影片
更多
2012-12-30
37 瀏覽
最近屋企張梳化層面皮猛咁甩，越嚟越肉酸，一心都打算要換，不過行咗好多地方都未有心水，所以再過嚟宜家碰碰運氣，希望睇到張合眼緣，又唔太貴嘅，好了結咗件煩事。可惜，最後，都喺睇唔啱梳化，但就食咗餐飽嘅先走。宜家家居嘅咖啡室一向都好多人捧場，除咗以前貪口痕試過佢啲熱狗同爆谷外，真喺未有一次正式幫襯，今回都喺第一次，坐定定試佢啲出品。其實晌早段排隊區域，已有部分推介食物圖文並茂，有埋價錢，之後仲有個餐牌掛喺牆上，不過字體就較為細粒，要埋啲先夠眼睇得清楚。另外佢啲餐車好小巧，可放三盤食物，所以夠拎一家幾口嘅份量，又唔會好「論盡」，幾貼心設計。故此，好多客都會推住架餐車周圍遊，偌大嘅空間亦喺宜家嘅另一個特色，絕對唔會好似香港啲超市將啲通道用到盡。宜家採用自助式服務買嘢食，有別一般快餐店或咖啡室，一路排隊，一路揀食物或點熟食，所以最好晌排隊早段未入食物區前好諗定要乜食乜，因為著實幾多人排跟住後尾，如果去到開始拎食物時，你仲左思右想慢慢度要乜，以香港人嗰種乜都要快唔等得嘅心態，後面會出現唔少「人見人憎」嘅眼神，當然你EQ夠高就一於可以少理啦。我負責排隊拎嘢食，老婆就負責搵位。因為宜家啲嘢絕對稱得上價廉
宜家家居嘅咖啡室一向都好多人捧場，除咗以前貪口痕試過佢啲熱狗同爆谷外，真喺未有一次正式幫襯，今回都喺第一次，坐定定試佢啲出品。
其實晌早段排隊區域，已有部分推介食物圖文並茂，有埋價錢，之後仲有個餐牌掛喺牆上，不過字體就較為細粒，要埋啲先夠眼睇得清楚。另外佢啲餐車好小巧，可放三盤食物，所以夠拎一家幾口嘅份量，又唔會好「論盡」，幾貼心設計。故此，好多客都會推住架餐車周圍遊，偌大嘅空間亦喺宜家嘅另一個特色，絕對唔會好似香港啲超市將啲通道用到盡。
宜家採用自助式服務買嘢食，有別一般快餐店或咖啡室，一路排隊，一路揀食物或點熟食，所以最好晌排隊早段未入食物區前好諗定要乜食乜，因為著實幾多人排跟住後尾，如果去到開始拎食物時，你仲左思右想慢慢度要乜，以香港人嗰種乜都要快唔等得嘅心態，後面會出現唔少「人見人憎」嘅眼神，當然你EQ夠高就一於可以少理啦。
我負責排隊拎嘢食，老婆就負責搵位。因為宜家啲嘢絕對稱得上價廉物美，好多小食、配菜都喺十零蚊，連有啲主菜都只不過廿幾三十蚊，真喺不知不覺好隨手就點多咗，所以嚟宜家食嘢要忍忍手好啲，喺抵食嘅，但點多咗硬撐食晒就無謂，好似我倆又喺極唔嘥嘢嘅人，所以最後由小弟包底，食得我鬼死咁飽呀！
瑞典肉丸配忌廉汁 $19（10粒）瑞典肉丸喺瑞典一種傳統嘅美食，亦喺依度嘅人氣之選，目測所見真喺10個客有7、8都會點，晌佢自家品牌嘅食物超市都有一大包裝作零售，啱食不妨買返去開派對用。而晌餐廳賣嘅肉丸分為唔同份量，5粒賣$10，10粒賣$19，15粒賣$29，好有彈性，我哋要咗10粒份量，真喺$2粒都唔晒，仲要伴幾粒薯仔波，真喺超抵食。啲肉丸一啲都唔會好袖珍，跟外面粉麵檔食嘅牛丸咁上下大，以牛肉溝豬肉做成嘅肉丸，食落又唔會一口粉無肉味，口感軟腍，沾點醬汁認真唔錯。
蔬菜薯餅．脆炸黃金雞翼 $15 + $12一向都鍾意食薯蓉、薯餅之類嘢，見個蔬菜薯餅好似幾得意，所以點咗一客，一客有兩大件蔬菜薯餅，搭少少沙律菜伴碟。雖然只喺賣$15客，但兩件蔬菜薯餅頗為大件頭，將薯蓉壓返一個餅形，但仍食到粒粒薯仔質感，加入咗蔬菜碎，味道無咁寡，但味道仍屬偏淡，所以加點鹽加點黑椒會好食啲；因為喺飽肚嘢，所以建議幾個人分享一客會好啲。脆炸黃金雞翼分4隻及8隻裝，前者賣$12，後者賣$22，又喺抵到爛之選，如果鍾意食炸雞翼嘅人，都幾難忍手唔叫囉。由於喺大量生產，非即叫即做，雖然客流量快，但難免食時並非新鮮熱辣，感覺總喺差啲啲。
燒鴨胸莧菜卷配香草忌廉汁 $29依期主菜重點之一，一件約6吋長嘅燒鴨胸莧菜卷，拮起秤秤都幾墜手，仲要配有大埋烚薯同甘筍，碟中間淋滿香草忌廉汁，有量、有質、有賣相，以$29個價無可挑剔啩！以燒鴨胸卷住莧菜蓉再烤焗，肉質好厚身，食落又無乜鴨燥味，口感挺軟腍，不過卷中嘅莧菜蓉味道唔算好搶好突出，變得平淡咗。
咖啡 $7咖啡、茶、汽水都只喺$7杯，仲要免費添飲，基本上拎齊食物去收銀處埋單時，俾$7喺要隻咖啡杯或汽水杯，跟住就晌收銀後少少嘅位置，自斟自飲。依個絕對喺蝕錢價，好似小弟咁，唔算貪心，都只添飲多一杯，因為佢一杯嘅份量唔喺好多。不過，品質唔跩，假假哋都叫喺即磨咖啡機出品，小弟就鍾意多奶，所以都幾香幾滑。
食完嘢基本上餐盤會有員工負責收拾，不過，店家亦鼓勵大家幫幫手將餐盤、餐具放晌收集區，加快空間使用量，減輕員工工作量，既然享用到咁平靚正嘢食，順吓手都只不過喺舉手之勞啫，樂意咁做嘅！雖然睇唔啱梳化，但都唔喺兩手空空就咁走，逛埋佢個自家超市，買咗兩包薄薑餅@$13（1包柑桔味，1包杏仁味）同一排黑朱古力$12。前者麻麻哋，薄就幾夠薄，夠脆口，不過基本嘅薑味欠奉，柑桔味亦唔突出，杏仁味就多咗啲杏仁碎，但極之碎濕濕。反而包70%黑朱古力幾唔錯，朱古力做得薄身，好脆，黑朱古力味幾濃，味道甘苦，不過100g一包，三扒兩潑就食晒。
張貼
