定食 Doraya (駱克道)

營業中

休息中

由於見好多人都俾左正評佢,所以就黎試一試! 講真而家真係開左好多食呢類定食嘅鋪頭。一去到話2位就即刻有位坐,四人檯,我地坐入面,同人SHARE一張檯。我地一坐低就ORDER左呢兩個以吞拿魚為主的定食,因為此店以吞拿魚出名。好快就有得食啦,定食可選蒸蛋OR玉子,飯可選壽司飯OR普通飯,跟餐有漬物有湯,可加$10轉蜆湯架。但有碟泡菜當前菜我就覺得怪怪地....吞拿魚大腩加魚蓉: 普通,魚肉一入口已經好大陣醋味,莫非想遮掩D咩野...?定我諗多左....呢,雖然係大腩,但一D油脂都無,同食普通位置無咩分別魚蓉亦不外如事。鐵火井:  即係吞拿魚飯,切工比我個隻薄D,但都係好多醋味酒煮蜆:   中規中舉, 有酒味,可以少D味精,因為大飲淡湯,就有好陣酒味同味精味.....農左D..最後我想講, 事實不似預期,普普通通, 食過就算。

病左好耐，都無咩心機出去搵食了😌好返又唔可以食得太刺激，就黎個日本魚生飯啦🍙吞拿魚好像好出名wor，就自由組合個吞拿魚扒+薑蒽吞拿魚蓉+油甘魚🐠🐟定食包左漬物+湯+蛋捲（可以要蒸蛋都得）油甘魚好厚好肥美，充滿光澤，重點係唔會有筋囉👍🏻👍🏻吞拿魚扒第一次食，兩面輕輕燒過，將啲油份迫左出黎，令入口非常香濃😆魚蓉我一向都很喜歡食，里到的比例做得很好，再加上少少紫菜一齊食😍😍一試愛上🔥連平日唔食吞拿魚的朋友都話好味❤️上面的沙拉，大家唔好誤會哦，是我另外加的。你知啦，淨係食肉會好悶。加返啲蔬菜平衡下，好好多。而且個豆腐沙拉我選擇左柚子醋，酸酸地，開胃丫🥗🥗🥗朋友選的有少少唔一樣，油甘魚+大蝦+帶子🐠帶子超級厚肉，好鮮甜。厚度差不多有三cm❤️而大細同macaron一樣大蝦解雪做得好好，一啲都無雪味，蝦頭都無變黑。大家唔怕膽固醇高，可以將啲蝦膏放落啲飯到食👍🏻👍🏻另一個朋友係三文魚的頭號粉絲，所以叫左大蝦+三文魚+三文魚子三文魚子每一粒咬落去，都感受到佢係你個口入面爆開❤️真係心都跳起黎丫💃🏻三文魚老實說，而家一般食店的都唔太新鮮。里到大家可以放一萬個心，新鮮之餘，脂肪比例非常好，有魚的油香之外，肉質

Doraya 既名氣, 睇條人龍就會知.  食飯時間20個人o係出面等位係好正常既事, 由於用拎籌排位既關係,  建議食飯時間好掹掹緊既朋友 早d 黎排, 咁岩一輪坐滿哂真係要等半小時先有位. Doraya 分店有幾間, 不過真係得元祖店係好食, 食過幾次分店都係冇呢間咁好食,  而食Doraya 一定唔係揀佢正常既lunch set, 而係最出名既鮪魚丼 唔洗上二三百蚊 一碗既黑鮪魚丼, 普通o個隻已經好好俱, 而且CP 值高到爆.同行友人點左鮪魚蓉飯, 而我就點鮪魚扒溫泉蛋飯.  蓉同扒最大既分別, 係鮪魚蓉油脂更高, 鮮味夠, 一食落去真係做到入口即溶.  你會即刻有物超所值既感覺.  扒就會有少少炙過, 每塊有肥有瘦唔同口味, 食落大啖肉又好爽.  我會覺得鮪魚蓉 可能打碎左, 個味比鮪魚扒更出眾. 連餐既味增湯, 茶碗蒸係大路野黎, 主菜超水準先係重點,  鮪魚既滋味, 我會覺得有日本大阪黑門市場 , 入面間黑銀, 同價位鮪魚既8成滋味.   o係香港就冇得輸.

Doraya是我其中一家最喜歡的日本餐廳——不但價錢相宜，而且魚生新鮮！飯的份量剛好，對女生而言，不會太多！另一樣值得讚的是定食的配菜：燉蛋，麵豉湯和醃蘿蔔。燉蛋做得非常嫩滑，帶有肉的鮮味（另可選玉子）！醃蘿蔔絲毫酸的味道也沒有，反而非常鮮甜。

Sashimi is thinly sliced,raw seafood.Many different kinds of fresh fish and seafood are served raw in the Japanese cuisine.Sashimi,while similar to sushi,is distinct for its absence of vinigered rice.When slices of fish are served on top of a small ball of rice,it is called nigiri zushi.Sashimi is usually beautifully arranged and served on top of shredded daikon and shiso leaves.The sashimi pieces are dipped into a dish of soya sauce before being eaten.The daikon and shiso can also be dipped in

為了油甘魚，我願意放下五餅二魚，肥而不膩，入口即化，爽到yyy。------------------------------Blue fin 吞拿魚也是被秒殺，用火槍 噴一下，更加野味。------------------------------------------------------------已經吃了無數次，每次都無失望，這就勝過其他連鎖店了。

每次去銅鑼灣必定去睇下有無位，次次超過5張枱男友就唔會想等，佢Doraya唔大有排等今日係星期五下午2點幾，飯市差唔多完，比我地博到啦如果我自己一個唔會食，基本上我除三文魚同池魚外，咩魚生我都唔多食，因為我好怕腥，同埋其他食既吞拿魚唔係唔新鮮，總之個口感好怪，肉質好散咁，呢度係男友以前飯堂之一，佢希望我改變食多點魚，都係我做開gym要多蛋白質我叫左木魚絲吞拿魚定食，以質素/份量$128唔貴，真係唔會散既肉質，又唔腥，覺得感覺良好，唔會食2舊掉比男友

星期五收工晚上約了友人去銅鑼灣行街。大概行到八點半左右開始肚餓，本身諗住過去睇下多唔多人。行到過去都有四五張台，不過已經算是少人。所以我地照排住等，大概半個鐘可以入座。友人點了三文魚拼油甘魚刺身丼$148。刺身望落去好新鮮，遍怖油光，見到都流晒口水。以這個價錢來說，份量都好足！而我點了吞拿魚拼油甘魚刺身丼$148。本身想試肥腩，但今天已沒有了。今天的油甘魚很肥美，略勝一籌。配菜方面有麵豉湯，蛋卷及漬物。我地兩個都捧住個肚離去，很滿足。略嫌擠迫了些。

食材新鮮。可是我不認為200元一餐晚飯應獲如此對待1) 我一個人去，他把我安排在六人枱的正中間，左右兩個男人。我根本不能接近桌子。(2) 左邊的人埋單，侍應把單在我頭頂橫跨遞過對面， 沒有說不好意思等字眼。 (可能因為我坐下比較矮?)幸好過了一會左邊的人埋單，我可以移往牆角。 不過仍然不得安寧3) 在我想結帳之際，對面的人比我先叫賣單，侍應再次把單在我頭頂橫跨遞過對面 (i.e.重複(2))。(4) 旁邊的新客人比我更不幸(!?) 因為我一站起，他們就立即被侍應要求調位了。不如你將價錢提高10%，唔好話畀人聽你要收10%的加一服務費啦。結論是在香港社會，也許一個人吃飯是罪過。 原對日本餐廳抱有一點期望。 基本對客人的尊重也許應該要懂吧?

最值得推薦嘅日料仲未食過嘅你，就真係值得一試喇！刺身新鮮好味，店員🙎🏻‍♂️好nice，會記得我食咩同唔食咩，好有heart❤️。不過飯點真係要難等位（好耐！！）因為個店面真係唔大，容納有限，連店員都忙唔過來😂所以你如果係三五結隊，就要有心理準備喇！一個人去食好似好D，雖然忙嘅時候都要等，不過抵等嘅，見過明星都照排一個鐘喇（😂咁心裡平衡D）如果你係刺身愛好者，試噻menu裡面每一個都好，當然，就算你個胃幾大都好，唔係一次過食喇

自從食過Doraya嘅魚生飯之後個心就係咁掛住想返黎食。雖然港女都食過好多高級嘅壽司，但比起壽司一舊一舊咁食，大啖大啖咁食魚生飯絕對係另一番滋味講起魚生飯，魚生質素好緊要，而家好多求其嘅魚生飯店啲魚生都方新鮮，所以都係搵返有上下水準嘅穩陣啲。。。Doraya喺保持水準方面應該唔錯，開咗咁多年仲咁多人嚟食，信心自然okay今次食咗海膽葱吞拿魚飯、牡丹蝦、同日式炸雞送啤酒。魚生當然10分新鮮，份量夠多，真係滿足晒心靈需要。唔怪得成日都要排長龍

有時侯一間食店除了食物質素之外，店員的質素都好重要。今天我跟父母去了貴店吃晚飯。六點多的時候到店，看到店外寫著要進去拿籌，進去之後我跟店員說3位。那時他的眼神已經不是太有善。拿完籌後在外面等了15分鐘，店員問齊人沒。我就說齊了。以為有位啦...怎知道又繼續等...在7點前店員多次問齊人沒。其實有點奇怪，你又不是有位給我，我一而再，再而三的確定齊人為什麼要不斷問呢？大概7點有4人桌離開，剛好我們是下一張，怎知道店員把我們後面的號叫了。以為店員忘記了，問他是不是漏了，他又問你們齊人了？我說齊了，他跟著用一種超級不友善的語氣跟我沒說沒有位。那為什麼我們後面就能進去？我明白他有他們安排位子的方法，但我認為可以用友善的態度解釋而不是跟我們說"咁先生你教我點做囉！"我明白貴店的食物很好吃，但店員質素這樣令我覺得就算食物再好，我也不會吃得滿意。這種"唔憂做"的態度令我覺得好恐怖。香港美食太多了！不吃你這一家，我還有很多選擇。

考完試12點黎到太好啦！唔洗等位（平時lunch/dinner黎起碼等15分鐘除非你一個人啦）如果你都你心大心細，可以食自選丼最中意甜蝦他他，第二到好少有得食！三文魚好肥美呀，加埋toro蓉送飯一流！oishi!!!! 個人覺得銅鑼灣店水準比尖沙咀好，雖然坐得迫d

返嚟香港都幾年，一直都有聽講話 Doraya 好正，次次行過銅鑼灣見到都勁多人圍住等，今晚終於的起心肝排一排，會一會個個都話正的🐟生飯！其實都唔算排左好耐，二十分鐘，一坐低都諗好要食乜。我要左個海膽+三文魚子定食，男友就要藍鰭吞拿魚扒定食，加$10 upgrade 左個蜆湯，$15 要個納豆(我的摰愛)，仲要埋個帆立貝刺身❣️一定 upgrade 要蜆湯，好多！唔記得影，帆立貝刺身好鮮甜肥美海膽+三文魚子定食超，認真好食過我晌築地食嗰D，海膽甘甜配上三文魚子的鮮味，再加埋D shiso leaves 一齊，通常D人都扲開唔食，識食就會將佢地搣成小塊，撈埋一齊食，增添清新味感藍鰭吞拿魚扒都好好味，好鐘意佢灼左少少，散發油香，肥而不膩，啖啖肉個納豆都好正中，仲比左好夠葱花，撈飯食完好滿足，好後悔咁遲先嚟試，以後會多D嚟，食匀晒個 menu

平日7點到,門口已經好多人等緊。等左差唔多一個鐘終於入到去。我叫左吞拿魚大腩加香葱魚蓉定食。$198有6片吞拿魚腩,份量尚可大腩質素唔錯,食完冇筋入口即溶。香葱魚蓉一般。朋友叫在自訂定食, 要左海膽,带子, 大腩。本身想叫中腩, 但是當日已經冇中腩。個人最鐘意食海膽。好鮮甜, 香港好難食到甘高水準的海膽。下次可以再過來食