娥姐粉菓

營業中

休息中

據說從中午到凌晨都是娥姐一人製作所有美食，兩次經過都見到只有娥姐一人看檔，既然咁多人都推薦，呢次食完林記車仔麵都要捧住個肚過黎娥姐度再食第二round。由於我自己唔太好粉菓，所以選擇了蝦餃。蝦餃並唔係一般酒樓點心個種形狀，係比較似水餃形狀的做法，後來網上見到呢種蝦餃會比較偏向潮汕風格。熱氣騰騰，企埋一邊即刻試一啖，食到筍絲+粉絲＋蝦的鮮甜，係有surprise，酒樓食唔到。除蝦餃粉菓，呢度仲有手工腸粉，惟有下次留肚再試。

見到網上有人推薦太安樓掃街難得過海就去一試行完一圈食物種類感覺比葵廣更少選擇普通的街頭款式，冇特別想食而且非常悶熱😩😩😩網上有人推薦娥姐粉果諗住手工野就買一份4粒試試/$24（貴）🫣好可惜皮非常厚😭😭😭而且有點蒸唔透的感覺😢一咬就散開🫣餡料係非常普通的蘿蔔粒仲好少餡醬油辣油都冇咩味本來仲想試蝦餃好彩無試到性價比太低啦！😂😂同伴咬左啖就想放棄啦！唔好浪費食物最後都食哂不過無下次

好耐冇嚟太安樓覓食，今次嚟都係揀一兩間小食食下。見到呢間有個套餐，20幾蚊有粉果、燒賣同魚蛋好似都唔錯就叫咗。佢個粉果其實係真係幾足料，而且個皮都算薄，我本身唔係好鍾意食粉果，但呢個係會令我想再食。反而燒賣同魚蛋真係冇乜特別。如果下次再嚟，可能淨係會叫粉果，留返個肚食其他店!

加到$26／4隻真係嚇死我係比錢先知佢仲指住個細牌寫加咗好多年無加@#$%^但個大牌係上面仲寫緊$20／4隻一張細牌就寫新價 算啦都叫咗就照買係我外賣走嘅關係？啲皮痴埋一團啲餡少次有少而且仲要死咸OMG拎起一隻見佢個皮 好似仲未蒸透咁仲係白色架$6個幾一隻嘅質素未免太名過其實掛真係買叮叮嘅都仲爆餡然好食真係無下次買咗個教訓

經過見到門口有塊牌寫住各款鹹肉綠豆糭紅豆糭$20於是同事頭婆講要隻綠豆鹹肉糭！佢話$25我問唔係$20咩？佢話$20嗰隻裹蒸糭好少餡！雖然我心諗裹蒸糭唔係多喊啲咩！🤔不過唔緊要照俾咗$25買隻綠豆鹹肉糭返去試吓！我仲同事頭婆講因為鍾意食肥豬肉！佢仲笑笑口口答我係咩！結果返到去一打開一大浸酸縮味！比錯紅豆糭都唔緊要，啲餡仲要少過平時基本一隻糭！差唔多全部都係豆😨都唔緊要😑但係成隻酸縮變咗😩就接受唔到

喺太安樓一路行搵下有乜食，見到呢間娥姐粉菓有好多報導，家人心諗應該出名應該會好食，就想試，但我覺得好似佢個賣相好似恐怖片入面d胎盤餃子咁，很不開胃叫了個廿蚊套餐，有粉菓、魚蛋、燒賣。粉菓皮完全不煙韌、一督就成舊散晒、又粉又厚過批蕩，d餡又唔夠香，我不如去酒樓嗌一盅好過！魚蛋鬆泡泡一咬就散！完全無魚味！就算佢畢左一大羹沙嗲汁都救佢唔到！燒賣好淋，中規中矩，但其他野實在太難食千萬不要信佢店面痴嗰d剪報

喺呢家餐廳，我一入門就打算全力出擊嚟個美食大冒險😋！首先，嗰粉果🥟真係惹味得嚟，皮薄彈牙，包著嘅肉餡又多又多汁，食落去正宗得滯！點上啲豉油辣椒，一啖啖嘅辣香直沖鼻尖，嚟點刺激正！轉頭我攞起燒賣🍢，鮮美嘅魚蓉味道好突出，但係啲燒賣可能蒸得有啲過火，搞到腍咗少少，不過呢個價，食到幾串咁滿足，其實都算係值回票價。呢啲小吃間中夾雜著我嘅嬲嗲口味評語，好味得黎又唔會好貴，真係平民美食嘅楷模。總括嚟講，呢次食物體驗最正係粉果，皮嘅口感同餡料嘅配搭，真係令人食指大動，繞樑三日噏唔停🙌。燒賣雖然有小瑕疵，但仲係唔損佢做我午餐時間嘅好夥伴。下次過嚟，我一定攞塊大胃皮，要試埋佢哋嘅其他小吃，真係令人期待！

行過太安樓，肚又有啲餓，想食少少野，要留肚同老婆食晚飯，於是揀了經濟實惠嘅燒賣。芫茜魚肉燒賣- 同老闆娘講要一串燒賣，諗住是傳統口味，點知佢問我要唔要試下芫茜味，我二話不說話要，仲要問我要幾多粒芫茜味，芫茜控我的話要哂😋- 佢每粒燒賣都好大粒，一串仲要有5粒，都只是$6，價錢非常貼地👍🏽而味道方面，有魚肉味，但一點芫茜味都冇，有少少失望，但份量十足，一串剛剛好頂到肚，性價比搭夠👍🏽

咁大個仔，第一次嚟太安樓梗係要乜都試吓😋見到呢個娥姐粉果 啲粉果大大粒 又晶瑩剔透所以就同佢買咗兩粒黎試 佢話$24 4粒 不過我怕食得太多好飽食唔到其他嘢 所以就問佢可唔可以食兩粒 點知原來2粒係$15 所以如果胃口大嘅朋友 或者同咗幾個朋友一齊嚟 叫4粒抵啲 佢個攤檔除咗粉果之外 仲有其他小食👍🏼佢嘅粉果熱辣辣 而且側邊有豉油辣椒豉油辣椒醬等等俾你用 都幾貼心 呢個粉果同酒樓嘅有啲唔同 佢入邊有肉碎 鹹香味比較重 冇咗酒樓嗰一種有花生芫荽蔥嘅香味 不過亦都因為冇花生🥜嘅關係可以大大啖食 唔怕花生碎攝喺牙入面

太安樓入面只有娥姐粉果有賣燒賣，燒賣亦有兩種，分別係芫荽味同埋原味，另外亦有粉果、即蒸腸粉、牛丸同埋墨魚丸，腸粉亦有多款款式，見到好多人叫雞蛋腸。見到價錢牌唔太貴，但應該價錢牌吾太更新，收既價錢同價錢牌太不符合，另外娥姐年紀大，經常吾記得order ，收錢亦好混亂。舖頭前面亦有長長嘅人龍，由於腸粉蒸籠只有一個，所以等候時間頗長，燒賣方面，蒸得過腍，亦冇咩口感👎🏻。另外粉果會喺蒸籠拎出嚟，保持熱，但係粉果皮過腍，一咬就爛晒，吾太好食。

這間閒吃夜店除鹵水雞脾，乳鴿等平常甚小在美食攤檔看到的食物，還有更特別的石磨腸粉和現包粉果，跟四周小檔相比感覺更地區性，哈哈！ 粉果在每晚八時左右包製， 餡料豐富，所用粉皮亦較厚，不會被餡料的體驗搶走風頭。如果你覺得吃粉果不能滿足穩實的果腹感，他們的粉皮一定能滿足你。因為現包的關係，粉皮蒸出來更晶瑩剔透，吃下去很水彈QQ的，而且價錢非常便宜，22元便有4隻，有時候我會吃這個當作正餐。 石磨腸粉的質感比布拉腸粉更黏稠彈牙，我最喜歡配搭雞蛋吃，其雞旦味淡淡的不會跟質感抵消。 小店還有椰汁和食他飲料購買，不過椰汁不是我第一喜歡的牌子，先賣關子啊！

呢間野啲燒賣超級難食😠難得去到太安樓搵食，見呢間比較舊式又多人買就想試下佢啲燒賣，佢有幾個價錢牌中間紅色個個大大隻字寫俾6蚊一串15蚊一碗，男朋友話要一串，我想食多啲就話一碗，佢話𢳂夠$20俾你啦，我問唔係$15一碗咩？佢就好似著左😡咁話一碗$18啊！邊有$15一碗咁平啊！佢講完我先見到佢後面有塊好細嘅牌寫住燒賣18一碗，算我照要🤦🏻‍♀️佢𢳂完就咁放係度又冇俾竹籤我哋（冇放竹籤出黎）又冇問我地要咩汁，見兜燒賣咩都冇就問返佢有冇豉油辣椒油嗰啲，佢指住其中一兜好串咁同我地講呢啲係咪辣椒啊係咪豉油啊，又話我地咩都唔講唔知我地想點☹️串到飛起！我都唔知點解買碗燒賣都要你氣，問多2句就要串返個客真係好差😡到最後啲燒賣係好難食，蒸到發脹哂，又爛又梅，啲辣椒豉油有冇味嘅，都唔知食左啲咩落肚☹️☹️仲要貼錢買難受，呢間野真係冇下次😡😡😡

太安樓另一間排晒隊嘅係娥姐粉菓！我記得好多年前食過，但當時覺得普通😗事別X日再嚟到呢度而咁岩我又想食粉果！將個胃讓少少位比個粉果試一次又何妨😂粉果$23 四個十個有九個半都係會買粉果！我好期待今次食到嘅會有驚喜！外賣拎到返屋企先食～啲皮都唔會癡住晒喎！個皮做得非常好👍🏼厚度同質感食落少少煙韌！入面嘅材料都幾多、味道幾新鮮！呀姐話依家啲嘢貴左，所以唔係餐牌上面$20嘅價錢啦！大家唔好以為佢收錯錢呀！

娥姐粉果燒賣🌟抵食小食店依家係太安樓好味小食之一，叫咗佢出名嘅腸粉、燒賣同粉果雞蛋腸粉 腸粉即叫即整，配埋雞蛋生菜再加埋菜甫豉油，腸粉薄身通透，味道OK魚肉燒賣+芫荽魚肉燒賣大大粒，好抵食，芫荽燒賣有驚喜，食落去芫荽味都幾重下，鍾意食芫荽嘅朋友仔可以試吓粉果一份有四件，隻隻都大大粒，啱啱新鮮出爐，個皮好煙韌，內裏嘅餡都好多，抵食

買左個大既豬腳薑唸住試下50元一碗大既。返到屋企吃 成碗野得1隻雞蛋 1隻豬腳 同3舊薑仔，注意呢個份量係大份架啦，細份就50元。d薑完全無入味 同埋咬唔。似係岩岩放到去 煮滾咁。 咁嘅價錢咁嘅份量咁嘅質素唔會有下次， 寧願賣連鎖式豬腳薑到唔吃佢。