宜家家居餐廳及咖啡室

營業中

休息中

地方簡單，野食簡單，但整體算幾好。今次試過肉丸包，平時就食開淨肉丸，今次就試下連包，又可以飽肚D,肉丸肉汁算豐富，咬落唔系鬆散的，有牛味，麵包剛烤完的，皮脆卜卜，唔硬，咬落去每一啖又脆又有肉汁不過食果陣要小心，因為D肉丸會走位跌出黎

IKEA食晚餐唔算好貴！西餐黎講其實係非常平！不過食物質素就一般，今晚黎左九龍灣IKEA 叫左咁多野食都係$180左右，真係非常平！「肉丸」係首選！其實佢重有果醬呀！不過我唔鐘意所以叫佢唔好比！依排佢都係做緊食得健康做主題！所以好多野食都有菜同三文魚！我地都叫左個三文魚沙律！三文魚就好食啦！不過佢D配菜就差到爆！全部都係生囉！D南瓜吉都吉唔起！重叫左個「雞凱撒沙律」依果就唔錯啦！起碼D雞係比我想像中重要好食！「小食拼盤」有兩條腸仔，四隻雞翼，西蘭花薯仔餅和粟米！依個小食拼盤超抵食！西蘭花薯仔餅雖然冇乜顏色又唔係煎到好香口，但係味道幾好食！雞翼就有少少辣！不過有人起晒骨，就特別好食！

一直也喜歡到ikea用餐。有許多年了，喜歡它的簡潔，和價格，value for money, 可以説是價廉物美。但也漸漸發覺它的質素每況愈下。到了上星期的一次，簡直慘不忍睹。我們叫了炸魚配義大利麵，炸雞翼，兒童餐，十五粒肉丸。先是presentation, 少少幾隻雞翼用大大的碟，但職員上碟，清楚的印了好幾個姆指印在碟邊，十分嘔心。另外，意粉溫度不夠熱，但卻出了許多水，把醬汁弄得稀了，魚也浸淋了。當然味道給打了大大的折扣。肉丸，對我來說，是IKEA 的signature dish。因為非常有瑞典特色，也保持水準。但最近漸漸覺得肉好像少了，丸裡面的麵粉好像多了，所以肉味淡了很多。飲食業生意難做，IKEA用難以想像的低價，在此環境中是絶對有競爭力的。但如果質素的急速下降，恐怕是在「趕客」。

一直都未黎過mega box ikea既我仲一直好naive咁擔心係度冇野好食點知真係又平又抵食啊因爲見6點差唔多時間，行咗一陣6ixty8就喃住上去ikea求其填飽個肚之后再行上到去發現大開眼界真係乜都有平食貴食任君選擇我見肉醬雞意粉咁平就喃住睇下咩水準爲咗健康着想嗌多份水煮菜兩份加埋都係$12，宜家係香港邊度可以穩到咁平既飯喃住平平地都頹食算點知又ok wor，不溜食開清淡既水煮菜，入面仲加咗紅豆雖然西蘭花太啉，但出面相差5倍既價錢都係同樣既資素，所以我buy ikea咯肉醬雞意粉份量for女仔正常一個晚餐我覺得岩岩好，而且意粉低gi值，係個味食到最後有啲怪不過$12你想點，今餐都幾豐富碳水化合物，蛋白資，脂肪岩岩好

又是一個人的午餐。今日在九龍灣megabox附近，就選了ikea。點了三文魚沙律，ikea的醬汁是精華，煙三文魚和沙律菜挺新鮮，沙律汁酸酸甜甜，少少辣，很開胃。5粒肉丸，原來肉丸是連薯蓉的，薯蓉打得很軟滑，10蚊大大碟，紅莓果醬汁和肉丸醬很配合。2碟已很夠飽了！

同老公去 IKEA SHOPPING 買返 D家居用品 , 諗住買少少野點知一行就行左成2 個鐘, 行到又累又肚餓即刻就係IKEA 入面既餐廳坐底食返 D 野補充體力啦 , 兩個人叫左一客炸薯格、四隻雞翼、一份甜蝦沙律同一客羊架，仲有蘋果汁同茶 , 所有野食都 OK , 仲諗住平價羊架應該都唔會好食啦但點食落又唔係太差喎 , 加埋個汁都唔錯 , 食到成檯野都係$ 100, 以呢個價錢同食物質素來講真係好抵食啦 。

筆者為九龍灣既上班族，係九龍灣既餐廳多數都係多肉少菜，如果想清下腸胃，lunch去ikea食沙津係一個唔錯既選擇。今次就介紹筆者最鐘意食既香草醃三文魚沙律。沙律配上鮮味既三文魚，感覺好fresh。三文魚醃得有d鹹，所以唔建議就咁食，配上檸檬汁和沙律一起吃，味度就會balance返。味道有唔同既層次，多種味道，有三文魚既鮮甜，有香草醃既鹹味，檸檬汁既酸味，香草既甘味。混和埋一齊係唔錯既味覺體驗。咁大塊三文魚都只係33蚊，好抵食。煎雞排都值得一試，同出面茶餐廳既唔同，ikea既比較嫩滑，有好香甜既蜜糖味。6蚊塊，算幾抵。

同女友行megabox，見到ikea間餐廳幾多人食又未試過就去試下。點左個拼盤餐同肉丸，腸仔幾好味、脆皮；雞翼普通，炸得有啲over左；個蔬菜薯餅好得，好似有芝士加西蘭花，好夾好好味；肉丸好味香口，本身個醬都夾，但個果jam覺得唔夾冇點到。

今天下午放假，逛逛街，讓心情放鬆一下吧！來到MEGA BOX，為避開午市的人潮，先在商場逛一會，在２時左右才來到IKEA餐廳。原來這個時候，食物吧也有長長的人龍呀！最後選了羊架配咖啡（任飲）　付款後，先找個座位慢慢享用。　羊架配薯蓉＆蕃茄，淋上特別醬汁。羊肉雖不是很嫩滑但不韌，落刀時不需太多力氣。羊架表面灑有黑椒及迷迭香，不沾醬也能吊出羊肉的味道。最好羊肉夾一點羊脂肪一同品嚐，半肥瘦才是最好味的。很快就把羊架消滅了。這份羊架才不過53元，十分超值。來到咖啡了，每次一小杯，份量不多，可先享受完一杯，再斟一杯。原來在平日的宜家餐廳，可以舒舒服服地享受宜家的美食，環境比高少少分。周六周日客人較多，想在這餐廳慢慢享受，咪洗旨意。

今日約左友人去九龍灣買野, 來到就來Ikea食埋野啦..見到海報介紹新款食物而且仲要3款加埋都係$69又真係非常抵食..這個健康套餐有個甘筍野米湯, 雞肉全麥意粉同埋個紅菜頭北非小麥米,我地再加多$5有5粒素肉丸2個人都唔洗$80又真係幾抵食, 這裡食物既賣相除左個小米沙律比較吸引D, 其他都麻麻..特別個雞肉意粉旁邊既磨菇唔知點解黑色, 初時我仲以為點解佢放D灰黑色既石..原來望真係D係菇, 不過幸好味道都正常, 而雞肉好大塊幸好都不算太鞋口.再來個紅菜頭北非小麥米賣相唔錯, 紅菜頭同蕃茄份量多又新鮮至於小麥米就一般啦煮得有點過火有一pat pat不過整體上味道還可以.再來我最喜歡就係個湯甘筍湯好甜滑再加D野米好飽肚真係唔錯,最後既素肉丸真係最差又乾再加D白汁好怪唔好味, 這個可以不試.整體上這裡食物價錢平款式選擇多, 這個健康之選既套餐味道都唔錯而且勝在平呀..一試無妨

雖然依家無左個肉丸配意粉但有$7一碗仔白汁意粉真心抵😂兩個人食唔到太多 $109找數嗌左個特別優惠$1一粒肉丸應該係雞肉整既 略嫌乾身左D 新嘗試都ok 但始終瑞典肉丸最好個拼盤有鱈魚扒 牛油粟米 雞翼 同蔬菜薯餅 仲有D雜菌 舊魚煎到好乾有D鞋仲有可能擺得太耐 唔多夠熱但個薯格難食左 好油 雞翼都係咁好味！平日下晝黎唔洗等位👍🏻

2個人食$67 仲想點，平過老麥同大家樂薯格最好食，又脆又多雞翼都ok ,只可以講價錢取勝三色意粉真係麻麻，不過$15 連生果同橙汁，叫做過得去，不過下次係吾會再叫最差係素丸，好難食，咬落去好似好梅，真係吾識形容，只可以講就算$10碟我都覺得浪費左$10,永遠black list

好少去餐廳可以唔使睇價錢係咁叫菜，IKEA係其中一間！雖然蝦杯唔同左，沙律又唔同左，但無變既雞翼，肉丸，粟米都係陪我長大既！蝦杯係我最推介既！d蝦好fresh好甜！不過要自己meet。肉丸就幾時都係咁juicy好味！最鍾意就係點埋紅色jam食！其他都不過不失啦！以上個圖係我地點左2人份

IKEA餐廳一向平靚正 每次去到都有種食放題嘅感覺 狂食都唔洗驚銀包乾涸 所以幾乎冇一次去到唔係坐滿晒人 想搵個位都難最經典當然係瑞典肉丸 又平又好食 街邊篤魚蛋嘅價錢就食到又鬆軟又多汁嘅肉丸 十蚊五粒 仲連埋薯仔伴碟 務求令你唔飽唔得忌廉汁同紅果醬配肉丸都好match 估唔到甜嘅果醬配鹹嘅肉丸都可以咁好食 薯仔有啲硬 如果粉淋啲就最好 不過十蚊仲想點

宜家宜居既食物好多人都知又平又靚，所以周不時都會黎食下$13一碗甘筍湯，湯底好杰身，飲到入面有好多料煲到溶左，整體黎講係好味既係差在少少唔夠熱宜家家居既Signature Dish，瑞士肉丸食果陣點D果醬食，咁就會多左陣甜味，味道更升華至於旁邊個薯蓉就正常質素啦，但我記得以前好似係薯角黎??呢碟拼盤有蔬菜餅、魚柳、粟米同雜菇蔬菜餅入面既主要食材係西蘭花同薯仔，西蘭花輕輕切過，所以都有D西蘭花可以咬下，成個做法唔熱氣，但一樣咁爽口同清甜魚柳無雪味，上面加左少少胡椒癖腥，一夾落去魚肉唔會散呢個雞胸肉意粉就差左少少，雞胸好老同埋肉鞋，兼且調味重手左，過鹹了意粉無咩彈性，食落口有啲過淋