好日子皇宴

營業中

休息中

今次係第二次係度叫外賣速遞，唔係特別好食，但因為屋企老人家想食中菜，選擇小之下先至選擇呢間。原本今日是假期，所以諗住趁早叫外送晚餐，我哋下午2:30叫咗五道晚飯小菜，點知手快快撳咗落單，但未有選擇送餐時間，但9秒9後發現已經即刻打俾好日子同佢講唔好意思同更改送餐時間到七點，但佢電話中態度奇差，當中餐廳換左三個人聽電話去用非常重嘅語氣鬧我地落錯單，咁最後佢話未開始煮可以更改送餐時間，仲叫我哋自己去打返俾速遞平台搞番掂，咁我哋就即刻打俾速遞平台同佢哋在線客服講返更改送餐時間，搞咗一輪都順利完成。🥵之後，去到18:40左右諗住睇吓送到邊度，點知平台顯示已更改嗰張單取消咗，個原因係話地區速遞員不足！我哋即刻打俾好日子問返係唔係取消咗張單，跟住好日子又係用極其差嘅態度同我哋講取消咗！ 🤬第一，我哋一開始已經同佢地講唔好意思撳錯掣，問佢開始煮未，(原本我哋諗住如果當時煮咗出咗菜我哋都會照俾錢照繼續算，但咁樣俾佢地圍插完真係一肚氣！）佢啲員工態度真係極其差！唔係話顧客永遠是對的，但好確定我哋已經好有禮貌咁同佢地講話要更改張單嘅時間，佢哋重語氣重不特止，仲要我哋自己再同返速遞平台再處理多一次個手續，啲

做冬飯 3人行叫左 4 樣野A餐 - 燒腩仔 + 蒸斑仔龍蝦伊面 同埋 雜菜煲龍蝦伊面 入單個呀姐打左外賣上門口個呀姐話堂食同外賣一樣連續3個人都叫我哋照要老人家唔想被加料 無奈照食 不過個盒焗住 啲伊面好碎 要用匙羹黎食$761.5 埋單不會再幫襯全部野都唔好味

今日同朋友想打邊爐，佢提議近近地去咗粉嶺中心好日子，每位連加一大約190元，價錢本身不是問題、但係食完之後覺得非常之唔抵😡我哋7:00開始食，本身嘢食都唔算多、叫咗一次海蝦六小隻同美國肥牛一小碟大約八片、15分鐘之後再想叫海蝦同肥牛兩樣都已經賣晒，第一次打邊爐會竟然冇肥牛比客人，嗰陣時仲係最多人食晚飯嘅時候😱侍應服務亦都好差、同佢反映佢就話唔關佢事公司嘅問題🙄只此一次以後都唔會幫襯😡😡🤬

個叉燒包頭條頭髮，同個黑衫經理講又走左去，想話換一籠，個經理又走去打電話，有冇幫我地換都唔講聲……仲要消失唔見左？？屋企人都話尼間d野唔乾淨，以為主觀意見。點知……冇胃口了，下去黎唔黎？不了不了！唔會再幫襯！仲食左小籠包，皮厚到我都以為係包黎？！牛肉球一般過得去，但明顯d肉有好多粉扣埋過。出門食野我都認……牛肉腸粉都係正常，同樣入面d牛肉都係扣過粉……個餐具邋遢…唔知點解咁多人會黎食野？？真心有咁好食咩？

難得嗰日放假同屋企人飲下午茶… 於是去咗粉嶺中心其中一間茶樓食飯… 由於係屋邨茶樓…價錢大眾化… 質素方面都唔會預期好出色… 指定點心三十蚊有兩碟…分量方面都係正常… 酒樓亦都有部大電視可以睇下新聞… 以屋邨茶樓嚟計都算不錯… 再會同屋企人過嚟食飯。

今日倆個人本來过嚟粉嶺中心食湘菜，點知見到好日子皇宴有片鴨食，就中咗伏，叫的菜完全貨不對板。避風塘軟殼蟹，不如直接叫炸軟殻蟹仲貼的。食落口滿口都係油乜味都食不出，一舊都食唔到。以後都唔會再光臨呢間嘢。差評

放工後打算就近晚餐，見到好日子有很多位，於是沒想太多就進了去晚餐。門口還可以，入了門口後第一樣感覺到的就是有服務等於沒有服務，門口姿客選擇性招乎客人，態度也是麻麻地。自己找位坐下後等了十分鐘才找到個侍應開茶招乎你。枱面杯碟碗用熱水浸了一浸還能清楚見到油積，換了第份碗碟浸後也是一樣。唯有自己用消毒紙巾加以清潔。看到餐牌有推介片皮鴨，於是打算點一隻試一試，但侍應落單景然話兩人只可以叫半隻，我反問她難道比足錢也只可以叫半隻，她景然回答系，這神奇的回答我最終也沒有點。最後只叫了個節瓜粉絲，海皇豆腐及一條蒸魚。粉絲油重，蝦米也沒有幾粒，味道比我自己煮更差，蒸魚魚肉硬，只有海皇豆腐馬馬乎乎還可以。眼見有其他顧客離座不戴口罩但服務員也沒有理會及提醒。總括來說食物差，服務差，衛生更差。

平時冇乜幾何會嚟粉嶺，今日係去完蓬瀛仙館，拜祭祖先後，近近地喺附近搵間酒樓坐低飲個下午茶🫖一坐低見到個茶壺邊好污糟，茶壺蓋超多千年茶漬😖啲碗碟都唔係太乾淨！2:00開始下午茶時段，$26.9孖寶下午茶點心，叫咗2款：（蘿蔔糕+潮州粉果）、（鮮竹卷+叉燒包），點心一般，蘿蔔糕比較實，冇乜蘿蔔味！潮州粉果&鮮竹卷就正常，叉燒包有啲乾😕雪菜火鴨絲炆米$58炒米粉無味，明明係炆米但係又冇汁！火鴨絲乾到好似條柴咁！又‘鞋’又冇味！係有味嘅，係有浸油益味😖完全係⭕️零分！求其一間茶餐廳都好食過佢😒

最近疫情，見佢哋門口兩餸幾抵，38蚊一盒，兩餸40 蚊，見幾抵咪買來午餐加餸。點知個個貌似經理女人，聽錯哂話我要兩盒，其實我一直都係話要一盒兩餸ja, 之後大庭廣眾駡爆我，話我明明要兩盒，屈我70 幾蚊。我斯文人費時同佢嘈，但我覺得呢啲到底咩服務態度，女人態度超差，我餘生之後都不會再幫襯，仲要兩盒餸係凍，啲咁垃圾酒樓仲未執笠，咁市道真係神奇！

而家想同屋企人一齊飲茶都要分開幾張枱，無計，不過酒樓服務算唔錯，知道我哋係一家人，都盡量安排附近嘅枱，雖然係兩個人一枱，但佢哋嘅熱心安排服務，抵讚⋯⋯😊————————大部分點心都屬於味道不錯😊🟫燒鵝：皮脆肉嫩又惹味🟧燒腩：塊皮都幾脆，肉質亦唔差🟥海哲鴨舌：麻香味道，爽口海哲、鴨舌🟩釀矮瓜：煎釀矮瓜🍆，恰當熟度，釀著有咬口彈牙的魚肉，好味道⋯⋯😋🟨牛肚：豉汁牛肚夠惹味🔲鳯爪：豉汁鳳爪一樣咁好味🟪蝦餃：皮薄🦐蝦爽口🟦蘿蔔絲酥餅：熱辣辣😋⬜️生炒糥米飯：啖啖都有臘味，正😋⬛️薑醋豬腳蛋：酸甜味道適中，豬腳夠腍，蛋實實地呢個質地最好食😋🟥咖喱魷魚：咖喱味香，又爽口😋—————————真係好耐無同屋企人一齊飲茶，雖然係兩個人、兩個人咁分開坐，但都一樣好開心希望疫情快D離去⋯⋯送走疫情....迎接農曆新年只要送走疫情開心🥳⋯⋯就可以好簡單—————————

之前試過佢嘅小菜晚餐，又試過晚巿任食火鍋，係平平地都唔差嗰種。不過疫情開始，性價比就越來越差，冇咩好食咁，所以都好耐冇嚟。今朝約個朋友傾嘢，諗住搵個有免費泊車，又坐得耐嘅地方，朋友話飲住茶傾喎，咁就揀咗嚟試下佢d點心。D茶就一般啦！志在有嘢飲住傾嘢😊見到張點心其實都幾開心架，種類都多，又有我鍾意嘅甜品添！點知。。。冇楊枝甘露喎。好，期待嘅一碟碟點心，最後，蘿蔔絲卷嘅蘿蔔唔新鮮，雷沙湯圓係想吐返出嚟咁冇味，三色古早腸粉麻麻，冇咩點心想推介。不過如果要求一般就ok，咁可以叫蝦餃或者芒果布甸。好啦！飲茶都係唔好嚟呢間😅

星期二嗰日十一點去飲茶，個女帶位知客態度惡劣，探完溫就指人乜乜，當自己係主人，僱客係僱員。搭枱坐低，冇換枱布。枱上一早放咗杯碟，我洗杯時摸過下杯碟面頭，嘩！都是黏的！侍應走咗去第二度，於是自己去兜度換隻碟，估唔到搵唔到一隻係乾淨（成兜碟都係咁）。坐咗兩粒鐘，隔離台換咗三批人，都冇換枱布，剩係識安排搭。而家係乜時勢，唔驚傳染嗎？飲過呢次茶，以後都唔會再黎，態度差係預咗，呢度已經好多負評，只係估唔到可以咁污糟。

食物還好，正常味道，正常出面價錢，唔係平又唔係貴但服務質素好差，以後唔會再黎！一食低叫普洱，佢比錯壽眉，叫佢換番黑面叫完餸，叫佢落個白飯，佢話上左菜先叫，走左，都冇所謂到上左個餸，舉極手都冇人黎，同左上菜個人講，佢話唔係佢負責落單，佢仲幫我同番樓面岩岩個人講要落個白飯（呢個上菜既唔差），但個樓面聽完都係唔落單我再叫西裝既女人（應該係經理），佢話：你地張卡未番黎，番黎先啦～之後走左去我地等多5mins,都未有卡，只好大叫個西裝女人：未有卡，可唔可以照比左個飯黎先ar?好似食個飯都晤十幾廿次，乞飯番黎咁！！！d 餸都等到凍哂！仲要上菜又慢，30mins 先一碟，佢地只處理左火打邊爐既先到我地食完哂成餐，其實張卡都係未番黎我地台，我出去埋單，先見倒我台張卡嚮櫃檯面！如果真係要等張卡番黎先落單比白飯，我係咪等成粒鐘都未有飯食？？？超有問題！！！！

打返幾日前既post先鑑於好想食片皮鴨。咁不幸呢幾日好多地方都無供應。咁就唯有試下呢間酒樓。而我係未係到食過晚市首先當然有叫片皮鴨，麵粉皮正正常常唔算好厚，不過就乾乾地身（不過我食過咁多間酒樓水準都係差唔多）反而試下另多三個餸有漁香茄子，沙律醬西蘭花大蝦同埋咕嚕肉最有印象係西蘭花大蝦。好有印象隻蝦好彈牙 中，好大隻，唔會炸過龍，岩岩好。雖然沙律醬同埋個西蘭花都只係正正常常。不過個蝦真係令人印象好深刻咕嚕肉都係正常水準其實坦白講：酒樓水準唔好expect有好高水準。其實正正常常無怪味都收貨🤣壓於服務，環境。都係一般酒樓水準重點係有泊車優惠。方便揸車黎

適逢假日都會同屋企人出去食個靚早餐/飲返個靚茶今次假日揀咗去粉嶺中心既【好日子皇宴】試茶。粉嶺中心經過維修重整後，整個商場都煥然一新，亦進駐了不同店鋪，當中取代了以前的粉嶺中心茶樓，亦成為最近粉嶺火車站既^獨市^茶樓。我地一行4人大約10點拎位等位，約11點多入座(眼看入面都鬆動，但等位既人多，後尾入到去先知人手唔夠，啲姐姐係到埋怨，啲拎最基本既豆瓣醬、醬油都要自已拎....)📍生菜跟叉燒飯係一set，分量正常、算爽口！📍原來叉燒同飯係分開，整到啲飯無叉燒味完全唔似燒味飯。叉燒偏林、無味，好彩雞係正常。（想食平時既叉燒飯，唔建議食尼味）📍暖既、唔似keep住蒸、好似室溫咁，可能係咁啲肉都好林好林📍尼兩款已經算最正常總結:可能佢地因人手問題，所以不論服務同食物都比想像中有出入，亦有可能係因為假日多人食、所以有啲野做唔切，但點都好，食物質素係差既