家嫂

營業中

休息中

首先要讚下佢啲自家制飲品，款式多感覺上又健康啲，個刺身船吸睛得嚟又好食，有海膽同象拔蚌刺身已經抵哂。小食方面酸菜魚同麻辣鴨血都好野味。花膠雞煲我哋選擇小辣， 但搵勻成個煲都係冇花膠只有豬皮同埋蜆，雞肉尚算嫩滑不過不失。 到打邊爐嘅時候，每款海鮮、手打三色丸、餃子、蔬菜籃同烏冬都會先上齊，之後可以再refill ， 海鮮方面有蠔、龍躉肉、蟶子、魷魚圈、大蜆、蟹、魚同蝦。 蟶子係中size （第二round變左大蟶子），蟹肉霉仲有少少乸喉，可能只係死咗一陣（第二round正常）每次refill嘅時候都要搵店員， 到中後期先發隔離枱海鮮船上竟然有鮑魚， 即刻order，但竟然只俾四隻我哋，但我哋係有五個大人，留意返，第一round佢放低海鮮船嘅時候係冇鮑魚，我地係見人地有先嗌，再refill 又漏單之後再追先話賣曬。 整體嚟講間野唔太老實，一係你就話鮑魚冇得refill ，你開得門又唔俾客食算咩意思。

果日行行下旺角 竟然俾我發現到呢間午市火鍋套餐 竟然由$58蚊起 心諗都應該冇乜太特別 點知真係有驚喜 自助吧提供既食物都有20款左右 基本既火鍋配料都應有盡有 加埋本身套餐的牛肉 今次真係食飽飽lu

第三次去家嫂😍有精緻小食、惹味雞煲、鮮味魚生之後花膠湯底打邊爐都唔使四百元可以食足三個鐘我諗全香港冇乜邊度食到咁有質素👍🏼今次去到小食類我依然最❤️蝦多士同芝麻醬翠玉瓜我點完又點😽之後接住食雞煲食完可以再加跟住重頭劇嚟啦成盤魚生好吸睛鮮味可口最鍾意大大粒嘅帶子同赤海🦐🤤😋食到哩到都飽咗一半但預留左嘅花膠煲冇理由唔飲多兩碗之後再用湯底打邊爐簡直係食得是福❣️海鮮有🦐有🦀有🐟有🦪樣樣齊全部都係新鮮貨👍🏼牛肉豬肉高品質另外我極力推介家嫂自家人手製餃子及丸類爽口彈牙唔試會執輸🤣最後一提佢哋自家製嘅飲品款款清涼好飲🍹紅白酒更加任飲🥂好滿意好滿足期待下次再嚟🙌🏻

之前食過兩次都好有水準，隔左半年冇食，質素差哂，所有野食既水準都差左好多，全程不停吹你食野，可能之前疫情冇人去食，個時態度好好，仲要連我最想食既芝士蛋糕都冇左，真系吾會再有下次，真心吾會再幫襯

終於試咗呢間家嫂，價錢有啲貴🌝，所以一直都未試，今日忽然間想打邊爐，見佢有位就上去試下😊，小食同埋炸野都幾有驚喜，蝦多士係真係好好食嘅，其他嘢就不過不失啦，刺身我覺得都新鮮好味嘅，反而個雞煲係有啲失望嘅佢嘅，🥘个雞煲我覺得冇乜味嘅，就唔似倫哥雞煲啊新南苑嗰啲咁惹味囉，🦀🦐海鮮就一般般啦因為好多仲係急凍拎出嚟未解凍嘅，其他網友講好正嘅芝士蛋糕🍰已經冇咗喇，變咗雪糕代替🍨。有啲失望。飲品佢有好多自家製嘅飲品🥤都幾有特色嘅好似有薏米水啊檸檬梳打啊水果茶等都幾足料幾好飲嘅👍連埋加一約380元一個人，其實有啲貴嘅，不過佢又真係多嘢食嘅🙈。

一班朋友食飯，最好不過就係去打爐。 今日食個間家嫂放題任食火鍋，我就係見到朋友post 左佢食飯相去社交平台, 見到d 食物好吸引，所以即管去試一試。 今日約左3個舊同事食飯，家嫂依度d 裝修環境都唔錯，地方寬敞。 至於食物，放題都分幾步曲, 第一步曲係魚生刺生船， 第二步曲有雞煲， 第三步曲係有幾款小食， 跟住就係打邊爐，有海鮮船、牛肉、手打丸、響鈴等.......打邊爐既湯底好濃好正，仲可以當湯飲，以上既食材樣樣都真材實料，新鮮好味。 不得不題，依度有任飲紅酒白酒，另外又有自家煲既飲料，例如竹蔗茅根....最後仲有甜品食，芝士蛋糕，一樣十分美味。 食完所有野，真係要捧住個肚走。

跟家人慶祝生日，所以去了食火鍋放題有別於一般放題此放題首先會送上數碟前菜然後刺身拼盤再來是雞煲最後是火鍋和甜品食物質素其實不錯尤其是刺身（只有一盤）和海鮮（可以任叫）而且有很多足料飲品和特色醬料特別推介鮑魚（很大隻）和龍躉片 （鮮甜多肉）牛肉亦很有牛味（沒有冰鮮雪藏味）前菜的蝦多士和皮蛋也很特別不過因為上菜按特定程序前菜份量特多每種食物也送上一碟導致大量食物的浪費（例如其實我唔鍾意食雞煲—太油膩）很多食物根本沒有吃就直接收走了很浪費⋯⋯對地球傷害很大性價比挺高，$3XX （5:00pm-7:30pm)希望可以改善一下經營方法讓客人自己點菜和份量少一點會更好

見網上有推薦裡間打邊爐星期日book左檯想試下，唔算多人，d野食分part上，一開始小食都好好味刺身都算新鮮，到雞煲有d淡都都正常跟住邊爐部分牛肉係普通牛肉，海鮮好唔新鮮，貝類一食就成口沙，除左個花甲係正常，蟹已經死左好耐斷曬腳聖子已經開始有臭味，我男朋友唔係好食海鮮但見我食到少少唔開心就等距收走後問左距地今日有無d新鮮嘅海鮮諗住嗌少少我食補數但個姐姐即刻好大反應話：我地全部海鮮都好新鮮都係即日來當日賣曬無唔新鮮，其實全場得半滿好難說服到當日賣曬，我地唯有淨係食肥牛但次次都淨係得兩片，好多野我地都唔鐘意食，都係寧願食嗌餸食果d好過

成餐飯三個字講晒 好滿足😂首先一黎到已經比小菜你醒醒胃先 開頭真係已為得幾碟仔 點知越來越多 而且仲要唔馬虎 樣樣好好食 個人推介酸菜魚 炸蝦餅同雞翼 真係熱辣辣得來又脆口 食完想再encore 呢個時候朋友阻止左 叫我忍忍口 之後仲多嘢食😂過咗無耐 慶幸自己有聽佢話😂因為啲嘢食真係陸續有來 .......🐔首先嚟咗一盤雞煲(我哋嗌左微辣 都好入味而且雞煲仲有鮑魚🤣)🍣之後嚟咗刺身 都新鮮鮮甜 一啲都唔Hea 仲要有海膽🤤🍲再之後重頭戲黎啦 開頭以為雞煲加水嘅我 原來會再比多個靚靚煲你打海鮮邊爐 而且海鮮樣樣都好新鮮👍🏻鄉里出城嘅我真係嘩左一聲😂期間服務員姐姐仲關心我地夠唔夠食唔夠食可以再加 仲推薦我哋老火湯底好飲😂好親切嘅姐姐😂所以覺得點都要寫返個食評讚一讚😂👍🏻總結黎講 食物質素、款式、服務都唔錯 價錢方面係會比一般火鍋放題貴一點 但咁多嘢食來講性價比算抵👍🏻值得推介☺️👍🏻

太失望之前食過覺得幾好食所以再嚟食多次 不過唔知道係唔係因為越來越多人幫襯 我地覺得啲野食hea咗 冇咗鮑魚小食 又冇咗最期待嘅芝士蛋糕 得返個冇乜特別嘅雪糕今次食5點至7點半嘅時段 一開始都食得幾舒服 職員態度都正常 但係到6點半就要我哋埋單 之後就不斷問我地啲嘢食要唔要 唔要就收走佢 5分鐘就埋嚟一次清我哋啲嘢到7點2嘅時候就同我哋講得返10分鐘 明明打電話Booking嘅時候職員話可以食到7點半 不停咁樣催 搞到我哋食得好趕好唔開心 持住自己多人食就咁樣 短期內應該冇下次啦

🔶之前一直都想同朋友試一試”家嫂”，聽過唔少人講”家嫂”係一間食小食已經食飽你嘅放題火鍋🍲小食🍴最出色一定係黑松露蝦多士🍤同蜜糖雞翼小食食到差唔多🥢侍應姐姐就走埋黎問雞煲要咩辣度🌶朋友們唔太食得辣就叫左微辣🌶🥘黎雞煲前🥘先上一盤刺身🥢除左八爪魚有少少難咬之外🐙其他都算唔差雞煲🥘入面除左有雞之後，仲有鮑魚同雞腎🥢知道之後仲有火鍋🍲所以大家對個雞煲🥘都先留留一手👍🏻火鍋湯底🍲我地揀左哈密瓜老火湯🥣第一次聽到哈密瓜都停一停諗一諗🤚🏻但係侍應姐姐就落嘴頭話好飲可以一試👍🏻湯底🍲到啦！睇樣有d特別🤏🏻但原來飲落嘩一聲🤩好夠味飲完湯😋d火鍋料都送到海鮮料🦀🐙都算新鮮👍🏻😋個雀竉係放左炸魚皮同烏冬🍜平時見人地嘅食評📝甜品係芝士蛋糕🍰點知是日甜品係香港出品嘅波波雪糕🍨🔍原來7點半仲會有架紅白酒車推出黎🍷🥂可以任飲🥂全晚都推過3、4次🥂除左紅白酒外，都仲有無酒精飲品提供🥤 7點半食到10點⏰飽到上心口🤪可以一試👍🏻

之前初九星期六去食完。。。覺得水準唔錯。。。前兩日又約老公去食下。。。但係今次感覺好唔同囉。。。🙁我哋今次食五點至7:30呢個時段。。。時間上係足夠嘅。。。不過就欠缺彈性囉。。。只係分五點同7:30時段。。。人哋好多場係已入座計任食兩個鐘或者2.5小時。。。即係佢寧願有吉枱都唔放你入去開始👎一開始上刺身。。依家就冇乜問題都冇乜改變。。。整體食物都係差唔多啦。。。但係食客唔多加單就時有漏單🤦🏻‍♀️。。而且都係同我之前一樣咁講啦加單係比較小家嘅。。。有啲款式特別想食希望可以加多兩粒點知都係唔得。。。兩個人每次每款只係出兩粒。。我覺得驚客人浪費冇問題但係唔係咁小鬼囉👎。。。例如兩個人想加牛肉就只係得出來是兩片。。。想加墨魚丸就係得兩粒。。幸好海鮮都算新鮮。。。今次食仲多咗好多唔同嘅貝殼類。。但係食到最後就真係有點失望。。。。試過好多次黎都係芝士蛋糕🍰。。。。但係今次竟然係求其比兩舊雪糕打發你。。。呢點我覺得。。。。Cut cost cut 到咁? 短期內應該唔會再食下一次。。。由於今次係7:30前要走所以價錢係298 +1。。。

打電話去book答我話有位，冇問題，結果去到話冇record仲俾職員challenge我冇打過，俾返個記錄佢睇就死狗咁，搞錯左冇位唔緊要，當日晏晝打返俾我都唔會咁嬲，去到仲要俾你個員工咁樣質我？有冇搞錯

入到去第一感覺望落環境唔錯 空間感好足夠唔會好似一般出邊打邊爐 舖頭坐到密質質 背貼背咁枱面都好夠大 啲嘢食嚟齊晒都仲有位剩坐低之後 店員會放低當日唔同嘅餐前小食麻辣皮蛋👍🏼牛油果蕃茄沙律👍🏼醃蘿蔔👍🏼木耳腐皮👍🏼黑松露蝦多士👍🏼酸菜魚 👍🏼 ((係呀！你冇睇錯酸菜魚都係小食嘅一種))以上所有小食都可以任食 每次每款可以點一份每一款都好好味😋食完小食之後 可以同店員講上刺身大約有八款唔同種類嘅刺身 全部都好新鮮海膽望落好靚 食落口唔會腥 但唔夠鮮甜 北寄貝同赤蝦👍🏼都食得出鮮甜味道 可惜刺身係冇得任食㗎食完刺身之後隔一陣就會上埋個雞煲同平時雞煲一樣都有大中小辣揀 我地就揀咗小辣啲雞好滑！😍雞煲入面仲有花膠同埋雞腎 花膠比較腍 雞腎就好好爽口👍🏼另外仲有豬皮同埋響鈴俾你浸落雞煲入面一齊食同樣地雞煲係可以refill既💪🏻食到呢度其實已經飽咗七成😂不過重頭戲依家先開始 記得有五至六款唔同嘅湯底俾你揀我哋見呢個 漁民艇家鍋 幾特別就試試佢問咗店員 原來呢款係魚湯湯底 (魚湯湯底煲內左會太腥)湯底到咗之後 店員會自動波送上環遊海鮮船😮船上面有 生蠔 帆立貝 鮑魚 大蜆 青口 墨魚滑釀冬菇 脆玉

政府話年初七開始就可以有晚飯六點至10點。。。我哋就初三四急急腳打電話去預早訂定星期六晚六點。。實在太耐冇晚餐啦好期待😍基本上未夠六點已經仆咗上去。。。原本諗住食特價嘅298餐7:30前埋單。。。不過後來問咗職員原來348暫時係唔限時間。。即係可以坐到收檔10點。。。所以我哋立即要求轉返食正價唔使趕頭趕命慢慢食。。。😋😋首先環境真係唔錯。。。唔似出邊啲火鍋店背脊貼背脊。。。枱面又夠大。。。好快職員已經上咗刺身同埋好幾碟小食。。。出邊仲有得免費任飲飲料🥤。。。不過唔包啤酒🍻就唔夠過癮囉。。。但係7:30之後不定時會有餐酒車（紅白酒）免費享用刺身方面雖然冇得任食但係都很滿意。。。之後就開始想雞煲🐔。。我哋選擇咗中辣🌶雞煲入邊仲有少少花膠。。。雞煲可以任意添食。。。不過我哋食一煲已經好足夠因為我哋要留肚食海鮮🦐🦑🦀🐟。。。原來海鮮都可以任食㗎。。當然仲有手打丸同埋雲吞烏冬炸魚皮同響鈴啦。。。不過佢refill我就唔太鍾意佢嘅方法。。。例如我淨係想添加多啲墨魚丸又唔得。。海鮮方面我淨係想添加帶子串和蝦膠釀冬菇🦐🍄卻只能夠兩個人添兩粒兩串。。。有時想爽快啲淨係想要六粒墨魚丸都話唔得。。只能夠二人