好意泰國餐廳 (已結業)

宜家出街食飯都唔知應該食咩 落到樓下發現啲野都仲係嚟嚟去去嗰啲快餐點 一係就貴到瞓喺到 今日同朋友黎到觀塘 經過康寧道發現咗呢間難得有set lunch嘅泰國餐廳 我地就入左去坐 我就叫左個海南雞飯 $48 連飲品友人就叫咗個咖哩牛腩飯一樣都係 $48 連飲品食到七七八八嘅時候 waitress 攞左兩份飯後甜品——椰青果凍 食落清甜爽滑 唔係太甜值得一提嘅係原本唔記得幫杯凍檸茶少甜 但係甜度調校得啱啱好唔會好似平時飲開果啲咁甜

食泰國菜個個朋友一定第一時間諗起九龍城啦，但對我黎講交通實在太唔方便喇，一諗起要轉車再坐巴士就卻步喇。今日同朋友就想食泰國菜，決定係屋企附近搵搵有無咩泰國菜可以選擇啦。又唔想去APM, 太貴喇。比我搵到呢間好意餐廳，門面好光猛，比佢吸引左我入去呀。我同朋友都係辣妹，全部都叫辣的菜式呀首先叫左碟柚子蝦沙律做前菜，好多柚子絲，酸酸地實在醒胃呀。之後就叫冬蔭公湯先，都幾大煲下，而已入面既材料好足呀，有4大隻大蝦呀，而且D蝦都好彈牙好大隻下。再叫個黃咖哩蝦食，我同朋友實在太中意食蝦，所以碟碟都有蝦，好開心呀.哈哈佢D 咖哩又係超大碟呀，香滑無比，椰香極濃。

是晚在附近工作，完了就想吃點東西才回家, 之前有朋友介紹過這間新開業的泰國餐廳, 說這裡不錯，見價錢不貴，無可，也無不可，就進來試試。先來個青檸梳打解渴, 味道清爽而冰涼可口，唔錯。再來泰式生蝦, 蝦肉口感爽脆鮮甜，配上了泰式醬汁, 十分滋味。奶白色的椰汁雞湯賣相也相當對辦，聞起上來香噴噴的，似乎也不錯, 湯面的油份不多，湯料都不少, 喝起來味道濃郁，雞肉的肉味盡在湯中,香茅及香葉味道俱備，也不錯。 單看即燒牛肉眼和一般西餐廳吃到的分別不大, 牛肉入口鮮嫰, 有濃郁的牛味，但今次就以泰式的方法去處理, 配合惹味的醬汁, 味道更是出奇地夾。個人覺得這裡的泰國菜水準不錯, 價錢也不貴, 雖然店內環境只是一般, 但整晚人客不絕, 也是旺場。

今日同老媽子行行下街突然好想食咖哩，又唔想去沙嗲王，已經食到好悶喇，就去OPENRICE search下觀塘附近有無泰國菜喇，點知比我搵到一間新開左無耐既餐廳。就去試下你先.哈哈我見到menu價錢又唔係好貴，而且款色都幾多呀，就叫左個黃咖哩蝦，叫左2個白飯食呀。我同媽媽其實唔算太肚餓架咋，只係好想食咖哩。哈哈好開心係入面有4大隻新鮮大蝦, 啖啖爽口彈牙，最重要佢d 咖喱汁煮得好好食呀。可以送飯又可以叫蒜蓉包食。最重要係佢好香既椰子味又唔會好辣。YUMMYYUMMY, 我掛住食都唔記得影個蒜蓉包添，因為真係整得好好食，食得出唔係隔夜包，好軟綿綿下次我會約多D 朋友, 因為可以叫多D 野食嘛。

同朋友去官塘行街..發現到康寧道開左一間新泰國菜..就試下你先😍先叫杯青檸梳打下火先..我諗係我飲過最好飲既一杯.佢係將揸青檸汁溝梳打..味道更好飲..清涼潤喉外面餐廳只會比2片青擰你咁大把😋未食正餐就叫左個水仙芒糯米飯食先..哈哈好食到不得了既水仙芒..平時街市買都要幾十蚊一個啦，喺度食到真係超級開心呀😍D椰汁又超香滑..食到飽一飽都真係仲有另一個胃口食到你.哈哈😂之後叫份豬及雞串燒..D串燒超大條超juicy超入味..4個人分都一定有剩每道菜係大大碟架..價錢又相當合理👍🏻特別海南雞係值得一讚..滑嫩既雞肉，令我特登叫多一碗飯食..而且仲大大碟。仲有佢個蒜蓉包要推介大家試下呀..新鮮包係食得出..平時個d都硬硬的..咀唇差d整損。今次呢個蒜蓉包足足叫左兩碟..而且配咖啡一齊食.真係無得輸呀好食到停唔到口呀🤩👍🏻

我無意之中發現左一間隠世泰國美食呀。我同班朋友都異口同聲話再唔駛去九龍城食泰國菜喇，真係無誇張呀。哈哈知道開左3個月人流都唔少，店子小小，乾淨燈光光猛我地叫左一個柚子蝦沙律頭盤食呢個小食, 有小小辣，仲有柚子絲在內，十分醒胃串燒豚腩肉, 串燒雞肉十分十分好食，暫時我食咁多間泰國菜，最好食既串燒每條都好大條好大份本身佢已有燒汁一齊燒，已經好入味，D 豬肉有唔會好鞋，又唔會燒得好硬，而啖啖JUICY 連有D 肥膏一齊燒更有口感。雞肉都好大件超抵食呀冬蔭鮮蝦湯我地曾經食過其他間泰國菜既冬蔭湯好咸，所以次次都好怕去叫。但呢間完全唔需要擔心，好啱香港人口味，有一點微辣就已經好好飲，好啱我胃口呀。入味有好多鮮菌同鮮蝦，D 蝦十分之新鮮呀黃咖哩炒蝦 加 一碟蒜蓉包椰香味重，入面有成4隻大大隻蝦，好抵食呀。D 汁撈飯同夾著蒜蓉包一齊食真係好味。D蒜蓉包仲食得出好新鮮唔係隔夜包塊塊鬆軟，加埋黃咖哩一同進食十分完美燒肉眼扒用$138呢個價錢食到肉眼扒係超值呀，牛肉味濃，肉質嫩，燒完將肉汁仲係鎖住係肉內，啖啖JUICY 海南雞半隻黎到, 真係嘩一聲超級大碟，但我地只係叫左半隻都咁大碟，真係良心食店呀D 雞肉

同屋企人係觀塘行完街，突然好想食泰國菜，經過康寧道就入左呢間泰國菜，雖然齋睇門面不太突出，但係食物絕對有水準，當晚同屋企人叫左個酥皮咖哩牛腩，辣豆醬通菜，鳳爪沙律，鹽燒魚，濕炒牛肉河。特別一提個咖腩牛腩，味好濃，牛腩夠林，配埋蒜蓉包一流！另外條魚，絕對夠味！本身我媽媽吾係好食魚，但係條魚我媽媽食得最多！特別一提本人覺得佢杯龍眼冰好正另外走之前老闆話如果有一大班人黎，可以事先打去包房！抱歉影得一張，因為掛住食

之前去那裏吃，並不好味。但經過上一次裝修後那一些食物變得十分美味。(我相信是換了師傅)尤其是串燒豬腩肉，不但十分香甜，而且還是半肥瘦。另外那一條鹽燒魚，十分鮮甜和多汁。不但如此，那一些侍應也十分有禮貌。總知可以用一隻字來形容，就是:點！！！我相信我一定會去那吃多一次。

星期日同朋友行完街。大家都想食泰國菜。俾我地搵到好意泰國菜。3個人叫左5樣送同飲品。唔記得左影飲品、荔枝火龍果沙冰覺得特別叫左幾清爽青檸梳打都唔同我平時出面飲既一樣。佢地話用新鮮青檸擠出黎龍眼水深色濃味，都估唔到幾好食，下次會再黎