孖寶車仔麵

營業中

休息中

好耐都無食車仔麵啦！今日同朋友講起，原來都有同感，於是就來左呢間位於葵芳葵富路7-11號葵涌廣場地下A15號舖噶孖寶車仔麵，呢間都開左好多年啦！日日都咁多人，外賣又有，堂食又得，正啊！價格親民抵食。服務態度都好好，姐姐好熱情落單點左2個車仔麵加一個小食。雞中翅，滷得入味，但唔會好鹹，皮還有少少彈牙，肉質口感緊實，還有少少甜甜地。豬紅咖哩魷魚雞中翼孖寶辣汁米粉，佢嘅辣汁真係要試，唔食得辣嘅朋友可以好似我咁叫小辣，都好惹味，豬紅鮮嫩滑，咖哩魷魚入味彈牙，米粉軟硬度剛好。份量剛剛好。牛雜回鍋肉孖寶辣汁米粉，牛雜超多鋪都滿曬，煮到剛剛好，牛肺牛腸好入味，牛柏葉爽口彈牙。鍾意食牛雜嘅朋友真係要食。車仔麵真係好正，選擇又多，配一碗自己喜歡嘅麵食，又係超滿足嘅一餐。

好耐冇行葵廣，同行朋友買到一袋二袋，想掃街但拎住咁多嘢，實在太唔方便，最後揀咗最下層間食車仔麵食嘢，順便休息一下。自選三餸都係$52，包熱飲，凍飲加3蚊。我就叫左幼麵底，菜肉雲吞、雞腎、咖喱魷魚秘製醬汁，鹹香惹味，一定要加菜甫咖喱魷魚索晒咖喱汁，又彈牙，最鍾意佢分湯上。朋友就係雞中翼、豬大腸、豬紅雞翼同豬大腸都滷得非常入味，不得不讚。另外仲叫咗碟腸粉一齊開心食多醬走辣，的確好食。飲品大大杯，有下次。

❣️葵廣的媽寶車仔麵，充滿香港特色。店鋪位置距離地鐵站5分鐘。無論係早餐或者宵夜都一樣適合，營業時間早上6點至凌晨12點。店鋪有好多位，但係繁忙時間都可能要等下，可見佢非常受街坊歡迎🔥🌟腸粉魚蛋燒賣香港經典，絕對必試！醬料大滿足😝食腸粉當然要混醬。腸粉非常絲滑，咖哩魚蛋真係有咖哩味，唔係單純的辣味，而且仲有淡淡果皮味😜燒賣口感彈牙，唔係粉燒賣。真係十分推薦。🌟生菜魚肉翅三溝生菜魚肉翅。一試無妨！魚肉口感彈牙，碗仔翅都係好足料，加d紅醋提升味道。🌟牛腩河粉 湯底濃郁，牛腩份量多。肉汁燜到超級軟熟。湯底好濃郁，仲可以無限量添加辣菜甫。❤️‍🔥總括而言，性價比高，充滿香港懷舊風味。店員叔叔姐姐都友善親切。

同朋友夜遊葵廣，肚餓搵食～ 見到孖寶車仔麵就啱晒啦～ 大碗又抵食～ 鐘意自己揀，可以自選三餸都係$52～ 選擇困難症嘅話亦都可以叫已配搭版本～ 所以我就叫咗招牌車仔麵，揀腩汁河粉～ 配料多款份量多，有豬皮、豬大腸、豉油雞翼，咖喱魚蛋、白蘿蔔、豬紅… 應有盡有，真係抵食夾大件，仲要好食😋 加多杯凍檸茶都係加$3，平過啲米線舖～朋友就食油麵配秘製汁，配料有香煎午餐肉、豬大腸、五香豬頸肉，姐姐仲額外搭多條生菜添🤩 除咗車仔麵，朋友另外話平時都仲會嚟食混醬腸粉燒賣同碗仔翅～ 不過呢日主食車仔麵，所以小食淨係要碟腸粉燒賣算😂 真係多多混醬！ 可以食咁多！腸粉超級滑🤩 仲多豉油、多麻醬、多甜醬～ 阿姐仲驚我哋唔夠醬，比埋支甜醬同辣醬，叫我哋隨便任加，隨便混醬😂😂😂 真係笑死～嚟葵廣想坐定定食，孖寶車仔麵可以係首選之一！

葵芳老字號車仔麵😍 晚市時段長期滿座，非常受歡迎🥳 餐廳充滿港式風味，環境乾淨企理，店員服務態度很好🥰 食物方面有麵、飯、小食及飲品，質素很不錯，人均消費$52就有三餸麵配飲品，性價比好高🥰 💟食評💟🍜米線 雞中翼、魚皮春卷、咖喱魷魚🍜幼麵 豬大腸、香煎午餐肉、雞翼尖秘製醬汁加上腩汁嘅湯頭好濃郁，鹹香惹味🤤 麵條煮得剛好，麵質軟硬適中，好掛湯！配料方面推薦雞翼肥美大隻😋 咖喱魷魚爽口彈牙 味道濃郁，仲會分碟上，值得一讚，好美味😋👍🏻凍豆漿 +$3福檸檬茶 +$3

劣食外賣燒賣腸粉加埋魚肉碗仔翅，合共要$51港幣。價錢非常貴，最慘係唔好食，同埋外賣單成日甩漏配料。1. 燒賣腸粉落單講低要混醬加辣油同埋菜脯，最後執單果個淨係落左醬（已經唔係第一次咁，之前有買過都係咁，但次次外賣都咁，真心劣評）啲燒賣似係未蒸熟咁，好鬼硬身，以前堂食同外賣都唔會咁，越做越差，仲要咁貴。2. 魚肉碗仔翅落單都講定要胡椒粉麻油醋，都係甩漏左個胡椒粉，成碗魚肉得5條，其餘的湯水，份量可憐到喊。

今日又黎到呢間 #孖寶車仔麵🤩🤩 其實每次嚟葵芳行街都一定會食佢😝😝😝 因為呢間麵檔有最本土嘅美食 身為香港人大部分都會食車仔麵😋黎到呢到都一定揀食自選三餸菜車仔麵同牛雜😋抵食牛雜真係呢到係數一數二！牛雜份量又多又入味😌 有牛胃 豬大腸 牛心 牛肺等等☝️ 全部都好入味 份量極多😚😚咖喱魷魚索晒咖喱汁就最好食又彈牙 😙😙米線口感清爽滑嘟嘟咁 富有彈性下次一定會再黎食咖🤩🤩🤩😎孖寶車仔麵📍 葵芳葵富路7號葵涌廣場地下A15號舖

每日喺葵芳返工，附近餐廳食肆實在太多選擇，間中我都會去食車仔麵，平時同同事會去呢間車仔麵食午餐，真係我喺度返工咁耐就食咗咁耐舖頭喺葵涌廣場入面，車仔麵搭配嘅餸都有好多選擇必叫佢哋嘅秘製汁，同埋要加佢哋嘅自製辣菜甫，夠晒惹味，辣得黎香口爽脆同事叫左出前一丁配雞翼尖、牛肚同魚片頭，份量都幾多，公仔麵夠爽口彈牙，牛肚同雞翼尖滷得非常入味，不得不讚魚片頭好好食，係平時喺魚蛋粉麵舖食到嘅魚片頭味，完全唔係雪藏普通貨我嗰碗就叫左秘製汁，米粉配雞翼尖、魚肉條同五香豬頸肉，米粉食落通透爽彈，魚肉條嘅魚肉味幾突出，五香豬頸肉一樣同雞翼尖滷得好入味，夠哂軟熟我哋再加多份雞翼尖一齊食，依度嘅滷水嘢真心推介

孖寶車仔麵📍 葵芳葵富路7號葵涌廣場地下A15號舖之前係第二度食既生菜魚肉都係細細份，份量不多了，生菜欠奉😢魚肉更加小😣見到格離枱叫左生菜🥬魚肉，好似好大碗咁，所以我都試下先😆 上枱後都真係多魚肉～魚肉偏灰色，入口彈牙😎😎😎😙生菜清洗得乾乾淨淨，再加上有胡椒味既湯，好懷舊呢😍😍腸粉🤩🤩🤩任何時候都會食既腸粉🤣基本係早茶夜茶必備既點心😆😆加添豉油及各式醬～eg麻醬, 甜醬，鼓油😋😋

在葵芳工作多年， 孖寶車仔麵可算是我的飯堂， 平民價又美味。 下午茶時間價錢更平更加抵食。 燒賣、車仔麵必叫，配料特別多看得眼花繚亂。 今次叫了米線加腩汁、 牛腩、 爆醬丸、 墨魚丸 、白蘿蔔……。 五香牛腩味濃肉質淋軟，用上等牛肉烹調。 墨魚丸大大粒又彈牙，醬爆丸有驚喜，裡面的肉十分Juicy 。香甜的白蘿蔔是我的至愛，吸收埋腩汁更是可口。米線煮得剛剛好軟滑適中，又有少少彈牙， 加埋自家製的菜譜好香。 最後來一杯濃烈的凍奶茶，滿足的一餐。

上星期同屋企人去左孖寶食車仔麵！呢間車仔麵一向都係平民食堂 平靚正！三餸麵配熱飲都係$52😋老闆同店員都好熱情 落咗單等幾分鐘就已經上菜啦～我叫咗牛雜 豬大腸同墨魚丸烏冬 墨魚丸爽口彈牙 牛雜更加係近期食過最好食嘅🤤有牛胃 牛心 牛肺等等 全部都好入味 份量都唔少.屋企人就叫咗魚皮餃 豬皮 貢丸同魚肉春卷幼麵🍜豬皮索晒湯汁就最好食 貢丸彈牙 仲食到有香菇粒魚肉春卷外脆內軟 食落都唔會太油 幼麵口感清爽 柔韌富有彈性👍🏻下次一定會再嚟食！

孖寶車仔麵 (葵芳)間中會跟朋友去葵廣試新食店今次反而想試一直於葵廣屹立不倒的孖寶孖寶每次經過也見到不少人排隊今次也不例外一邊排堂食，另一邊排外賣落單店鋪分兩邊座位店鋪偏小但座位不少所以7點多去到都好快有位但相對上位置也較擁擠及要搭枱餐牌上選擇眾多腸粉，碗仔翅，生菜魚肉，滷水拼盤等但我跟朋友今次目標明確就是衝著車仔麵而來的！三餸麵套餐 $52，送熱飲，凍飲+$3同樣有很多餸可以選擇米粉，牛肚，白蘿蔔，菜肉雲吞，腩汁-牛肚煙韌 白蘿蔔煮得夠腍又清甜 菜肉雲吞相對較遜色，皮有點厚 粉麵份量很多油麵，牛腩，豬大腸，雞中翼，腩汁-牛腩軟腍又入味 豬大腸乾淨 雞中翼肉質嫩滑極品鴛鴦 (跟套餐+$3)-茶味比啡味明顯，但很香滑！孖寶車仔麵 (葵芳)葵芳葵富路7-11號葵涌廣場地下A15號舖

🔹3餸麵套餐$52送熱餐飲有勁多餸可以揀，我又揀咗牛腩、蘿蔔、生菜🥬🐂 牛腩依然係煮得好入味，入口好軟口，大大舊😚。白蘿蔔又係大大舊，煮到好淋好入味。今次揀左粗麵配秘製汁，個汁好香好夠味。🔹滷水豆腐$16必點之選，16元有6塊左右，每塊都大大塊，而且依然保持水準煮得好入味，豆腐控必點！🔹腸粉 $12平時早餐成日食，腸粉夠晒滑，加埋混醬超正！📍 孖寶車仔麵 (葵芳)葵芳葵富路7號葵涌廣場地下A15號舖

Happy Friday，同友人去葵廣行街順便食飯，諗返大家好耐冇食過車仔麵，想起孖寶，以前行街成日經都冇幫襯過，趁今次試下了。食飯時段7點幾去到，好多人但都好快有位。發現了本秘笈。係餐牌來，餸有好多選擇，咩都想食麵揀左一陣，除左車仔麵，仲有腸粉、小食及其他粉麵，好多選擇呢。凍咖啡，跟餐+$3，正常味道，天氣熱飲好爽。3餸麵，$52，豬大腸、雞中翼及牛腩配油麵，湯底要了腩汁，最正係個麵付上幾片生菜果下正，味道濃郁，油麵爽彈份量適中，豬大腸份量頗多，口感軟柔不韌，味道香口，幾好食，牛腩鬆軟入味，雞中翼肉質滑，夠入味。3餸麵，$52，菜肉雲吞、牛肚及蘿蔔配米粉。食物味道不俗，價格合理，唔怪得深受歡迎。

葵涌從來都唔係主要嘅遊客區，但位於葵芳嘅葵涌廣場卻有最地道最本土嘅美食，作為本地人，唔知你哋又多唔多去葵涌廣場掃街搵食呢？葵涌廣場除咗掃街小店之外，場內亦有多間車仔麵選擇，而孖寶車仔麵就係我哋嘅最愛。魚肉春卷、豬紅、牛腩幼麵配秘製汁食車仔麵嘅靈魂一定係醬汁，而大部份車仔麵嘅醬汁都係辣、辣、辣！如果唔食得辣，醬汁通常都與你無關，不過孖寶車仔麵就特別為唔食得辣嘅人調配秘製汁，增加湯底嘅香濃度，非常惹味！另外，魚肉春卷真係一定要叫，非常彈牙，超好味！豬皮、牛柏葉、咖喱魷魚米粉配孖寶辣汁免費嘅醬汁除咗秘製汁，仲有腩汁，如果想食辣，孖寶辣汁同咖喱汁則要另外收費。鍾意食辣嘅朋友真係唔可以錯過孖寶辣汁，視乎自己嘅能力揀選大辣或小辣。其實我覺得小辣真係唔夠勁，鍾意食辣就記住唔嗌大辣。孖寶辣汁夠香又夠辣，極具層次。至於枱面上仲有孖寶車仔麵自家出品嘅菜甫同辣菜甫，辣菜甫非常爽口，可以增加整碗車仔麵嘅口感同層次之餘，仲要係免費架！最後，值得一讚嘅係豬皮，勁乾淨白滑，而且索晒醬汁，真係唔錯。