宜家家居餐廳及咖啡室

營業中

休息中

孕婦友人無咩胃口，但就揀左特意入去megabox搵返個胃口。真係無介紹錯！佢揀左三文魚，我揀左最愛薯餅加素菜丸（未食過，試下），點知一試就好鍾意口感好特別。友人就食哂成碟三文魚，但碟雞奕可能放耐左就無甘新鮮……最後都好滿意吖，執返自己食完既碟同個tray，去睇傢私。

今天到MEGABOX逛街,要在芸芸餐廳中選擇, 又真係有點難度.最後又是IKEA餐廳.在點餐過程中, 看到職員抬出新制作的雞翼,馬上要了8件.回座位後, 要快快品嚐.脆炸黃金雞翼8件HKD 28表面金黃色的雞翼, 非常吸引.堅持<食雞翼要有儀態> ~ 用刀叉.落刀只需少少力, 主骨連接位一切即可分開,這是新鮮制作的証明.了解大餐廳通常會用雪藏肉類,但雞肉嫩滑, 鹹度適中,果真老幼咸宜.炸到硬掘掘的食物, 下刀要很用力,當刀與碟子磨擦時, 很容易發出刺耳的聲音.亦因用刀過度, 食物很容易飛出碟外.再者肉質亦會變得又老又硬.影響到食物的手感&聽覺&口感&視覺這家雖然好似快餐店的模式,遇上剛出爐的食物,都可以好好味.Coffee無限添飲.只是飲了2杯, 已經很足夠了.唯一不足, 就很很多人.偏偏有部份客人食完, 仲要磨爛蓆唔走.另外, 餐具真係要6一6先至使用.

晚餐去宜家食 超多人 排哂隊 搵位都難 叫左忌廉湯同蘑菇湯 羊架同雞翼 雞翼好好味 超少辣味 多肉少骨 羊架五十幾蚊3塊 真係抵 仲有兩個薯蓉 羊架唔太蘇 有咬口 但都幾多肥 薯蓉好香薯仔味 唔錯 忌廉湯比較水 但都唔錯 好creamy 蘑菇湯好傑 所以好易飽 但兩個人 咁多野100有找 抵抵抵

個晚同男朋友去睇戲《來自星星得pk》認真推薦好笑所以睇戲之前就去左ikea食晚餐~夠平令正尤其係肉丸，$20 10粒好抵食，但意粉唔夠，但因為10粒肉丸已經食到我飽哂，點d醬好好食$20黎講 真係好抵 仲有兩舊薯蓉，比之前好食左，係唔係夜晚同晏就唔同？？咁呢個忌廉海鮮湯 $11 價錢差唔多 男朋友好中意飲 飲哂 而我就覺得鹽左少少呢個相信係每一個食過ikea既我地 必定會食薯條 $9一份 份量都好多 薯條係用全個薯仔整再切 好新鮮 $3一份 牛油+$1 抵唔抵就睇圖啦^_^～～～仲有食左雞翼$15/4隻好味～好香 好有咬口 脆皮但夜晚去真係排哂長龍，等左15分鐘

每次到Mega box行街總係忍唔住幫襯IKEA 餐廳，原因咪就係因為平靚正囉！欣賞宜家用相宜嘅價錢就可以令大眾試到咁多唔同食物，講真雖然樣樣好平，但好多時我地都唔覺意揀多左，無計，鬼叫推住架車仔咁過癮咩！除左平靚正，IKEA餐廳食品同佢地嘅家品一樣，就係變得快！上兩個月明明食到煙肉扒好好味，今個月就無喇！所以令次食都相當有驚喜，當然某幾款大熱食品，好似肉丸雞翼就長做長有喇！由於我地已經食左晚飯，今次就只係要左兩樣做宵夜！德國腸係新野黎架！賣相唔錯架，又有酸椰菜，可惜味道真係幾重味，如果送飯或意粉就岩，就咁食就真係咸左D！老婆唔鐘意食肉丸就唯有食雞翼啦！印象中每次黎都必叫雞翼，SIZE唔算太大隻，但就整得好香口，價錢更係非常抵，比係街市買生雞翼自己調味仲平添！真係望返相依家都好想食啊！宜家家居餐廳及咖啡室 IKEA Café九龍灣宏照道38號Megabox4樓3191 1188

係Facebook度睇到Ikea有新食物登場，就立即安排一日的午餐去試試素丸-由紅蘿蔔、綠豆和豆蓉做成，下了不少調味，食落好惹味，不會太油膩，而且不易散開，沾上芥末醬令味道更上一層樓 三文魚柳雖然有點乾，但魚的鮮味仍在，伴碟的菜是白烚的，提高這份午餐的健康價值，唯獨是只有三小粒薯仔，澱粉質不太足夠，所以加了$2買了個比預期更好食的法國麵包 (外脆內軟)

星期六，行Megabox行到累，最好就上去宜宜家傢俬食野！真係好鐘意食佢地既雞翼！完全唔係用炸粉，煎得好金黃，好好食！西冷扒係必　叫架啦！$56就可以食到大大件既扒，而且整到7,8成熟，食落去好霖！瑞典肉丸，10粒$20!! 真係好抵食，我好鐘意點埋佢地既果醬去食!!三文魚沙律，好似分量比以前少左小小，不過都好抵食！$33咋!!兩個大人，一個小朋友，三個人食左$169! 真心好抵!!

MEGA BOX好多店舖做減價, 好心動呢!所以今晚獨自去SHIPPING,順道去我喜歡的IKEA晚餐.這是周五晚上, 客人較多,要找個位置, 是有點難度.還是先排隊取食物吧!.可是龍尾都頗長, 要等十多分鐘呢.這時在為哪款食物猶豫不決. 今天有香草烤羊架 << 我喜歡羊肉! 又看到龍蝦仔意粉 << 新出品 兒童餐 << 份量幾適合女性 三文魚柳配蔬菜薯餅 << 几清新反正想食清D, 最終選了三文魚.!再配小龍蝦湯.馬上付款, 盡快搵位.三文魚柳配蔬菜薯餅 HKD53就座後, 望清楚三文魚, 魚肉好乾喎!魚柳上附著白色物體! 這是煮過龍才會出現呢!三文魚柳没有做煎封,還要在餐吧的熱盤內長時間加熱,魚肉水份蒸發了,只剩下乾爭爭的魚肉纖維 – 嘔白泡的魚柳即時對三文魚柳印象大打折扣.以刀切開魚肉, 邊位好易散開.魚肉乾到失去粘性.幸好有白色忌廉汁作滋潤, 否側真係齋梗了.蔬菜薯餅2件圓形小薯餅成份:切碎的薯仔肉及蔬菜但只見到是西蘭花,整體不太鹹, 軟棉棉, 好易入口.混和白色忌廉汁, 更美味.伴碟蔬菜是烚好的, 很軟

要簡單形容ikea cafe只需四個字: 快、平、靚、正cafe採用自助形式，搵位、買野、搬餐甚至清理座位和收拾餐具都要「靠自己」，但卻換到了其美味得來廉宜的食品。放工去睇戲前要速食，真係感恩megabox有ikea cafe呢個選擇!!閒日關係，都唔係好多人，買完野食好快就搵到位。雖然唔係睇戲都唔會去所以唔係常客，但見到有「新產品」墨魚餅配海鮮寬條麵，個樣同個名都勁吸引，所以就叫個黎試下~~墨魚餅配海鮮寬條麵 ($36)墨魚餅算是不過不失，無想像中咁油同熱氣，本身我又鍾意食墨魚丸，所以都幾滿意海鮮寬條麵，海鮮配料同白汁雖然唔係咩特別野，但睇返個價錢，老實講，自己煮都差唔多要啦~!雖然個麵本身稍為乾身一點，但呢個價錢來說，都算無可挑剔的了...肉丸10粒配意粉($19)招牌肉丸，朋友說每隔一排就會突然好想食......或許是瑞典人製作的肉丸喜歡加入大量香料，所以有一種特別的味道讓人回味無窮吧.......簡簡單單，配上獨特的燒汁，還有不是人人接受到的士多啤梨醬(笑)當你不知道想食咩嘅時候......揀呢個肉丸意粉就真係「實無死」~~

今日行MEGA BOX, 肚餓之際, 入左IKEA的餐廳.MENU推介新款: 德國腸配酸椰菜.可能以前IKEA曾經推出.但對我來說, 這是IKEA新款了.酸椰菜sour cabbage, 德文Sauerkraut, 可解肉類肥膩感.而配德國腸/德國豬手之類咁肥美的食物, 點少得酸椰菜呢!現在只需HKD 36即可享用, 當然要試新菜啦!一條肉腸, 盤成餅狀, 方便煮熟及上碟.腸衣不算厚, 下刀很易切開IKEA好注重大人細路的安全嫁!餐刀的刀鋒一般不會尖銳, 攻擊力很低囉!通常在調制肉餡時己混好調味香料, 啤入豬腸衣後, 以生曬或蒸熟.但單是肉腸則少少鹹和香辣,最好配一其他配菜同吃.這一小撮酸椰菜偏乾身, 也不夠酸.與肉腸同吃, 剛好中和肉腸的肥膩感.還有其他蔬菜呢!其本身已焯至軟身, 清淡無味,而啡色醬汁則有點鹹和辣, 作為吊味之用吧.完成這個主菜, 嘆一杯COFFEE.這是咖啡豆即磨的, 自行加糖及奶.但味濃的德國腸配酸椰菜好好味,在飲COFFEE時, COFFEE的強度相對較弱!比較喜歡黑色攪拌棒, 可作飲管之用!咁又完成一餐了.呢度真係好多人等位, 但總會有D人坐極都唔肯走!

宜家係自助形式，要食咩自己攞，食完後擺返好個托盤，呢啲規則都應該要清楚。星期日中午12:30到，唔算勁多人，幾好彩企左一分鐘就有位，去買野食條人龍都唔算長，而且職員都好快手。瑞典肉丸10粒加意粉($19)：我冇點食因為我一向都唔特別鍾意食肉丸，覺得太heavy，不過意粉幾好食，生熟程度幾好，幾彈牙，叫左佢多汁，所以唔會乾。香烤燒羊架配薯蓉($53)：一碟有四五舊，幾抵，不過我覺得今次嘅熟左少少，之前見人地食評話粉紅色有血水，我今次就冇粉紅色，不過食落都唔會老，羊膻味都幾重，唔鍾意嘅人應該食唔到，不過我自己就覺得食羊一定要食佢個膻味。薯蓉正正常常，都有兩大球。粟米($3)：唔係甜粟，不過$3咋，幾抵食呀。蘑菇吞拿魚蛋批($9)：唔知點解我好鍾意佢呢個批，熱熱地，中間有好多吞拿魚，不過我覺得啲吞拿魚太爛，如果有少少吞拿魚絲會更好。個批底都幾脆，抵食好味！芝士波($10)：我冇食過，不過朋友話入面幾多芝士，而且配個個汁好惹味。炒雜菌($7)：正常一碟菇，我覺得淡左少少，如果鹹返少少，同落多少少黑胡椒就完美喇。凍蝦盤($26)：我好鍾意呢個，好清新，都幾多隻蝦，而且點個個茄汁酸酸甜甜好好味，而

放工同同事睇個戲，睇之前當然又要填下肚仔，今次就去左商場入邊嘅ikea，之前去親都有牛，今次竟然冇，真係有少少失望，，，但見有羊架，都照要左，再加肉丸子同忌簾湯先講忌簾湯，太重菇味，肉丸就一般水準，要兩個人先食得哂，不過個汁就真係幾開胃，之後就入主題食個羊啦，第一口擺落咀，哇，，好騷呀，，，同我一齊食嘅同事就話最中意食騷味，我就成塊比左佢食，食左啲伴碟嘅薯仔就算＝3＝整體呢個價錢若果好似之前咁有牛絕對係一個超值，不過對於唔中意食騷嘅羊相信唔會太吸引，下次冇牛都係食意粉算！

20150616夜晚去睇戲, 所以先食D耶打抵megabox最抵食嘅一定係宜家啦XD不過唔好嘅就真係多人難等位咯~好彩等左幾分鐘就有位!!叫左個魷魚餅意粉同肉丸個魷魚餅其實唔錯, 但意粉真心麻麻, 食到底嘅時候全部係水-.-肉丸都叫過得去啦...

戲侏羅紀前黎個快食dinner先! Megabox既宜家家俬係首選, 又多野食又平!肉丸係必食之選, 同同事兩個人嗌左十粒配薯仔, 但佢好似俾少左一粒...唔知係咪太耐無食, 肉丸既味道無以前咁好味, 肉質有啲鬆散同埋無咩味。薯仔就好好味, 少少煙韌, 細細粒又唔會太飽。墨魚餅配海鮮寬條麵-個名同個樣都好吸引!!價錢仲吸引, 咁大碟都只係$36, 塊墨魚餅仲要幾大塊。不過真係唔好期望太高, 因為味道好普通, 個麵淡而無味, 海鮮都係啲蝦毛仔(咁既價錢我知唔可以expect啲咩), 至於塊墨魚餅就炸到有啲硬, 所以食左半塊就無食嚕~呢個係同事嗌既羊架-$49有兩大件仲配薯蓉添!!我覺得好抵啊! 個羊架應該係5成熟, 我試食左少少, 肉質嫩滑, 配埋個汁岩岩好夠味! 咁大件真係食兩件就夠哂飽, 完全係意外之選!!有樣野好失望, 就係唔知點解無左蜜糖雞亦!!! 以前最中意食呢個, 希望佢可以出返。定係其他分店有我唔知?

英國回來以後也沒有機會回到那長大的城市裡，懷面一番！記得小時候，總喜到英國的ikea食野！如今，香港ikea能夠讓我好好回味一下！［蘑菇湯］值得一讚！就好似有好多粒蘑菇打磨在一起！非常厚的湯！［煙三文魚］正常水平！新鮮既！肉質剛好，不太厚。不過，沙律配菜很少！［墨魚餅闊條麵］樣子不錯，但味道比較淡！墨魚餅就似魚餅多d!食不出墨魚味！總結來說，因價錢的確比較平，所以有這個水準已經很不錯了！