9
5
4
食評 (22)
等級4 2017-11-11
13 瀏覽
玩遊戲中咗$50美食卷, 兩個人共$100, 對上一次試咗魚蛋同燒賣, 好難食, 今次有成$100, 可以有更好的選擇, 但行勻成個food court, 都冇乜吸引, 又唔想食咁飽肚的燒味飯, 又或者粉麵, 而且又大排長龍, 來回行咗兩個圈, 最終都係叫咗d小食, 另外補返幾蚊就得~ 如果幾蚊食就抵, 但成舊水食就當然唔抵啦~ 燒雞脾一人一只燒雞脾, 看似燒得好好, 但其實燒過龍, 雖然預咗雪雞冇雞味, 但都唔好乾哂, 冇哂汁, 乾啃, 冇水飲會啃死人~   熱狗個包好硬, 可能heat住heat到乾哂, 條腸都唔差, 唔會太鹹, 最正都係佢個熱狗醬, 似係芥辣加酸瓜碎, 酸酸地幾正~  凍奶茶有色冇味, 顏色好深, 但飲落只有少少茶味, 完全冇奶味, 唔講真係唔知飲緊奶茶~ 佢個food court唔知係咪唔預你慢慢食, 全場企位, 但佢有條好窄的長條, 比你頂一頂住個pat pat, 但我用來坐, 雖然坐得唔舒服, 但都好過冇~ 繼續閱讀
(以上食評乃用戶個人意見 , 並不代表OpenRice之觀點。)
等級3 2017-07-25
95 瀏覽
趁馬場煞科日嚟沙田馬場行吓,感受吓個氣氛。今日雖然係馬季最後一日,但唔算好多馬迷入場。出面落大雨,啲馬迷擁晒入嚟室內避雨,或者走入餐廳食住野嚟睇馬,咁就有啲迫人。先嚟醫肚,好賞食呢度選擇都好多,有各式美食(或者叫做野食)。價錢當然唔會平,但都係可接受範圍。叫左兩隻特色燒雞脾($29x2)同一枝鮮橙汁($25)。雞脾夠熱,尚算嫩滑,比想像中好食。橙汁就幾好飲,唔係糖水橙水,仲有少少果蓉,算係咁啦。不過呢度個環境就唔係太舒適。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-04
309 瀏覽
國慶賽馬日,三個人中左4張馬會微信遊戲的$50美食劵,咁就順入黎行下吧。香港人入馬場要支付$10入場費,遊客就免費入場,果真特別優惠遊客!!入到黎Food Court,好多人,好多遊客........食物都好多選擇o既,好多個檔口,有唔同類型o既野食。但要自己搵枱,多數枱都係唔連櫈,只有少部份枱係連一條好窄既櫈,食得唔舒服。$54燒肉义燒飯,$46义燒飯,$49咖喱牛腩飯。三個飯都係一般味道,唔難食,亦唔美味。係燒肉皮脆香口,幾好食。鮮榨果汁@$25,芒果汁同西瓜汁都好味,內含香濃新鮮果香味 免費午餐,不要有太高要求了 繼續閱讀
(以上食評乃用戶個人意見 , 並不代表OpenRice之觀點。)
觀看沙田馬場銀袋日,登堂入室去到個Food Court點餐。好多個美食檔,我選了東南亞美食檔。係賞麵館點咗扎肉雞絲河。個服務員即場煮個麵,埋單要$42。揾位大約3分鐘,差唔多每個坐位都可以看到即場賽事。個食場環境我相信只有馬會先做到咁ga設備。個賣相好有越式風味。食落去好有口感。因為即場煮,個扎肉用上上等食材,食得出個扎肉好鮮嫩。雞肉份量充足,混入雞肉同扎肉,再加上即場煮個湯河,好彈牙。值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2012-06-17
197 瀏覽
我曾左沙田馬場工作.有一年暑假好賞食是我返工必到的地方.好賞食其實係一個大食堂.連鎖店.如m記.肯德基.其他的集合多種國家食物.中式.潮式.台式.粉麵,韓式等,坐的位置可對住電視.也可對住出面看人流.講得上食堂.面積當然大.今次選的係鹵水鴨飯31元.鹵水汁不鹹.而且相當夠味,鴨沒肥油.但肉質死死實實.沒有甜味.肉味也薄弱.飯的份量亦不少.加埋水42元合理..馬場最好食的應該是雞脾. 繼續閱讀
(以上食評乃用戶個人意見 , 並不代表OpenRice之觀點。)