好日子皇宴

營業中

休息中

我明白飲食業辛苦，但唔代表我比錢食飯重要受氣，坐低叫4次先嚟執枱，要等一個鐘先上齊嘢食，冇叫嘅食物話係你叫嘅重比說話你聽，黑口黑面服務態度超一流一定要表揚你地！

看見粉嶺中心裝修就試下這間酒樓，晚上9點坐低，得4,5張枱有人，靜蠅蠅，約左一大班朋友諗住開開心心打邊爐，食物選擇好少都吾緊要，10點正話截單，經理話廚房收工叫我們點多d食物，但我們8個人只叫了適當的份量因為怕食吾哂會浪費，10點15分左右就上埋最後點的食物，老實說，一班人打邊爐邊食邊吹水好正常，但到10:30分左右經理同d姐姐就不斷叫我地食快d，11點收工，好啦我地都明，阻人收工吾係咁好，我地8個人都加快速度食食食，但打邊爐都要等食物熟先食得，可是經理同d姐姐吾夠1，2分鐘就走黎吹客人食快d仲有幾分鐘收工，成日走黎問有乜野吾要收走....甚至差不多10:45分經理同d姐姐直頭企係我地旁邊，好似迫我地走咁，仲要feel到抽氣冷氣關掉.... (當時酒樓還有兩三張枱的食客都係同樣情況)我地食咁多間酒樓從未試過係咁不斷比人吹，仲要係打邊爐！！個一刻，終於明白點解呢間好日子晚市都會拍烏蠅👎咁既服務吾會有下次👎👎

週末和長輩去飲茶😛這家的叉燒是我喜歡的瘦叉，厚肉又不嚡👍🏻而且肉味都夠香🤤還有重口味的XO醬腸粉，勁邪惡😈好香口😈牛腱都滷得入味，也不錯😂~奶黃包普普通通，餡不多，沒有流心效果🤔小籠包就直頭敗筆💩乾身到爆，無咩汁，可不叫💩整體黎講係不過不失，叉燒同腸粉都可以一試~.食物質素: 🌕🌕🌕🌑🌑食物顏值: 🌕🌕🌕🌑🌑性價比: 🌕🌕🌕🌑🌑回頭率: 🌕🌕🌕🌑🌑

平時假日很少到中式酒樓吃下午茶, 今次來這間粉嶺的酒樓全因是要消磨時間, 因為約了到朋友家卻又未到時間, 所以打算在這裡坐一下, 吃點東西才起行。星期日的下午二時多, 真的不少人光顧，還要等位。好日子蝦餃皇（$18.8)👍👍👍👍蝦餃皇是我這一餐下午茶最好味的一個點心，皮薄帶點煙靭，蝦肉爽彈，味道是可以的。咸菜豬肚（$16.8）👍吃完一個正常的蝦餃，接着就是一個不太正常的咸菜豬肚。首先這碗咸菜並不是用平常用的大芥菜咸菜，而是用了咸酸菜。另外最差的竟然是碗內有一條很長的頭髮和一粒飯，即時冇哂胃口，放棄了這碗特別處理的咸菜豬肚。脆皮燒鵝米線($28.8)👍👍燒鵝是一隻肶，但外表就麻麻地，甩皮甩骨，肉質也比較乾。米線則發到肥肥大大，太稔又沒有口感，湯底又較淡。燒腩仔湯米線($26.8)👍👍👍燒腩仔都是可以的，肥瘦適中，味道也不太鹹。但又是米線出事，這碗卻與之前的燒鵝米線不同，問題是部份米線的頭尾部份都未煑透。鮮蝦腐皮卷（$18.8）👍👍腐皮卷和一貫中式酒樓的處理無異，但不知為何又沒有隨喼汁一起上，最後等了許久也取不到喼汁，只好浄吃。潮州蒸粉果（$14.8）👍👍👍潮州粉果都是正常的，皮不算太厚，

都有一段時間無上嚟寫食評！今次真係忍唔住要即晚寫返篇！快手打一篇，所以同我平時寫嘅風格好唔同！同屋企人食晚飯，叫咗片皮鴨一食，片之前離遠見到我地隻鴨特別黑，好似燒燶晒咁，問佢有無第2隻，佢話無晒「片皮嗰種鴨」，衣隻係「燒鴨」只係入味啲唔係燶。好喇⋯片完出嚟近睇⋯啲皮上面真係有一粒粒焦黑⋯ 之後再睇吓啲青瓜⋯⋯洗唔洗切到咁細⋯真係細過支牙籤⋯我諗大約6條先會等於到人地正常嘅1條！片完出嚟廢事浪費，我地照要咗，但到我地食咗一半嘅時候⋯見佢又拎另一隻鴨出黎片...當然嗰隻係正常顏色...所謂用嚟「片皮嗰種鴨」... 好！第一個大話！好啦⋯啲皮黑晒都算⋯既然你話係燒鴨⋯同職員講拎返隻鴨殼⋯個經理話要2食先包得走⋯下⋯一向都係1食可以拎走，2食用嚟整咗野所以無得拎㗎嘛⋯唔好玩我啦⋯不過點都好⋯其實你直接話你地衣間酒樓規矩係無得拎我覺得無問題⋯但經理仲要態度好差咁話：「無㗎喎，其實間間酒樓都係咁做，我地要拎返嚟整其他野！」之後我未講完佢已經走咗！⋯ ⋯ ⋯ 其實格離間湘xx已經可以拎⋯你唔當酒樓嘅話⋯北京x係喇掛⋯當然人地高級咁多，我明嘅⋯⋯好！咁粉嶺祥華間明x囉！你$148一食，人地$108 +

不知所謂酒樓……大排檔、冬菇亭都好過佢，飲茶 ~ 茶葉黑過廿四味，點心 ~ 勁咸勁多味精，😝晚飯 ~ 海鮮勁重雪味、火腿粒好似塑膠，雞柳好似柴皮……！！炒什菜 ~ 西蘭花唔熟……！！😝價錢又貴過人……！員工伙記……十問九唔應，叫佢開普洱茶，佢開咗壽眉，之後叫侍應換，侍應話唔係我沖喎……！！咁我話換唔換呀！係唔係要我入去換呀……！！😡😡😡 blacklist、blacklist……以後可以去小一間……！！😞😞😞

員工、部長、經理、知客的服務態度奇差。以下係本人食晚飯嘅經歷：1）收茶錢，但唔主動問你飲咩茶，你叫佢，佢都好似唔係好滿意你叫佢 (茶錢12元位)2）叫左個湯，無預先拎定碗，叫員工拎碗黎，佢掉頭走，叫部長定唔知係經理，3個人，一人一隻手不停fling, 個唔知部長定經理行過左你，但無你無員工分湯，仲要叫都唔幫手分3）叫左個孖寶，蟹同蒜蒸扇貝，點知扇貝上到枱，咬落去食左啖，雪藏扇貝，蟹肉霉嘅（288元）4）基本上所有海鮮都不是新鮮，我地叫左魚（唔知係咩嘅斑，又細條，收你280元。粉絲蝦煲，又係霉嘅，收你98元）5）到食完，伙記黎收碟，隻隻碟都叫你遞俾佢，咩服務質素？個加一真係俾得好唔順氣。獨市生意，開了一年，只去過兩次。第一次已知差勁，昨天再去看看有否好點。點知俾第一次更差。服務差！態度差！食物差！！！

諗住吃下午茶，叫紅棗糕前台俾位個員工話有我地先入黎入到位同我講冇真心好嬲俾人欺騙嘅感覺d員工又西之後午餐個網腸d脆網係淋架水準比一開張差左好多我諗我如非必要就唔會再黎吃

态度非常恶劣！！张口骂人！三个人周五晚6:40拿飞吃火锅，坐门口等吃吃未有叫号，之间不停有客人后来的先入座，去接待处就问了一句就被一位女经理呛声“和你说也不懂，别无理取闹”。找收银经理投诉未果，期间其他经理上来沟通也在糊弄，从入座到离台也没有人出声回应。完全不理顾客的投诉，服务态度非常恶劣！接待处的女经理态度非常恶劣，问一句就非礼貌呛声顾客，未食已经一肚子气！各个经理也分工混乱，迟迟找不到人处理恶劣行为！垃圾服务！

聖誕節度度Book唔到位，貿貿然去咗粉嶺覓食。入到去大日子酒家，睇吓食小菜定打邊爐，問問價錢後，打邊爐每位＄158加一(平時$148但假日加$10)，最後決打邊爐啦。坐低後先order湯底及手切肥牛，因肥牛喺打邊爐嚟真係一個不可或缺嘅嘢。雖落單紙上唔算好多，但我哋都叫到成檯滿哂，有豬頸肉、炸魚皮、響玲、芝心丸，芝士腸、海虾、金菇、羊肉、海膽丸等等，食物質素高過哋預期，每樣嘢都幾好食。飲品方面有不同嘅汽水啤酒同竹蔗茅根，成餐唯一強差人意係個乳酪雪糕，因為食落比較稀同淡咗啲。順帶一提，泊車優惠$300兩個鐘，食餐飯一定食到，可以算係包泊車啦~

做冬日阿頭請飲茶大家團年，事先打電話訂了2張大枱，我哋頭一批準時去到，點知門口公關話只比到一張先，旁邊嘅客人未走！但我哋嘅人已陸續到，公關問我哋酒樓另一邊有一張大枱比到我哋，但咁又點算一齊飲，所以唔要！我哋人多企晒在枱旁，旁邊枱食客都唔想阻人就急急食完走（唔該晒😓）等執枱期間（店員又比較慢啲）公關又來催叫我哋坐低先（我哋啲人已盡量搵唔阻住做野嘅位企）其實明白場地有限，訂位佢聲稱（唔係我訂）亦有講過「盡量安排」，不過打仗咁態度就急燥啲！順利坐低，我哋落單，食物即叫即蒸（我根據上菜次序排列）手拍青瓜（$32）爽脆入味，酸啲更好青芥小雲耳（$32）雲耳彈牙嫩口，不過黑醋唔夠酸！脆皮燒腩仔（$52）皮脆肉鬆軟！好味八珍豬腳薑（$38）食咗隻蛋，薑醋汁甜味為主，唔太酸，但蛋唔夠入味！一般！XO醬蘿蔔榚（$42）唔辣唔花味，好在蘿蔔榚方塊軟糯，鹹香好味！安蝦鹹水角（小）無影相，無食卜卜脆米網腸（精）皮唔嫩滑，有卜卜脆口感得意！爽滑鮮蝦腸（特）皮唔嫩滑，蝦肉爽口，甜豉油好味香茜牛肉腸（大）皮唔太滑，牛肉打得滑白灼唐生菜（大）生菜爽脆，加甜豉油簡單好味香蒸蓮藕餅（中）外面腐皮炸得香脆，豬肉加蓮藕粒，唔

本人一家三口連同老人家打算因方便到好日子食晚飯,豈料飯都未食到落口,已經受了一肚氣。家人晚上7點已經排隊拎飛食晚飯小菜,等左大約一個小時,眼見比自己遲黎既火鍋客竟然有位入座。問知客點解會咁一路俾唔到一個滿意既答覆火鍋客同小菜客係等同一條隊,火鍋係一個價錢任食2.5小時知客不斷有枱叫火鍋客入座,而無理會過小菜客一直以因為有人擺酒為理由,小菜位會較少拎飛既時候一直無提點過現場等食小菜既街坊8點鐘當我地同知客理論完知客先開咪話:「各位貴客,因為有人擺酒,小菜位較少,你要等,係你地既選擇;你要堅持,我地都無辦法」請問呢個係咩態度呢?多番理論後,先知原來全部人都等緊一張小菜枱問知客火鍋枱可唔可以轉小菜枱答案係唔得,因為劃分左火鍋就係火鍋呢個答案聽起上黎都好好笑因為早茶午茶都唔會有火鍋枱咖啦?!我覺得我地一家人walk in 拎飛要等好正常原來有人訂左枱都入唔到走左既街坊同樣有感覺1. 當你供應唔到小菜時不如索性cut左小菜呢部份2. 原來全部人等緊一張小菜枱,你可以一早提點客人, 而唔係全部人浪費左一個鐘你先同人講;3. 你可以提議客人改食火鍋4. 策劃欠缺彈性同知客理論不果,入左問收銀搵經理,

實在太過份 態度咁差都得既話說我星期日下午茶近尾段時間去飲茶 岩岩坐底冇耐茶上左比我地la 但就冇滾水 都算 咁叫個侍應拎la 我唔知佢真聽唔到定唔想應我地 叫左2次先睬我地之後我地落左單la 我地係搭枱既明明個度寫我地A枱 入機佢就入正枱 黎左個生煎飽就叫正枱 我屋企人唔知我點既 又冇叫A枱 就話會唔會唔係我地既 話算la 黎左就照要la 我話我有點過 個阿姐就勁唔好態度話我地話唔係正枱 所以要搵經理查單 唔會比我地 明明我都話係我點架lo 之後個阿姐一去冇回頭之後再問d部長 部長就話賣曬 有冇搞錯呀 咁都得之後我地問左幾次 先有個部長話佢入左我地做正枱 我地點左8,9樣野 黎得個4樣 咁我都知咁知咁遲先去d野食有部份一定係賣曬架la 咁都唔係問題 重點係除左腸粉 其他都冇人話我地聽係賣曬 由我地白等 如果早知賣曬 我地可以點過第2樣而且個個服務過我地既部長 侍應都服務態度奇差 咁都得食到一肚氣 快快埋單走人之後先知呢間野服務態度一向差 又成日漏單 傳菜既阿姐又亂蓋印 中點蓋成精點 奉勸各位唔受得氣 千萬唔好去食

新開張試業，大家來試，所以要等15分鐘先有位，比咗個廳房我哋，不過廳房嘅門口好隱蔽，比大廳啲枱頂住，入房好闊落，仲有陣裝修味（開咗之後好啲），冷氣都未開，啡米色主色，地方企理，但啲地氊好多毛球，好污糟，落單之後食物陸續到！晶瑩蝦餃皇（特）皮煙韌，蝦肉同荀爽口！有肉汁！好味蟹籽燒賣（大）燒賣大粒，有肉汁，賣相唔精緻！一般鮮竹牛肉球（小）牛肉球落咗喼汁，酸酸地開胃，牛肉滑馬蹄爽！幾好豉汁蒸鳳爪（大）無食蘿蔔千絲酥（大）酥皮酥脆，好鬆化，蘿蔔絲餡清甜，好味鮮蝦腐皮卷（大）腐皮脆，餡料鹹香！好味！咸水角（小）皮香脆煙韌，餡料鹹香唔多流沙包（中）無食白灼菜心（大）爽口幾脆！豉油汁！北菇綿花雞（精）無食薑蔥牛柏葉（大）牛柏葉爽！黑椒金錢肚（精）牛肚比較梅，一般馬拉榚（中）鬆軟！潮州粉果（小）粉果皮煙韌，花生粉葛粒爽脆！好味豉汁蒸排骨（大）無食牛肉腸（大）腸粉皮一般滑，牛肉滑叉燒包（小）無食炸雲吞（中）外皮炸得脆，蝦肉爽口，點埋酸甜汁開胃好味！煎堆仔（中）芝麻香，皮煙韌，芝麻餡好濃好味！唔會太甜！好味煎蝦米腸（大）煎得香脆，腸粉煙韌，加甜鹹油鹹香好味！灼唐生菜（大）爽脆好味咸菜胡椒豬肚（精）咸菜太淋

20170505(星期五)--等了幾個月，終於等到粉嶺中心有酒樓開業，自從新明苑搬到逸峄商場，粉嶺中心沒有了酒樓，有時在附近想一邊坐一邊等朋友，真的有點不方便，現在終於開了新店，馬上相約家人光顧。大約六時十五分到達，不少食客在等侯，由於全是晩飯第一批食客，接待員沒有安排拿"飛"仔，場面有點欠缺秩序，桌子是足夠的，所以最終也沒有出現爭拗問題，順利入座。酒樓裝修新簇，燈火通明，天花燈飾跟地毯同是咖啡色系列，比紫紫紅紅的色調多了一分平實，酒樓長形格區，天花較底，食客多的時候，會容易感到嘈雜，當天有八、九成食客，尚算可以。我們二人點了:竹笙羅漢上素($58)--等不到十分鐘便上桌，碟頭大，賣相不俗，味道偏淡，但剛好正合我意。清蒸海石斑(特價$48)--等了半小時，催促了一次才到，魚重約十至十二兩，魚不算最新鮮，也有魚的甜味，但蒸魚豉油很少，本想叫傳菜員再拿點豉油出來，但搶心又要等等等，就此作罷。炸蟹鉗($38x2)--熱騰騰、脹卜卜的蟹鉗，大小適中，彈牙蟹味足，味道不錯。另加白飯一碗。埋單:茶芥($10/位)，白飯($12/碗)，總計連加一$235.5，價錢不算貴，味道中規中矩，是日坐的桌子，