妹記大排檔 (已搬遷) 新店位置

某個晚上，忽然有八名豬朋狗友齊集老尖開飯，由於是臨時起意，霎時間要找地方讓一班人坐定定，沒什麼idea。有人建議這家店，我想以老尖來說，算是經濟的選擇，也無所謂。怎料去到卻要等位，還要在不知就裡的情況下，等了半小時之多！若非當晚太累，我想我早已逃走了。當晚算我們倒霉，連伙計也說不知何解那麼旺場，以致連戰鬥碗也欠奉（洗唔切喎！），我們只得普通飯碗來喝啤酒，蝕了～～食物方面其實乏善足陳，基本上店子做的香口菜比較好，例如墨魚咀、拍蒜虎皮椒、金沙蝦等，都吃得過。有一味叫香辣炒珍肝之類的物體，竟以雞腎來濫竽充數，不過有人對其味道頗為欣賞。鴛鴦蒸烏頭是一半豉汁一半酸梅蒸，勝在新奇。平平無奇的，有肉碎浸窩筍、避風塘雞翼、豆豉鯪魚油麥菜和紫蘿雞片；做得不好的，有不大新鮮的炒蜆，及非常有canteen碟頭飯feel的糖醋蜜桃豬面登。十一碟＋幾個粥飯＋幾枝啤酒，平均消費七十大洋，不算貴，但如果要等位的話，就不大值得了。

碰碰撞撞的入到這裡. 係喎! 記得頗出名的, 一定要點些著名菜式. 但發現全部都係炸的為主, 怎辦呢? 友人又病病地, 最後點了:--鋼鍋雞, 激讚, 用了很多香料炒, 有花椒, 紫蘇葉, 還有很多其他的香料. 很惹味. 又夠熱. 正!--豆豉魚下巴煲: 原以為係有汁的炆魚下巴, 點知係椒鹽, 很香口, 惹味. 我當然受落, 可是帶病的朋友可慘了. 好味, 想吃, 但生病又不能吃太多. 慘!--椒絲腐乳通菜: 沒有油, 但炒得很香, 正.雖然坐低已差不多11點, 但仍需等了一陣才上菜. 但有如此味道, 真的值得等等. 下次要叫多些朋友一道來, 可以試更多不同的菜.還有, 阿姐服務超好, 幫我們洗杯和碗, 沒有想過會有此服務. 抵讚!

前年黎過食物以不太好,今次感覺上愈來愈差，伙記態度差，原來老闆娘勁差。難怪！叫左五樣野，黎左三個，錯左一個(cancel)，漏左一個。一肚氣，離去。唔會再黎。

之前睇過呢度都知呢間野唔係幾好但今晚阿媽話要嚟呢度食...食了... 呢度真係唔知有幾好食...今晚叫了5 個餸...1. 餸少... 2. 好鹹!3. 蝦是"梅" 的...叫幾個飯都要叫幾次先來...永不錄用!

2年前去食妹記都幾好食, 今晚同朋友食完, 真係覺得差了很多, 出了名的食肆, 水準保持不了, 名大於實, 問題如下:1. 餸菜份量少, 不夠吃2. 味道很普通, 火燄蝦都沒特別, 餸菜靠煎靠炸3. 人客多了唔憂做雜誌食評的吹水報告, 反而害了妹記去大排檔, 不如去返d 屋村既大排檔, 又平又好食妹記真係...

昨天假日久別的朋友致電相約晚飯，忘記了晚上放煙花尖沙咀必定人頭湧湧，去到尖沙咀地铁已見人潮管制，不過張望一會已見到朋友了，立刻離開峰湧的人海。走到美麗華內新開的商務印書館看書及影碟，看完後順步坐扶手電梯出金巴利道的門外，金巴利道有很多食肆，就沿路看看，經過金巴利美食廣場外見到妹記的廣告牌，見到牌上招牌菜及風格跟北角東寶差不多，想想也很久沒在大排檔吃飯了，便決定一試。內裹有冷氣空調環境尚算乾淨舒服，看看整層樓已給妹記襲斷了，沒有其宅的食店，枱面放着幾張雜誌舊報導的影印本，介紹了多款妹記的招牌素菜，坐下後伙記也推介今天精選如大硯及泥鯭等等。因為只有兩個人，不想浪費所以沒有叫碟頭較大的鋼煲雞，經過一輪挑選要了椒鹽八爪魚咀、海鮮金瓜堡、西蘭花百靈姑炒牛肉和一枝哈爾濱啤酒。這裹的啤酒跟東寶一樣用一隻預先雪凍的粗碗喝，上面寫着戰鬥碗三字，用碗喝感覺較豪氣及爽快；八爪魚咀一兜有十多粒，非常香口及彈牙，是用酒佳品；海鮮金瓜堡是一個小型南瓜釀着腰果肉丁、蝦米及魷魚等配料，是一道健康的菜式；而西蘭花百靈姑炒牛肉的菜不夠熱，看來西蘭花是預先煑熟再淋上炒熱的配料，有改善的必要！整體來講食味及招呼都合格，但味道

今晚一行五人到妹記食飯，叫左八樣野，食完之後個個都話好似無野落過肚咁，爭d要齊齊去食返碗雲吞麵補數。我地八點鍾坐低，落左單，等左45分鐘先黎第一樣野...豉汁炒蜆: 全部都係殼，數埋都唔知有無15舊肉黃金蝦: d蝦勁細隻，兼霉霉地薑蔥炒蟹:勁細碟，原來成碟得一隻蟹，仲係勁細隻。埋單睇返先知要成$108，勁"略"水...銅鍋雞:份量好少，d雞又碎飲飲，得d骨，最慘係居然唔熱。蒜蓉粉絲蒸勝瓜k炒白菜仔:最大碟係呢味，ok翠塘豆腐:有d驚喜，豆腐好滑，不過偏咸，又係好細碟薑蔥生毫煲: 無出現過，唔追單都唔知原來賣晒....埋單五個人一共$450，有d覺得唔抵。黎過妹記幾次，食物的質素及份量真係一次比一次差，真係要諗下仲再黎唔黎......

由前年開始食妹記都十多次了, 感覺上一次比一次差, 星期五一行八人去諗住飽餐一頓, 換來一肚氣. 我們點了十個菜, 都是很平常的聖子呀, 蜆呀, 雞中翼, 西檸雞, 帶子西蘭花那些啦, 8:30pm 叫, 中間摧了3次, 9:30pm除了飲了啤酒就只來了雞翼, 68大元的帶子西蘭花是來了, 但少得可憐, 我指的是整個菜, 不是帶子少, 是西蘭花也少, 侍應看到亦覺不妥即時幫我們cancel 了. 之後侍應告訴我們蜆跟聖子都沒了, 我們亦憤然離去. 是次消費98元.就這樣, 妹記和我的緣份就盡了!

之前也來過一次妹記, 不過已經是一年前了. 最深刻的是當時叫了一個羊腩煲, 汁是奇稀, 羊腩奇少, 爐火奇弱, 等待奇久. 至於其他菜色則尚算可以.現在它擴充了, 壟斷了整個街市, 有一間叫藍爵的大排檔也已經結業. 其實我覺得藍爵的食物比妹記好吃, 只可惜它欠缺了特色菜, 所以沒有吸引力, 加上到來的人無不為了妹記.我們一行十四人, 吃了蔥油雞(雞肉滑, 蔥油醬太濃)椒鹽魚骨煲(好味)油炸鬼(其實吃了也不知是什麼, 好像拿了一件充滿油的刮口硬物入口. 但有人覺得是是晚最好吃的一個菜, 我卻覺得是是晚最難食的一個菜)羊肉煲(蔥比羊多, 羊欠羊味)避風塘墨魚咀x2 (好好味, 很香口)炸豬手(正常)炸雞中翼(辣的, 好味)炒飯(正常)豉油王炒麵(很油很油很油很油的早餐)上湯西洋菜(正常)炒豆苗(正常)豆腐煲(沒吃, 沒意見)西蘭花帶子(沒吃, 沒意見)魷魚鬚(沒吃, 沒意見)炒聖子(沒吃, 沒意見)金煲肥牛煲(沒吃, 沒意見, 勁多粉絲)三四支哈爾濱啤酒(沒意見, 聽說味道淡)火焰蝦(沒吃, 沒意見, 不過看表演的人很多)最後每人$90.整體來說, 老闆娘態度差, 因為旁邊有檯大概廿人的食

晚上十點半，一家人去吃妹記大排檔，年輕女老闆的親切招呼，沒有壓迫感和硬銷，地方干淨，很輕鬆!特別推介的菜色，首推雞煲，除了入味的雞肉外，還有大蒜、薑和九層塔，有點似台灣的三杯雞。味道不比三杯差，價錢比三杯雞動輒200元便宜，只賣68元。金沙蝦有旦黃漿，雖有點咸，但好好吃!避風塘墨魚咀很香口，忍不住一粒接一粒放入口。還有炸黃金墨魚丸，雖香口，但菜式略嫌普通。另外還點了啤酒和白飯，茶水不停免費奉上，伙計們的招待誠懇，上菜更是五分鐘內上齊。最后埋單...255元，沒有加一，抵!(下次一定帶朋友去)

18 December 2006 (Mon) - 晩飯朋友介紹黎，以大排檔黎講，呢度算好乾淨，亦好有制度及效率咁，見佢哋啲waiter/waitress好似全部都有部PDA，好似好潮咁，我自己都冇．．．我哋兩人叫咗三個餸：黃金蝦，炸墨魚，帶子西蘭花，頭兩個都好熱氣，炸墨魚直頭好漏，食食下都唔想食，雖然佢好似都係啲人氣食品（最起碼喺佢剪出黎啲雜誌有介紹到），但確實兩個人食會好漏，好似有八件，一人要食四件之多！黃金蝦都算好多，好香脆，好正咸蛋黃味，亦可連殼食，不過實在太多嘢食，所以我都食唔晒，只有個菜係可以清得晒，不過帶子郤又咸得滯～～整體算唔錯，但係可以再好啲！

少有地在尖咀shopping 完找地方食消夜,行過見佢未收就衝入去開餐.睇完幾張廣告牌後,叫了鋼鍋雞$68,鬼馬油炸鬼$58,南乳粗齋煲同油浸筍殼.那個鋼鍋雞,加了花椒,八角,有特別的香味,其他小炒也有水準,是一個不錯的地方!!

幫襯左好多次，招牌菜八爪魚嘴，羊鞍煲例叫，南乳香酥骨及鬼馬油炸鬼可試下，唔知係咪生意好，D餸越來越無火喉，其他餸菜不過不失，但碟頭較細，因TST大排檔無咩選擇，為一令我再去原因，就係果度飲beer係用一個雪凍的碗。爽呀！

除咗有冷氣，叫做比街邊大排檔坐得好少少之外，真係一無是處。個甚麼油炸鬼難食到嘔，炒蜆又多沙又唔開口，黃金蝦同魷魚一啲都唔香唔脆蛋黃都唔肯落，其他餸都係比一般大排檔更油膩，但係又唔惹味。地方好大油煙味同漂白水味，不過去大排檔都唔係要酒店環境。啲伙記都幾懵同慢，老闆娘態度差。基本上唔係泊車方便，真係唔可能會幫襯。

同朋友去完美麗華飲酒諗住就近去新羅寶食, 點知去到話要等40分鍾, 我同朋友都覺得太耐, 諗番起呢度既食評都唔錯, 之後就來呢度試下, 不過就只係點左兩樣野黃金蝦- 我朋友就話唔錯, 但我就覺得普通, 新和富好食好多, 不過價錢佢就平好多喇楊州炒飯- 好大碟可能飲左酒試唔真佢既味, 所以只係覺得好普通而呢度去洗手間都幾唔方便, 我諗下次或者可以試下外賣既