好麵線 (已結業)

落著大雨，在附近行逛，見個金漆招牌幾靚仔，又想食麵就來試試。套餐$35，凍飲亦唔收+$2，就要了麻辣米線配豬腩肉及煙燻鴨胸，配菜是蒜泥拍黃瓜。近排愛上了拍黃瓜，這裡的黃瓜拍得又鬆又爽脆，加埋用醬油調過的蒜泥，辛香爽脆，此品是近來吃過最好的一味。至於麻辣米線，要了中辣，看色水唔多對板，是辣到入胃，但無辣香又唔夠麻，麻辣做得好的，還是首推四姐川菜。腩肉及煙燻鴨胸，前者肥多肉少，味道唔錯，當然若能炆得腍些會更好，而煙燻鴨胸，交來貨用水煮熟，行貨。直覺覺得，通常拍黃瓜做得好的店，其他出品衰極有個譜，下次會約埋食友試試其他菜。