嫲嫲雲吞雞 (首都廣場) (已結業)

收工下雨天系尖沙咀諗住搵間野食飯，點知想食果間無位，咁岩經過呢間野，又見地方幾大同埋幾多人食，所以就揀左呢間食晚飯首先，呢間野有個特色就係佢可以比你叫半份或者一份食物我地叫左好多野食😂其中最推薦既係個燉湯，酸辣紅薯粉兩個款最好食，個燉湯我地n call左一次仲要係最後一碗，個湯好足料，同埋個味道好夠味，唔覺係味精湯，我諗係佢地既招牌菜黎另外個紅薯粉個湯底加左幾塊檸檬，令到個湯同埋d魚片鮮味更出，都係第一次咁試其實呢間野食物有好多款式，當中好多都很不錯

店舖門面並不乾淨，枱與枱之間竟然有一隻小甲曱。而且服務態度惡劣，漏左單叫咗幾次，每次都話跟緊等陣等陣，最後等咗半個鐘都仲未有，而其他枱都全部嚟晒，所以奉勸各位唔好再去試啦。

喺網上面睇到飲食男女推薦，睇到好吸引咁就專登去。點知去到呢就已經係個餐牌入邊呢冇網上面推介嘅酸菜魚，水煮魚等等系列。佢只有一般嘅担担面同普通清湯麵同一般碟頭飯。咁一場嚟到咪照嗌佢一般嘅套餐囉，佢價錢定位係唔貴嘅50 蚊左右，但係嘢飲嘅款式就好少，可樂雪碧等。咁我哋冇理到啦，一場嚟到，照叫咗2個套餐。係等嘅時候我哋就去睇OpenRice，我哋好後悔冇睇到其他嘢食評，真係食到嘅係一模一樣咁差。唔好食，份量少，座位窄…總括一句好失望。浪費我時間。

平日下午四點幾撞正店員食飯時間，喺門口等咗一陣先有人嚟帶位。餐廳menu款式多樣，最正係可以叫半份，可以食多幾味。之前睇果籽介紹過，滿心期待叫咗酸菜魚，酸味唔重，魚都唔腥，但食到魚鱗，味道唔出眾。另外叫咗水煮牛肉，味道重麻少辣，食咗一舊成個咀麻晒。仲有食咗酸菜豬頸肉不過不失。蒜香排骨炸得好乾身，排骨本身半肥瘦，唔會柴。涼拌萵筍，切得太細唔夠爽口，調味少少酸開胃。總結全部食物味道一般，冇咩驚艷。路過可以試下。

#尖沙咀 #嫲嫲雲吞雞 今次試埋佢地第二間分店喇😊 都保持水準，但係兩樣野食都係辣嘅😢第一碗係#青瓜雞絲擔擔麵 記得要攪混個湯底，唔係啲花生醬會沉底又唔夠辣，#擔擔麵 湯底同新蒲崗總店嘅都差唔多，不過無咁濃味(可能同我地無攪混個湯底有關?) #青瓜雞絲 又有芝麻醬做sauce，所以好味，雞絲就無雪味，但係都唔算特別，數量有啲少🤨#酸辣湯麵 我唔食辣 ，所以覺得好辣，酸就唔多覺，另外好足料😍撈極都有料😋正👍最後間鋪話就話係首都廣場，但係佢個入口係漆咸道南呀😉味道: 8/10味精: 2/10價錢: 8/10環境: 7/10服務: 5/10#vinaintst #vinafood #mamawontonnoodles #shanghainesefood #shanghainesecusinie #dandannoodles #shreddedchickenandcucumber #担担麵 #hotandsournoodles #酸辣湯 #hotandsoursoup #foodporn #foodie #hkfoodie #f4follow #f4f #likesforlike #l4l #

外賣自取，有個年紀細細嘅男店員當正自己係警察問埋啲唔經大腦嘅問題，已經兩次。第一次，一入門口見冇人得閒，我又對到單搵到自己個外賣，諗住拎起個外賣搵侍應對單之際，個男侍應就彈出嚟欄住唔俾攞外賣，仲冇禮貌話：「我怕你攞錯呀！」我：「我叫咗拎外賣，電話係xxxxxxx」跟住我指住五、六個外賣袋嘅其中一袋！佢：「你有冇no.?」我黑人問號，佢：「你打嚟叫外賣嗰陣我咪俾咗個no.你嘅！」我:「我叫外賣APP呀！就係嗰袋！」我再指多次。佢：「你對下係咪你叫嗰啲嘢食！」係咪痴線架佢，阻咗我成5分鐘！第二次，我又行入去話我叫咗外賣APP, 今次佢將啲外賣單唔貼喺個外賣度，貼喺張枱度。佢：「你個外賣拎得未架？」我心諗：呢條友真心膠架喎我：「緊係個apps話拎得我先嚟架啦！未煮好呀？」佢：「我哋有冇唔接你單呀？接咗你單架喇吓話？」我心諗：我究竟係咪同緊正常人講嘢？我冇答佢，跟住我一指指住張單：「係呢張單呀，得未架？」佢：「你對吓你啲資料啱唔啱」我手指指住即係我一早對咗囉😠我：「啱呀！得未架？」跟住斯斯然拎個外賣出嚟，又阻咗我5分鐘！佢其實係咪得閒得濟啲嘢係幾好食，不過用得apps外賣自取，就係唔想企喺度嘥

椰子雲吞雞湯 我覺得個湯算幾好飲 椰子味夠重而且雞都好有份量 又足料五係普通例湯啲fd呢個擔擔麵完全唔使試個湯底稀到 又無花生味 拜👋 完全浪費quota 食佢反而水煮雞幾好啲雞夠多又滑又多配菜幾十蚊個水煮雞我覺得CP值幾高當然可以再辣啲本身係衝着酸菜魚去但係真係冇酸菜味唔使試相對來講水煮系列仲好黃金豆腐 鹹蛋黃味好夠真係有完全包裹住豆腐本人而且豆腐個炸皮質地好特別好似食緊麻薯唔係唔好食只係覺得好特別我覺得呢個可以試吓糖醋炸蛋其實即係糖醋汁加炸雞蛋好油 味道係幾開胃幾特別但係真係好油😂整體來講我覺得佢嘅價錢對得住佢嘅味道加上佢有半份同全份叫就算得兩三個人都可以叫多啲餸黎試

📎酸菜魚呢個酸菜魚裏面有好多芽菜同埋粉皮，粉皮好有咬口😍魚片嘅份量都唔吝嗇🤩呢個價錢好抵食，不過略嫌有少少油📎韮黃炒鱔糊呢個份量係午市套餐，醬汁好濃味，鱔肉保持到彈牙嘅口感🤤配埋爽脆嘅韮黃，係主食裏面比較有驚喜嘅一個📎炸豬扒擔擔麵炸豬扒唔會炸過火，但係擔擔面底部嘅花生醬冇撈勻，應該只係畢左擔擔面醬，再加埋面同埋水落去就上枱😣雖然味道冇問題，不過如果餐廳呢一方面細心少少會比較好👍🏻📎酸辣湯麵📎花雕豬手花雕豬手溫度夠凍，外層豬手嘅皮好彈牙🤓花雕酒嘅香味都好香📎雞絲粉皮雞絲粉皮上菜過程有少少波折😥廚房出錯單之後等咗成30分鐘先出😣好彩味道都唔錯，麻將嘅味道濃郁，每一啖都食到好重麻醬香

之前睇完個飲食男女一心想黎試下點知。。。失望到爆29/5午市 十二點半左右未有好多客但系啲枱就好細張好窄我叫左個排骨擔擔麵中晒伏個湯系超淡超水 一啲花生醬都無！個麵質就似拉麵個種既因為個湯既關係個麵完全掛吾到湯至於塊排骨系炸！老！左！又乾又鞋😤😤😤😤😤失望友人就叫左個蓮藕仔炒牛肉牛肉同蓮藕仔既味完全分開既蓮藕仔就酸既牛肉炒普通牛肉味😞😞加左錢要個木耳同醉豬手醉豬手系完全吾飲味又吾香木耳都還好 不太差 系不太夠味 又不夠爽唉😮‍💨服務方面 等於無服務一樣吾知系吾夠人手定點喇

利申冇廣告❗️真係好耐未食過又大碟又咁平又啱我口味嘅酸菜魚🤤🤤食落去啲魚好滑冇腥味有冇泥味，酸度啱啱好唔算辣😋半份真係一份嘅一半嘅價錢$99仲要冇加一😍冇收貴人👍🏻下次一定會嚟試埋個水煮魚🤩.食麻辣豬手麻得黎唔會過火😋係少啲肉🤣擔擔麵好濃花生醬😍都推介大家一試😙講返都有啲嘢下次唔會再叫😂😂有啲稀嘅酸辣湯、平平無奇排骨、圖文不符之粉多個肉孜然羊肉😂但總括來講$301食到咁多嘢真係好抵！

和女朋友一週年，在尖沙咀閒逛，不知吃什麼。轉角看到嫲嫲雲吞雞，便試試。點了牛𦟌担担麵，燉雞湯，蒜蓉炒油麥菜，黑醋排骨，麻醬腐皮卷全部都好食😋，上菜速度快，侍應有禮貌服務好！會再光顧。

❀ 嫲嫲雲吞雞 #尖沙咀 ❀❗️人頭湧湧超抵食嫲嫲京川滬菜式 可選半份品嚐更多❗️——————————————————餐廳裝修非常普通，但座無虛席🔥位於尖沙咀跟尖東交界處，售賣京、川、滬菜式，總店係新蒲崗開業多年，最出名莫過於用上媽媽食譜製作嘅雲吞雞，每日用慢火熬製6小時，用上花旗參、蟲草花、羊肚菌等等矜貴食材✨仲有酸菜魚、水煮魚、多種中菜小炒，選擇豐富。最正係有得揀半份‼️即使兩個人黎食都可以試到更多菜式，而且唔會貴過全份，大部份$30至$50已經有交易，超級抵食！.✷𝑀𝑒𝓃𝓊✷☞ 家鄉酸菜魚 半份$99 (3.9/5)一向係酸菜魚嘅fans，亦係餐廳嘅主打之一，見到當然要試吓😆！平時喺出面食酸菜魚通常都好大兜，兩個人食一兜已經飽晒，冇機會試到其他菜式，但呢度非常貼心，提供半份嘅選擇☺️食完酸菜魚都仲可以嘗試其他菜式，佢哋另外仲有水煮魚、炒酸菜小菜。用上桂花魚，冇骨又滑溜。湯底酸味較強，唔會太辣。欣賞佢哋嘅酸菜酸度足夠，但又唔會太鹹，就咁食都冇問題，非常吊胃。另外仲有少許寬粉，比一般嘅更加厚身，都幾煙韌！唯獨係整體味道冇平時嘅酸菜魚咁「腎虧」，覺得可以鹹啲，不過就感覺健康少少。.☞ 青瓜雞絲

今天中午去了見一個酸菜魚，12點坐定，12:10下了單，結果等到12:47分樓面先發現發漏咗單，當值經理態度囂張，結果拿個份遲了一小時的菜送給隔離枱，衛生情況令人擔心，最主要是樓面經理態度10分差，不會建議朋友再去。樓面只懂得互相推卸責任，態度非常不友善，好像有種不想做的感覺，平均飲食質素的機會，因為他們最基本對客尊重人也沒有。樓面夥計連口罩也沒有戴好，上菜時看見手指插入食物中，實在令人反胃。浪費了我一個小時的光陰！不會再去光顧！

第一次食酸菜魚 㨂左呢間 因為去開尖東果兩頭我一個人去食 有半份 剛剛好因為午餐時間已過所以人少 叫左五分鐘到就上左菜 環境似快餐店格局 迫迫夾夾咁講返食物 個酸菜魚做得唔錯 很難得件魚有魚味 唔會因為味濃比雪藏貨 亦很滑個酸菜湯個味叫平衡 唔會死酸 死辣 入面有酸菜 d味出晒黎 有粗薯粉做底 唔多 有咬口 但自己唔好 所以冇comments雖然第一次食冇比較 但真係幾好味下次可以試下其他菜式最抵讚係冇收加一 唔似其他餐廳 只係上菜都要收加一

只係睇左個飲食介紹，介紹都係普通野，真正吸引我既係個價錢馬上就去踩踩點，6點去到好多位，地方大，人手充足，服務周到。所有野食都有半份點，我地叫左黑醋小排骨: 肉好有味，淋，唔錯唔錯。宮保雞丁:雞切到好細，筷子🥢都夾唔到。雲吞椰子🥥燉雞湯：好清甜，椰子味重，住家feel，食到一半小二先拿2粒雲吞黎，我地笑左，其實唔黎我地都無察覺😂打大佬酸菜魚叫左全份，魚無腥，滑入面有小小萵筍，木耳，大豆芽同粉，成兜野都無問題好食既，為一一個缺點就係唔夠酸酸菜亦好小。食完之後唔係好夠喉，再叫多左半份糖醋炸蛋，呢個值得推介佢平得黎起碼唔係伏，仲要無加一成件事就完美結束可以再幫襯