宜家家居餐廳及咖啡室

營業中

休息中

一直聽聞過d人話IKEA既餐廳既好味，難得有一晚得閒，就決定去試下！佢既餐廳都幾隱蔽，都行左一陣先入到去。佢係自助形式，自己想食咩就拎咩，拎完再比錢，都算幾方便既！我同朋友叫左三文魚千層麵、西冷配鵝肝汁、肉丸同埋兩碗三文魚忌廉湯。三文魚千層麵佢既千層麵入面有菜，有三文魚，層次感都幾豐富。但唯獨佢既汁係茄汁，食落真係怪怪地！西冷配鵝肝汁我好唔滿意呢道菜式。第一，食落去凍冰冰，好似放左好耐咁。第二，食落去乾爭爭，好似食緊一舊普通瘦肉。第三，汁太少，而且味道怪怪地，可能唔太岩我口味。但呢道菜式唔會再試。肉丸眾人都推薦肉丸，好彩無令我失望，醃得幾好味，而佢加配左一種紫紫地色既醬，我唔太清楚係咩，但食落酸酸甜甜，幾開胃，幾好味！三文魚忌廉湯幾好味既一個湯，湯入面有好多三文魚肉，味道亦都好濃。但飲得多都幾滯。

昨日跟3位好友到沙田ikea cafe食午餐，由於是1點左右，餐廳擠滿了在homesquare上班的人，等了大概10分鐘才有4人離去。ikea是以自助形式取飲品食物，最後在收銀處一併結賬的。我們各點了最有名的瑞典肉丸配意大利粉，我額外取了雞翼及薯條。瑞典肉丸配意大利粉碟旁有紅莓醬，麵上有忌廉汁。點了紅莓醬的肉丸，帶絲絲酸甜，肉丸不但不乾，更充滿肉汁。意粉略嫌淡，若忌廉汁更濃，必能更美味。雞翼賣相不討好而且size比平常的小，味道卻令人驚喜，雞翼外皮很香脆，雞肉一點也不乾，值得一試。薯條要快點吃，因為剛拿回座位的時候很脆而且還是熱的，$10就有一大碗，足夠兩個人的分量了，可惜過了十餘分鐘再吃就不及當初的味道了。總括來說，ikea的食物性價比很高

沙田已經變成另類自由行景點，每次行街都會見到大堆旅客，搞到附近商場食店全部變成連鎖店，就連行入food court都會以為自己返大陸。到沙田附近找食，想避開自由行，最好的方法就是行遠少少過IKEA，又平又好味之餘，更不會被自由行打擾，今次更食到新的芝士香腸通粉，大滿足！芝士汁夠多夠濃郁， 店員店落芝士汁絕不手軟，每一粒通粉都被厚厚的芝士包著，對於芝士控來講必定無投訴！脆皮香腸肥嘟嘟，啖啖肉，有驚喜。肉桂蘋果批不會過甜，而且每一口都是大片的蘋果肉，用料十足，再食多一件都無問題！雞翼有點細隻，肉質不算滑，比起平時的質素差得多，可能是當天人太多。每次必點的瑞士肉丸，肉味香濃，每口都有肉汁，配上醬汁味道豐富，果然次次都可以維持水準。西湯比較鹹，但口感稀到似水；粟米很凍，而且不飽滿，劣。

每次去IKEA附近，都一定要黎呢到食野，而每次都一定要食一食佢既肉丸，佢呢到既肉丸好好食，尤其係佢既醬汁，配搭上黎真係一流。另外就係佢既雞翼，炸得好脆，又多肉汁，值得推介！！！

香港不同的西式鋪頭都有薯條，但又粗又多肉的薯條就真是只有屈指一數，所以每當我想吃都會走到附近的ikea吃。由於水準不錯，我一直都是ikea 薯條的死忠，但今日再去的時候已經發現$10的薯條已經開始縮水，而且薯條的質素有點退步，冷了一點但水平仍高於出面的快餐店!但整體其實尚算可以，衛生方面令人滿意，值得加分。希望下回再去不要再一直縮水了！

次次都係食九龍灣間ikea，今次就同媽咪就黎到沙田呢間啦，沙田間ikea餐廳比九龍灣細d，但就冇咁多人，平時九龍灣好難搵位但今次係沙田一搵就有，可能我地好彩啦。不過對沙田呢間比較失望，因為佢竟然冇我最愛食既雞翼，唔明點解呢間分店會冇，另外令我最失望係炸薯條竟然唔係粗薯炸而係幼薯條，而且凍冰冰唔好味！另外試左之前未食過既芝士波，都幾脆但食左兩粒覺得好膩，其他都一樣咁好味，只係對冇雞翼同薯條唔係粗薯條而失望！

IKEA肉丸又便宜又好吃是常識吧？至今仍然是肉丸首選，肉汁豐富，肉味香濃，加上旁邊的berry compote，can't find a reason not to have it!!!!!!😍·瑞典肉丸配忌廉汁 Swedish Meatballs with cream sauce HK$10/5pcsHK$19/10pcsHK$29/15pcs

每次到沙田都有一種去宜家食肉丸的衝動真的太抵食了不用二十元就有十粒加意粉！到宜家肉丸是必食的今次都有嘗試其他的食物試了德國腸伴薯仔那德國腸的口感不錯還有蔬菜薯餅也是必食的😋

中午去左沙田IKEA行街, 好中意行IKEALUNCH當然都要係IKEA食啦!JUICE: 味道好清, 好特別走之前仲去左買多幾盒返家COKE: 爽! 左: 用新鮮TOMATO整既 , 不過太水, 有D淡; 粟米好甜; 整體黎講普通右:呢個SAUCE濃味D, 長通粉既硬度岩岩好

LUNCH TIME去IKEA食野多人就一定  好彩今次等左一陣就有位 兩個人叫左SALMON SALAD, PRAWN, 肉丸, APPLE PIE, KIWI JUICE 同埋牛奶  SALMON SALAD菜好脆不過SALMON咸左少少PRAWN:細細隻, 不過份量好多好甜, 次次黎親都一定食既肉丸:都係IKEA必食既ITEM, 不過今次D 薯仔少左D, 以前個比例比較平均, 但係D肉丸依然咁正APPLE PIE: 好香肉桂同蘋果味, 黎IKEA通常食APPLE PIE OR CHOCOLATE CAKE又平又好味

昨天去沙田宜家買東西，到了晩飯時間就留下吧!超多人丶人山人海。這是非常發生丶因價錢平丶食得落口。 我都去過不同地方的ikea,如中國丶加拿大丶美國丶曰本丶法國丶瑞典。但今次係香港沙田這間實在令我很失望。眾所周知，宜家係服務上都好好丶各類型家品都可除意配合和配親。這就是有限的產品上丶產生無限的款式去迎合大家的不同口味。那麼為什麼食物不可以？我次次去都會吃肉丸，但今次就想試下其它。不知就出事了!叫了雞趐，牛肋條濶麺，三文魚千層丶再加上炸薯條。一心想叫她加落D肉汁來，同炸薯條一同吃啦!點知服務員大聲及無禮話唔得，咁我話就買啦!佢話又吾得。我算!我又說要換走笳汁在我三文魚千層丶改白香草汁。好正常傘！那麼三文魚味不會被茄汁味蓋住。又話唔得!我真係火都來。我從未係ikea有過這不平的待遇。 D食物又不夠熱!之後我就去主任反應，她說經理開會，現在不得閒!在夜晚星期六，八時重開緊會!係唔係𠺢!又話開完會出來向我了解。我慢慢吃了個半鐘，人都沒出現。又多人在我背後等位，我識做。換𨍭其它國家ikea,D經理會放下事和立刻到場解決!深明顧客服務。係香港這間，D人有沒有train過??佢地直係好好咁正視。

今日黎IKEA揾奶泡機, 每次黎親無論食多食少都會幫襯下入面既餐廳..!今日1月1日預左會多人.. 黎到餐廳時大約下午5點我同朋友分開等位, 好好彩地大約15分鐘後就有位^^炸雞翼$28/8pcs : 炸得好香脆夠味, 同埋本身好鐘意食雞翼. 好好味! 之前有幾次黎都賣晒. 今日食到好好彩肉丸(選配薯仔或意粉)$10/5pcs : 好多朋友都係肉丸fans不過我自己就一般, 但今日再食覺得好味左, 肉味濃郁左, 每啖都有肉汁凍蝦$26 : 以前既凍蝦係放係圓形湯碗內..而家改左包裝, 感覺好似少過以前少少, 不過一樣好味三文魚千層麵$36 : 平時好少食三文魚, 但呢個三文魚味可以接受, 就咁食個千層麵味道同口感都有少少怪, 不過撈埋茄醬一齊食就好味d~ 同埋好飽肚!粟米粒$7 : 夠清甜~ 不過以為會有落牛油, 原來無..炒雜菌$7 : 完全無用調味料炒...無味..兒童餐(包括芝士通粉+蘋果+指定盒裝飲品)$14 : 芝士醬通粉, 本身以為會同韓國既不倒翁芝士拉麵差唔多味, 但呢個差好多...味道有少少怪.. 但$14有通粉有水果有飲品, 幾抵~ 飲品有得揀黃色或紅色的, 我地揀左

今晚周圍都係人, 仲諗住過黎宜家食dinner會鬆動d啦, 點知, 我地錯了!原來仲人山人海….但又冇理由過返沙田巿廣場, 所以我地都係決定等位,等左一陣就有位, 算係咁架喇!四個人, 其實都叫左好多野食, 好彩夠平, 可以叫好多唔同野試.招牌肉丸+意粉︰話明招牌, 好難唔叫既, 肉丸真係好好味, 連埋佢本身既啡色汁, 再點埋一少少草莓醬食更好. 不過d汁太少, 變左食意粉既時候, 有少少乾同寡.薯條︰純粹口痕買卦, 不過咁粗既薯條, 點好多茄汁, 點都好食.素菜薯餅拌鬼佬菜：清清地幾好味, 食落有d一粒粒既薯仔粒, 有d口感. 拌菜亦很新鮮爽口. 當一個前菜黎講, 係好ok.雞翼一堆︰味道不過不失啦, 係有點乾身.粟米兩大碟︰超甜~~三文魚沙律︰菜好新鮮爽口, 三文魚煙薰過, 加入一些沙律醬, 味道可口.蕃茄汁炸魚柳+薯仔波:蕃茄汁上浸住一塊炸魚柳, 連埋一齊食, 雖然有點淋, 不過咁做亦好夠味, 因為本身魚柳都唔係好濃味, 如果連同蕃茄汁食, 就好得多了.薯仔波其實係咁做烚出黎既薯仔, 不過又幾淋, 但就冇乜味, 不過一定飽肚.肉桂蘋果批朋友介推一定要試的甜品之一, 的確真係好蘋果

到IKEA為新居買點日用品，順道在IKEA 餐廳吃午餐. 到達餐廳時正是中午12時半，餐廳人流漸多，可幸我們只有二人，很快就找到坐位了. 快快到點點餐區看看買甚麼吃呢!先推著餐車，因為得一雙手實在拿不到2人份量的食物呢! IKEA無限refill coffee $7 only，當然要order la. 請自行拿定咖啡杯才往前拿取食物. 本想點一客甜品-杏仁批，當天沒有供應，只有蘋果批和另一賣相不太吸引的甜點，所以這天不吃甜品la.肉丸拼意粉 ($19 10粒) X2IKEA招牌肉丸$19 就有10粒，實在超值. 雖則肉丸沒甚味道，但與薯蓉汁同吃，就很美味. 個人對伴碟的果醬沾肉丸來吃覺得味道怪怪的，提不起興趣.蔬菜薯餅 ($15 2件)蔬菜薯餅內裡有忌廉味道的西蘭花，感覺健康，不過薯餅只是微暖，如果是熱辣辣的必定更為美味.脆炸黃金雞翼 ($15 4隻)炸雞翼是炸定的， 所以談不上熱，連丁點兒暖都沒有，凍的炸雞翼沒可能好吃吧?熱咖啡 ($7)無限refill的熱咖啡熱度非常足夠，不過酸度太強了，但以$7來說也不能有要求了，對嗎?我本以為於繁忙時間惠顧，食物必定夠熱，不過相信這只是我一廂情

為左房間既新造形已經兩星期都係睇傢俬 睇用品 務求可以有個大轉變 今日就黎到沙田既宜家傢俬 有不少傢俬也很合眼 逛了差不多一個鐘 我和姐姐到了餐廳 打算可以休息一會兒 我地叫了點食物 其實我最期待是可以吃肉丸meat ball 我們相議了吃10粒meat ball 蔬菜餅 薯條 芝士波 出意地全部的食物也有薯仔 這些澱粉質也夠填飽 瑞典肉丸(19$/10)配薯仔唔洗加錢 可配意粉份量顯然而見，粒粒都同一大小 一囗一粒最完美 紅莓醬是最佳的配搭 啡色的像薯蓉汁 兩者混左一起就是完美 肉丸就是令人念念不忘 每次也會來吃一番 記得第一次吃的是兩年前的聖誕和密友到來慶祝聖誕 當然大家也是單身 現在雙雙有了伴侶 眨眼間 我們也相識了六年 何時再和我大吃一頓啊 芝士波波($10/5件)這是我第一次吃 姐姐推介一定要試 當然滿臉期待時 我的情況急轉直下 芝士波波凍了 沒有大的驚喜 薯粒間有著芝士的踪影 不會牽出絲 我想熱的時候會比較出現在旁的醬 微辣 伴著吃也不錯的薯條 ($9/1碗)又平又抵食 薯條熱烘烘的 大大碗 姐姐只落了蕃茄汁 忘了我最愛的熱狗醬