影片
之前摸門釘去左觀塘熟食中心，得知原來私房店老闆轉左手去康寧道64號。慣常我係海南雞控，下午一黎就試碟淨半隻海南雞。一食原來係新鮮雞，肉質有咬口，啖啖雞香，加埋個秘制汁，有少少豆瓣醬酸甜醬，咸甜酸辣好平均，帶岀雞油香😛💯，響香港食過咁多間都所謂米芝連都冇呢間好食。連打底生菜都好新鮮脆卜卜。之後我另外再叫多個芒果糯米飯，個椰汁調左少少咸味，剛好吊到糯米飯、椰奶同芒果甜香，層次分明。總之極力推介，下次會再去試個晚飯小菜！
繼續閱讀
#泰頂癮一路plan住下個trip，一路心癮就起一於立即止止癮。就係官塘康寧道就有間正宗泰國🇹🇭餐廳名稱有d鬼秘，店面叫泰好味，卡片叫好意唔理叫咩都好，最重要有得食。我就試咗佢地既午餐#15 船民豬肉金🐷邊粉 $45 配 泰式奶茶+$10湯底係豬肉湯，好清甜，帶少少辣味豬皮好脆，冇油液味，豬肉好香，豬肉丸就麻麻喇亮點✨係杯泰式奶茶☕️，真係一解我思鄉之愁😞Mr🦓叫咗黃咖哩牛腩飯，都做得唔錯。📍 好意泰國餐廳 (觀塘)觀塘康寧道64號地舖
繼續閱讀
20:00 入座落單 (生蝦，椰汁雞湯，小食拼盤，炒芥蘭，六條串燒，泰式奶茶，鹹檸七，油飯)。 豈有此理 20:30 連一杯水都未上。 催極單/叫佢上左飲品先侍應都係零反應。結果 20:40 先上個湯同飲品。 種檸檬定係種茶葉呀要等40分鐘咁耐? 跟住仲好笑，枱上冇肉冇菜就上兩碗飯😛，再等左五分鐘先上其他食物，九唔搭八。結論: 呢間嘢完全唔係做生意，零服務可言，即使食物味道中規中矩亦無補於事。永不幫襯，亦不建議大家幫襯。
繼續閱讀
晚上要工作，想襯工作前吃個有特色的飯，就來到了這間街坊推介的泰國餐廳。這裡的格局像是茶餐廳，兩邊有卡位，中間兩張長枱。我一個人來到，在長枱跟其他食客搭枱。翻著菜單，沒什麼頭緒，不如就來個香葉肉碎炒飯吧，心想炒飯多數都會幾好味。等了好一陣子，終於來了，呃？這個樣子，是用個碗來做模？我心目中的炒飯是很有鑊氣，攤滿整隻碟，有好多料的……味道有點微辣，是惹味的的，只是說好的肉碎呢？是變了肉未，隱藏在飯粒間？我實在吃不出來🤔，而且也沒什麼香葉味。這個炒飯縱然調味還可以，但料真的太少，齋吃的話會很空虛……
繼續閱讀
簡簡單單的一個午餐，收費$38送罐裝可樂，泰式香葉肉碎飯，竟然是即炒，出來時賣相是大碗飯那樣，心中暗叫不秒，誰知肉碎充滿鑊氣，好食都不得了。下次一定來光顧晚餐，還有泰式甜品送，正
繼續閱讀