國街，出咗名有好多韓國餐廳所以今次就去咗覓食試吓啲韓國料理啦～ 見到間紅磚入面裝修似韓式溫馨家庭料理feel 嘅餐廳就入咗去醫肚😛見到Menu 都幾多款配搭嘅套餐組合揀，店內嘅店員都唔係本地人 落單用寫No.落單比佢哋就可以唔洗怕溝通唔到落錯單～ 第一餐都真係幾餓嘅，早午餐嚟講見到個人蔘雞張圖即刻就寫低咗😂 而另一樣就叫咗牛肋骨因為見隔離枱食緊個牛肋骨陣陣疊咁好似都好正而吸引嗌咗。 上菜比隻雞嚇咗一跳，好一整隻雞呢。熱辣辣咁飲完暖笠笠、雞入面仲包有紅棗、米同蔘頭蔘鬚～天氣凍凍地食依個進補簡直一流🥰 蔘雞湯有雞同微蔘嘅味道食得出係無落味精嘅感覺，而雞肉都好滑仲啖啖肉，配有胡椒粒同埋鹽比你自行調味或者點嚟食，成煲雞連湯食哂唔配飯其實都好飽🙈🙈 而牛肋骨係用鐵板上香噴噴 ，層層疊咁有3層都好多塊有8-9塊左右仲有蔥花🤤肉唔會柴 牛味配上醃醬汁燒完都仲好夠味，套餐仲配有前菜、包括有 泡菜、韮菜 同 魚糕 、魚仔 應該係隨機嘅3款前菜 仲跟白飯同海帶湯。依度份量好夠好抵食，2人都食到好滿足。

位於尖沙咀韓國街頭嘅一間韓國家庭式料理店，店內營造韓國家庭裝潢氣氛，有多款配搭套餐組合供選擇韓式牛肉石頭飯牛肉大小不一，需要小小力道先可平均撈勻，內有芽菜、菠菜、蘿蔔、韓式辣醬，香辣惹味，食到最底有飯焦，天氣涼食完成個暖晒套餐除左有四款前菜，仲有一支迷你益力多純豆腐豬肉湯豆腐幾香滑，份量幾多，豬肉無醃過，本身豬騷味較重家家戶戶 尖沙咀金巴利街1B恆港中心地下1號舖

約了朋友食飯，知道朋友喜歡食韓國菜，所以去了尖沙咀金巴利街，呢度有好多韓式餐廳，我地就入咗呢間「家家戶戶」。紅色的大門好易認，店內用木製設計為主，燈光柔和，好有傳統韓國屋企嘅感覺。食物選擇好多哦！有不同套餐組合，其實我好好奇韓式粥會係點呢！好想試呀！食物黎啦！韓式牛肉石頭飯，有飯焦架，而且配上韓醬，非常開胃！純豆腐豬肉湯，豆腐真係好嫩呀！辣度剛剛好，呢個天氣食真係超級舒服！呢度每個套餐仲會有特別配搭，就係益力多啦腸道一定好健康呀

上個月頭去韓國影婚紗相，餐餐食韓國菜食到怕怕🙈估唔到事隔未夠一個月已經有啲掛住正宗韓國菜😂今日出尖沙咀揀相順便嚟拾回韓國味道😌呢間韓國菜由餐牌至裝修比我嘅感覺好家庭式好正宗👍❤️韓式牛肉石頭飯天氣轉涼就想食煲仔飯，呢個感覺就係韓版煲仔飯😂一黎到出晒煙好香😍 配料色彩繽紛好吸引🙌牛肉幾滑，加埋啲辣醬，好開胃惹味😋❤️蔘雞湯又係一樣天時凍就想食嘅嘢😆雞好大隻，肉質算幾嫩👍湯底偏清淡，要自己加鹽同胡椒，但蔘味都濃郁，食完暖笠笠😇#尖沙咀美食 #尖沙咀韓國菜 #家家戶戶 #石頭鍋飯 #人蔘雞湯 #韓國菜推介 #香港韓國菜 #韓式飯卷 #泡菜煎餅 #韓式牛肉粥 #koreancongee #kimchi #koreankimchi #koreanfood #tstfood

#20231129 📝📍 家家戶戶 @gagahohohk 尖沙咀金巴利街1B恆港中心地下1號舖➖➖➖➖➖➖➖➖➖➖➖➖➖➖➖➖➖ 🥢 #前菜 💭 要食韓國野第一時間都係諗起去尖沙咀呢條韓國街，成條街都係食韓國野，包羅萬有🇰🇷呢間野一入到去個個店員姐姐都講韓文，好有韓國屋企既感覺🏠食韓國野點可以唔食前菜，所以兩個主食都揀左跟餐，泡菜一定唔少得啦，一款咸一款甜，🐷最鐘意都係個韮菜花，比較少見.#韓式炒牛肉烏冬 $89💭 係平時韓式炒粉絲既味道，不過將粉絲轉左做烏冬，啲洋蔥充滿左牛肉汁食落好甜🧅再配埋椰菜絲同紅蘿蔔絲，有菜有肉好健康🥕有跟碗紫菜湯，食完飲啖清下口好滿足😌.#牛肉海鮮辣湯鮮 $119💭 個湯底係熟悉既辛辣麵湯底，但係帶有海鮮味既辛辣麵湯底，應該煲既時候落左啲蝦頭落去提升左個鮮味😋除左有兩隻青口同一隻蝦，其實都仲有好多海鮮粒係湯底🦐啲麵望落似烏冬，但口感係實淨啲，有啲似台灣啲刀削麵咁，個麵本身已經好夠飽，跟餐仲多兩隻粉絲餃，煙煙韌韌，點湯食幾好味🤤. 🥢 #益力多 💭 跟餐仲會跟枝益力多，係童年既回憶😂見舖頭入面都有好多韓國野飲，應該可以加錢轉，不過🐷覺得益力多已經夠吸引，飲完

LA牛肋骨套餐$178韓式牛肉石頭飯套餐$109好味指數：😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：有日突然想吃一些簡簡單單的韓國菜，想起之前有YouTuber 介紹過這間韓國🇰🇷菜餐廳，就選了在這用餐。餐廳不大，但內裡的裝修，包括磚牆、近天花位置的書架、黃光吊燈，都給我一種如置身傳統韓國家庭享受韓國家庭式料理的感覺。餐廳有供應多款配搭的套餐組合，我們二人各選了一款。每款套餐均配數款韓國前菜，如茄汁🥫炒香腸、辣得過癮的泡菜、涼拌韭菜花、韓式炒魚糕及海帶湯🥣。牛肋肉醃得夠入味，不鞋口也不韌。一碟有約10件，好抵！加了香蔥粒及芝麻，味道更香。韓式牛肉石頭飯🍚量超多，應該有最少1.5碗白飯，加了牛肉、菜、泡菜、辣椒🌶️醬、生蛋黃。熱得冒煙的飯拌勻吃有飯焦，辣得過癮。在這種如韓國家庭裝潢的餐廳享用這些簡單韓式料理，有在吃comfort food 的感覺。

係韓國街選擇一間韓國餐廳真係好困難，有太多選擇。最後選擇了呢間有韓國住家飯感覺嘅餐廳，環境都舒適，而且有好多食物款式可以選擇。見如果叫韓國小食，係會用韓國最近興嘅綠色傳統碗碟，幾得意😊⭐️韓式牛肉石頭飯配菜好豐富，有菠菜、泡菜、紅蘿蔔絲、芽菜、牛肉、雞蛋，用石頭鍋裝住，可以食到飯焦，好正😋如果叫套餐的話，仲會有4款前菜-泡菜、涼拌韭菜、豆腐、涼拌蘿蔔，海帶湯同益力多⭐️牛肉韓式什錦飯配料同上者差不多，但可能因為無石頭鍋熱雞蛋，所以係比煎蛋，拌埋辣醬食

好耐無出尖沙咀，轉角遇見到呢間家家戶戶，又好耐無食韓國菜，見唔使排隊，就試下。門面裝修特登砌左紅磚牆，用嚟打卡呃人去左韓國都有人信，入面就似係土傳統韓國家庭裝修。環境都幾闊落，可以坐得舒舒享受正宗韓國美食，餐牌都幾多選擇，套餐組合都多。叫左以下果啲。🐮牛肉石鍋飯個鍋勁熱，好易整到飯焦😋牛肉配蛋再撈埋好多配菜，好飽肚👍🏻🌶️純豆腐海鮮湯天氣開始凍凍地，最啱就食豆腐海鮮湯，獨有嘅韓式辣醬配好滑嘅豆腐，飲完成個人暖笠笠，最鍾意佢個辣到啱啱好。每個套餐都有好多韓式小配菜，都可以一試。

#gulugirl102EATIN尖沙咀家家戶戶 尖沙咀金巴利街1B恆港中心地下1號舖味道評分:☄️(必食之選)>☀️>🌤>⛅️>💨店員親切解釋餐牌上的兩個價錢(相差$10)是升級至套餐，套餐會包括幾款小菜，另外原來韓國傳統套餐會有甜品▶️益力多🫶🏻☀️Ginseng Chicken Soup蔘雞湯 $168超 級 大 碗😍😍原隻雞內包含了糯米、紅棗、蒜頭、人蔘粒等食材，非常足料😙湯頭熱騰騰，有提供鹽，我地可以按自己口味添加~如果想食得清淡啲/養生派，呢個係一個好選擇！☄️Spicy Seafood & Bulgogi Jjambbong Noodles 牛肉海鮮辣湯鮮 $119份量好大🤣🤣比起一般的湯麵碗大1.5倍左右，而且仲係滿滿當當，材料方面有青口、蝦、牛肉等等，仲有好多椰菜添，配上油麵進食，超豐富😆味道方面就係韓式辣醬湯底~十分惹味⭐️❤️‍🔥超温馨的家庭式餐廳，味道正宗~❤️‍🔥與店員用英文溝通~❤️‍🔥❤️‍🔥❤️‍🔥既然你睇到尼度，不妨比個like & comment & follow @gulugirl102 ~話比我知你有睇，比啲動力我丫❤️‍🔥最後既最後，口味

朋友想食韓國菜，於是我們到尖沙咀韓國街尋食，見到依間主打韓國家庭式料理的小店，價錢實惠，食物選擇也不少。香辣豬肉用木托盤盛載食物，豬肉加入醬料炒熟後擺放在鐵板上上菜，套餐跟配白飯、海苔湯、小碟配菜、益力多。豬肉炒得入味，均勻地沾滿醬汁，份量超多。小碟配菜包括：泡菜、韭菜和海苔絲。海苔湯有麻油味，海苔份量多。韓式雞肉石鍋飯同樣跟配海苔湯、小碟配菜和益力多。石鍋飯配料份量非常多，有：雞肉、芽菜、翠肉瓜絲、波菜和生雞蛋。雞肉醃製入味，波菜加入了麻油，石鍋的熱力令石鍋底下的飯變成脆脆的鍋粑，連同甜甜辣辣的韓式辣醬攪拌均勻後進食，口感非常豐富。

很久無吃過韓國菜，無諗過尖沙咀金巴利街小店家家戶戶沒有富麗堂皇的裝修，卻有浸濃濃的傳統韓國傳統韓國家庭裝潢的氣氛，而且餐點都有唔同配搭，豬牛雞或素食冷麵，石頭飯或年糕，全部都係韓國家常菜。早兩日襯天氣涼涼地，Order了牛肉石頭飯，一上檯已經覺色彩繽紛好吸引人食慾，波菜蘿蔔雞蛋泡菜牛肉，五色齊集，最重要熱鍋上熱辣辣，底下仲有卜卜脆的飯焦，好香口。朋友Order的辣豬肉飯也是鐵板上，以韓國辣醬調味，勁惹味份量又多，趁秋涼食暖笠笠，順帶跟餐都有晒海帶湯同前菜，-睇黎呢到會就黎變左我飯堂啊～家家戶戶尖沙咀金巴利街1B恆港中心地下1號舖

家家戶戶近排好似轉涼，就想飲啲熱湯，食下辣野，今日就黎到韓國街既家家戶戶吃個晚飯。餐廳裝修雖然唔算好精緻，但黎晚客人都唔少，而且餐單有好多唔同選擇，主打係韓國家庭菜，賣相同份量都有保證，色香味俱全！LA 牛肋骨（$178）呢個價錢係跟餐既價格，如果唔係餐會平10蚊，餐有海帶湯，有啲冷盤小食仲有枝細細地既韓國版益多力多。一睇啲肉真係超多，而且肉烤得岩岩好，啲油脂出哂黎好軟熟！泡菜豬肉鍋（$109）由於呢個餐本身有泡菜湯，所以就冇左熱既海帶湯，呢個泡菜湯送飯一流，簡直係白飯小偷。（個人好鐘意韓國既湯配飯既料理）豬腩肉切到細細粒，好入味。味道其實唔辣，又岩岩煮起送上，冬天食真係好暖胃。兩個餐既份量都好多，味道也不錯！睇到一上菜啲烤牛肉多到嚇死人，最後都真係飽到食唔哂🤭

📍 家家戶戶 Gagahoho（尖沙咀）置身於傳統韓國家庭裝潢享受韓國家庭式料理，用餐有個舒適環境享受正宗韓國美食，餐牌當然唔係少款啦，有多款配搭的套餐組合，呢度最吸引人嘅地方係韓國傳統套餐含甜品~益力多。同香港係唔同味嫁🤭連店員都係韓國人，好有親切感～套餐都會用木質造型盤上桌超霸氣，五種小菜分別裝在彩色碗裡好別緻，有泡菜，還有韭菜、芽菜、海帶湯、毛豆精緻優雅～🔸香辣豬肉香辣豬肉份量適中，飯量超多豬肉炒完好入味，辣味夠哂😍 甜甜辣辣每一口都很滿足，吃起來不會很辣，食材都吸附了滿滿的醬汁再附送埋韓國海帶湯.整個套餐絕對係足料又大份🔸韓式牛肉石頭鍋飯送到黎嘅畤候個石鍋熱辣辣，加左佢地嘅自家製醬汁就可以撈勻個飯。食材都吸附了滿滿的醬汁，沾上蛋黃很滑順。石鍋飯嘅材料都幾多，值得一讚嘅係個牛肉甜甜地咁超好味😋

好耐冇食過韓國嘢啦🤩 今次嚟到尖沙咀嘅韓國街 食一間叫做家家戶戶嘅韓國菜🤟🏼 環境舒適 可能睇得韓劇多 餐廳環境好似去咗韓劇入面嘅餐廳用餐😎今次叫咗兩個餐 一個餐入邊包咗三至四款小菜 而且有啲餐仲會包埋益力多添 真係好正宗😍泡菜豬肉鍋我最鍾意熱辣辣嘅湯😝今次揀咗泡菜豬肉湯 絕對係撈飯必選🥰 湯底辣度剛剛好 好有韓國風味 入邊仲好足料🥳 有好多泡菜同埋豬肉 而豬肉嘅話 餐廳係切咗細粒 方便啲咬😆LA牛肋骨另外叫咗個牛肋骨套餐 份量超多 絕對夠食 真係好抵食🫣 而且厚度適中 燒得啱啱好 完全無筋🫢 而且依個餐仲有一碗熱嘅昆布湯 滿足晒我兩個願望🫡