好燒味茶記 (已結業) 查看

收咗工、街市又收咗市、冇餸賣、又倦頼賴、真係要搵間快、靚、正嘅地方開餐先，好睬屋企附近有呢間愛❤️飯堂啫！點解咁講？皆因此店款式多、每日午、晚都有套餐選擇，入到舖揀個靚位坐低，侍應即上前遞茶水，落咗order後不需15分鐘，熱騰騰嘅餸、湯、麵、飯即送到你面前，侍應款待又有笑容、熟落咗重有傾添，好似住家飯嘅感覺，價錢又唔貴、份量適中、味道唔太咸、唔太淡、飲品又唔太甜，燒味係自家出品的、由經驗老到嘅師傅去研製，非一般交貨性質嘅味道，尤其係白切雞、豉油雞，肉質鮮嫩、又有鷄味，叉燒唔太肥、唔太瘦、鬆軟嫰滑，燒鴨由明爐燒烤、醃製味道濃郁、燒肉皮脆卜卜，本人極力推介此店嘅下午茶餐～炸魚柳配雜菓沙律（內裏加咗棷韱果添）、魚枊炸得外脆內軟、咬落塊魚柳重好juicy添，非一般硬掘掘、死實實、入口有雪味嗰D囉！《依家出去閒閒地食個午餐/晚餐都@$45以上，重未計凍飮重要加多幾蚊呢？份量重冇2碗飯咁多，價錢就加、但餸、飯就減咗》「此店老闆真係好有愛❤️架，早前每個月都攪送暖行動～派發愛💕飯盒比住喺附近嘅長者，造福人群、樂善好施，真係值得一讃！」

放咗工倦賴賴，邊有心情去煮飯呢？好睬有呢間價錢唔貴、份量適中、款式多元化、味道又太咸、太甜嘅愛心飯堂，唔係誇大呀！入到去侍應會即時送上茶水，經落order後不需15分鐘，湯、粉、麵、飯、飲品就送到你面前，侍應又友善對待、重笑笑口添、熟落咗重好好傾添，真係要一讃就係呢到D燒味係經驗老到嘅師傅去研製的、味道唔太咸，非一般店舖用交貨形式嘅食品，尤其係白切雞、豉油雞、肉質嫩滑、好有鷄味，燒鴨明爐燒製，醃料夠濃，燒肉D皮十分鬆脆，本人極力推介～下午茶餐～炸魚柳配鲜菓棷菓沙律、件魚柳十分juicy，非一般硬掘掘、死實實、柴皮咁！

之前食核旦义燒反d义燒又林又好味 今日去食d义燒硬冇味 d旦擺明係大陸旦扮日本旦 再喺隻旦上面林d老秋扮燒汁旦黃又熟曬 好似重加價添 我個fd就叫個餐旦治 d餐肉凍嘅 d旦又炒唔熟 真係好難好難好難食燒味

由悅華軒轉做好燒味之後都未有去試甘啱我地一行3人係太古睇完戲想不到去那兒食飯便給她一個機會了.晚上7時多到達未有太多食客,Order左3個小菜都有跟飯同例湯. 餸菜很快便上枱三樣都好夠熱有驚喜.茄子豆腐什菌煲 - 好夠熱用料好足,色香味都有.薑蔥支竹炆倉魚 – 魚夠大條又夠滑，支竹又多好開心。咕嚕骨- 相比另外兩樣依個真係有點遜色,肉少味一般.

宜間茶餐廳係從小學食到宜家F3因為之前係好食同例湯冇咩味精所以每個星期都差不多食一次。升到中學後，屋企附近開左間茶餐廳，所以就小左食la。不過宜間茶餐廳食物食物嘅質數可以話係越來越差阿。首先份糧就小左啦，之後可以話係味精湯，啲叉燒有d硬？我唔識講，總之就唔好食啦，啲雞豬好似未熟咁囉，不過今次啲湯就好好多。如果食物唔得嘅話改咩名都沒有啦

因為工作忙碌，無暇買餸，与家人惟有餐餐叫外賣，偶然發現此出色的茶記！燒味有水凖，叉燒靚，夠柔軟，燒肉皮脆，肉質好，油鷄夠嫰滑入味！＄34-$38小菜套餐每日不同，天天有7款選擇，由＄55-$60，附有例湯及白飯，梅菜或炸菜蒸魚蒸肉餅見功夫，好送飯，小菜有鑊氣，付皮苦瓜斑腩煲👍👍😋😋，羅漢斎煲😋😋😋，好味到停不了口！敢誇此店之水準是同區之冠！有了此店可解決三餐，也望它在同業大競爭下可以生存下去呢！

姑姐最近話呢間餐廳好食，所以呢個星期六同姑姐同埋屋企人黎佐呢間係天悅廣場既中式餐廳食飯。7 30呢到餐廳 ，無咩人唔洗等位。之後老闆好親切咁比menu我地睇。餐牌見下圖：我地一共七個人叫佐9個菜。啲小菜味道算幾唔錯詳細見下圖 價錢 -->非常便宜。每個小菜大約$55  我地果日叫佐9個菜，埋單$650 平均 $95一位食到你飽到出唔               到餐廳，真係平到笑 lol 　環境-->  普通餐廳一間，唔好期望有翠華咁靚lol始終係舊區商場入面 。裝修幾舊但勝在乾淨企理。服務態度--> 一流老闆娘態度好友善住skw既你地 或 經過skw 既你可以黎呢到一試 

這家茶餐廳給我的印象不錯環境都算企理而且食物的選擇也不少有不少小菜套餐,當然燒味最馳名西式扒餐同焗飯等等今日放工時間夜了獨自黎食看看餐牌晚餐選擇，今晚有四款晚餐這些晚餐在餐牌叫㑹貴大約幾元但是做晚餐就有特價四十元就得叫左個茄汁焗海鮮飯晚餐，等十五分鐘飯唔係好大兜,不過剛焗起看上去面頭邊邊是微濃正好帶出那陣陣芝士個香味海鮮都鋪滿面魚塊,魷魚蝦仁及蟹柳等,樣子十分吸引飯有點硬但就夠熱份量也算多甜甜酸酸的味道幾開胃加兩元凍檸茶就夠大杯,不過冰少咗啲可能一次半次失手是日於晚上十點鐘以後來.又不是多人.食得悠閒，坐好耐都得環境同服務都不俗，下次也會再光臨

有次聽朋友講話呢道有核彈叉燒飯食，個名咁霸氣，當然要同朋友黎挑戰下佢啦！初時以為堂食既燒味店唔會衛生得去邊，行到門口既一刻又唔係果回事，毫無大排檔既感覺，餐桌佈置、格局、色講調都比人一種企理既感覺，又一次未食先加分既體驗：D價錢為$38既核彈叉燒飯！外表望落去普普通通，雖然整齊，但感覺上同酒樓廿蚊飯盒差唔多咁；我食法較奇怪，直接一啖食左粒【核彈】先，1啖咬落去既時候，濃濃既蛋黃汁流晒出黎，比一般溫泉蛋更大更入味，蛋質仲好滑不愧有核彈之稱！而叉燒比較入味同軟身，其餘就冇咩特別了～椒鹽鮮魷；咬住外脆內爽既魷魚真係味蕾既一大享受，而且又唔會太乾身，令我食完一條又一條haha可惜既係可以話係0椒鹽味......冇左椒鹽比較難強調魷魚既鮮有點失色：（豉椒炒硯 $58十分出色既一道菜色，因為佢既汁超入味；D硯肉都尚算大粒，而且仲好新鮮，同埋食晒成碟都冇沙粒，個汁仲可以用黎伴飯，食唔到辣都唔怕，因為連小小辣味都冇！絕對值得一試！燒汁雜菇牛柳粒 $58雜菇非常爽口得黎又易入口，薯仔煮得好淋好入味GD！反而為之失色既係個牛柳粒....分割得太大粒又且又太韌，難咬難落肚，味道尚算可以，但真的不太喜歡這咬感

食左咁多好野，都好少食茶記，因為有時食左都未必想晒時間去打食評，不過當然有好有唔好喇，街坊野都想多啲人知多啲人食，香港人就係要支持本土生意！始終食開既，同食得最多既都係茶記～開放式做生意，唔係比佢外表吸引，而係佢既內涵！環境都係普通茶餐廳咁樣，不過燈光唔夠光，顯得成間鋪好舊，而且周圍都係啲老街坊講野大大聲，相信支持左唔少年依間一定要食既就係佢地最出名既核蛋叉燒飯，溫泉蛋由日本直送，所以每日都數量有限，坐埋位既時候已經見到身邊唔少既街坊嗌依個黎食，所以我都唔汁輸嗌左個番黎，一個飯兩份Share都夠晒！核蛋叉燒飯，溫泉蛋彈下彈下好細滑，蛋漿混合埋白飯，令成個口感更加香滑，每啖都好滿足，溫泉蛋果然做得好出色，而叉燒都算係中上貨色，整體唔錯，溫泉蛋加晒分！雜菌炒白菜仔，份量好多好夠食，白菜雜菌炒得岩岩好，熱辣辣又爽口，火喉岩岩好，茶記既炒菜類一樣好食！生炒骨，配料有菠蘿、青椒、紅椒、洋葱同主角生炒骨，賣相討好，上菜時好香好吸引，但一食落口就..口感食落好淋唔脆身，酸酸甜甜雖入味，但可惜口感欠奉，擺耐凍左更加難入口

港式茶餐廳，其實予人印象來來去去都係一般的菜式，我相信大部分香港人不用看餐牌都識得點叫！早前，住在筲箕灣的朋友話帶我去一間非一般的茶餐廳食野～喜歡周圍試新菜式的我當然樂意奉陪，我們一行4人就走進這間茶餐廳－好燒味茶記！好燒味茶記位於筲箕灣港鐵站附近，步行10分鐘左右就到達，食店就位於天悅廣場的地庫位置～食店其實同普通茶餐廳無太大分別！當晚大約7時半左右到達，食店已經坐滿3分2人，都幾多人幫襯wor！咁應該都幾好味啦！坐下來就被這個「核蛋叉燒飯」的宣傳單張吸引住！只係聽個名都已經夠爆啦！仲要係店舖自創的叉燒飯，所以我點都要會一會佢！之後再看看菜單，都是一般茶餐廳的菜單，款式夠多，主要以燒味及小菜為主，難怪咁多一家大細黎食啦！男人的浪漫都有呀！核蛋叉燒飯（HK$38）：好大碗叉燒飯呀！原來核蛋就是有一隻半生熟的雞蛋，有D似日本的溫泉蛋一樣，可以將佢混在白飯一起食用又有另一番風味！而叉燒是半肥瘦，幾好味！不過我一個人都應該食唔哂一碗，因為份量多大呀！沙爹粉絲金菇肥牛煲（HK$55）：食店其他的小菜都好出色，這個煲沙爹味好香，不辣的，岩哂我口味！而且肥牛的份量好多，唔會偷工減料，仲有青椒紅椒及

平日出街食燒味飯，叉燒總係鐵膽，再配埋油雞或燒鴨，就perfect啦！最近約咗住筲箕灣嘅朋友仔聚舊，由佢帶我去附近嘅地方覓食。呢間喺天悅廣場嘅「Good BBQ 好燒味 」，茶餐廳嘅格局，除咗主打燒味外，仲有好多唔同小菜可供選擇。朋友推介店內其中一道最新人氣食物，就係核蛋叉燒飯。核蛋叉燒飯所謂核蛋，即係日本温泉蛋。先講主角叉燒，半肥瘦嘅肉質軟腍，油脂又甘香，果然有驚喜。有時喺其他食店食嘅叉燒，一係就好乾身，一係就肉質好硬。食嘅時候，將温泉蛋篤爛，蛋汁慢慢流出，夾埋叉燒同飯一齊食，正！今次食到嘅叉燒飯，水準高之餘，最重要係價格相宜。荷葉金針雲耳蒸滑雞侍應話今日荷葉賣晒，介唔介意無用荷葉去蒸，我地話無所謂啦。呢碟應該差唔多有半隻雞嘅份量，雞肉好滑，好夠味。由於加咗唔少冬菇一齊蒸，所以帶有陣陣菇香。由於我本身都幾鍾意食金針，但略嫌金針數量唔多，得幾條，唔夠喉呀！栗米魚肚羹HK$48價錢，咁嘅份量，重要係足料好飲，真係無得輸！魚肚無腥味，料十分多。基本上每一口都會食到魚肚。抵讚嘅就係生粉份量落得啱啱好，因為有時如果師傅落得多，會杰身得滯，會好「漿」，但如果落得少，又會好稀。所以今次食呢個羹，真

燒味=男人？咁就錯喇～今次露比就試左 "女子的燒味"。。～Good BBQ 好燒味～店！要做女漢子，就要豪氣咁食。。先來～紅燒雞絲素翅窩～！雞絲不是普通瘦瘦的，是好有肉味好咬口的～湯汁及粉絲都好足料！之後到燒味上場喇。。～燒肉併油雞～！果然是燒味出名，賣相吸引，肥瘦適中；咬落去啖啖肉，但又不會太油膩！呢個時間一於飲就番杯！凍飲啦！（笑）凍杏霜～凍奶茶～杏霜好香，奶茶好滑呀！今天的主角。。～核蛋叉燒飯～登場！慕名而來就為佢～見到日本溫泉蛋震震下就好急不及待喇！撈勻～估不到溫泉蛋和叉燒飯好配合～蛋汁令到叉燒更滑！好輕柔的質感，別有一番風味～到另外 2 個主菜上場喇。。～椒盬鮮魷～！一送到黎就香噴噴！食落去外脆內軟，不會韌！好好送飯呢～再來。。～梅菜扣肉煲～！一睇就好肥美！好多梅菜呢～扣肉的紋理分明，肥肉分佈均勻；食落是好傳統的味道！好入味！梅菜一樣好夠味～送飯之選！最後不得不提的就是例湯，好足料！有媽媽的味道～開心的完成今餐飯！"女子"的燒味！～Good BBQ 好燒味～！

不經不覺秋天已經來臨了，不過天氣還是非常悶熱，所以星期日還是相與好友到大浪灣遊水及曬太陽，玩了差不多數小時後，肚子開始餓了，本想到灘內小店吃午飯，可惜餐廳以泰菜為主，感覺就是熱上加熱，所以我們決定坐小巴到筲箕灣地鐵站，再看看有什麼好吃。朋友表示早前到筲箕灣天悅廣場的中旅社換證時，曾到過一間燒味店吃飯，覺得味道相當好，而且除了燒味外，還有小菜選擇，價錢亦非常便宜，所以我們決定試試。 「Good BBQ 好燒味 」的店面與一般茶餐廳相似，店舖一旁設有燒味檔，掛滿一隻隻味道的肥雞、乳豬、醬王燒鴨及乳鴿，相當吸引。而這天來到碰巧已是下午茶時間，燒味飯連飲品也不到HK$30，價錢真的出乎意料的可愛。 正當我們查看餐牌時，職員大力推介店內最新推出的核蛋叉燒飯給我們，說這個飯極愛食客歡迎，原來核蛋是指日本溫泉蛋，那我們就點了一享分著吃，再點了其他幾款小菜享用。 核蛋叉燒飯的賣相不錯，大大碗的，一客就已經足夠2-3人享用，而且叉燒的數量挺多，吃時將溫泉蛋刺破，讓蛋漿慢慢流出，再與白飯攪均享用，每一口都充滿著蛋香味道，非常滋味，而叉燒是半肥瘦的，入口帶有微微焦香，味道帶有甜味，而且肉質細嫰，整體來說挺美

下午陪叔叔到附近午飯,他知道我最近心情欠佳,所以特意來陪我,叔叔由小到大都對我很好,非常感謝他他最愛吃中式燒味飯,跟喜歡西餐的爸爸絕對是2個不同口味的兄弟呢..不過這一家新開的燒味店質素則一般了,燒肉比較乾身,叉燒太瘦,沒有肉味,而且飯亦比較硬身,只能算是普通的燒味茶餐廳,沒有特色吃完後叔叔有事走了,我亦跟朋友出外呢