媽咪雞蛋仔

營業中

休息中

行行下街最岩就搵d小食食下媽咪雞蛋仔都好多年架啦，以前係紅磡讀書都會趁有小休黎買返底雞蛋仔。最近又搬左新舖，當然要黎買返底雞蛋仔食下，回味下。家下愈出愈多款雞蛋仔，款款口味又唔同，花多眼亂。每隻味都好得意，想食傳統既味又有，甜既味又有，連咸既味都有，總有一款滿足到你。今日買左底香蕉朱古力雞蛋仔，見到加$20仲有埋兩個雪糕球，所以就加埋雪糕了。雪糕有雲尼拿味或朱古力味。雞蛋仔即叫即製，其實唔洗好耐，我已經有得拎啦。嘩好靚呀，雞蛋仔配埋兩個雪糕球，呢個甜品好正好豐盛好滿足呀。雲拿尼雪糕好好味，好creamy又香濃，牛奶味仲好重架。而雞蛋仔熱辣辣。即叫即整，點會唔好食呢。好滋味呀。雞蛋仔外皮脆脆，中間咬開會見到有朱古力粒同香蕉粒，好正。由於係成底雞蛋仔夾住雪糕球，當食下食下雪糕會融到雞蛋仔度，之後食食下雞蛋仔都會同埋蛋糕一齊食。雖然係食得狼狽少少，但味道一流。好彩呢間點對出仲有好多椅子，我可以慢慢食完先行。除了叫左雞蛋仔，我仲點左杯鮮榨檸檬水，酸酸地好開胃呀，好正呢，大滿足。

由學生時代去開紅館聽concert之前一定會食返底媽咪雞蛋仔，睇住佢搬去民泰街之後再搬去船澳街，我依然離不開媽咪雞蛋仔的魅力~~到左而家，佢出左超多味嘅雞蛋仔同格仔餅，進化到可以加兩球大雪糕，真係不得了！！今日試左伯爵茶朱古力雞蛋仔加雲尼拿雪糕，仲叫左杯鮮榨檸檬汁~個雪糕雞蛋仔一出泥係勁吸睛，好多人都望住，因為都真係幾吸引食完再飲杯檸檬汁係超fresh同埋解膩！夏天叫呢個配搭真係唔錯😍下次試下咸味雞蛋仔先

仔仔又要我去買《媽咪雞蛋仔》比佢食！問佢究竟有咩咁吸引佢，佢咁答：「個雞蛋仔好脆卜卜架，裡面係軟淋淋，好好味架！有佢最鐘意嘅芝士味同朱古力味」所以叫左香蕉🍌朱古力🍫味&檸檬芝士味！估唔到檸檬芝士好鬼fresh夾埋芝士原來又幾合襯喎,值得推介！香蕉朱古力絕對係小朋友最愛！仲有叫左朱古力沙冰都係仔至愛🥤因為實在每啖都有粒粒朱古力碎，教人點會不愛😝我就試抺茶牛乳紅豆，滑滑嘅抺茶牛乳加有得咬下嘅紅豆，實在好夾！

黃埔間媽咪雞蛋仔搬左去隔幾條街既新鋪之後都未幫襯過，呢日放工後好肚餓就去買小食醫下肚😚離遠見到佢鮮藍色既裝修，比起以前搶眼好多，就連食物既包裝紙袋都轉埋加左個手挽位，飲品亦都多左個手挽紙杯套，攞起上黎方便左▪️伯爵茶朱古力雞蛋仔 + 雪糕 💲30 + 20之前食過伯爵茶味已經覺得一試難忘，陣佛手柑味好令我滿意，今次食呢個配埋朱古力既😎咬開會見到真係有一半係伯爵茶，另一半係平時粒粒朱古力既熱融朱古力粒，媽咪雞蛋仔口感一向外脆內軟無得輸，味道唔會得伯爵茶咁單調，又成功平衡到平時朱古力既甜，兩者相輔相承估唔到幾夾😍另外仲加左雪糕球，有得揀雲呢拿或者朱古力味🥜兩個朱古力雪糕球既味道好香，仲有朱古力粒係入面，面頭再灑滿花生粒同埋熱熔朱古力醬，而且食到最尾雪糕同埋醬都出色地無整淋到啲雞蛋仔🍨食完呢個基本上係飽到唔駛食晚飯，其實兩三個人分都真係仲得，唯獨係疫情下係街食既時候帶點狼狽，希望疫情可以快啲過去唔駛再戴口罩😷▪特濃朱古力沙冰（7.5/10）💲33；跟雞蛋仔或格仔餅 -4仲記得舊鋪既時候飲品選擇唔多，係港式奶茶同埋檸檬茶為主，發現依家款式多到不行😱呢杯絕對有驚喜，朱古力味真係超級濃郁，入面有朱古

一到周末特別想食下午茶，就去屋企附近「媽咪雞蛋仔」 買雞蛋仔及飲品，佢哋嘅雞蛋仔，有好多唔同味道，亦都比較特別， 亦真都食得好滋味，唔怪得知咁多人買，好受歡迎。牛油果朱古力雞蛋仔內有滿滿嘅牛油果，有爆漿咁感，再加上朱古力，唔會太甜， 多重口感，比較特別。檸檬芝士雞蛋仔檸檬微微酸甜，再配上鹹鹹嘅芝士，感覺好清新開胃， 小朋友特別鍾意食。凍鮮榨檸檬水美味消暑， 而特色紅豆冰係沙冰，特別冰涼，甜味適中。第一次品嚐「媽咪雞蛋仔」，真係好有驚喜， 下次要再試其他特色嘅雞蛋仔。

住紅磡既表姐，早前推介左獲得香港米芝蓮街頭小食推薦既媽咪雞蛋仔Mammy Pancake 俾兩位小公主👸🏻。小公主上次食完，成日都話再想食多次。今次同家姐經過舖頭，先發現原來有甘多種特別口味。我地係分別係鹹同甜都揀左一款。抹茶紅豆同雙重芝士。呢二款都係比較熱門。落左order大約等10分鐘就有，即叫即造，到手熱辣辣。雞蛋仔大大塊，剛出爐飄來陣陣蛋香，即刻食外層脆脆。不過而家避免喺街外食嘢，所以買完即刻返屋企 ，雖然返到屋企雞蛋仔已經有點兒冷卻，但入口依然好美味，不過口感後變成像麻糬的QQ。抹茶紅豆食落比較厚實，入面真係有紅豆粒粒。我比較欣賞味道唔算太甜，可能係因為有抹茶中和一下。雙重芝士真係好好食，香脆得來帶點鹹香。超足料，所以保證芝士味濃郁。天氣熱辣辣，我地都叫左兩杯飲品，凍港式奶茶同鹹檸七沙冰。熱辣辣飲返杯凍飲真係超爽。奶茶香滑，鹹檸七沙冰冰涼解渴。

因為成日都會經過紅磡嘅關係，所以過往都會耐唔耐幫襯呢一檔雞蛋仔，今次經過就見唔到開門，原來只係搬了舖頭。所以今次就同媽媽經過一齊試吓新鋪味道啦。全新媽咪雞蛋仔就以藍黃色做店鋪顏色，真係遠距離都見到。餐牌方面主要都是不同口味的雞蛋仔及格仔餅，而且仲有好多唔同飲品選擇。今次最後就買咗檸檬芝士雞蛋仔以及伯爵茶朱古力雞蛋仔。還有一杯凍檸水及凍檸茶。個人覺得檸檬芝士雞蛋仔味道相當出色，檸檬味相當清新，配上濃郁嘅芝士味食起上嚟唔會好漏。伯爵茶朱古力雞蛋仔，每一啖都食到朱古力流心嘅感覺，隨即伯爵茶味淡淡出來，相當有層次。之後佢嘅凍檸水及凍檸茶亦相當出色，飲得出真係天然鮮榨相當足料，啱晒呢個夏天飲，真係相當消暑解渴。

自從疫情開始後，已經好耐無系街邊掃街啦，真系好掛住無拘無束系街邊食野嘅日子，原來已經半年有多啦今日經過紅磡原來媽咪雞蛋仔搬左去內街，裝修比以前modern, 感覺更衛生一來太耐無食嘅關係，二來多左啲新口味，所以咩味道都想試，落order時改了又改，真系吾好意思，好彩哥哥仔好好人終於選擇左新出嘅檸檬芝士雞蛋仔＆香蕉朱古力雞蛋仔檸檬芝士雞蛋仔，酸酸地又出奇地夾喎，感覺好fresh香蕉朱古力雞蛋仔，初頭都驚會好甜，食落都吾覺，好香嘅香蕉味再加2杯沙冰，鹹檸七沙冰＆益力多沙冰，perfect下次要試埋金茶王

兩人叫左個雙重芝士雞蛋仔，香蕉朱古力雞蛋仔，同埋兩杯野飲，港式奶茶同埋柚子冰😋😋😋😋同以前既媽咪雞蛋仔好吾同，佢外面吾同到我差啲認吾到佢！勁靚😍😍完全可以用黎打卡！佢既包裝都吾同左，用左一個袋黎裝，好好用 吾洗我成個手拎住又吾會整到個雞蛋仔變形😘一隻手就可以拎哂啲野👏🏻👏🏻👏🏻買多幾個都得！我個人中意香蕉朱古力多啲，另外雙重芝士就係朋友鍾意多啲❤️❤️香蕉朱古力係香甜嘅，同雞蛋仔個本體好夾！！雙重芝士呢就係好香濃芝士甘☺️雖然唔係流心但係都好重味😌奶茶就完全係舊式嘅奶茶味道好滑🎈柚子冰有好多柚子係入面，吾會淨係冰！好足料👍🏻

食完嘢咁啱經過見到有雞蛋仔食，即刻叫個先，睇餐牌諗住叫牛油果朱古力🥑，但店員話要7月先返貨（出post時已係7月😂）🙈再揀揀，最後叫咗👇🏻·🐣朱古力香蕉雞蛋仔 $32即叫即整，拎上手熱辣辣，求其影咗幾張相就即刻食啦🤗真係粒粒都食到朱古力粒同埋香蕉蓉呀，好正🤩雞蛋仔本身都做到半空心，有蛋香味，好味🤤🥳下次有機會試牛油果味嘅😎·後記：媽咪雞蛋仔轉咗logo同包裝都唔知添，不過呢，你個門面嘅射燈太太太光啦，燦到人隻眼好痛😂😂😂光污染...🙊🌏

仔仔至愛嘅‘媽咪雞蛋仔’原來搬左新舖喇🥰🥰👏🏻👏🏻上次白行咗一趟，佢好失望！終於等到新店搬遷開張！我哋叫咗個期間限定嘅「檸檬🍋芝士雞蛋仔」仔仔平時係食開佢芝士味，但原來加咗檸檬味係好清新，又唔會膩！而媽媽我當然㨂咗我喜愛嘅「伯爵茶」味道啦！有淡淡嘅伯爵茶味，食到我地舔舔脷😋仍然保持到佢哋脆卜卜嘅外皮，裡面係軟軟熟！咁熱我地2個頂唔順叫左凍飲1️⃣特濃朱古力🍫沙冰、奶茶控媽媽叫左2️⃣奶茶沙冰🥤🥤咁熱嘅天氣唔叫番啲沙冰涼一涼，真係會火燒心架🤣🤣個新包裝我好buy,手捥袋型，方便拎又keep住雞蛋仔個脆度！唔錯啊！留意，搬左去船澳街呀！📍紅磡船澳街99號黃埔新邨地下1A15舖

擒日好朋友放假👭，一齊出黃埔行街街，晏就四點幾大家都有啲口痕，但又唔想食太多野，怕再晏少少食唔落晚飯，最後我哋去到附近新開嘅「媽咪雞蛋仔」。店舖門面雖小（只提供外賣），但又估唔到有咁多款雞蛋仔、格仔餅 和 飲品可以選擇。🍋法式檸檬芝士雞蛋仔🧀 $35之前都有試過其他地方的純芝士餡雞蛋仔，但個人略嚴膩了一點，所以今次就叫左呢款係水牛芝士配上鮮檸檬汁煮成的檸檬餡，感覺比較清新、開胃，唔怕滯。🧂 鹽燒紫菜粟米雞蛋仔🌽 $32呢款係零罪惡感嘅小吃， 鹽燒紫菜小小鹹，加咗粟米粒感覺即時健康咗，差不多每一口雞蛋仔都咬到有粟米粒，口感唔錯。🥤凍港式奶茶$20試左兩款新餡料嘅雞蛋仔，覺得要叫返樣傳統野，果然係港式奶茶，茶味濃，有茶餐廳水準。🧃凍鮮榨檸檬汁 $20呢個係朋友order嘅，不過都飲左幾淡試下，原本怕會太酸，估唔到係甜甜地，只有少少酸味，飲完有解膩感。鐘意佢地嘅凍飲不加冰🧊，所以就算外賣返到屋企飲都好夠味，飲唔晒放入雪櫃，隔左一個鐘頭再飲，味道依然不變。