好食啲老廚子鮮麵館 (已易手) 新餐廳

昨晚同6位朋友去食 ，發覺味道非常好 ，好值得再去試餐單上其他的餸菜。 我覺得最好食有幾味菜 ，首選 手撕雞 必食 ，第二道必食菜青胡椒 排骨， 第三度菜必食必飲 係燉湯 真材實料。

依間鋪開在我公司樓下因為新開張，鋪面裝潢得唔錯就吸引我去嘗鮮了到現在已光顧不少次第一次去的時候服務員態度唔錯，有笑容又有禮貌當時有一名穿西裝男士（應該是店主），與員工跟客人有講有笑個氣氛係幾輕鬆而食物方面一開始選擇很少，而且無明確的餐牌但距今一個月時間，選擇開始慢慢豐富起來我個人感覺這店會愈來愈好自己會喜歡每次點不同的食物價錢大約＄60~＄80以味道而言，大約中等偏高的程度但加上服務，個人覺得物有所值就以今日而言（10月30日晚上）我點了一個海南雞飯個人認為有4粒星的價值原因有雞件有去骨醬料有三種供客人點（外面只有一種）油飯好好食，而且可悿飯！！點餐上餐速度快（前後10分鐘有得食）另外，我自己特別欣賞是店主他會問客人的感受如何對食物或者其他有沒有意見等與他交談時，是感到他很有心思去經營這店舖而眼見，店舖是不停在改善、進步中今日用餐時，還送飯後甜品（ 椰汁黑糯米 ，估計是試作品）以個人而言，很高興這店舖的成長畢竟食物好食，種類愈來愈多氣氛也不錯

因為要去附近餅店攞蛋榚，就近搵咗呢間餐廳食午餐，已經兩點幾所以無乜人！我自己揀咗個靠牆位，裝修簡潔似西餐廳多啲！桌椅幾迫，餐牌麵食為主！落單後飲品先到，之後食物好快上，不過係比錯咗另一枱客嘅麵我！我見唔係河粉即刻問上菜嘅男仔：係唔係上錯？佢猶豫咗一下，答我：係！低我話我叫河粉喎！佢先攞返去出菜櫃臺！再上菜先啱！香茅豬扒湯河（$48）豬扒我要求分上，餐具啲花紋幾靚！豬扒已切條，只有豬骨處相連，香茅味唔重，好在幾鬆，又唔油膩，幾好！河粉唔係滑，係半透明好似薯粉咁彈！加上芽菜同香菜！好味凍柑桔檸檬（跟餐加$18）叫了少甜！價錢唔平，不過幾大杯！夠凍，柑桔味酸酸清爽開胃，味道唔假！檸檬味就唔太突出！店員爽手，除了上錯菜之外，全部有禮有笑容！食得舒服嘅一餐

今天較平日吃飯晩了一點，便同朋友去佐敦行豐中心後面入口處試試這一間，可能時間是大約九點，店內只有兩台客人，最初只希望吃飽便算了，餐廳內的員工只有三位而其中一位看似是新入行的員工；首先來的菜是涼瓜炒牛肉，十分香口而味道方面亦不錯，十分有水準。第二味是蟲草花蒸雞，一上碟便覺得十分香，除了有蟲草花和雞外，還有冬菇；味道十分好，絕對可以去試試。價錢方面，十分相宜，兩鎹兩飯都只是＄150。絕對值得向大家去推蔫。

新店, 開業兩個幾月, 今天才得閒一試, 下午茶時間, 人影都唔多隻... 老闆向我們推銷午餐的蒸魚, 可惜午間時段不想lun骨....友人的 辣肉燥撈麵 ($38), 據聞...唔係好辣, 麵身質地也算好, 彈牙不淋, 肉燥份量夠多.跟撈麵送的一碗湯, 味道也不差, 至於有無味精, 我飲唔出, 唔知, 待高手報告.跟餐的一杯凍咖啡走甜, 比很多茶餐廳的"走甜凍啡"做得好, 夠啡味, 奶味剛剛好. 本來叫酸辣汁雞扒飯, 但店員話..."酸辣汁無出好耐喇..!" 頂! 無出就唔好印係MENU啦!! 退而求其次, 要了另一款...辣肉醬爽肉飯($43), 其實即是 豬頸肉飯, 肉燥一樣的多, 白飯合格, 無爛不算太淋, 但熱度不足, 這是常規... 間間茶記的白飯都唔夠熱的, 這間已經算交足功課, 但豬頸肉無煎過, 應該是用水煮的, 欠香口.

今日行過佐敦，原條鼓汁蒸魚都只係$68唔洗一百蚊就有飽飯食啦！晚市餐單有魚、有雞、有豬～識食既我，梗係簡性價比最高既魚肉啦老闆話每日都會供應唔同品種既魚～部分魚既品種比較少聽聞，實在才疏學淺！所以今次簡左桂花魚，貪佢骨少又夠嫩滑上菜都上得好快，魚肉蒸煮時間岩岩好，肉質唔會老！而且伴碟姜絲亦顯用心鼓油味道較淡，唔會蓋過魚鮮味！用黎撈飯食夠哂開胃！可能因為鼓油比較稀，每一啖都係魚鮮味！ 實在食過番尋味！

開張大約兩個月，食物同服務一次差過一次。不過近屋企，求其食碗面飽肚所以都沒有太大要求。但我肯定今日第六次食，一定係最後一次。事缘我坐下變落單，豬手牛爽肚面加0茶（$46+$10）。阿姐就問我係咪一個豬手面同一個爽肚面？我話唔係，要雙拼。跟住佢話咁唔抵，不如叫一個豬手面再加小食爽肚，好過雙拼加$8。我望餐牌，豬手面$38但浄爽肚$54，仲未計食品⋯唔係咁好介紹呀？所以我冇理佢。過咗一陣我發現枱面張單落咗豬什爽肚，我立刻搵阿姐更正要豬手。最後個面嚟到竟然係俾豬潤我，我同佢講我要豬手，阿姐即刻聲大夾惡話我自己改嚟改去所以先錯。我望住坐收銀帶眼鏡個男仔（應該係老闆個仔），嘈度拆天都仲響度睇電視。由於我飲咗一啖杯O茶，我叫佢收杯0茶錢我唔食面喇。冇謂嘈，放低$17走，發誓以後唔幫襯。

這店新開無耐，一入到嚟，老闆就親自向每枱食客介紹食品，網上見佢的招牌食品有大腸，豬紅那些內臟食品……除了麵，泡飯外，老闆說還有串燒食物供應，但因為新開無耐，未及印製得切串燒的餐牌及相片，所以暫時欠奉，要親口介紹……老闆又熱情詢問客人想食d乜嘢，再推介有乜選擇俾客人揀。不過今晚想食清清地呀，肉及內臟都唔啱我，見到有“脆米泡飯“咁清新嘅？就好想試吓叫了一個泡飯，兩個涼拌：清爽山筍$32鹽酸車厘茄$15時菜高湯脆米泡飯$38加了脆米的泡飯口感不錯，有白菜，通菜及勝瓜粒，飯量都好多，唔大食嘅要慢慢食才食得哂，湯底清，唔覺有味精，都ok嘅。山筍是真清爽的，正（無辣又不油）都好大碟，鹽酸車厘茄好清新三樣蔬食共$85唔食內臟的人嚟到這裏一樣有選擇，或者下次試試串燒食品吧

上星期一中午經過佐敦徳興街見到有間新店，入去試下！叫了一個豬潤粉腸脆米泡飯試下！真的不錯！湯㡳夠鮮味好似利X個西施泡飯，未試過豬潤嫩滑到好似䳘肝一樣，仲有細個時食開的豬油渣送湯飯！！再叫了一份炸大腸！外脆內軟！飽飽！下次再去試下其他野！

  今天和三個朋友去試一試好食啲的鎮店三寶, 豬潤, 豬手和泡飯, 之前我太太和她的朋友試過都讚不絕口, 今次我點了豬潤豬手麵, 肉丸泡飯, 辣肉醬爽肉飯, 炸腸頭, 清爽山筍, 芥蘭和豬什并盤, 有意外的驚起, 新鮮美味, 價錢相宜. 整體來說, 值得推介. 問問樓面經理, 這個店原來只可有兩個星期, 真希望質素和價錢能保持下去. 

今日行過佐敦德興街見到一間新開茶餐廰，外觀舒適舒服整㓗，裝修有心思，餐廳中央有棵裝飾樹，樹中央竟然有小鳥及小鳥聲，原來係電視廣告牌的聲音，令客人享餐時更舒服。伙記熱情有禮，令我最驚喜係，個餐牌竟然有別於一般茶記，我點了好耐未食過，又唔敢係街邊食嘅炸豬腸及豬潤米缐。炸豬腸皮脆肉香，好好味，好有懷念的味道。而豬潤米缐就非常可口，豬潤非常新鮮好味，怪不得為餐廳的招牌菜。其實還有很多招牌菜，這些留待下次點評。總括呢間茶記非常不錯，值得推薦。

叫左個豬什面，好多豬什，有潤，生腸，粉腸，心 ，肚等等，豬什好新鮮，香港好少地方食豬什，仲有好多野食，好多小食，泡飯好似都唔錯，下次會試下泡飯，待應態度都算客氣，還境唔錯，坐得幾舒服，下次會叫埋朋友試下。

新開張，見到d 麵好平,好多都廿幾蚊呢個價錢依家買少見少，一定要試下！！叫咗一個辣肉燥乾麵外賣拎走， 呢度嘅外賣袋係紙袋， 連外賣盒都係紙盒幾有心思 成本咁高， 啲麵又賣20幾蚊咁平， 都唔知會唔會...... 但......一打開畀個分量嚇親咗......咁細既份量既？ 都唔知好笑定係好嬲不過好彩個味道尚算不錯好惹味ha ha !!唔知係唔係個外賣會 特別小 份量？!因為我見到堂食個碗都大?!呢個size男仔一定唔夠食 ....

看到新餐廳開張，裝修開揚乾淨，沒有錯過入內一試。地點： 在地鐵站行後1條街, 很方便。德興街本身也有很多食店。 環境: 新裝修簡潔舒適, 有玻璃看到街外, 光線充足。食物賣點: 主打新鮮豬, 招牌有豬手, 豬什, 店員也推介泡飯, 台灣麵及台式小吃。 有小吃, 飯, 泡飯。豬肉藏有如豬心、豬腸、腸天梯、豬生腸、豬粉腸、豬爽肉，豬腸、豬皮、豬紅、豬脷、豬扒、肉燥等等。其實豬以外，也有其他牛呀，雞肉類，也𠕇茶餐。剛開業提供餐牌內大部份食物, 6月起會提供糖水, 串燒及其他招牌菜，如金牌豬潤，大腸灌肉等。今次一個人黎試下佢話有唔同湯底揀，有清湯，麻辣湯，酸辣湯並可自選辣度，就點一個雙拼試下佢。招牌豬手配豬脷台灣麵＋大辣麻辣湯底： 入門口時，門口的招持已介紹豬手為鎮店招牌，一早已想好試一試它。豬手: 像白雲豬手般, 白雪雪但好夠味, 不像坊間豬手多為滷水, 南乳豬手。 豬手肉膠質極重, 張住咀的 切成小粒易入口, 不會吃得無儀態。肉的部分也多, 有些是豬手上部分, 肉質佔比例更多。豬脷: 店員說今天只有豬脷, 沒有豬橫脷, 也叫來試試。 沒有豬手留下那麼深印象, 但味道不錯也新鮮, 薄切上不

新店，有街泊車。真開心東北殺豬菜會在香港見到。新鮮好味道。環境乾淨，光亮。老闆婆漂亮有氣質。坐位舒服。價錢超合理。可坐100位。我點了豬手生麵，肉圓脆米泡飯，炸大腸頭，豬什并盤，肉燥恅米線2百多元全包，4人食，飽肚，回味無窮。特意推介。