娜多歐陸餐廳 (已結業)

雞啼咁早起左身 唔搵返個正早餐食下點得!不嬲都係呢間野FANS 早餐份量足,價錢合理. 同區似乎都冇乜邊間有得比今日食 雞扒太陽蛋配厚多士,飲熱奶茶 雞扒夠熱唔算油膩, 燒汁香, 配合雞扒一流, 保持水準厚多士夠脆夠鬆, 即叫即做, 配埋牛油粒 每次必叫!!!!!奶茶一般, 勝在夠熱對比起附近大X樂, KXC等等大集團 呢間LA DOLCE早餐份量明顯較大一份早餐有雞扒有多士有埋煎蛋茄汁豆配埋餐飲絕對抵食如果唔夠仲可以再加細蕃茄通粉不過我就真係食唔到咁多喇整體一如以往的理想

今日放假一家人黎左呢間餐廳食午餐，叫左一個all day set 瀛格車打芝士牛肉漢堡，黎到見到塊芝士唔識融已經知咩事，一啲都唔熱，我本身食野都唔高要求，我算數，照食，但食到第二啖，塊免治牛肉有好多筋囉，再咬多一啖，有骨囉，仲有伴碟啲薯條，硬過你條命呀，已經想投訴，但老公唔想多事加上唔會成日黎食就話算數，但我條氣都唔順，同埋唔想再有人好似我咁中招！

"娜多"開左咁耐, 經過門口幾次都係第一次入去食, 原因係之前見餐牌係西式同意粉類為主, 幾次同行者都話興趣不大, 今次經過門口見多左個台式雪糕吐司磚的大牌, 再睇下佢餐牌, 有埋果茶, 好似 teawood wor .......等左一陣就有位,  佢餐牌除左晚餐 set 外, 仲有其他意粉 / 焗飯類, Pizza 等....我又發現佢有幾款飯/意粉類配個焗薯及跟份小食, 覺得唔錯, 一set 有幾樣唔同味道嘅野食唔使咁悶, 再加 $15 有埋湯同餐包, 連餐飲一杯 餐湯及餐包 +$15選了忌廉湯 - 之前睇過食評話呢D嘅湯好飲, 但我呢碗飲落覺得很奶水味, 不夠香濃, 茶餐廳的西湯味道, 失望餐包 - 也像是茶餐廳餐包, 沒有麵包香味, 仲凍凍地  吉列豬扒飯 set $68主食 : 吉列豬扒飯 - 飯底係珍珠米, 配上日式咖哩汁, 汁的份量唔算多, 帶甜不辣, 吉列炸得香口, 夠乾身不油膩, 可是豬扒醃得唔入味, 太淡喇 配菜: 吞拿魚焗薯 - 焗薯放上一pat 罐頭吞拿魚蓉, 再加芝士片焗至金黃, 正常味道配菜: 燒豬助骨 - 佢好似有5樣野揀, 例如吉列魚柳, 脆炸單骨雞

唔好畀佢個裝修呃到！！！啲嘢勁難食！一入到去，啲Waiter好似同仔有仇咁。算，當你做得辛苦。估唔到係啲嘢超難食。啲嘢全部凍冰冰！個麥皮燶哂！苦嘅！奶茶酸嘅！個太陽蛋熟到硬！真係痴孖筋！我自己煮都好食過佢！埋單收我成$5x，真係想講粗口！我搞到我仲要去附近茶記食多餐補數！如果OpenRice可以講粗口，我會成篇都係粗口！

因為晚上有事要辦，所以提早6:15pm就走去食晚飯。睇見呢間餐廳原來下午茶至6:30pm, 便走入去坐低叫野食。點了「墨西哥辣肉腸芝士香草焗意粉」配 「雜菜蛋沙律」和 「脆炸單骨雞」。賣相真的不錯，很精緻。雜菜旦沙律非常新鮮，菜有菜嘅甜味，還加上煙肉碎，很有誠意。脆炸單骨雞非常熱辣辣，算得上处脆內滑，而且不會太乾，好吃。意粉也是剛焗起，辣肉腸不錯，是脆皮腸，芝士香草味也夠濃，唯一是意粉較"淋"失色咗，如果意粉可以煙靭一點，乾身一點就會更有口感。

一路都被門口既甜品吸引,終於有機會同同事試下娜多歐陸餐廳!我地叫左4個set 一齊食忌廉青口意大利粉:依個真係好好食!大大粒青口配上三文魚籽,粒粒飯又蓋上又滑又濃既忌廉.太好食既關係,好快就俾大家食哂!另外叫既意炒同烏冬都不過不失啦,份量都ok.不過個pizza就麻麻地我地叫左厚底pizza, 但原到好似食緊麵包咁,而且太乾了.每個set都包餐飲同甜品,甜品食左桂花果涷,都唔錯. 

 剛巧要過黎第一城處理少少事，就順便黎食LUNCH啦。呢到既湯一向都幾好飲既，配埋個暖暖地脆脆地既麵包真係幾好。意式全餐:意式全餐有黑松露牛乳炒燉蛋，腸仔，煙肉，豬柳，火腿，蕃茄，沙律，薯餅，茄汁豆同埋法包。黑松露炒蛋賣相非常差，係灰色的，其實咁既賣相就唔應該上碟，上次黎都唔係咁架。茄汁豆仲要係凍既，人地外國果D邊係咁架。蕃茄焗豚肉飯配脆炸單骨雞:蕃茄汁夠濃，同埋沙律菜夠多，呢點值得讚，可惜豚肉得果幾件，炸單骨雞都係得1001件，絕對有進步既空間。香草醬野菌帶子焗意粉配蛋少律三文治沙律夠多，意粉又唔算太油，夠健康，可惜係意粉D料太少，落多少少會好D。最後送上既就係甜品同埋熱咖啡，可惜食左咁多野件甜品真係唔係點食得落，不過咖啡就真係夠香夠濃夠好味。 

做完野路過第一城，未食晏晝飯，咁我就去咗第一城商場揾食。地下行咗一個圈無乜心水，見到吉野家個玻璃反射有間西餐廳，行去望下個餐牌嗯有pizza,又有漢堡，下午餐唔駛$50，裝修唔錯，OK喎！咁就入咗去。第一時間叫待應俾杯水，因為我見到其他枱面無水杯，唔叫可能沒有水。然後先望餐牌，叫咗個意式漢堡薯條。過咗幾過字先上飮品，飲品都算大杯，之後上意式漢堡。本來無諗住上open rice ，但食咗一舊後發覺幾值得我去寫。個包有三種口味。啲包烤過的軟脆，我呢個無牙婆最怕硬包，薯條又熱又脆軟。包的臽料又好味嗰包係細份啲，下次一定再來！。

本人一家都好喜歡呢間餐廳，星期六日間唔中都會黎既，今日係父親節，為左同父親慶祝而唔令佢失望，決定早少少黎攞位，點知.....11點幾黎到，居然要等位，仲要等成6張檯，心諗，實有排等啦，平時星期六日12點幾黎到都唔洗點等位既。不過好快就有位啦，應該係食早餐果批人走左，所以先咁快有位。坐低之後，我地就落ORDER，原來平時既超值餐無左，得返父親節餐，不過唔緊要啦。旨因我地黎左好多次，知道點樣叫野食先唔會食唔晒。我地3個人當然叫左3個餐，另外再加2個湯，每個湯都會配1個餐包既。餐湯有2個選擇，雜菜湯同忌廉湯。長期要KEEP FIT既我當然就係揀左雜菜湯啦，D湯唔係太油之餘仲要落足料，好多菜，好好味。意式全餐有黑松露牛乳炒燉蛋，腸仔，煙肉，豬柳，火腿，蕃茄，沙律，茄汁豆同埋法包，其實MENU 上寫有埋薯餅架，不過應該俾少左我地啦，你見相中都無薯餅既。黑松露牛乳炒燉蛋個人認為黑松露落得重手左少少，同埋D蛋煮得OVER左DD，其實半生熟既蛋先至係最好味架嗎，至於條腸仔，真係幾好味，唔似係街到買返黎既平價貨。海瓜子黑醋蕃茄乾意大利粉: 淡淡既黑醋味加埋用蕃茄乾炒出黎既意大利粉顯得特別香。煙三文魚巴馬

沒有食晚餐，於是託人買了個PIZZA回來～隨便在家餐廳買了個海鮮批回來，可能路程較遠，帶回來都涼掉了⋯⋯這個批分別有魷魚圈、火箭菜、小章魚、蟹柳和三色椒，因為冷掉的關係，批邊都不脆了，不太好吃⋯⋯

今日去沙田踩單車，經過第一城想食Lunch，於是隨便選了呢間戲廳！估唔到有意外驚喜。我地叫左早晨全餐及海鮮焗意大利飯，由於個侍應落錯單，我地等左30mins至有得食，但我地今日心情好，唔趕時間，所以無燥底。食物黎到，外表都幾好，個飯有足夠既料，唔馬虎，由於係蕃茄底，所以酸酸甜甜咁，唔錯唔錯，好開胃。而早晨全餐，好豐富，有菇，腸，少少沙律菜，炒蛋，餐包，d菇好好味。午餐仲有芝士蛋糕做甜品。賣單每人60蚊，唔算貴，而且我見到隔離台叫左個12吋既大Prizza，望下餐牌原來價錢都只係60幾定70幾渣，抵食呢度既服務水平一般般啦，但都可以接受既。

巴堤雅薄餅 $八十幾蚊個套餐有主菜 甜品 飲品 餐湯兩個人差啲都食唔曬加上千島醬 蟹柳 似雜綿料薄餅加上面既配菜 感覺上幾新鮮但整體同連鎖式既薄餅店差異不大甜品有點參差 可不試價格都算平評分:6/10#hk #852 #hkgirl #hk #hkfood #hkig #hkgirl #food #foodie #foodporn #foodig #foodlover #foodoftheday #likes #follows #igdaily #foodtography #foodblog #likeforlike #eat #yummy #delicious #openrice #歐陸餐廳#pizza#甜品#千島醬味

三人行，午餐時間去到頗有長龍的娜多餐廳。  惠顧多次，今次才第一次食薄餅，加勒比海薄餅，餡料是吞拿魚、三文魚、菠蘿、黑欖、三色椒等……2毫米超薄餅底，脆脆的不會太像餅乾，每款材料都是碎碎的，其實份量並不多，唯醬汁加了點酸酸的醬汁，吃上去都算開胃沒飽滯。 燒豬頸肉濃湯拉面 ， 豬頸肉乾身，味道有點泰式辣味，但略嫌有點韌，拉面軟硬度屬中等。西班牙鮮茄焗海鮮飯，看色澤有點遜色，吃下去時，卻是重口味，除了蕃茄的酸，鹹度十足， 海鮮裡藏著長蟹腳，頗驚喜的。   是日甜品是芝士蛋糕，軟滑口感，淡淡芝士味，再喝埋餐茶咖啡，不算突出但滿足。

本人一向都好喜歡呢間餐廳既裝修，加上呢到又好味又抵食，所以間唔中都會黎。一行三人叫左三個餐，分別有:挪威煙三文魚凱撒沙律西班牙鮮茄焗海鮮飯加勒比海薄餅每個餐都會包一杯野飲，加8蚊更可要多個湯同埋麵包。試過雜菜湯同埋忌廉湯，本人覺得雜菜湯比較好味。沙律既三文魚唔多，味道一般，無咩特別。西班牙鮮茄焗海鮮飯真係值得一讚，雖然海鮮唔多，但係齋食佢D飯都覺得好正，蕃茄味好濃好好味。加勒比海薄餅有得揀厚或薄批，上面有煙三文魚，吞拿魚等等既配料，可惜唔夠多。個批既SIZE相當驚人，一個人好難食得晒。飲完湯，食完MAIN COURSE，仲有餐飲同甜品，一個人都係65蚊左右，星期日午餐時段仲要唔洗加一，係沙田區黎講算幾抵食架啦。

跟同事吃午餐，同事滿心歡喜帶我來這間西餐廳。幸好來得早，不算很多人，因為每次經過門口都堆滿人，這次真­的很幸運喔。可以選擇的種類很多，焗飯，薄餅，意粉，扒類甚至是all day breakfast都有，價錢也很優惠喔，確實讓有選擇困難症的我感到很頭痛喔（笑）。點了一個芝士鮮茄焗豬扒飯的味道很不錯，芝士味不會太濃郁到令人反感，相反蕃茄的鮮甜味很開胃，豬扒很彈牙，一條條的也可以­讓女生吃得比較有儀態。我覺得份量很夠，可能對男生來說會少一點，可是對女生而言是剛剛好。同事說甜品芝士­蛋糕很好吃，可是今天吃的是啤梨啫喱，我覺得味道也很清新，酸酸的有助解膩喔！