好麵線 (已結業)

這間米線店的食物唔錯。只是桌子太小，別人食米線時的湯可能會唔小心彈了過來；服務員執時更要小心，因他們會在你面前把食剩的湯麵倒埋一碗，令水花四濺。另外，這裏的米線若要加底是不加湯水的，所以食落去會好乾，如要加水便承惠＄５元了！雖然話唔介意加錢，但服務員卻千萬個不願意地拿半碗湯給你，之後向佢反映，她竟說：是咁了，無得改！

可能我住好麵線附近啦,所以禮拜六放下奏都會喺呢度買外賣返屋企慢慢嘆,佢外賣幾好架, 湯同餸一碗, 麵又另一碗, 唔會浸淋哂啲麵由於我唔係好食得辣, 所以我會點小辣但係唔知點解啲辣嘅程度會有參差.明明我係可以接受到小辣,偏偏有陣時中招,一食就覺得好鬼辣, 應該係佢哋有可能有時落得重手得濟, 搞到我而家降grade食番小小辣我必定會點嘅係菜肉餃同豬頸肉小小酸辣米線嘅,啲豬頸肉好正, 好夠味我幫襯咁耐都只係食佢啲米線, 所以其他小菜小食我俾唔到COMMENT,搵日去試吓佢個蒜蓉青瓜啦佢哋啲service係咁架啦, 個老闆娘好似係四川人嚟, 好食得辣架

百老匯電影中心是我幫襯最多的電影院。耐唔耐睇完戲就會心思思食麻辣米線, 然後一次次感歎, 點解食唔返5年前的味道。睇完期待已久的Volver, 再次幫襯麻辣米線, 難得男伴不吃, 我可以吃中辣。叫了腐皮竹笙豬膶米線扣底。皆好。量也奇多。猶記得以前的拍青瓜, 蒜是拌勻的, 不是求其一pat放上面的。我真係唔明點解會改成而家咁。而家咁樣係幾難去食的, 想想點樣將滿瀉的蒜撈勻青瓜........

我同朋友極愛辣...練習了好幾年...一般四川菜的中,大辣均誌應付自如....知道這裡有毛血旺...傳統的四川菜...跟朋友專登到來...終皇天不負有心人...(上次來踫巧他們休息)叫了拍黃瓜, 肥牛米線, 毛血旺拍黃瓜(12)...不錯的是蒜泥,肥牛米線...一般..不夠熱..毛血旺(39)..好大碗...要大辣..柏葉,豬紅,火腿,金茹, 腩肉, ..水準以上..但不夠熱..有好多芽菜..總計: 是我暫時在香港吃到的最似様的四川菜但不夠熱..同朋友下次已約定吃什麼..哈哈!!!

今日同朋友係電影中心睇戲，咁順道食碗米線。我地叫左一碗「竹笙、菜肉餃、豆腐、腐皮、雞絲」米線，一碟油菜同青瓜。個米線屬於一般，不過不失。但係份量都几大！油菜咪就係普通油菜之嘛。另外個青瓜几好食！蒜泥几香几夠味，青瓜亦算新鮮。食物方面都几好，但係服務態度有問題。有位女待應不停咁吹客人落單，同埋態度都几差。我同我朋友落哂單之后，同一檯兩位客人剛剛坐低，女待應俾左餐牌佢地一分鐘唔夠，女待應就問「睇完未？」真係好冇禮貌！

上星期麻辣癮又來襲﹐上OR看看找找﹐決定去一試油麻地的“好麵線”。地點不難找﹐就在彌敦道向美都冰室方向﹐再走遠一點便見到﹐門面在這區來說﹐算是比較企理的。約十多二十個坐位﹐甚為乾淨企理﹐信心加一分。看看餐牌﹐跟其它相類似的米線店差不多。兩個人﹐要了以下幾樣﹕蒜泥黃瓜- 賣相不錯﹐大量蒜蓉做的醬汁惹味得很﹐但無奈黃瓜應該是切的﹐跟正宗拍爛的黃瓜不規則口感味道都差了一點﹐這裡的只算是味道可取。上湯竹笙貢丸雲吞米線- 這個我沒有吃﹐據聞味道不錯﹐配料也算豐富。冒菜﹐炸醬牛肉冬菰中辣- 一上檯﹐嚇一跳﹐份量好大呀。先喝一口湯﹐麻與辣皆比想象中“平易近人”﹐而湯底本身並非特別鮮甜﹐故味道上不算特別出色﹔但冒菜粉則口感頗新鮮﹐像吃闊身的粉絲﹐只可惜口感不夠煙韌彈牙﹐否則更好。配料份量算多﹐而且整碗冒菜份量真的很大﹐我是罕有地吃不完一碗。另外加的兩個豆漿原來是膠樽裝的外來貨色﹐味道不過不失。比較衛生﹐是無容置疑的﹐只是略嫌不夠環保吧了。衛生一項我絕對可以給4分﹐因為由坐下到離開﹐幾位員工不斷在清潔店鋪﹐抹檯抹凳抹牆﹐但完全無考慮過食客的感受﹐你在吃﹐她們就在你旁邊不足兩三尺的位置抹檯抹牆﹐抹完一次又

落著大雨，在附近行逛，見個金漆招牌幾靚仔，又想食麵就來試試。套餐$35，凍飲亦唔收+$2，就要了麻辣米線配豬腩肉及煙燻鴨胸，配菜是蒜泥拍黃瓜。近排愛上了拍黃瓜，這裡的黃瓜拍得又鬆又爽脆，加埋用醬油調過的蒜泥，辛香爽脆，此品是近來吃過最好的一味。至於麻辣米線，要了中辣，看色水唔多對板，是辣到入胃，但無辣香又唔夠麻，麻辣做得好的，還是首推四姐川菜。腩肉及煙燻鴨胸，前者肥多肉少，味道唔錯，當然若能炆得腍些會更好，而煙燻鴨胸，交來貨用水煮熟，行貨。直覺覺得，通常拍黃瓜做得好的店，其他出品衰極有個譜，下次會約埋食友試試其他菜。

二人餐份量頗多, 味道偏淡地方太細, 套餐食物老早做定一order即俾你, 快過澳洲牛奶公司, 我諗十秒度啦

20060817 1945一個人的晚餐, 選了油麻地的好麵膳食米線. 來這裡因為記得之前o的食評都幾正面,而且都好耐未食過米線.店子細細但裝修骨子, 地方乾潔, 座位大概四十零個.這裡主要食米線, 但都有幾多小食選擇, 包括雲南汽鍋雞及拍黃瓜等. 米線$17一碗,只有九菜, 芽菜, 甜酸菜同肉碎, 然後每加一樣"食送"要$3. 湯底有幾款可選:清湯/麻辣/酸辣等."食送"方面點了豬肚,菜肉餃同竹笙, 湯底就要左小小辣o既麻辣, 再加一支豆漿.落單後不夠五分鐘米線便到, 先飲一啖湯, 唔.....好淡, 好似冇乜味咁, 只係感覺到有少少麻辣, 似乎係加左麻辣醬o既熱水咁, 湯底是完全冇味的. 米線就相當彈牙爽口, 豬肚切絲幾有咬感, 菜肉餃唔掂, 豬肉餡好像不太新鮮, 竹笙就不錯, 豆漿淡而無味.總括來說是令我失望的, 尤其以下幾點更要扣印象分:1. 檯上沒有糖: 即是熱飲的糖已加, 給人印象很小家.2. 想要多一碗湯的話盛惠$5: 又係很小家的動作.3. 入口處列明每位最低消費$15: 怎麼? 一定要人人都吃米線嗎?埋單$32, 水準真的普通, 莫講話可以同雲南風味比較, 就連開完一間

呢間雲南米線，係佢開張咁耐我就食咁耐喇...d嘢係好好食，地方同d嘢食都夠乾淨架，d嘢食仲好好味，又夠辣…我自己最怕一個人去食嘢，但唯獨係呢一間，我自己一個人都會去。但最近好似越黎越唔掂咁，d碗崩咗都仲俾d客人用，咁都冇問題，我又唔係攞起黎飲湯既，但割到手都唔好啦…最主要都唔係想講呢樣，係想講d staff既態度越黎越差，好"悔"氣咁，即係好似有d.....食就食，唔係就走咁既感覺，落單最好一次過落啦，如果唔係又要睇面色.....但我又冇佢計仔，真係好食吖嘛…

下午兩點多，順路經過，想比較一下這裡的米綫，一個人沒法試太多,叫一個小鍋米綫，要兩樣餸：肥牛與豬膶，要廿三大元，加一杯熱咖啡，再加六元．十分鐘便有得吃，小鍋其實是湯碗，份量頗多因湯也不少，跟著的小量配菜有韮菜，銀芽，少許豬肉碎，酸菜，中辣也不算太辣，比譚仔的勁度差得多，湯底稍淡，肥牛的份量不多，是凍肉店貨色，不好也不壞，豬膶郤甚佳，很爽滑，但咖啡郤如坑渠水，已經替人客加了糖和奶，正在大口大口吃的時候，對面一位温文爾雅的中年女士問阿姐是否關了泠氣？因為她吃得比較慢和只點了清湯底也出汗，才發覺自己一邊吃一邊揮汗如雨的情況，是事出有因的．當時小店內尚有三四枱客，把兩部泠氣機關掉一部也太過份了，而且各人也不是有意在店內消磨時間不走．試想一邊吃辣，一邊沒有泠氣的滋味如何？阿姐有點不好意思，要請我們搬過有泠氣的一邊，我見吃剩已差不多，拒絕了她的　”好意”於是匆匆埋單走人，決定再也沒有第二次．

我之前睇過雜誌介紹..so專登去試下..我叫左過橋米線,我女友叫左酸辣米線...我就真係覺得麻麻丫...個湯好一般..d料又好似亂黎左少少..我食左一半都冇食丫..我女友就話佢果個都ok..但佢話同譚仔冇得比..我都係咁話...如果下次我想食過橋.我都係去返官塘雲南風味..佢話過橋個湯同d料都好...^^

o係度諗緊去邊度食lunch。呢排成日都係o係女人街果帶食飯，突然間想食下粉麵，所以就諗起夏銘記同好麵線。其實我都去過好多次，但唔知點解我頭先竟然打去問有無得訂檯，其實係預左無的，只係想博博，因為離公司都有點距離，怕去到要等位。出乎意料既係，佢竟然肯留位俾我地。所以就book 左1:10 3 位。去到，門口已經有唔少人排緊隊，我地有少少尷尬(因為呢類既食肆多數無得留檯)，入到去淨係得佢留俾我地既果張檯，全場滿爆。坐低諗住同同事share 個set，但原來二人套餐同三人套餐都係2:00 後才供應，所以只好散叫了。我order 左燻鴨脯鴨血酸辣米線(小小辣)，2 位同事都係order 肥牛肉鴨升麻辣米線(小小小辣)。平時at least 食到小辣既我，今日唔想食太辣，只係叫左小小辣，其實都唔差喎。米線仍然係爽口，唔會過淋，配料幾多，燻鴨胸都ok (有3 塊)，但個鴨血今次唔掂，雖然都係滑，但勁淋同碎，無口感，同上次比差好遠。不過同事們都滿意這裡，唯一唔好既只係地點，離我們公司遠了點。希望下次既鴨血能回復水準啦。另外，好多謝肯留位俾我地既staff。(服務比5 分- 因為留位俾我地)

我同朋友見食評唔錯~~黎左呢度食~~散叫左..1. 金姑手撕雞米線(小辣)2. 口水雞3. 蒜泥青瓜4. 毛血旺(中辣)手撕雞米線... 清清地..無咩味..... 唔夠凍..一般啦口水雞d汁好味呀...d花生又多...不過d雞..斬到太細隻啦...^^ 但d雞其實好味...大d會好d... 蒜泥青瓜好大碟呢....12蚊...好多呢...好甜...毛血旺...唔食得辣就唔好叫啦...我覺得幾得意..有d鴨血呀...肉片呀...其他唔記得lu...算ok 啦...可能我食慣大陸既水煮魚...所以佢唔算太恐怖啦~~^^其實d侍應反而唔錯...有問必答...唔似其他食評甘講甘差...而且有個好麻煩既..自由行黎食野...佢地都好好招呼...什至係外國人...^^

幾時開始話淨飲收十蚊架？！成間舖頭都冇notice喎！！！！！！！你話收就收架喇咩？！尋晚打算陪朋友仔食ｄ野，入到去，因為我要回家食飯所以冇叫野，朋友仔亦趕時間諗住叫碗野食完就走。點知佢話：小姐，如果唔叫野要收＄１０。咁跟住朋友仔就話咁你俾杯豆漿我啦。之後佢得寸進尺，話豆漿＄９，但我地都要收＄１０！！！！！喂．小姐，人地叫野食你都收minimum charge？冇病呀？唔通唔俾人就咁入黎飲杯野架喎？！我唔覺得你係全場爆滿，需要趕客囉，真係嬲。