好湯好麵

營業中

休息中

· 好湯好麵 ·🍜 黑口黑麵 $90北海道魷魚、墨魚滑、墨魚濃湯、扁陽春麵配料太少，如圖所見，只有2塊墨魚滑、4片魷魚圈和1條魷魚鬚。一條配菜都沒有，只有面頭的那堆生葱。麵量不少，就是用麵塞飽你的份量。墨魚滑令人非常失望，只吃到一團麵粉，沒有任何墨魚的咬口，還有點酸酸的味道。魷魚就是很普通的魷魚。湯底吃不出任何墨魚的味道，只是普通偏鹹味的黑色湯底。雖然說是濃湯，一點也不濃，很稀的。沒有任何掛汁，面夾起來的時候還是白雪雪。 .營養非常不均衡，蛋白質極少，纖維沒有，碳水極大量。.店員會提供一次性圍裙避免弄髒衣服。出餐時間很長，大約要等20分鐘，因為廚房會集合幾張單一次過煮，趕時間的不要去。.健康評分：1/5性價比：2/5.好湯好麵 (大圍)大圍積存街20號地舖

三日假期，緊係要食啲好嘢助興，所以栽程嚟到大圍，嚟食一碗幾貴嘅麵。網民大多推薦 海龍皇麵$138，所以就唔諗其他直接試。先嚟一啖鮮橙色嘅蝦湯，係幾鮮甜，但又唔係純蝦肉嘅味道，飲得出係蝦頭蝦腦蝦殼一齊熬出嚟嘅結果，不錯的。啲麵好幼身，亦都好快腍，再食下粗過手指尾嘅大蝦，感覺唔係新鮮活蝦，必係急凍嘢，即時覺得有啲掃興，除此之外仲有帶子，蟹肉都正常急凍嘢味，勿而軒唔係我杯茶，不足一提。可能真係希望愈大，失望就愈大，用咗兩餐嘅價錢食，駛大咗，下餐罰自己卯得食，當減肥。論呢麵嘅價值，頂多係$80。

呢間係🧑🏻‍🦱bookmark左想試好耐既一間餐廳, 聽聞要好早黎排隊, 所以我地今日冇咩做就早左出黎排. 佢12點開門, 但大概11:45就開始有人龍, 12點入去既時候條人龍入哂都仲有少少位淨, 但12:15左右就full哂lu. 不過好好既係餐廳會派膠扇俾12點後仲係出面排緊隊既人🥵因為都真係幾熱🍜海龍皇湯 - 我地2個都最想試呢個, 所以2個一齊嗌左. 個湯底係好有蝦味, 都濃郁. 配料有2隻都算大既蝦, 1隻蠔, 1隻帶子, 幾舊魷魚同少少蟹肉碎. d配料就冇乜味既, 唔可以話好鮮甜. 個麵係陽春麵, 我就麻麻地呢隻麵, 食落係淋batbat咁冇乜彈性. 🧑🏻‍🦱有食過我個碗既麵就話我個碗係淋d, 佢個碗係好d冇咁淋.💰人均消費: 100-150麵黎講其實都算貴, 性價比唔高. 整體黎講湯底係好味既(🧑🏻‍🦱飲哂佢成碗湯🙊) 配料都足夠但唔會好鮮甜, 但我個麵就真係麻麻. 好似得呢個海龍皇係用呢款麵, 其他唔係. 如果有機會經過都可以試下多次佢其他麵既, 但要排隊就不了.仲有就係間餐廳入面冷氣好似唔係好夠凍, 定唔知係咪我哋個位吹唔正冷氣🙈大熱天時食到大汗疊細汗都幾辛苦

【大圍米芝蓮入圍特色湯麵】排隊時間：10分鐘（午餐時段）喜愛程度：🌟🌟🌟🌟 大圍這間聞名以久的湯麵店終於可以一試，雖然定價以湯麵來看頗為進取，但湯底非常特別有層次，絕對值得一試。▫️海龍王 $135內有非常多的海鮮，蝦、魷魚、帶子，吃起來口感紮實帶有鮮味，湯底頗為鮮甜，如果有已重的蝦味會更為開心。▫️佛跳牆 $178有鮑魚和素翅的湯麵很少見吧！湯頭清香但有層次，喝得出來是用時間烹調出的。注意一下麵身比起上一碗粗和有口感，飽腹感更大，小鳥胃要小心。📍好湯好麵大圍積存街20號地舖銅鑼灣加寧街9-11號名店坊地下B號舖

今晚食米芝蓮點左棉花雞加我朋友一定要叫的spicy 泡淑雞腳但其實一d 都唔spicy 呀姐話唔可以咁重辣味太辣食呢個麵就食唔出原汁原味個人覺得而家味道balance職員都友善

朋友推介入到大圍食呢間拎過米芝蓮嘅好湯好麵的確我都猶豫咗一下 麵點樣先至可以拎到米芝蓮獎 就嚟一試究竟餐廳環境同一般小店茶餐廳一樣 無過份嘅裝潢海龍皇麵$135有蟹肉、蝦、魷魚、帶子、蠔等 多款豐盛海鮮配埋蝦湯及彈牙口感陽春麵 的確值得一試但略嫌D湯唔夠熱同我想像嘅蝦湯應該再濃郁D碗麵變左失色左少少棉花雞麵 $100平時其實我麻麻地食棉花雞 但呢碗有令我小改觀清澈而濃厚嘅雞湯加上嫩滑雞件、魚肚同金華火腿魚肚完全充份吸收湯嘅精華 令人一啖接一啖

.🍜海龍皇湯 $135有啲似日本拉麵蝦湯嘅味，鮮味夠👍🏻濃郁度高😋陽春麵好掛湯又煙韌彈牙，依個係值得讚嘅👍🏻梳梳藍蟹肉新鮮😋蝦肉結實、爽口、彈牙，質素唔差，但湯底無乜太大記憶感🥲.🍜好頭好尾 $110限量供應😱湯底比較清甜，無味精嘅感覺，完全無話食完要狂飲水咁😋川味和牛面頰肉偏腍，都好重牛肉味，不過無川味，好彩係咁，我個人就唔鐘意川味😂.🥢好湯好麵 (大圍)大圍積存街20號地舖.👧🏻未試過可以試一次，同埋唔好抱住食日本拉麵🍜傢心態，絕對係兩回事😉百幾蚊其實有好多選擇🙂.嗰個味道 😍😍😍嗰個環境 😍😍嗰個服務 😍😍😍嗰個性價比 😍😍😍.

今日終於有機會嚟到大圍試呢一間好湯好麵，之前都見到有好多朋友食過都讚不絕口，話佢嘅湯底非常用心製造，同埋不含味精同防腐劑 今日放假終於有機會嚟到呢一邊試吓今日叫咗碗花膠佛跳牆，平時係限量供應的，好彩去到有得食雖然每一碗要$178，但係絕對值回票價，唔會令大家失望材料亦都非常新鮮同豐富，採用咗好多高級嘅食材，例如日本刺身帶子，花膠，鮑魚，魚肚，海參等等 湯底非常濃郁，味道亦都控制得唔會好鹹，完全冇味精 啲材料亦都非常好食，比較鍾意嘅日本帶子亦都非常鮮甜，海參同埋魚肚都吸收晒湯嘅精華，味道絕配 非常推薦大家嚟試吓

放假入嚟大圍踩單車順便醫醫肚一間位於大圍嘅港式粉麵店朋友話好想食都bookmark左好耐😋忘記咗當日店舖有咩活動，仲送咗把遮俾我哋🤣因為冇試朋友嗰幾碗所以就唔特別分享-好頭好尾 $110💰其實有好多款麵我都想試，但得一個胃🥲最後就揀咗我最啱心水嘅( ´ ▽ ` )ﾉ平時都會買開陽春面返屋企做早餐，但都係煮得比較清淡嘅口味太大對比，呢碗真係味蕾享受，啱晒重口味嘅我(˶‾᷄ ⁻̫ ‾᷅˵)湯頭用牛骨熬製，入口好香牛味，而且好濃稠和牛面頰肉好軟腍，真係膠原滿滿嘅感覺不過就覺得份量唔係好夠我填飽個肚🤪如果再入大圍踩單車應該會再訪，下次要問吓有冇得加底！

如果要係大圍搵食，第一間諗起嘅一定係依間米芝蓮得奬湯麵，係我每隔兩個月就會心心念念想返去報到嘅餐廳，每次去到都有唔少人係出面排隊，要有心理準備排半個鐘左右。依間湯麵出名自家調製嘅湯底，濃郁、足料，每一啖都係精華，絕對唔係味精湯底。極力推薦佢嘅高湯湯底，怕肥嘅我都毫不猶豫飲晒成碗湯😋🐥🍜 棉花雞 $𝟙𝟘𝟘 (𝟙𝟘/𝟙𝟘)每次必點嘅私心最愛。嫩滑嘅雞肉、吸晒啲湯嘅魚肚、配金華火腿同冬菇，成個組合係夾到不得了🤤建議有錢人士可以試下富貴版嘅花膠佛跳牆！🦪🐷 蠔皇豬豬 $𝟙𝟘𝟜 (𝟡/𝟙𝟘)龍蝦牛油湯底好出色，聞到陣陣蝦子香味。

自從上次食過一次海龍王就一直念念不忘，好想再試埋佢其他口味，今次同男朋友都想試下佢個綿花雞，好彩去到未賣晒提一提大家，如果想食某啲口味記得早啲去排隊喔。今次都同上次一樣，同男朋友一人叫一碗再加個菜。我地叫左蠔皇豬豬，棉花雞同油蔥燙青菜🥬。上次海龍皇係陽春麵，今次呢兩碗都係扁陽春麵，我地都覺得扁陽春麵更好味，因為麵質更滑更易入口 蠔皇豬豬個湯係超香龍蝦牛油，飲落creamy 好多，綿花雞既湯係平時食點心綿花雞既味😂，當然呢個湯清好多啦，但個雞係超鮮嫰，值得一讚今次呢個菜唔會太油膩，食落生菜都仲好爽，不過我地都中意食高湯蒜子浸時菜多啲，個湯又好飲，清新好多。次次去食呢間我地都滿載而歸，因為真心好味

叫了好頭好尾，一百元一碗麵，但湯底只有鹹味。牛肉味也欠奉，奇怪每天都見人排隊🤔坐位方面，地方所限，人貼人，大家也容易互相溝通，雖然大家都唔相識😝但你講的說話句句入我耳😅整體上只值一星吧！

🍜好湯好麵​📍大圍積存街20號地舖（對面油站）​👉🏻👉🏻menu​圖1️⃣ 叉燒鮑 $98日式叉燒&罐頭鮑（好細隻的鮑）with陽春麵，記得第一次食個陣，比湯底震撼到，好鮮甜，好有層次（食過就知）湯底有一種味特別突出，但而家食冇左呢種味道🤔其實呢碗野唔錯，湯底一定冇味精，但食唔返以前既味道，呢個價錢變相唔抵​圖2️⃣黑口黑麵 $90墨魚汁變成湯底，評價同上，btw材料都冇以前咁好食（其實會唔會係我條脷刁左😳）​（評分：5杯☕️最高分） 食物：☕️☕️☕️環境：☕️☕️☕☕️ CP值：☕️☕️服務：☕️☕️☕️️️️️️️️️️️️☕️​✨會再幫襯? 可能會掛（味道唔同左，CP值低左）​

本人是一個湯麵控，基本上任何面類都食到好有心得，而本人覺得呢間野的湯係好食過香港任何日本拉麵店可能我本生覺得日本拉麵湯底太濃搶晒鮮味，而呢間野係任何湯都較清好有鮮味。佢d 料全部好大粒，但我覺得呢d野放上去架啫，湯底先係真工夫我食過海龍王，（黑口黑面）墨魚湯，棉花雞，西班牙火腿，冇一個失望，各有特色，本人中意食海鮮所以海龍王始終係至愛，唯一不足係蝦係大隻有口感但冇乜鮮味，唔知係咪養蝦?貼心事係如果你叫外賣，佢會比生面你叫你番去滾湯煮咁就唔會淋晒

男朋友話次次經過都見到好多人等，今晚一於試下呢間米之連得獎餐廳，雖然出面排隊，但排隊既時候會俾menu 我地睇同揀定食咩，選擇困難症既我，樣樣都想試吓等左唔夠5分鐘就入到去啦。最後我同男朋友都叫左必食既海龍皇同埋高湯蒜子浸時菜，連碟菜既湯都係超香甜湯底好濃，好香蝦味，啲海鮮都好爽好彈牙，裏面有齊晒menu 提及既餸，絕對唔馬虎，用心之作，平時減肥既我好小飲面既湯，今次都飲晒成碗。決定左下次要試埋佢其他湯面。值得一提既係，雖然係小店，但服務態度都好好，又會主動斟水加分加分！