客家人

今晚老豆帶我黎食客家菜，話呢間正宗又就腳喎，老豆發板叫左3樣餸，食飽老豆仲話叫阿媽做冬唔洗煮，黎呢度食都幾好喎！食完認真感到全身暖哂嘅藥膳黃酒炆雞，半隻份量，雞件都幾多下，蔥蒜+藥材同黃酒，有酒香，亦有酒甜，我覺得好好味呀！我地食左未夠一半，老豆同我已經要再叫多碗飯！客家名菜，農家炆燉扣肉。怕肥騰騰？佢又唔係好肥喎，食到中間少少肥肉唔覺油膩，反而食到甘香。底下放左白菜仔吸汁，吸嘅係梅菜汁，扣肉同甜梅菜炆煮完嘅汁，攪到我地又各自ko多一碗飯！金銀蛋浸時蔬，上湯好飲，食到咸蛋香皮蛋香，個菜都新鮮嫩口，唔錯呀！飯後仲問我地要唔要糖水，話今晚可以送我地2碗，木瓜雪耳糖水，so sweet！食完唔口渴，有家鄉風味。唔知店員係咪客家人呢？好客又親切嘅感覺，餐前有中式消毒一個大碗裝好滾嘅水比我地淥一淥d餐具，環境仲幾企理乾淨。…Read More

最近喺長沙灣揾到一間小菜館，叫《客家人》坐得舒適😌食得招積🤪服務出色😉入面個個都好有禮貌，又招呼，每次遞上小菜都話小心睇熱，好窩心😘仲有懷舊蕎頭食𠻹🤭我叫咗三個小菜👇🏻👇🏻👇🏻👇🏻👇🏻➡️藥膳黃酒炆雞👉🏻熱辣辣煲仔雞，聞落已經好香濃，煲內有一片片小薑爆香雞件！雖然藥材味欠奉，但每件雞都炆到入哂味，好鬼惹味😋仲有啲青紅椒拌住，令味道提升不少🆙⚠️（品嘗期間，親切嘅老闆娘有介紹過如果想藥材味重啲，可以下次試吓藥膳黃酒煮雞湯！不過，我覺得呢個炆雞別有一番風味😋)➡️農家炆燉扣肉👉🏻肥瘦均勻嘅扣肉，入口油香橫溢，加上滿滿梅菜，惹味可口，送飯一流😋唔好以為扣肉唔健康，原來內有乾坤🤩藏咗好多白菜仔，食到肉之餘，又食到菜！佩服大廚將呢度傳統小菜改為現代人追求健康小菜👍🏻叻👍🏻➡️椒絲腐乳炒唐生菜👉🏻香濃惹味嘅腐乳汁加上一棵棵入口爽甜嘅唐生菜令我唔鍾意食菜嘅老公都愛上呢度菜！估唔到喺度都有飯後甜品，就係滋潤養顏嘅木瓜雪耳糖水，味道少甜但真材實料😍食完都唔夠喉我欣賞《客家人》每碟小菜無論賣相、顏色、擺法都好完美！而且呢間餐廳都十分支持環保，以棄置呢嘅酒樽自製一棵聖誕樹🎄好有創意👍🏻👍🏻…Read More

今日帶媽媽黎試下呢間客家人，媽媽表示興奮，因為媽媽係客家人，不過我地係食左早餐再黎，所以都唔太餓，食左一個炒麵同埋一份鹽焗雞米線。雖然呢到係一間中式餐館，但有常餐之類嘅西式套餐，中西合璧都幾特別！豉椒排骨炒麵（$48）：我同媽媽好中意食肉絲炒麵果個脆麵底，黎到問左侍應哥哥，原來呢一款係脆麵底嘅，毫不猶豫咁叫左！炒麵做得好脆，雖然面頭有汁，但唔會令啲麵稔晒。排骨煮得好稔，唔會好硬咬唔開，媽媽無乜牙力都食到，佢好滿意。鹽焗雞米線（$59）：呢一味本身係飯黎，因為唔太餓所以問左侍應哥哥可以轉米線，米線個湯係胡椒湯黎，呢個天時飲好暖笠笠啊！鹽焗雞係客家人好中意食嘅嘢，我重記得果時婆婆成日整比我食架！今次餐廳呢一款竟然有婆婆整嘅味道，令人好懷念！呢兩個餐都幾抵，除左包熱飲重包左例湯，今日例湯係蕃茄薯仔湯，係以前我婆婆好中意煲嘅一個湯，充滿回憶啊呢一餐！…Read More

四川菜、潮州菜就食得多專係食客家菜既餐廳就比較少所以經過長沙灣見到餐廳招牌寫住客家人就決定入去試試🔹農家炆燉扣肉一睇就知係心機菜扣肉扣得好入味肥肉入口即溶甜梅菜索咗啲汁兩樣加埋真係好好食下層仲有白菜鋪底叫埋碗白飯撈汁食真係不得了🔸椒鹽鮮魷即叫即炸炸粉做得好薄炸得好香口鬆脆魷魚好彈牙🔹金銀蛋浸白菜🥬白菜鋪得好似花形狀用金銀蛋比起蒜蓉炒緊惹味🔸芋頭椰汁西米露好耐都冇試過食完中菜係有糖水附送好香椰汁香芋味芋頭煮得好溶西米粒粒分明呢個甜度好岩我💬枱與枱之間都有一定距離唔會覺得坐得太侷促無論係味道同店員服務都滿意價錢仲好平民…Read More

長沙灣呢到啲野食都幾抵食，呢日放lunch既時候就同同事由深水埗行到黎長沙灣開餐，呢間餐廳係專做客家菜，感覺幾特別！午市有啲套餐，都幾抵食！我地一人點左一個餐，跟餐有例湯送，到幾好飲！我點左鹽焗雞飯，鹽焗雞皮薄肉嫩滑，仲跟埋啲白菜仔，夠哂健康，唔錯！除此之外，我地諗住點啲有客家特色既野食，所以就點左個客家人炒麵，炒麵份量好大，麵炒到香口，唔會太油，配埋個醬，正！跟餐分別點左熱奶茶同埋凍奶茶，水準唔錯！…Read More

今日行開長沙灣，咁就同朋友一直踩踩到去青山道嗰頭，想搵下啲嘢食，咁就見到有呢一間客家人， 咁平時喺街都好少食客家菜咁我哋就揀咗呢間，入到去其實內裏己寬敞，衛生都唔差，因為其實格與枱之間都隔得幾開下，可以保障返大家嘅健康。藥膳黃酒煮雞湯: 行咗咁耐深水埗就想飲啖湯補充返啲體力，咁我哋就叫咗呢個黃酒雞湯。 飲落已經有幾香濃嘅雞味， 入面有雲耳紅棗 等多種 材料去炮製， 因為其實呢間舖 主打呢個雞湯亦都符合我嘅expectation。 所以呢個湯其實幾適合女士去飲用。秘製三杯鴨： 呢個三杯鴨，我覺得都算幾大碟，而且三杯汁個味道調教得ok ，唔算太咸當然如果你想知邊三杯嘅話可以上網check下， 所以其實呢隻鴨都夠三個人去食。椒絲腐乳炒唐生菜： 咁其實呢一個唐生菜質素亦都算ok， 因為叫咗雞同鴨咁點都一定要嗌多個菜，咁個菜都可以嘅。最後飲埋碗 芋頭西米露咁我同朋友就閃， 其實如果大家行開呢頭都可以試下呢間客家人 我覺得佢個餸都算幾大碟都算係抵食。…Read More

大胃之母係客家人，成日都煮客家菜，不過人大咗少咗屋企食，呢次出嚟竟然都係食返客家菜喎，試吓有咩分別啦飲茶消疲勞都係客家人嘅習慣，大胃又飲普洱提神先Office食夠花生，放工再食炆燉扣肉味道始終如一係客家味，好似大胃由細食到大就會feel到，只係呢間煮得冇大胃之母咁鹹，易入口好多近排屋企唔煮白飯，喺呢度終於食到喇，仲要係絲苗米，好感動獅頭鵝屋企一定煮唔到㗎喇，嗰種鑊氣真係要出嚟食先食到而且只有腐竹同少少菜做綠葉，唔會用薯仔掗你胃，絕對食得過估唔到簡單一碟菜都咁有火候，皮蛋好香又冇押味搵日帶埋大胃之母食吓，等佢偷吓師先…Read More

某日帶左朋友黎長沙灣行街，佢話想食中菜，路過見到呢間叫客家人既餐廳幾大間甘就揀左食佢，午餐選擇都幾多嫁，而且座位都好多，我地坐左响一個比較靜少少既位置方便傾計，職員安排入座都好快，我地叫左一碟豬手飯，豬手大大舊，肉質好淋跟餐仲有老火煲左4個幾鐘既南瓜南北杏豬肉湯，湯好香濃入味，熱辣辣之後我叫左一碟梅菜扣肉飯，用左傳統公雞碗裝住，梅菜好入味，而且五花腩唔係得肥豬肉，而係食落好有層次感既半肥瘦豬肉，好鐘意佢淋得黎又好有咬口配飯撈汁一流職員親切友善。下次再黎一定要食晚餐小菜，哈哈。…Read More

咁大個女第一次就客家菜農家風味好重 大魚大肉好滿足.✅冬菇炆豬肉呢個係餐廳得獎嘅菜式 攞過好多大獎係沙煲上 上菜嘅時候熱辣辣啲煙走曬出嚟 啲豬肉有少少酒香肥而不膩 入口甘香啲冬菇索曬啲秘製醬汁 撈飯好正✅秘製三杯鴨 半隻分量非常多 鴨嘅外皮先燒過非常香口 再用秘製醬汁炆炆得非常之入味 加上鴨肉好滑 好惹味✅金銀蛋浸時菜皮蛋鹹蛋 夾娃娃菜鍾意食咩口味都照顧到娃娃菜爽甜 配濃味鹹蛋皮蛋互相襯托😘😘.餐廳裝修平實 但食物質素好好應該試下街坊小店啦…Read More

返娘家時常常經過青山道近東京街位置，估唔到原來有間客家菜館。店內環境寬敞，原來有上下層，牆身有馬賽克磚瓦設計，燈光光猛，坐得舒服。藥膳黃酒炆雞很滋補的菜式，加入了北芪，黨參，紅棗，黃酒，很補氣又補身。雞件足夠二人食，半隻雞的份量，雞件醃得入味，沾滿醬汁，雞肉嫩滑，炆雞炆至乾身，甜甜地，帶點酒香。客家炆豬肉上枱時已經滋滋聲，豬腩肉脂肪與肉的分佈平均，豬皮很軟糯甘香，豬肉肉質鮮美，咬起來很稔，醃得入味。配上冬菇，枝竹，沾上醬汁，送飯真係好正蒜蓉炒菜心菜心很翠綠，很嫩，份量算多，而且蒜香味濃，菜心很爽甜，不錯。仲有陳皮紅豆沙，熱辣辣，不算太甜很健康，很有果香味道，補氣又健康。…Read More

一入餐廳感覺好寬敞而且裝修裝修雅致，餐具用上有公雞圖案的碗碟，好有懷舊feel，食物選擇多元化，我同朋友食午市套餐，干炒叉燒河粉同鹹酸菜海鮮炒米粉，跟餐送冇味精例湯一碗同熱飲一杯，河粉炒得很香叉燒軟淋好味，而蝦仁爽甜彈牙米粉就炒得乾身唔會油膩，再加上一杯香濃即磨熱咖啡，真係好滿足…Read More

間唔中都會掛住住家菜味道，所以嚟咗客家人呢度食~ 環境好大好張枱之間嘅空位都幾多，三五知己聚埋一齊就最啱，又唔會好似大排檔咁迫同無冷氣。秘製煎釀蠔豉 ($188)每嚿都好大粒，入邊有冬菇、豬潤、當然仲有最後最重要嘅大大粒蠔豉。仲有極少量髮菜令我覺得好似過緊新年咁，有屋企嘅味道好正。下面仲有西蘭花、生菜墊底，將上面嘅鮮味吸收。腐乳炒通菜 ($78)佢一上菜嘅時候就心諗，依家啲腐乳唔使錢㗎？條條菜都掛滿腐乳汁，攞返撈飯食一流，超級啱曬鍾意食重口味嘅香港人。芋頭西米露 (Free!)本身以為跟餐既細細碗糖水用黎充斥場面，後尾發現原來佢先係今餐嘅主角！芋頭超唸，基本上唔使點咬，重點係湯底好甜，但唔係死甜，係因為芋頭嘅甜融咗落湯度。所以就算好飽，我都係成碗清曬🤣啱啱好掃走頭先食嘅油膩感，petfect池！…Read More

好耐冇同哥哥食飯，約咗放工食中菜，佢揀咗呢間位於長沙灣嘅客家菜，話前排同客人喺到食完，感覺質素唔錯。餐廳主打客家小菜，選擇亦非常多，家鄉風味濃郁，而且有唔少少見嘅手工菜。一坐低店員先為我哋上茶同小食，花生香酥脆口，伴上少量鹽粒，開胃可口。胡椒豬肚湯係我指定要點嘅，喺呢種夜晚翻風嘅日子，最適合飲返碗熱辣辣嘅豬肚湯驅寒。胡椒豬肚湯超級足料，幾乎大半盤都係湯料，湯底鮮香濃郁，鹹菜味道突出，稍微掩蓋胡椒嘅味道，飲落唔會太辣。椒鹽鮮魷非常夠鑊氣，鮮魷炸得夠香脆，咬落外層鬆脆，肉質彈牙，加上惹味嘅椒鹽同蒜粒，無論當小食抑或餸飯都一流。雜菜煲份量好足，近乎滿瀉，材料亦超級豐富，有鮮魷、蝦乾、草菇、西蘭花、白菜仔、生菜、娃娃菜、菜心、紅蘿蔔、西芹同粉絲，所有材料用清甜嘅上湯浸住，又好味又健康。食飽飽之後店員仲為我哋送上暖笠笠嘅木瓜雪耳糖水，甜度適中，夠哂滋潤，好適合最近乾燥嘅天氣。餐廳食物質素唔錯，而且份量好足，店員態度亦非常友善，令人有種賓至如歸嘅感覺，好適合一家大細用餐。…Read More

四川菜就食得多，客家菜真系第一次食，客家朋友介紹既客家菜，應該好正宗。客家菜好岩大圍人一齊食，碟碟餸都好多，過時過節又多個選擇，最重要d人好有禮貌招呼周到。【農家炆燉扣肉】$108瘦正肥瘦梅竹間花，肥瘦比例恰好，食落完全吾油膩，仲要大大塊又軟腍。梅菜吾會死鹹，超下飯。【圍村獅頭鵝】$168鵝肉勁香口仲帶點油香，不過就比較多骨。枝竹煙韌。【金銀蛋浸時菜】$88金銀蛋系指鹹蛋同皮蛋，仲加左肉碎去煮娃娃菜，特別鮮甜。…Read More

今日去長沙灣同男朋友陪佢婆婆食飯 以往都會直奔附近間車仔麵 但始終有食厭既一日 所以決定去搵下有冇新餐廳可以試下一search就見到客家人 淨係個名都勁吸引因為小妹係一個吾識講客家話既「偽」客家人由於早過男朋友同佢婆婆到達 所以就想係出面睇定有咩想食 侍應姐姐一見我就勁熱情招待我 心感不妙 因為通常係無客既餐廳先會係外面招客 再睇下入面得幾枱客 心諗難道今天會中伏十萬個好運就係 啲小炒超好食特別係客家冬菇炆豬肉 軟林無比 調味剛剛好 特寫👇👇另外 佢有個孖寶套餐 魚香茄子煲+豉椒炒蜆 $198你以為佢係小蜆仔？錯！其實係大花甲 抵食到不得了 而魚香茄子🍆煲 送飯一流另外由於婆婆想試下盐焗雞 嫩滑好味 淡淡既咸味輕輕係味蕾滑過 不霸道又帶出雞既鮮味下次再去試下個客家釀豆腐先期待！…Read More