媽咪雞蛋仔

營業中

休息中

今日胃口唔太好，所以諗住食一個雞蛋仔就當午餐。媽咪雞蛋仔真係食過數十次以上，之前一直都食開粒粒朱古力味。但佢改革之後，多咗好多口味。我今次叫左伯爵茶朱古力雞蛋仔，再加一杯鹹檸七沙冰。佢而家做緊優惠，買雞蛋仔叫嘢飲，可以減$4。媽咪雞蛋仔呢個品牌其實係有質素，不過用3x元去食一個雞蛋仔，值五值就真係見仁見智。加埋杯嘢飲$51，其實可以去餐廳食到個lunch😆😆本身自己好鍾意伯爵茶，呢間雞蛋仔真係做到有茶香味。所以推介一下👍🏼👍🏼

今日叫左朱古力雞蛋仔，$25, 價錢都幾合理，大概等六分鐘就有熱辣辣雞蛋仔食！朱古力粒都幾多，粒粒雞蛋仔都有朱古力粒，蛋味幾濃又有蛋香，略嫌朱古力味太甜，如果可以做dark chocolate 味應該會正好多！

見到媽咪雞蛋仔最近新出咗紫菜格仔餅 於是就去買嚟試下！入面加咗韓國 🎎 直送嘅超級大紫菜 只要買格仔餅就可以免費升級👏🏻今次試咗抹茶口味 食落外脆內軟😍 入面有滿滿嘅花生醬 紫菜嘅鹹香味大大減輕甜膩感 亦令口感豐富咗好多👏🏻 除咗格仔餅 我仲試咗港式奶茶 好好飲啊 大力推介！奶茶茶味好濃郁 連一向嘴刁嘅媽咪都讚不絕口 就知佢咩料啦🤣一場嚟到 點可以唔試埋雞蛋仔呢🤣 光顧當日正好係父親節 見到店鋪推出咗一日限定嘅豆腐火腩雞蛋仔 男人的浪漫喎 梗係要買嚟畀爸爸試下啦😍每粒雞蛋仔入面都有豆腐火腩 味道新奇得嚟又唔會有違和感 原來鹹味嘅雞蛋仔係咁特別㗎😆

抹茶格仔餅，好食既，鍾意食脆d既可以唔該佢地整耐少少，即叫即整，格仔餅外脆內軟，仲好多餡☺️☺️☺️☺️☺️朱古力雞蛋仔，都好既，又係外脆內軟，每粒入面都滿滿架🤩🤩🤩🤩🤩🤩🤩

呢間雞蛋仔已經連續五年話說咪知蓮街頭小食推介，我一直都好鍾意佢哋嘅雞蛋仔，佢哋而家出咗好多唔同嘅味道我都未試過，今日咁啱Tea time有機會經過就買咗兩底試吓我哋揀咗伯爵茶朱古力雞蛋仔仲有牛油果朱古力雞蛋仔。我就鍾意佢哋嘅伯爵茶朱古力雞蛋仔多啲，因為佢哋嘅伯爵茶同朱古力平衡得啱啱好，兩樣食材嘅味道好夾。至於牛油果方面佢哋落咗大量嘅牛油果蓉，都食得出牛油果味但係我就略嫌朱古力味太重有少少搶咗牛油果嘅味道

相信大家都知好出名雞蛋仔，最近仲加左好多款，仲有緣茶味，伯爵茶味等等。不過，最傳統都係最好食，外脆內軟，係一個令人百吃不厭既小食。比起其它雞蛋仔店，又真係好食好多，唔知佢有咩秘笈呢？

香港首屈一指的媽咪雞蛋仔向來人氣旺盛，由紅磡火車站附近的一間小店發展成聞名中外的連鎖店，將雞蛋仔這款香港特色小食發揚光大。紅磡總店後來搬到民泰街，最近再次搬到船澳街亞玉豆腐花旁邊，從招牌、門面設計、餐牌以至是食物包裝都煥然一新。雙重芝士雞蛋仔 ($35)雞蛋仔即點即製，一如既往外脆內軟，即使吃到最後幾乎已經徹底放涼都仍保持香脆。用上車打芝士及水牛芝士味道醇厚濃郁，邊位更有如芝士脆片一樣，不過相對其他口味則比較油膩。黃金雞蛋仔 ($35)個人最喜歡的口味定非這款黃金雞蛋仔莫屬，香濃鹹蛋黃味與奶黃月餅有異曲同工之妙，但可惜這次鹹蛋黃粒份量較少。抹茶牛乳紅豆 ($28)雞蛋仔配飲品套餐優惠減$4，比起上次的抹茶牛乳沙冰口感更加滑順，紅豆蓉偏甜且份量不少，相對之下抹茶甘香則較弱。

/ /媽咪雞蛋仔不嬲都好出名見到紅磡呢間好似新裝修左間店裝修得好亮好shape！今日咁啱經過，又有啲想食！今次淨係試咗呢兩隻味🍫伯爵茶朱古力雞蛋仔呢款係我最愛！伯爵茶味超濃‼️中間仲夾有滿滿的朱古力🍫而者食落好夾！又唔會膩 🥑牛油果朱古力雞蛋仔呢款第一次試，估唔到粒粒都有好滑嘅牛油果，配埋香濃朱古力Fresh得嚟又幾好食！牛油果控真係要試吓！！見到仲有格仔餅，好似都好好食！下次要試埋用雞蛋仔夾雪糕先😝

雞蛋仔就係即興想食嘅野！隨心諗起或者經過見到未飽到食唔落都會想買。最緊要就係有幾個朋友都鐘意食下，咁就可以食多款啦！本人由細到大其實都係鐘意食夾餅而家姐就食雞蛋仔，所以一定次次一人叫一樣。今次都係咁樣回，令我回味一下童年。我地叫左一底朱古力味雞蛋仔、一底原味夾餅。唔知點解個包裝會變左有啲似買西餅咁，可能係方便拎住食？但個人覺得用番以前啡色個隻紙袋都夠好似環保啲（其實我唔識野🤣）仲有用番個隻袋好似懷舊啲。講番口感味道。果然名不虛傳！雞蛋仔外皮夠脆不太厚說咬落個心，軟軟的！夾餅也是我心中所想的！夠曬醬、個餅又唔會粉。好好味呀！但食完我都唔洗食晚飯了😂

年尾要清下啲網上積分，咁啱見到媽咪雞蛋仔嘅優惠券，可以用$20換$25嘅優惠券，比平時買平咗$5！☃️一去到就咁show QR code就得，好方便！所有雞蛋仔都係即叫即整，等咗5-10分鐘左右就攞得😋呢款粒粒朱古力味啱啱好$25 ，味道好濃郁，新鮮出爐熱辣辣，融化咗朱古力超級惹味🤤可惜天氣凍雞蛋仔凍得好快😕趁熱食更暖心！

食完午餐唔夠飽, 好想食啲小食, 本身想食伯爵茶朱古力粒雞蛋仔, 但係又怕太甜太漏, 所以最後叫咗伯爵茶雞蛋仔...好犀利嘅係每一粒都外脆內軟, 不過外皮就比較厚身硬淨, 裏面軟身嘅部份相對比較少, 伯爵茶味好濃, 唔會好假, 相信加朱古力粒會更好食佢嘅紙盒包裝都幾靚好實淨, 仲有好多窿窿透氣, 令雞蛋仔唔會變淋奶茶沙冰有啲驚喜, 雖然係有啲甜, 但係茶味都算濃, 即係佢個茶底都幾好...奶茶沙冰已經叫咗少甜, 但都係偏甜, 但非常大杯, 都幾抵飲

第三次幫襯呢間，之前買過雞蛋仔、夾餅同凍飲，都好味嘅，所以先再買，見佢收錢同整嘢食分開，企理衛生，話哂宜家疫情嘛。今次食原味格仔餅，前面有幾個人買咗，等咗兩三個字，終於到手，即刻拎返屋企食。奇怪，花生醬多到成個紙袋都係，上兩次都唔係咁。小事啦，問題係咬落去，慢慢咀嚼，居然傳黎淡淡苦味。燶到咁！唔怪得咁多醬啦，可能想遮住唔覺掛。其實等係冇問題，即叫即做。同我講燶咗，要再整過份，要我再等都冇問題。但咁嘅成品都俾人食，就太冇良心！

行過黃埔經過媽咪雞蛋仔 呢間一向都係信心嘅保證放工時間咁岩好肚餓 沿路聞到雞蛋仔勁香 想食啲野就選了呢間個餐牌種類繁 實在太多口味 好唔容易先揀到兩款口味揀咗芝士雞蛋仔同馬介休雞蛋仔去加兩杯飲品芝士雞蛋仔-雞蛋仔勁香勁熱辣辣 即叫即整 芝士味勁香勁濃 個浸芝士香味香到一個點 份量都唔小 基本上每一啖都食到好香好濃嘅芝士味 而且個雞蛋仔變到好香脆 馬介休雞蛋仔-呢個係新出既口味 唔使講一定要試試佢 果然無令人失望 馬介休味香到不得了 勁特別 雞蛋仔入面唔係空心的 食完都飽啦飽地唔使食晚餐 好足料 益力多沙冰-大熱天時飲呢個好fresh 非常透口涼 又唔會好甜 夏天必飲呀宇治抺茶紅豆牛乳沙冰-呢個沙冰超香超滑 好濃抺茶味 抹茶味超濃

呢間媽咪雞蛋仔勁trendy我地平時都系食原味 今次試粒粒朱古力🍫雞蛋仔 10分呀完全系 每一粒都有滿滿朱古力🍫 新包裝仲要好方便 好似手袋👜可以穿住 我就直接比朱豬🐷拎住夠曬方便唔會咁容易跌 🛍🛍嚟多杯醒神鮮榨檸檬茶🧊🍋☕️都系好貼心地有埋掛杯嗰條帶🥤🥤咁就可以穿喺bb車 唔洗拎住 😛😛

呢間雞蛋仔想試好耐，想知道佢由舊鋪搬咗新鋪都未到！今日記得冇乜人排隊，終於的起心肝試吓。估唔到又真係幾好食喎，今次我就叫咗伯爵茶朱古力雞蛋仔，佢哋即叫即整嘅大概等咗7至8分鐘就有啦。啱啱出爐雞蛋仔， 同整定嘅真係差好遠，外皮香脆，中間有濕潤，好耐都冇食過咁好食嘅雞蛋仔啦。至於佢哋嘅味道方面，我就覺得伯爵茶同雞蛋仔非常之夾，配搭埋佢哋嘅招牌粒粒朱古力，但係朱古力嘅味道之餘又唔會蓋過左伯爵茶本身嘅獨特香氣！我大力推薦呢間雞蛋仔，原來上網一search就發現好多度地方都有，都唔使刻意話去到呢邊食，而且佢其他分店嘅位置都幾就腳，下次再經過唔同分店可以再試下其他味道！