定食8 (已結業)

晚上7:00叫左外賣岩鹽牛仔骨，等了15mins,門口有幾個人等緊外賣，個職員吾睇單，個餐險些比錯人地，回到家（只有4分鐘路程），打開……比少左個味噌湯，算了……只怪自己冇睇，d 飯已變硬，凍左……唉..e 家賣$68貴左，質量又下降左，下次未必食佢

去荃灣揾食，米芝蓮揾左依間話五十幾蚊就有一個餐喇。去到時店鋪唔多人，等一張就入得，公主要食特上盛海景丼 $58，米米揀左黃金魚配炸蝦烏冬 $58，再加小食雞唐揚 $20同蔬菜天婦羅 $10。未上菜前，欣賞左一下自助吧，有麥茶，白飯，椰菜絲，麵豉湯任添😁公主海景丼上菜先，有小食有湯有甜品，每款刺身都有兩片，連大蝦都有兩隻米米既炸蝦天婦羅烏冬，已經有烏冬，天婦羅仲有飯墊底，太飽喇蔬菜天婦羅有秋葵，茄子，南瓜，冬菇。不過雞唐揚就冇咩特別喇，炸得太過，太硬囉，一d都唔好食。留意返有限時，繁忙時間只限亨用50分鐘

定食8其實係爭鮮既定食版佢既lunch set 同dinner set 既menu係一樣既但好似得7-8種選擇而且menu唔係成日轉食得多會有d悶今次就黎食左lunch2點黎到 岩岩過左lunch時間但都要排隊牛排餐Set有湯有拌菜有布丁甜品出面既自助吧其實有湯同飯可以任添所以一定唔會食唔飽個牛排其實有點韌唔係太推薦食海鮮set刺身份量都算多 但咁既價錢唔可以期待佢會太新鮮但總體黎講都算可以另外加左小食$20有5隻炸蠔都算幾好食另外堂食要加一呢度有限定用餐時間60分鐘但佢上菜速度好快所以一定夠時間食但如果約左朋友想傾耐d呢度就唔太岩啦

是咁的, 一家三口去食晚餐爹娘食鯖魚, 我食照燒雞腿第一點要講嘅唔係D食物, 而係位Waitress事關我個頭縮慢D嘅, D湯呀, 飯呀, 雞肉呀, 應該會飛哂落我個頭度上菜時可以小心D嘅好, 講返D野食, 湯夠熱, 保持到一貫水準, 除左毛豆外嘅兩樣配菜都好好餸飯雞腿嘅汁唔會太水, 雞肉亦夠鬆之後要講個天婦羅我唔多講, 自己睇炸得好靚?單係一件茄子, 已經壓左咁多油出嚟...總結嚟講主菜好OK, 但係D服務同小食就有檢討空間 (有加一服務費, 要求小小服務質素都好合理吖)

每次來這裏都要排長長的一條隊，證明食客的眼睛是雪亮的，因為這裏的日式套餐，實在是價廉物美之餘又是新鮮可口的 。今次點的定食燒牛肉定食和魚生飯，另再添了一客鮮鮑魚和天婦羅。燒牛肉厚厚的火候剛好，而魚生飯就是全部厚切的魚生，滿滿的一大碗，真是抵食夾大件。這裏最特色的是麵豉湯是無限任添的。湯料豐富有厚厚的魚肉和濃濃的麵豉味真的是不得不一添再添。至於鮮鮑魚和天婦羅 味道也是很值得推介。這裏惟一需要改善就是餐牌選擇太少，店主真要改善啦。

每次經過都見到好多人排隊，幸運地當天食客不多，不用等候。定食八款式不多，但性價比勁高 ！鰻魚丼和海鮮丼亦是我最愛所以今次亦挑選了鰻魚丼($58) 和親子三文魚丼($58)鰻魚和三文魚都肥美，附上味噌湯、甜品和三款小食，肚子一瞬間被填滿了。呀！是滿足的感覺！！

位於悅來酒店下面的悅來坊，近年多了很多不同的食肆，朋友介紹這裡有一間抵食又好味的日式餐廳，所以我們便趁假期來試一試。 ▼餐點種類不算很多，最低消費每人要點一個餐，畫好紙交單就可以！ ▼每份定食都會跟一碗麵鼓湯和一些前菜（中華沙律，螺肉，枝豆），麵鼓湯內入面有很薄的蘿蔔片和豆腐粒，味道不錯！而白飯、麵鼓湯和生菜絲更可以無限任添。 ▼「芝士豬排定食」($48) 賣相很不錯，翻開豬扒，入面的芝士很澎湃，可惜吃起來竟然零芝味，豬扒炸粉仲很厚，有點硬，吃到最後一塊，我忍不住把它的皮剝開來吃。 ▼「親子三文魚丼」($58) 三文魚看起來很好肥美，油脂分布平均，但吃起來沒有魚香，有點兒失望… 另外我們加點了兩個期間限定小食 ▼「芝麻秋葵」($10) 好穩陣，亦算新鮮，幾開胃，「雞軟骨」($15) 一串有五粒，好爽口，配少少燒汁，幾好味，但$15蚊兩條好像有點點兒貴，另外看到旁邊的客人點了一份蔬菜天婦羅($10)，有四大件，感覺很抵食，如有機會可以一試！ 小總結：現場環境比較昏暗，可能期望越大失望越大，味道沒有想像中的水準，價錢也沒有想像中的便宜（還要加一），但由於湯飯菜等可以任添便挽回了一點分數，作

放假同朋友去咗荃灣行街，行到咁上下就順便搵下果區有乜嘢好食，遊遊下就遊到去悅來坊商場，見到有間日本餐廳有好多人喺度排隊，我就知呢間餐廳實無死錯人喇。排咗半個鐘左右終於比我入到去，坐低左之後我就急不及待打開本 Menu 睇睇先。雖然佢午市定食餐選擇不多，但勝在價錢十分抵。好多個餐我都想食，到最後我就叫左特上盛海景丼。飯餐原來都跟好多配菜，有漬物、味噌湯、甜點，而且白飯同味噌湯重可以無限供應，真係抵到冇朋友。

今日中午一行三人去咗試呢間便當，排隊排左一陣都幾多人中午時間，一定要搭枱架啦！同埋自助式嘅服務，入邊有幾個便當同埋幾款小食可以追加，湯啊白飯啊椰菜沙律嗰啲可以自己任食出去拎牛肉便當冇咩特別牛肉比較硬， 冇乜味道兒童餐 都幾抵食嘅30幾蚊小朋友食得開心始終兒童餐佢嘅餐具係架車小朋友都好鍾意刺身便當我嗰個刺身都OK嘅有赤蝦都幾新鮮呀啲食物，仲有啲前菜，湯，都係＄58！跟住加左個吉列蠔丶正常大路嘢平平哋又唔算太差。只要你唔好有咁大嘅期望都唔錯，尤其是一啲中學生我見到佢哋好多都過嚟食，零用錢唔多呀嘛！但係排隊都唔算太耐，都可以值得一試

嘩 真係非常少係荃灣出沒，揸住架車嘅我地搏命諗究竟邊到有免費泊車得嚟又有餐廳選擇可以醫飽我地呢？幾經辛苦俾我搵到悅來坊應該滿足到我地嘅需要。好彩，唔係排咗好耐就有得入停車場。泊好架車，一入商場就見到呢間日式餐廳咁多人排隊嘅！但唔熟架步嘅我地都係選擇兜個圈睇下有冇更好選擇，不過兜兜下都係返嚟呢間看似好受歡迎嘅餐廳。排咗一陣就可以入座，一坐低店員就會問你食過佢地呢到未，我地擰擰頭後佢地就解釋呢到湯同飯都可以任添，揀好餐點就可以出去order有得食我最愛嘅茶碗蒸啊，開心其實佢唔係話好特別，但就勝在價錢親民，呢個價錢係出面想食過set睇怕都幾難搵到。佢質素唔差架，而且份量都唔少，而最意想不到嘅佢個味噌湯出奇地好飲！ 食完之後，我地都異口同聲話如果佢開係我地樓下，應該日日食

假日與友人四處閒蕩四處吃，來到一間名叫定食8的餐廳，我們興致勃勃的走了入去。落單前當然先看餐牌，友人卻發現寫著有個奇怪的規定，每位客人都需要叫一份定食，若然不叫又如何？不過也無妨，我們都是衝著定食而來的。特上盛海景丼是一碗大魚生飯，甜蝦、三文魚、拖羅、帶子、蟹籽等很是豐盛，魚味濃厚，油份中等，不過已教人吃得興奮。鰻魚丼的魚塊略為細條，但亦算肉厚肥美，惟鰻魚汁可以更多，必定更加滋味。丼飯不過不失，只是吃完鰻魚都未吃完飯，比例有點差距。每客定食都是數十元，而且皆附有前菜中華沙律、枝豆及牛蒡，甜品是奶凍，齊全至備，認真抵食夾大件！

我和家人行過這家「定食8」， 門口有人龍， 所以好奇排隊看看究竟是什麼好吃的東西，不一會我們便安排入座，侍應問我之前有冇吃過，我說沒有，他便給我介紹，這裏有八款定食套餐選擇，而出邊的湯、飯可以無限添加。我便選擇了4號餐「芝士豬扒定食」， 原來三點後一至四號套餐有七折優惠，所以我這個芝士豬扒定食原本是 $48， 減去七折的$14.4後，再加返按原本價格計10%的服務費，即是$38.4。套餐包括了漬物、甜品及味噌湯。味噌湯不會太咸，湯內有豆腐海帶，不錯。芝士豬扒保持了應有的鬆脆標準，不過內裡的芝士不夠濃郁，不太明顯。這裏提供了無限的椰菜絲、飯及湯供應，的確可以滿足到大胃王的需要，而且價錢不算太貴。的確是一個幾好的選擇。

今日去到悅來坊老公話想食日本嘢，見到有間定食八諗住試試啦。去到要排隊，我哋大概等左15分鐘，排緊隊服務員已經俾張點菜紙我哋睇。有位後去cashier 落單，坐一陣服務員就會送餐嚟。好efficient! 每個餐都有前菜，湯同甜品。

我地幾個人黎食，去到收銀台唸住落單比錢。唸住嗌兩個定，嗌兩個小食，點知收銀果個人話每個人一定要指定公司意思要一人一個定食，咁唔想嗌定食嗌小食都話唔比囉，真係唔覺佢地既服務有咩好喎，平係平既，但唔係咁樣囉

平時7點至8點既時候經過悅來坊定食8都見到好多人排隊，但都未曾一試，琴晚9點先去食晚飯，岩岩好見到無咩人排隊就入去一試啦。佢地個餐單會依照季節變化而轉換菜色，基本上會有8款定食選擇，另外有單點小食。今次我選擇左岩鹽牛排定食，牛排份量比想象中多，旁邊仲放有開胃冷盤，飯，湯，甜品，擺放精緻。牛排燒得適中剛好，切開牛排中間仲見到少少紅色，第一塊我無點鹽食先試試原味，食落口牛肉味慢慢滲出，口感軟嫩不發柴，第二塊點鹽食，味道更加提升見到隔離枱既赤蝦刺身好似唔錯，之後我地都叫埋一份。果然無叫錯，赤蝦夠凍而且好鮮甜，配埋個秘制醬汁，鮮味一流。溫馨提示：有些小食餐牌可能見唔到有，去到收銀位先見到有其他額外單點小食可選擇。炸物小食我地叫左兩樣，第一樣係海苔多春魚。多春魚炸得好脆，咬開入面好多魚籽，真係好味另外一樣炸物係多春魚籽蝦球，咬落彈牙，但同一般蝦球一樣味，所以無驚喜，一般一般。呢度有自助區，白飯任添，仲有三文魚湯任飲。