安利魚蛋粉 (已結業)

味精多多, 每次食完, 都勁口渴...雖然食物大致OK, 但考慮有咁多師傅, 真係唔值得排長龍...

星期天無野做去筲箕灣安利條人龍長到呢~之前去過一次都無咁多人今次好誇張啊~等左半個鐘先食到我叫左最出名既片頭切腩撈粗講真我覺得佢d牛腩係可以的但又唔係比九記好魚蛋一般!又比唔上旺角的榮園好至於撈粗都唔比旺角的龍記好仲可以話好差tim佢好咸超咸同好大陣梘水味但佢出名當然有佢原因因佢集齊三款不過不失的元素所以有咁多人去另外有個好出名既鮮油奶多都可以既,但好普通野,好多茶餐廳都做到啫對我而言呢度係叫做ok但就真係唔值得排半個鐘同特登黎囉!

筲箕灣勁食記(1/4)　週六遠赴筲箕灣陪參加培訓的龍及同事食飯，講真還是為食多於偉大好心。 東大街一帶真是食肆滿佈，首要目標當然是安利魚蛋粉，新舊2舖都很多人排隊，幸好他們的lunch break都算長。4人試了以下食物/飲品：　凍奶茶-茶味濃厚、奶味香滑，是繼金鳳以後另一水準凍奶茶推介!奶油多-新鮮即烘，不用說自然香脆美味腩汁牛腩粉-很靚樣，不過並非我們的柯打，冇得食有點心up。其實我估它比清湯腩更美味。清湯牛腩粉-第二碗才是真命天子，清湯沒有特別，早知叫腩汁好了；牛腩稍瘦但也不失滋味，吃完略感不足! 名物魚蛋粉-魚蛋不覺特別出色，然而河粉軟滑入味，的確有水準!豉油撈麵-見到其他人的柯打很吸引，跟著又叫一碟，撈麵油份分佈平均又彈牙，好吃! 　食物水準不俗，再加上2支可樂埋單才$85，難怪人龍那麼長!　　p.s.有說這裡食物下了味精，不過可能我吃得不太多，沒有任何不良反應!　更多相可見：http://siuyan824.spaces.live.com/blog/cns!26E81014A01166DB!9051.entry

安利響OpenRice筲箕灣區最多笑笑，有機會就梗係要去試吓啦。中午坐地鐵由鰂魚涌去筲箕灣食Lunch，唔使排隊，真係好彩～～今餐點咗：1) 魚片切腩撈粗2) 魚片撈粗撈粗:其實我對撈粗一向冇乜興趣，不過見咁多人推介，點都要試下嘅 ... 嘩~~~ 又真係好爽口兼彈牙播， 不過... 師父, 你今日重手啲播 ... 咁咸嘅?!~~ 魚片同切腩：我就覺得普普通通喇 ... 切腩都唔韌嘅，一般咗啲啫。整體評價：想試撈粗嘅都可以一試嘅，不過我就覺得唔駛特登去試囉。

Auntie叫到話要食魚蛋粉，便驅車前往筲箕灣，雖是開心星期天，今次不用排大隊，祇等了五分鐘。點了牛筋河、魚蛋河及切腩麵，牛筋炆得很淋，魚蛋品質並不是全港第一，較喜歡的是每碗都會有一件魚片頭，幾香口，切腩亦炆得很淋，排列得很齊整，賣相很好，三碗都很好味，河粉切得很幼，容易吸收了湯的味道，入口很滑，檯上擺放的辣椒油夠香又夠辣，配著吃這些粉麵，一流！上次auntie帶我來吃時，要在門外排長龍等二十多分鐘，感覺並不是如傳說般好吃，可能等壞了心情，今次不用等太久，便覺得好些。事實上，排隊給錢人駛的感覺真的一點也不是味兒，如交稅。出來時，見這條街的食肆入座率差距很大，有些要排隊，有些則面堪羅雀，就算貼了蘇施黃的推介在門外作招來也不例外。說回安利，服務態度一般，一早預左，這間不是欣賞服務的地方，不宜久留，食完就走，無謂阻住人做下轉。

與同伴相約在筲箕灣地鐵站，誰知小妹記錯時間，早到了一個小時。站著站著就開始覺得頭暈，知道又到時候開飯，便一支箭地衝到安利。一條街有三間安利，便選定最多人的一間，反正小妹孤身一人，縱使要等位也等不了多久。剛站到門口，已經有人問：食野呀？：係呀，１個人：一個都有排等喎，不如過對面新鋪啦小妹便快手快腳橫過馬路，站到新鋪的門口。一個人的好處是等位甚快，不消兩分鐘就有位坐，阿姐一句：你咁瘦，坐呢度啦！。便把小妹安置在最近門口的圓枱，留下沾沾自喜的小妹連餐牌也不用看，便點了筋腩撈粗和凍檸賓。充滿膠質的牛筋一向是小妹最愛，安利的牛筋外層夠腍，內褢有咬口，而且入味，一字記之曰：正相比之下，牛腩則有點失色，雖然入味但過硬，還是昨晚母親大人的自家製牛腩合心意每一條粗麵都上了色，可見是用心之作，但對小妹來說有點過鹹，而且豉油下得太多，吃完後碗底留有不少豉油凍檸賓過淡，不過真的做到小妹要求的少冰少甜，值得一讚埋單$21+11 = 32，正常價錢可惜喂不飽小妹，還是走到鍋貼大王買幾隻鍋貼和生煎飽頂頂肚PS.臨埋單前突然聽到有阿姐大叫：出面有人抄牌呀！ 便看見有客人馬上衝出門口 笑面是給牛筋和阿姐的

1) 牛腩撈粗 - 粗麵好好食,個麵又彈牙又夠味, 但牛腩超"UN"2) 雲吞 - 超普通3) 魚蛋魚片麵 - 魚片好好食, 又彈牙又香, 魚蛋OK又要排隊, 而且環境都幾污糟, 我坐最入面, 見到亞姐洗碗,真係有D無胃口

我諗我都算係羊群效應電視介紹過我先想去我都係叫左切腩魚片撈粗其實呢 d 撈粗係澳門唔難搵所以係hk算係好特別因為 hk 多數用蠔油黎撈而澳門好少地方用蠔油, 多數用豉油但係呢種粗麵o既口感係澳門又未必食到好有彈性呀.....澳門更加唔會食到切腩 (澳門冇分得咁仔細)魚片係本人只愛... 我都好少覺得有魚片唔好食男友都食埋混醬多我就覺得一般可能 d jam 同 d 醬 d 味好難混埋一齊奶茶亦都 very good

近排食lunch0既時候都諗唔到, 筲簊灣有d咩0野食係比較突出??? 咁我更係上網望望啦, 依……有一間叫做<安利魚旦粉>好似幾好味咁, 仲係筲簊灣0既第一位, 所以我就去試下啦.因為係東大街有好多間都係有”安利”呢兩個字為名0既食肆, 所以我最後更係找實實梨確定0左先入去啦, 我去個間係東大街22號0既新舖, 而舊舖就係斜對面0既55號, 所以大家記住去食0既時候就睇清楚d先啦. 1. 切腩魚片撈粗 ($29) + 一枝可樂 (+6) ~ 我平時都好少食魚片同撈粗, 見咁多人介紹, 點都要試下啦. 呢碗切腩魚片撈粗賣相真係唔錯, 不過個碗就比平時0既細少少啦. 切腩正, 同<華姐清湯腩>差不多, 魚片都唔錯, 至於個粗麵底又幾好味喎, 軟硬適中. 不過價錢就比較貴0左少少!!!P.s. 曾經跟我擦身而過的<安利魚旦粉>, 最終都給我發現0左, 哈哈!!!整體評價：味道賣相都唔錯, 下次試埋湯粉麵!!!

星期六, 同BB去嘉亨灣探朋友, 我又好少機會去港島東區, 之前上嚟睇到openrice食評大讚, 所以諗都唔諗嚟咗呢度.下午2點3嚟度, 巳經有一堆人排緊隊, 排到去隔離廟, 不過好快都有得食, 叫咗:牛根魚蛋河 : 牛根好淋, 魚蛋好味道, 好有魚味, 惦!片頭切腩撈粗 : 魚片好香口, 切腩好入味, 撈粗既咸咗少少...唔錯菜心一碟 : 一般料凍檸茶少甜 : 呢個有驚喜喎, 好香茶味, 好飲喎!間嘢真係好旺, 伙計哥哥個樣惡惡地, 但全部都好醒目, 手快腳快, 地方環境就真係係一般, 冷氣唔夠係一大敗筆!推薦~~呢餐承惠 : 71個大洋

坑腩撈粗果然名不虛傳，坑腩很腍又有咬口，入味好味，很正。最出色的還是撈粗，每一條麵都撈得很平均，都有豉油味但不太咸，剛剛好，麵質彈牙，不太油膩，看到是有用心去撈混的，總括而言很好，好味所以想再來一碗的呀。價錢三十多元包一杯涷寧茶，服務和環境都是街坊式，可以接授，尚算干淨。值得一提是下午三時多還是要排隊，很旺場的呀。http://icuteee.mysinablog.com/index.php?op=ViewArticle&articleId=1283469

今日同bb東區一日遊~~ 行左d博物館之後黎左呢度! bb話呢度好出名架, 成條東大街有3間安利, 不過我地懷疑安利大排檔同安利係冇關ge~ 雖然要排隊不過都唔係等好耐ja bor~~我地叫左切腩片頭河同埋魚蛋撈粗, 一黎我就食左bb舊切腩, 好lum好入味呀!!之後我個撈粗黎左. 嘩, i m loving it條條麵都佈滿了醬汁味, 即係好好味~ hahaha 之後同bb交換食,都仲係好掛住碗撈粗hahahahahahaaabb話魚蛋麻麻, 魚片就好味, 下次行過一定會再食呀!!

今日同兩位好友同事搭的士去食，其實都講咗好耐想去...因為我上次去食都成十年前嘅事啦!!我同鍾兄都叫咗片頭切腩撈粗，個麵彈牙非常，豉油份量撈得啱啱好，腩肉好腍，好有牛味，唔似一般冇嚟味道，魚片就好似咸咗啲...肥比就叫咗碗片頭切腩河，都讚不絕口，仲叫咗個炸魚皮..我就覺得硬咗啲，可能佢嗰永啲炸魚皮比其他厚嘅關係啩，個炸魚皮跟一碗湯..點嚟食會冇咁硬，唔錯!!我哋每人仲叫埋嘢飲，都係盛為一百二十...抵食..

同朋友去試,因為朋友話好出名我食左碗雲吞魚片撈粗麵,幾好食,魚片好有咸香,魚旦打得好,好爽口!粗麵條都爽,食到shape shape聲,好過癮雲吞都唔差,足餡!下次帶埋friend嚟食

又是一間每逢假日必定人頭湧湧、車水馬龍的店鋪。亦是一間靠賣魚蛋、魚片賺得盤滿缽滿的名店......店內牆上掛有幾張簽名冊，盡是城中名人之名字。彷彿如未曾到此一遊或巳到此光顧但未被應邀簽名留念者都一概離開名人之列十萬八千里遠。與其說是魚蛋粉專門店, 我形容它為港式茶餐廳比較合適.....這裡出名的是 "切腩片頭撈粗麵" 。說穿了就是瘦牛腩數條、魚片頭數片、豉油撈粗麵再加上味道極濃之味精湯一碗。由於每樣東西味道都濃得不可開交，絕對適合一般香港人之要求。對我而言 - 受不了！倒是魚片還算可以。魚片中多放了蒜頭，辟去了魚腥味，炸得亦不算過火，薄薄一層脆皮但卻是煙韌有餘，充滿口感。我還是較喜歡買一整條回家慢慢細嚼，泡著魚片的 "上湯 " 鹹得令人有點吃不消.....吃魚蛋粉又怎能少得辣椒醬的份兒呢？這裡的辣椒醬加了蒜頭，異常味香，辣度十足，保証你吃得熱汗直冒。可惜，我始終覺得吃魚蛋粉還是配余均益帶點酸味的辣醬才是絕配，盡量這裡的辣椒醬巳算是上品。結賬前千萬別忘記多喝幾杯清水才好離開。否則不消半個小時，當這店食物含量極高的 MSG 發揮作用，閣下就好像在沙漠中跑動了多天的駱駝，四處尋找水源，情況就