家上海 (形點 I)

營業中

休息中

朋友仔生日，一行8人去食個飯仔慶祝朋友仔壽辰！圈子裡面總係有中意「搞事」(搞活動)嘅朋友，約好晒大家時間，book好枱！一到店舖門口，發現人山人海，全部都係等位嘅人，朋友仔果然明智，有book枱即刻有位入！以一人點一味餸嘅形式點左8樣餸！總有一款你啱食呀！蜜汁脆鱔鳳梨魚柳奶油津白鍋塔豆腐金牌小籠包鐵板灌湯生煎包上海炒年糕揚州炒飯仲有個主角，壽桃包+私伙蠟燭🕯️生日快樂喔🎂每樣都有水準，味道都不錯！蜜汁脆鱔平時比較少叫，甜甜地脆脆地好有小食feel，可以一食再食！個人鍾情小籠包同灌湯生煎包，小籠包熱辣辣，滿滿湯汁，而生煎包個包本身軟熟，包底脆熱，裡面充滿熱湯，正喔！上餸速度快，不過環境嘈吵，大家講嘢叫破喉嚨再加讀唇先勉勉強強聽到！絕對唔係傾計好地方，或者朋友齊人有得聚聚都難得！

第二次來家上海 上次食完一次去左第二間食上海野就愈來愈對家上海念念不忘 唔似其他連鎖店 佢只有一間分店 要食就一定要來元朗。2點左右黎到 好彩唔使好等位黎到就入得 夜晚的話大家就一定要預留時間等位喇坐低侍應會幫你寫左茶先 之後就可以點菜。首先來到既係小籠包 皮薄多汁 d皮完全無穿 啜到曬d汁 好滿足！ 之前有睇d飲食報導講佢點整小籠包 愈睇愈想食奶油津白 呢度既奶油好濃好香 一d都唔會稀到變水 加上面頭咸香既乾粒 好味好味！雞絲粉皮黎得比較遲 哈哈 花生醬都係比較傑身同香濃最想食既雞煨麵啊 湯係清既麵係腍既 雞比較少不過我都好滿足喇 想食好耐了 仲有個紅油抄手雲呑係皮同餡緊緊痴埋唔鬆散 皮好薄有肉汁有濕蒜加乾蒜同蔥係面 d汁有醋同辣油加埋係酸辣既味道 十分惹味！ 辣味都有點重 但係我仲接受到 好好味兩個人五樣野平均每人食左二百蚊左右合理價錢高質素 推介元旦日捧住個大滿足回家！開心

喜歡家上海內裹比較中國家庭式裝修，不過每次黎都好多人等位。想食就要付出時間等。鮮肉鍋貼，底部脆卜卜，肉汁多。金牌小籠包，內裏好多湯汁，食嘅時候都小心，唔係就好易燙傷。手切蒜泥白肉，佢既汁係令上，而且汁好辣，又少蒜香，我就唔多鐘意。大排湯麵，麵質煙靭，但豬扒皮唔脆亦唔香，有啲失望。☹️黎過三次，今次真失望😞

今日和老公行yoho mall便一試這裏的家上海可能是週末關係，未到6點已經很多人，檯與檯之間很逼，完全沒有私人空間，坐底不久後店外便開始要排隊。點菜前送了一份木耳作餐前小食，挺開胃呢。蘇式燻魚食上海菜當然要試試燻魚做得好不好，不像傳統燻魚，反而像咕嚕肉的感覺，外皮炸得香脆，魚肉嫰滑，配上酸甜醬汁，是一道不錯前菜脆煎灌湯小籠包一出場已被沖擊了視覺，急不及待試吃一隻，包包底部煎得脆脆的，內裏湯汁也滿滿的。是讓人十分滿意的小食。奶油津白看上去像放太多奶油，會很『溜』的感覺，殊不知吃下去一點也不『溜』，奶油味剛好，配搭起津白吃上來香滑鮮甜。上海粗炒最後到我們今晚的主菜。上海麵口感煙韌，椰菜爽甜，沒有被炒到很碎，讚。 份量很充夠，價錢不貴。

同朋友慶祝生日🎂，朋友話這間都唔錯，雖然平日中午無套餐，但我們也入坐。這個蛋無咩味道龍井茶味道較淡這個乳鴿，骨多最好食是這個炒飯，色，香，味俱全，份量又多。還吃了煎小龍包，較油

首次到元朗食家上海。坐位方面算是寬敞，一入門口的左邊是進餐位置而右邊是玻璃廚房，可欣賞廚師們做料理的方式。當天不是太多人，上菜比較快。會一次過上菜。金牌小籠包-皮薄有湯汁，熱食絶對是金牌的首選！蟹黃大湯包-所看所期待的不一樣。比較上來，小籠包較美味。賽螃蟹- 味道比較淡，食物質感似蟹肉，不會太滑太硬。上海擔擔麵-小辣，湯因為辣沒有其他香味？ 麵較淋，有點似拉麵感覺。總括如有下次，重複點菜：金牌小籠包。

YOHO雖然好多間上海菜，但我多數都會揀家上海，點心類做得比較出色👍🏻擔擔麵夠晒大碗唔會好似其他餐廳咁，得一個飯碗咁大叫人點夠食。面嘅軟硬度適中，湯底夠濃帶辣味，好開胃😋只係花生味唔夠，稍為有啲扣分。小籠包，紅油炒手都合格。溫室蕃茄凍盤好有驚喜酸甜開胃，份量又好大方。至於糖醋小排骨同上湯津白，就大失所望，估唔到咁普通嘅上海菜都可以做得咁差，排骨勁乾，津白有渣😩不過整體來講都算係元朗入面，坐得舒服，嘢食又OK嘅一個選擇。

同朋友係元朗行完街就去醫肚。元朗自從開左YOHO1,2期之後就多左好多食店，多左好多選擇，今次就去試下 “家上海”。去到等左一陣就入得。我地四個人點左四樣菜，食上海野點小得小籠包($54)，仲有雞絲粉皮($62)，另外仲點左上海肉絲兩面黃($82) 同揚州炒飯($82)。小籠包好好味呀，皮簿多汁，正!! 雞絲粉皮撈埋麻醬，好香。飯同麵的分量都幾多，不過味道偏咸!呢到嘅服務真係好好，侍應好有禮貌，而且會主動幫我地加水!唯一唔好嘅地方係餐前有一碟小食，係花生白飯魚，要收錢的!

平時行過yoho都見到呢一間家上海好多人排隊，特登過嚟試吓同上海婆婆睇吓有冇分別。呢段時間係大閘蟹嘅季節，佢都有出當造嘅菜式，叫咗一道蟹黃豆腐，雖然豆腐多過蟹黃好多，但係蟹黃味又真係好香濃。另外王牌小籠包亦都好多湯汁係入邊，叫咗一道鹽水鴨，面頭嗰一層都幾多肉食，但下面果層全部都係肥膏，唔多啱胃口。糖心蛋好推介！入口軟滑！酸辣湯不過不失，建議放喺最後食，因為味道濃郁你食完食其他嘢就會冇味道😂😂另外每個座位入座嘅時候都會比一道小菜你，花生之類，但係有收費嘅，我到結帳嗰陣先知道，本人就唔係咁鍾意因為都唔啱食

之前食過一次，很懷念佢嘅黑豆木桶豆腐花，今次一行8人再去聚會~事先book左枱，所以好快入得去，坐位都算寬敞，環境幾古色古香！今次專程來食石鍋煎小籠包，嘩，真係夠晒熱辣辣，個底夠脆，皮又夠薄，肉汁仍然keep到另外仲叫左金牌小籠包，上海粗炒，炒年糕，豆腐花，菜肉雲吞，鍋貼，雞絲粉皮，蜜汁脆鱔！樣樣都唔錯，長輩都食得開心

身為上海人既家母，淨係識食，唔識煮，所以作為佢的後代，每次見到上海餐廳，就會帶佢去試試，呢一日就黎到yoho mall一期，零方向感既我，需要一段時間先揾到間餐廳下午茶唔太餓，叫左幾樣點心，2個人share，分別有生煎包 擔擔麵 粉皮 小籠包生煎包用鑊仔上幾得意，熱辣辣滋滋聲咬落去又有汁，個湯汁唔會太油膩，輕鬆食2隻擔擔面覺得個湯偏清淡，可能為左就反大眾既口味啦，麵就煮得剛剛好，唔會過淋。雞絲粉皮合符預期 可以一試小籠包有湯汁，輕鬆夾起冇穿到overall 環境清靜，坐得舒服，唔會大大個燈照住你，行完街攰攰地，係度叉下電幾正！

今次係第二次黎家上海，上次食完就想再去食，所以今日去yoho睇完戲之後，就去家上海再回味下😋餐廳裝修得好古色古香，燈光昏暗，真的與別不同😀座位係望街景，感覺舒服，我很喜歡他們的茶壺，好古代feel，小食魚仔花生非常香囗。先來個麻香雞絲粉皮，芝麻醬混合埋粉皮，味道非常夾，配上新鮮青瓜絲和雞絲真係好味。上海菜唔小得鮮肉鍋貼，鍋貼肉嫩，皮底部煎得香脆，正上海菜亦唔小得金牌小龍包，就咁望已經見到小龍包內有好多肉汁，所以夾起黎要好小心，食落又熱又多肉汁，有水準椒鹽小黃魚，炸得非常香脆，不過就無乜魚味。上海粗炒雖然食材簡單，只有椰菜和蔥做配菜，麵質煙煙煙韌韌，椰菜爽甜，炒得好夠味上次食唔到，今次終於食到紅燒小元蹄，元蹄好大隻，炆得好腍，肉質一啲都唔鞋，皮仲好腍好滑，可以補充骨膠原😂食完今次，我諗一定又有下次😂

星期四，姑姐到訪，工人姐姐又放假，便和爸爸，姑姐和弟弟到家上海吃晚飯。五點幾打電話訂枱，表示訂座已滿，可以walk in。我們六時二十分到達，不用等位。1. 餐前小食: 有魚干和花生，好惹味。2. 私房醬香牛肉: 比平時麪店吃到五香牛展硬啲啲，不過好香，配合醬汁好好吃。3. 金牌小籠飽: 到上海飯店必吃菜式，此店共6件，皮薄湯多肉鮮，大家都滿意。4. 蜜餞火方響鈴夾: 一致認為是全晚最出色和驚喜的食物，夾餅軟熟，火腿鹹香，炸春卷皮香脆，配上蜜汁蓮子，不同口感，共冶一身，值得推介。5. 賽螃蟹: 蛋白夠滑，加上魚粒，味道變得豐富，好吃。6. 砂鍋粉皮千島大魚頭: 果然是大魚頭，我們四人吃了三輪才吃清，粉皮浸在帶微辣的汁，好好味。7. 咸肉火腿津白: 偏鹹。8. 上海炒年糕: 上海粗炒的年糕版，年糕比較煙靭，不過味道不錯。9. 豆沙鍋餅: 略為扁身，豆沙餡較少。10. 高力豆沙香蕉: 大大個，外層的蛋白和中間的豆沙香蕉比例適中，好味。總括來說，整體食物水準高，店員都殷勤有禮，我們吃得滿足又愉快。

輕食個午餐，飲杯茶。yoho最好既地方就係無乜人(?)，就算係午餐時間都唔洗等。平時食家上海都係晚餐時間，食下啲主菜，咁午餐就可以試下啲麵食。金牌小籠包，一共有六隻。之前試過好幾間上海菜既小籠包，但好多都不太吸引。家上海既小籠包係皮薄、餡靚。原因係湯汁夠多，夾起既時候要小心翼翼，不然弄穿薄皮，湯汁就會浪費掉了！而且湯汁令裡面既肉很入味，十分滿意！大排湯麵，大排即是上海排骨，類似豬扒，但肉質偏瘦。湯麵份量正常，不過麵的質感偏淋，感覺淥既時間長了，但整體都不錯。

餐廳以上海舊式大宅設計作靈感， 用上木製傢俱及屏風， 湖藍、棕紅色的青瓷餐具令環境充滿古樸風， 服務更是周到貼心， 用膳舒服。 鱔糊—該有的都有齊， 醬汁帶甜味， 黃鱔的肉質新鮮， 銀芽仍是爽口挺身， 很惹味的一道菜。煎灌湯小籠包—既然來到上海餐館， 小籠包是非試不可， 餐廳用鐵板的方式呈現， 底部香脆金黃， 咬開薄薄的外皮， 裡面沸騰騰的湯汁即時湧出， 要小心燙口。 金牌小籠包—正常水準的小籠包，皮薄多汁， 肉味鮮甜。 上海炒年糕—略嫌蔬菜比較少， 年糕軟硬度適中， 入味又煙煙韌韌。水晶肴肉—賣相十分吸引，頂部有豬皮， 中層是豬手肉， 底層是醬汁凍， 蘸上鎮江香醋，微酸解膩。麻香雞絲粉皮—開胃菜，芝麻醬夠多， 足以拌混整碗粉皮。