娥姐粉菓

營業中

休息中

西灣河太安樓食記 (一) 喺太古返工都返左半年時間，平時食飯一係喺商場，又或者行去鰂魚涌海山樓附近食，都未行過入太安樓食，前幾日終於的起心肝去發掘下有咩好野食🤗之前上網睇過有幾間都好出名，就一於試兩間先，其中一間就係娥姐粉果啦，佢嘅招牌係石磨雞蛋腸粉 ，即叫即蒸，香滑惹味，滑捋捋，配上豉油和蔥花，簡直一流👍老闆娘娥姐見我自己一個拎住啲野呢咁hea，就開左張檯叫我坐低慢慢食，個段時間咁啱無乜人，老闆娘仲過黎同我傾計添，佢好隨和，整野食又好食，值得推介👍

一碗咁簡單嘅燒賣都可以整到咁難食都唔係個個做到！今日家人唔小心買錯左呢間唔係食開嘅小店。無所謂，都係魚蛋燒賣應該都係咁上下。點知一試就出曬事。未試過食小食可以食唔落去！首先，呢碗野比左$27蚊，無錯係$27蚊！$27買一碗燒賣魚蛋！可以難食到食唔落去，而佢一碗嘅份量大概只係一串魚蛋加一串燒賣！一開始食曬啲魚蛋先，個魚蛋都叫正正常常冇咩特別。嘩，個燒賣真係食唔落口！又爛又梅，好似係個海到游左10年先比人撈上黎咁。又冇味，食左兩舊真係食唔落去！比$27買難受！永不光顧！

其實十年前都試過呢間粉果好難食，所以一直都冇再試過，直至看到香港美食一條街介紹娥姐粉果，見到個樣都算ok, 咁就再試一次，點知跟電視播出的不一樣，試左真係冇變過極難食，我咬左一啖就掉左了，你地唔好幫襯呀！

今晚經過肚仔餓，買咗一碗燒賣，之後叫佢比個蓋我佢話無，都算我落咗辣椒油，唔知係咪老闆嘅老闆就話辣椒油好貴唔好落咁多，想問有無搞錯既然咁貴唔好放出面比人加，我都係落咗少少，😡😡😡😡😡😡😡好過份

娥姐呢個名我細細個就聽過啦！趁住今日係最後一日既港鐵半價優惠，就專誠去太安樓會一會佢啦雖然呢娥姐最出名係佢d粉果，但係識食一定係食燒賣d燒賣係粉既比例多過魚肉，所以咬落去零舍有口感但可惜d豉油同辣油唔太夠味，所以我連粉果都冇試就走左lu~

之前見到網上介紹呢間嘅雞蛋腸粉係必食，咁今日去太安樓就決定試下，見到餐牌上面寫住雞蛋腸粉係23蚊，同阿姐講要一客，佢問我要唔要蔥，我話唔要，到佢落粉漿嘅時候又問要唔要蔥我又答唔要，但呢個時候佢居然話 “下？但我落咗啦喎。你頭先話要！” 坦白講，我覺得搞錯張單真係唔緊要，講句唔好意思整返好就ok。但你仲堅持係自己係啱仲聲大大咁迫我硬食就真係好無賴，之後仲同我講要收我25蚊。本住息事寧人就唔同佢嗌交，但心入面默默覺得就算幾好食都以後唔會再嚟食。但可惜個腸粉係真係完全唔好食。腸粉好油膩又粉，腸粉本身一啲都唔滑，唔知係咪為咗掩飾呢樣嘢所以上面嘅汁係非常非常油，個汁亦唔係豉油，係一種好奇怪嘅味，甜甜地夾油膱味，個人真係唔識欣賞。雖然係雞蛋腸粉但我真係食唔到蛋香，太安樓咁多好嘢食真係可以唔食呢間。☹️☹️☹️

去太安樓target咗兩樣嘢想食，第一樣係海南雞飯，另一樣就係魚蛋佬嘅沙嗲魚蛋同魷魚。好可惜魚蛋佬無開，但好想食沙嗲魚蛋，如果唔係我都唔會幫襯呢間。問呀姐有無魷魚，佢話無☹️，唯有叫串魚蛋同齋，叫完佢無反應掛住同人傾計👎🏻結果當佢同完人傾計之後又問我地食咩😓⋯完全冇禮貌。唔知點解佢啲竹籤要倒返轉拮，尖個邊係向住自己，拎起嚟要就住，驚篤到手。魚蛋質素同味道都同魚蛋佬爭好遠。啲齋咬落好多水，溝稀晒啲汁，不過啲汁就算冇被溝稀都唔好食，沙嗲味太淡，唔入味。總結下次魚蛋佬就算唔開，幾想食魚蛋都唔會再考慮👎🏻

黎太安樓之前已經search定有咩野仰必食，依間娥姐係頭號人物。網上都大讚佢啲皺紋腸粉好食，聞名不如見面。一入到太安樓已經見到間店，中午3點正值Peak hour，大排長龍。除左腸粉，仲好粉菓，魚蛋等小食。我地只為佢既腸粉而黎。叫左一份雞蛋腸粉。做得好食既皺紋腸粉只需簡單的食材和豉油就已經足夠，不需要花功，多蔥、多醬甘。皺紋腸粉既皮一定要做得夠薄，帶點煙煙軔軔的感覺才是正宗的。可惜，食間店做不到傳統的味道。敗點是佢D皮太厚、太多粉，雖然好有飽腹感，但因而失去左皮薄煙軔感。變相茶樓D腸粉甘，只有米漿的味道，雞蛋味都吾突出。另外，佢個醬都吾係純豉油，係怪怪的醬油。對此表示失望的!

個人很喜歡皺皮腸粉如果見到餐牌上面有，就一定會點黎食下小舖位於太安樓，不難找。第一次去的時候，約下午一點多，太早的關係，碰了門釘。唯有第二日再去。太約四時多，終於看到娥姐了！點了份皺皮雞蛋腸粉，即叫即做，但等候時間不到10分鐘二話不說，新鮮熱辣辣腸粉出爐！立即回家品嚐打開盒，除了雞蛋香氣撲鼻，還看到金黃色的腸粉，十分吸引眼球，令垂涎。娥姐毫不嗇色雞蛋 但可能是我期望過高😂 吃第一口時，便覺得滿口是油😅比較過往在任何地方吃的腸粉，這次真的很油的感覺。香是香，味道也不錯。但我應該吃過一次過下口癮便足夠了。

娥姐粉菓 西灣河筲箕灣道57-87號太安樓地下A01舖-----😛茶樓港式腸粉就食得多啦 櫃筒式台山腸粉B仔都係第一次食 難得係太安樓見到有 就決定try一try佢個香蔥蝦米腸粉（$25）蝦米香蔥份量都幾多 蝦米好香口唔會太硬得黎又有d脆 香蔥個味亦唔會太青 腸粉ge本身幾滑 但係因為癡埋曬 一夾起就斷 食ge過程比較狼狽 豉油係自家製豉油 唔會太鹹唔會太甜 不過好多油 heavy左少少 總括黎講 其實係唔錯ge 亦都好值得一試 不過B仔個人較為中意餡大件d ge港式腸粉多d-----B仔整體評價：7.5/個👍🏻B仔抵食程度：7/10個👍🏻B仔環境評分：外賣😝B仔味道評分：7.5/10個👍🏻B仔回頭機會：7.5/10個👍🏻-----

去到太安樓發現海南雞無開😭行行下見到呢間買腸粉買，於是就試下瘦肉腸加雞蛋，點知原來加隻蛋要加$10🤦🏻‍♀️不過因爲係大陸食開呢個配答，所以就試試啦🙈估唔到！好好食！有鄉下的味道🤤😂又大盒。所以成個$33都覺得算ok😂

雞蛋腸 HKD23平時飲茶，布拉腸粉就食得多，但櫃桶式嘅台山腸粉真係好少見。仲好記得以前細個嗰時，樓下有間粥舖，我幾乎每日早餐都會食呢款台山腸粉，食完先返學，諗起都令人懷念，所以係充滿咗童年嘅回憶。一直都好想搵返以前既味道，但原來一啲都唔容易。娥姐粉菓都算係太安樓一間比較出名既小店，不過坦白講，佢嘅腸粉始終都係唔及回憶中咁好味，雖然佢保持到台山腸粉最重要嘅層次感，可惜整體嚟講都係唔夠嫩滑，有啲失色～如果可以再滑啲同薄啲就perfect!

今日放假和朋友經過太安樓，便進去看看有無美食可試試。看到網上有文章介紹鵝姐粉果是必食，便和朋友去試試。因為我們已經食左其他野，不太肚餓，所以嘗試問問可否買兩隻，店員（只一個女人）話得，佢就即時放去蒸爐蒸。見標價是20元4隻，以為2隻10元，點知付款時店員話12元，咁都算啦。見啲粉果長型貌似好大隻，點知一食皮厚又好粉狀，一點都不爽不煙勒，餡料又少，無芫茜無韮菜，辣油又好像益益地，豉油又不特別好味，一句講晒：難食！

我個lam lam 脷係比個燒賣架ja這個鋪位有很多嘢食，但係最好食嘅就只係魚肉燒賣only。佢嘅滷水唔算香，所以佢嘅滷水食物可以唔使試。而且咖喱汁都唔係香，所以令到咖喱魚蛋都冇乜特別。講返主題佢嘅魚肉燒賣，係比較細粒嘅嗰種，而且比較彈牙，價錢又唔算貴，唯一要挑剔嘅就係豉油，因為佢用嘅豉油係比較鹹嘅，而我自己係比較鍾意食甜嘅豉油。問過阿姐佢話佢唔會用啲甜嘅豉油，佢話喊嘅豉油比較多人鍾意。咁我相信無論鹹嘅事又或者點嘅時候都有佢嘅支持者嘅。最後要講嘅係，佢買嘅腸粉，有一個叫做蛋腸粉嘅嘢，其實只係喺腸粉上面打隻蛋，完全冇特別嘅，可以唔使時，味道亦都一般，因為又唔係特別滑，豉油又係鹹豉油。阿姐嘅主力，應該係買粉果，但係我食過去啲粉果，只能夠講，無咩特別......試一次都無壞嘅

燒賣（$6串/$15碗）👩🏻👧🏻草根掃街有咩必食我地會答你係燒賣🤤去到太安樓，一入到去第一間見到$15碗俾完錢後呀姐拎左3條俾草根。。。。。。。。😯其實唔用發泡膠碗係更好，環保d♻️但係點解唔直接打$15/3串😂？呢間係賣傳統魚蓉燒賣🐟草根中意食魚蓉多過豬肉🐷味道唔錯呀只係好明顯蒸得太耐，蒸到發晒🙈口感有d太腍了不過一串5粒，即係一蚊一粒仲可以要求d咩呀🤫