影片
更多
2021-05-10
779 瀏覽
❀ 嫲嫲雲吞雞 #尖沙咀 ❀❗️人頭湧湧超抵食嫲嫲京川滬菜式 可選半份品嚐更多❗️——————————————————餐廳裝修非常普通，但座無虛席🔥位於尖沙咀跟尖東交界處，售賣京、川、滬菜式，總店係新蒲崗開業多年，最出名莫過於用上媽媽食譜製作嘅雲吞雞，每日用慢火熬製6小時，用上花旗參、蟲草花、羊肚菌等等矜貴食材✨仲有酸菜魚、水煮魚、多種中菜小炒，選擇豐富。最正係有得揀半份‼️即使兩個人黎食都可以試到更多菜式，而且唔會貴過全份，大部份$30至$50已經有交易，超級抵食！.✷𝑀𝑒𝓃𝓊✷☞ 家鄉酸菜魚 半份$99 (3.9/5)一向係酸菜魚嘅fans，亦係餐廳嘅主打之一，見到當然要試吓😆！平時喺出面食酸菜魚通常都好大兜，兩個人食一兜已經飽晒，冇機會試到其他菜式，但呢度非常貼心，提供半份嘅選擇☺️食完酸菜魚都仲可以嘗試其他菜式，佢哋另外仲有水煮魚、炒酸菜小菜。用上桂花魚，冇骨又滑溜。湯底酸味較強，唔會太辣。欣賞佢哋嘅酸菜酸度足夠，但又唔會太鹹，就咁食都冇問題，非常吊胃。另外仲有少許寬粉，比一般嘅更加厚身，都幾煙韌！唯獨係整體味道冇平時嘅酸菜魚咁「腎虧」，覺得可以鹹啲，不過就感覺健康少少。.☞ 青瓜雞絲
❗️人頭湧湧超抵食嫲嫲京川滬菜式 可選半份品嚐更多❗️
——————————————————
餐廳裝修非常普通，但座無虛席🔥位於尖沙咀跟尖東交界處，售賣京、川、滬菜式，總店係新蒲崗開業多年，最出名莫過於用上媽媽食譜製作嘅雲吞雞，每日用慢火熬製6小時，用上花旗參、蟲草花、羊肚菌等等矜貴食材✨仲有酸菜魚、水煮魚、多種中菜小炒，選擇豐富。最正係有得揀半份‼️即使兩個人黎食都可以試到更多菜式，而且唔會貴過全份，大部份$30至$50已經有交易，超級抵食！
.
✷𝑀𝑒𝓃𝓊✷
☞ 家鄉酸菜魚 半份$99 (3.9/5)
一向係酸菜魚嘅fans，亦係餐廳嘅主打之一，見到當然要試吓😆！
平時喺出面食酸菜魚通常都好大兜，兩個人食一兜已經飽晒，冇機會試到其他菜式，但呢度非常貼心，提供半份嘅選擇☺️食完酸菜魚都仲可以嘗試其他菜式，佢哋另外仲有水煮魚、炒酸菜小菜。
用上桂花魚，冇骨又滑溜。
湯底酸味較強，唔會太辣。欣賞佢哋嘅酸菜酸度足夠，但又唔會太鹹，就咁食都冇問題，非常吊胃。
另外仲有少許寬粉，比一般嘅更加厚身，都幾煙韌！
唯獨係整體味道冇平時嘅酸菜魚咁「腎虧」，覺得可以鹹啲，不過就感覺健康少少。
家鄉酸菜魚 半份
$99
44 瀏覽
0 讚好
0 留言
.
☞ 青瓜雞絲擔擔麵 $58 (4/5)
不得不讚個麻醬青瓜雞絲真係好出色💕麻醬夠晒濃郁美味，雞絲又滑，最正係連啲青瓜都非常清爽😋一向唔特別鍾意食青瓜嘅我居然都食晒全部青瓜，真係非常清甜可口。
另外擔擔面亦唔錯，都幾有花生香氣，如果可以在濃啲就更加好，後來我哋自己加埋啲麻醬落去撈，就更為美味🤣。
值得一提佢哋嘅湯底係加咗少許醋，所以會比起平時嘅擔擔面多咗種酸味，鍾唔鍾意就見仁見智，我自己就覺得冇乜所謂。
青瓜雞絲擔擔麵
$58
42 瀏覽
0 讚好
0 留言
.
☞ 賽螃蟹 半份$38(3.9/5)
好耐冇見過賽螃蟹，依家好多上海菜館都冇再整。
賽螃蟹嘅特色之處就係用上蛋白製造出螃蟹嘅賣相肉質，係一道簡單美味嘅菜式。
呢度嘅賽螃蟹同樣夠晒滑溜，就咁食就淡咗啲啲，但加埋鎮江醋一齊真係極度出色，半份都可以撈晒成碗飯😋。
賽螃蟹
$38
25 瀏覽
0 讚好
0 留言
.
☞ 涼拌黑木耳 半份$18 (4.1/5)
最後呢個涼菜就普通啲，冇乜味。好在有賽螃蟹嘅鎮江醋點一點。。。🙈
——————————————————
✨整體味道: 3.9/5
✨環境裝修: 3.5/5
✨服務態度: 3.5/5
✨性價比: 4.7/5
✨再訪興趣: 4.2/5
.
💞整體來講
超級欣賞佢哋有半份嘅選擇，令到心大心細嘅我可以試到更多唔同菜式，而且價錢非常合理💖食物質素中上，未至於最頂尖，但絕對抵食，係間可以平常經常食嘅餐廳👌🏻另外大家如果想試佢哋嘅招牌雲吞雞就可能要早啲嚟到，因為當日夜晚七點左右到已經買得七七八八，希望下次有機會試到。
張貼
