妹記大排檔 (已搬遷) 新店位置

2月16號, 見openrice 食評唔錯, 決定在此食生日飯,order 咗: ...1.蒜蓉蒸絲瓜- 普通(自己都識整果隻) 2.黃金蝦- 蝦細咗d, 兼且唔太新鮮3.鬼馬油炸鬼- 幾特色既小菜,可以一試4.彊蔥羊肉- 都一般啦...始於都係tst 比較少小炒,所以一試無妨, 服務都唔錯;但留意...由於係熟食市場, 環境始終略有差異, 因為我地食飯後無耐,竟然有隻會飛既蟲蟲,係我個friend 手臂停低,因為我朋友腹大便便,為免嚇親佢\,我只有泠靜地撥開佢\..

20060322 2015有時都幾怕去尖沙咀食飯,唔好講話要又平又坐得舒服,要搵平o野食都唔係咁易.不過呢個大排檔都算提供左一個經濟o既地方,最o岩一班朋友聚o下腳,吹o下水.經過廣泛報導後,餐牌難免夾雜著三幾段雜誌的介紹,似乎都係以特色小菜為主打.兩個人共叫了以下食品:酥炸生蠔($6x) - 一籃子的生蠔,大概八至十隻,都算肥大而且非常新鮮,唔單止炸漿脆,生蠔都好脆口.不過要記得趁熱食.海鮮雜菜煲($4x) - 水準平平,唯欣賞毫不吝嗇地落了大量蝦乾,令上湯更加鮮甜.西檸雞球($4x) - 失望!不論雞件或芡汁皆欠缺水準.雞件不熱而且煎不透心,似係淥熟然後走油多o的.芡汁甜酸兩頭唔到岸,更遑論有檸檬的清香,而且份量太少.招呼方面不錯,開檯落單上菜埋單都跟到足而且頗有禮貌,難得!連一個白飯及一罐汽水,共$171.

we went there on a saturday night... not too many pple... we ordered - see attachedalthough not as good as we thought, one reminder - their 'plain rice' is especially good~~~

個日諗住去食個lunch, 原來個度有炒粉麵lunch set, 重要係好平個隻廿零蚊, 咁咪叫番個囉叫左個豉油皇炒麵同埋豉椒牛米(因為無河粉),兩碟都好大碟頭下, 豉油皇銀芽炒麵都好好味, 唔太油味又夠, 幾正下, 不過可惜個d麵好似軟左d唔夠彈牙豉椒牛米就油左d, 個顯汁好似太多油, 食落好油膩, 牛肉好腍而且無鬆肉粉味, good! 米粉係脆卜卜的, 都好正, 如果唔係咁油就好啦!!午餐未能真正試出佢真功架, 所以下次要食埋個dinner再評過!!

10.11.2005放工後和小公主天使到尖沙咀行街街，心血來潮想食小菜，於是便到這裡試試。一步入妹記的範圍，便聞到煎炸食物的香味。由於只得我們二人，所以也不敢點太多小菜：生炒骨：味道不錯，只是略嫌份量不夠。鬼馬油炸鬼：差不多每檯也有點的菜式。在油炸鬼中釀入墨魚肉，真的很特別，可惜的是油炸鬼炸得有點過了火，堅硬的程度足以割損舌頭、反轉「月利」胎……頗痛的呢，不過真的幾好吃。鋼鍋雞：帶點辣的小菜，由於小公主天使和我也不是太吃得辣的人，故開始吃的時候是一口「食送」一口水，但吃久了便開始習慣，而且味道是越吃越吸引，最後整碟也被我們一掃而空。唯一不足之處是雞件斬得太~~~細，感覺像是把切頭切尾的炒埋一碟，沒有甚麼肉吃之餘，整碟也多是皮和骨。整體的味道和感覺也不錯，期待下次嘗試別的菜式。

係尖沙嘴旺區，都幾難搵到大排檔，呢閒野係加連威老道后面街，都好就腳，所以耐不耐想吃鑊氣小炒就會去。都唔記得咩菜特別好吃，反正每次去都要碟炒蜆，開支啤酒就好滿足，消費每人唔洗100蚊。有樣野想講下，就係每次去都見到老闆娘，30幾嵗，聽聞開鋪以來都好少請假，真係的食物都滲有老闆娘對閒鋪的感情，重有唔知佢結婚未呢（純屬八卦），嘻嘻....

個度d炸野真係好有水準，尋晚食左黃金蝦-夠晒乾身，清蒸鱸魚-OK，黑椒羊-無臊味+ 3 支beer 4碗飯，2個人都係$200，幾抵食!上次試左油炸鬼xx (唔記左叫乜) 炸豬手，都好有水準!值得一試!

服務幾好喎，都乾淨。1.蒜蓉蒸絲瓜- 吾錯2.黃金蝦- 蝦沒有開邊炸反而蝦既鮮味可以保留，同埋無咁乾身，但蝦略細隻一點3.鐵鍋雞- 有鍋氣4.鬼馬油炸鬼- 內裡的魚肉加了馬蹄，增加口感加埋樽裝藍妹及一罐汔水

其實食物一般般﹐...都唔係咁好味.

枝竹火腩煲好入味, 特別係d 腐竹. 沙拉骨感覺上求其左d, 成pet 野咁.蒜蓉蒸絲瓜好香, 但算係冇咁抵食.冇食到炸野, 有機會會再試.

　收到風，今日舉行聚會，一如以往，未落車都唔知會去邊樹食，7:15pm到步，見到的都是女生們，真奇怪，往時準時的都是男生，難到社會大學改變了她們的習慣？　說起來真的難得，文科三十人，竟有廿三人蒲頭，有些還是畢業後首次蒲頭的呢！　原來今日的目的是「妹記」，肯好早前麻甩聚會試過此店的菜式，加上老頭子的指點（唔該晒老頭子～），順利的定出第一輪菜式：金沙鮮魷、咕嚕肉、虎椒、炸蝦、炸大腸、炸芥末丸子（以上菜名可能有出入，偶的記性是有限公司嘛）；本來打算點豬手及大馬站什麼什麼的，前者不受大家歡迎，後者未有得賣，真有點掃興。　坐下不久，來了超過三十人，原來是大學生攪的聚會，應該是新生的聯誼會吧？看他們手舞足道，間中爆出「笑話」，現在的大學生，真的夠活力，嘿嘿　不到十分鐘，菜來，大家你家望偶眼，未有人動筷，天呀，攪什麼呀，都多年同學，部用扮斯文啦，好啦好啦，偶來起筷，幫女生們夾菜，真難得偶款待女生，看來偶畢生的風度都在這晚花光啦哈哈～　說回菜式，金沙鮮魷初時還以為是上錯了，因為怎麼看也部像是鮮魷．．．吃下，原來是面粉塗包著魷魚來炸，不夠鑊氣，但蠻脆口的，魷魚部算鮮，但咬口還是有的，這道菜還是值得一試的

昨晚我與我几位表兄弟及嫂去位於尖咀的大排檔–妹記食晚飯，那時大約7點几到啦，都有位。由於大家都係慕名而來，所以咪去睇放在上的餐牌及閱有關各大報張報導所介紹的推介菜式。我5位點以下菜式：鴛鴦烏頭魚- 係放2種汁梅子及豆豉蒜茸來蒸，味道一般。都幾有魚味同幾滑，條魚蒸得唔錯火路好!! 炸大腸- 就比較細碟，佢比我想像中沒有那麼鬆脆，普通啦！海鮮什菜煲–味道唔錯，d湯几鮮甜，好入味, 尤其係d粉絲入晒味。鬼馬油炸鬼–d雜誌都有報導過這味，几特別，入面油炸鬼釀墨魚膠，外面似出面出面食市的炸魷魚酥咁，好香口。炒蜆–OK啦, 若佢放多些少少辣去炒就更加香口。蠔仔粥–d蠔好大隻呀，唔錯！總括來說都唔錯，夠地道，而且那裏有中央冷氣，咁夏天都唔怕熱啦！

尋日食左椒鹽魷魚o既替身--日式酥炸魷魚, 今日就黎尖咀名氣大牌檔-妹記外賣椒鹽魷魚返屋企加餸, $38一盒, 價錢好相宜.炸魷魚酥上面有好多橙色o既脆椒鹽, 似避風塘炒蟹上面o既脆脆, 都幾辣, 不過就好開胃! 焗返熱後個外皮回復香脆, 絶對係送酒佳品!

次次去親妹記都會食到喉嚨痛, 尋日同同事叫o左炸豬手,炸大腸,黃金蝦,鬼馬油炸鬼,炸菱魚球, 炸乳鴿... 除o左乳鴿唔掂之外其餘都好味! 特別係炸豬手,好香口而唔油淋淋,極力推介~

前已聽d各方好友都話呢間唔錯,今晚夜媽媽收工撞o岩係附近就同2個friend去試下!!因太夜食唔到太多只叫左黑椒羊鞍煲, 蒸條魚(唔記得叫咩魚) 同蒜茸炒莧菜3樣野加多支啤酒黑椒羊鞍煲-- 大至上味道唔錯,但可能因黑椒味太強令到食落羊肉冇乜味!!蒸魚—都幾有魚味同幾滑,條魚蒸得唔錯火路o岩o岩好!!蒜茸炒莧菜—食落乜味都冇她鬼淡!!另支啤酒唔夠冰凍埋單210整體上冇咩特別但唔知點解又好鬼多人食喎,可能我地唔認識叫野喇,另外因天氣問題係度食飯真係好鬼熱!!!