媽咪雞蛋仔

營業中

休息中

食完lunch 經過見到媽咪雞蛋仔就算幾飽都好 都要食個雞蛋仔做飯後甜品😛新出左抹茶系列味既雞蛋仔我係所有茶味類既小粉絲 🙌🏻所以更加要一試抹茶黑糖麻糬雞蛋仔$53新鮮出爐 麻糬熱辣辣更加煙煙韌韌黑糖味既麻糬比較特別同少見😚仲有淡淡既抹茶香味凍抹茶豆花牛乳$34忘記左簡少甜 但好彩既係一D都唔甜飲落就真係好似食緊豆花咁再加埋抹茶牛乳 都幾好味下次絕對要ENCORE 🫣宜家購買任何雞蛋仔/格仔餅 仲可以減$4 以套餐價加杯飲品

媽咪雞蛋仔不嬲都都好出名，見證住佢由細舖頭變成大間連鎖店，而且佢啲雞蛋仔嘅口味都好特別，今日就試咗一款抹茶黑糖麻糬雞蛋仔，呢個配搭好清新，但係出奇地好好食，抹茶味就比較淡，黑糖味就會重少少，基本上粒粒都有麻糬，咬落去好煙靭，外皮脆卜卜，超級好食。

屋企附近其實有好多小店賣雞蛋仔，但我覺得最好食都係媽咪雞蛋仔🤣keep住都有新口味，最近出左腐乳黃金同麻糬口味雞蛋仔🌟原味白麻糬雞蛋仔雞蛋仔是即叫即製，確保新鮮出爐，所以都要等一陣先有，一口咬係非常煙韌，甚至有拉絲效果，真係幾乎每粒都有麻糬😍份量都唔少，蛋香味好出，做到外脆內軟口感👍🏻🌟朱古力沙冰購買任何雞蛋仔或格仔餅，買飲品都可以減$4，今次試下朱古力沙冰，勁解暑，朱古力好濃郁～不錯

紅磡黃埔新邨「媽咪雞蛋仔」真係街坊至愛，佢哋嘅黑白麻糬系列尤以原味白麻糬雞蛋仔最受歡迎。外層夠香脆，每粒雞蛋仔都包住拉絲麻糬，入口煙韌又有淡淡奶香，甜而不膩，好有層次感。現場即叫即做，熱辣辣食最正，麻糬拉起好誘人！至於凍奶茶黑糖蒟蒻珠，奶茶香濃不澀，黑糖蒟蒻珠軟滑彈牙，帶黑糖香氣，每啖都有驚喜。兩款都係人氣之選，今日就買咗嚟邊行邊歎。舖頭細細但溫暖親切，店員好有禮貌。呢度嘅雞蛋仔真係值得一試，經典與創新並存，唔怪得咁多熟客捧場。

一直吃媽咪雞蛋仔，很好味，有時候甚至專登行30分鐘過去買嚟食，但最近發現質素差了很多：原本：成排雞蛋仔都好香和脆（咖啡色），見圖1現在：有1/3～半排雞蛋仔無烤好（黃色、而且林曬），見圖2~4

自從旺角媽咪執笠後就冇食過媽咪雞蛋仔，今日經過紅磡廣場媽咪雞蛋仔，又買嚟過下口癮。一如既往都係要排隊等叫號，不過冇企係度等，因為呢條係食街，我又周圍八卦下，過咗十幾分鐘就輪到我，不過等咁耐都值得同埋有原因嘅，即叫即整，新鮮出爐，真係要一定時間先可以烤到每粒雞蛋仔都脹卜卜，香噴噴，外面焦黃酥脆，入面軟糯煙韌，還係保持到質素，好好食。員工有禮貼心提醒趁熱食。還有舖頭對出有兩張長凳，可以坐低舒服慢慢食。媽咪雞蛋仔 (紅磡)紅磡船澳街99號黃埔新邨地下1A15號舖

琴日路過 ，就忍唔住入去試下佢哋嘅香港原味雞蛋仔。哇，真係有驚喜！一入門口，就聞到陣陣香噴噴嘅蛋香同奶香。店員好熱情，介紹話有好多口味可以揀。我試咗經典嘅原味，外層金黃酥脆，咬落去 “嘎吱嘎吱” 聲，入面中空嘅部分軟綿綿，蛋香四溢，一啲都唔會覺得膩。除咗原味，仲有朱古力、抹茶、栗子等各種口味。而且呢度嘅份量都算大，價錢又公道。

叫咗一個抹茶味嘅格仔餅 格仔餅嘅部份都唔錯嘅😍唔算佢話係外脆內軟嗰種 始終唔係窩夫但係成個口感都真係幾煙靭☺️☺️抹茶嘅味道亦都算係幾香濃同埋算出見到佢哋門口寫住係用小山園抹茶粉 不過入面啲醬料可以再澎湃一啲☺️😂😂

媽咪雞蛋仔喺香港好出名，甚至好多遊客都特登嚟食，不過我自己就未食過，以為好貴四五十蚊一底，今日行過發現原來都係廿幾蚊，就試試。啲口味冇乜特別想試，本身想叫原味，又覺得太普通咁，話晒人哋都有出咁多口味，於是就揀咗個朱古力味。即叫即整，要等等。雞蛋仔份量比我想像中大塊，連每粒嘅邊邊都有朱古力，所以比較難就咁撕開，都係直接咬。口感偏硬，唔係超軟熟個種，但好脆，每粒入面都有朱古力，好彩唔算好甜，又幾好食。下次會想試吓伯爵茶呢啲冇咁濃嘅口味。

剛剛接完阿仔放補習，買了原味雞蛋仔加兩球雪糕。接待的員工全程木口面，由於天雨關係，我問有無膠袋，個瘦削男員工（冇記錯應該紮馬尾）答「無」，毫無禮貌，明明牆上掛滿膠袋，如果你要加錢，可以話加1蚊，但態度差話「無」，你都真係「無」禮貌！

5點幾等緊阿囡校車到既時候，就走佐去買媽咪雞蛋仔。放學時間居然冇人排隊。等佐唔洗10分鐘就食得。雞蛋仔好脆，原來諗住同阿囡share,點知校車未到我已經食佐2/3。

🤍伯爵茶朱古力雞蛋仔 $36不得不讚 買完一個鐘仲係超脆😋伯爵茶香都好夠重☕️咬落都唔空心 蛋味夠重😍不過略嫌朱古力餡唔夠多好似淨叫朱古力雞蛋仔會多啲咁🤣-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌑🌑

雞蛋仔伯爵茶朱古力第一次食咁貴雞蛋仔😜但又估佢唔到咁好食，見到個紙袋就知好講究，買到返屋企先食，雖然凍咗，但外層都是脆的，無變「死實」；入口就食到好濃烈的伯爵茶味道🥰內裡軟棉棉的口感，食到朱古力味，即兩者味道分明，沒有混合後變成得返一隻味，值得一讚👍🏻👍🏻格仔餅抹茶味嘩😳真係厚到可以當飯食，好足料，好有口感，不是薄薄的蛋漿；花生醬和抹茶好夾，好好食😋兩者個人較喜歡雞蛋仔，覺得口感層次較豐富，食多幾粒都唔覺膩😆（食曬冇圖🥹🥹🥹

今日下晝接完仔仔放學，被一間香氣撲鼻嘅雞蛋仔舖頭吸引，難得見到的兩至三個人等，仔仔咁啱又扭計想食，咁就去試吓呢一間，好多朋友都曾經推薦過嘅雞蛋仔😬😬以前就幫襯開筲箕灣炭火雞蛋仔，但自從冇得之後，都好少再幫襯其他雞蛋仔。所以今日係難得嘅機會，比我重拾對雞蛋仔嘅信心叫咗個原味雞蛋仔試吓，大約等咗10分鐘，新鮮滾熱辣出爐😆我同仔仔都覺得好鬆脆，好香。反而同行朋友就覺得焗耐左、有啲燶燶哋。反而我哋又覺得OK喎，不過始終就冇咗啲炭火燒嘅味道。但係都不妨一試

這家雞蛋仔的美味備受稱讚，烙出來的蛋仔那香甜的香味夾帶着濃濃的鐵板味，非常多層次。吃進嘴裡后，外面的脆皮包裹着柔嫩的內芯，口感十分豐富，讓人不自覺的一口接一口。店家不斷推陳出新，推出各種不同口味的雞蛋仔，如草莓味、栗子味、紅豆味等，每一種味道都非常棒，而且價格也非常實惠，給人以驚喜與滿足。此外，店家也提供了多種加料服務，如鮮奶油和雪糕等，提高了雞蛋仔的豐富度。店内服务非常熱情周到，環境整潔舒適，吃飯順暢。无疑，這家雞蛋仔店的品質極高，价格也非常实在，而且服务态度十分周到，這或许便是为什么在市场上能够长期立足并且快速扩展分店数量的原因。总体而言，如果您是雞蛋仔的爱好者，那么这家店绝对是您的必选之一，因為他們的口味十分美味，价位又十分实在，这里一定不会让您感到失望！