好之味燒烤樂園 (已結業)

我哋一行6人已經唔係第一次嚟呢間燒烤場，天氣比較熱，但仍然好多人 可能因為呢度有房有冷氣，燒到熱就入房涼冷氣 呢間係任食場，啲嘢食樣樣都好好味，我最欣賞佢嘅豬仔肶，直頭入晒味，加上唔係間間燒烤場有豬仔肶食，呢度嘅雞翼有幾種味，其實隻隻味都好好食，但我覺得咖哩味同蒜蓉味最好食，另外咖哩魷魚好好味，我食到唔停，而雞腎亦都好正，食到停唔到口係啲墨魚丸就失色咗啲，因為比較粉 另外呢度啲調味，例如…牛油、辣醬、蒜蓉…全部係任攞，並不是其他場吓吓都要收費，我不停自製蒜蓉包，好好味。呢間嘢整體係幾好，所以我哋都經常三五知己嚟聚吓，我哋一邊劈酒一邊燒，真係好開心

真係超難食我未唸過bbq都可以咁不知所謂1) 雞無雞味,朱唔似朱,連獅子狗都冇味2) 蜜糖仲稀過水，搓最小3次先有d甜味3) 冇人加炭不特止,仲要包包計錢4) d野難食, 招夫又差, 搵鬼去咩5) 茄子又難食,好似食番薯咁, 又乾又冇味6) 千祺唔好食魷魚, 好似食腐屍7) d野難食,唸住食獅子狗同丸會好d啦, 點知仲衰. 好似粉餅8) 豬仔脾同牛柳粒正常少少, 叫做入得口就算全世界得返呢一間bbq, 我都唔會再去.

一早知呢到非常難去,所以已預先打電話去問清楚點去嗰到。個職員好有耐性同好好聲氣教你點去個燒烤場。講真呢個場九曲十三彎,入到元朗市中心再打多次去問,都重要揸半粒鐘先到嗰度。去到發現停車場幾大,開門唔會撞倒人地啲車,好過大尾篤燒烤王。行入去個職員安排個爐,搬埋張枱,可惜地方太近“市區”,喺石屎地燒烤有啲奇怪燒野食不外乎用料新鮮,呢度一般食物都有,每人兩張飲品卷可以換各樣飲品,選擇幾多。蒜蓉雞翼,豬排和羊排等肉類及丸應有盡有,味度不過不失,但醃料好唔入味,只可說啱晒鍾意淡味的食客。場地啲膠叉都幾難用,杯同紙又小,好彩我們帶了私夥用具。燒燒吓有職員主動問我地駛唔駛分開爐,又話可以幫我們安排一切,咁就冇咁迫。眼見越蒞越多人入蒞就冇謂阻人做生意,但都好多謝佢地主動協助。雖然冇唔該前多謝後,但職員係好有禮貌同誠懇對待客人,客人有什麼要求燒烤場人員永冇黑面或求其回應。最唔好就係安排派糖水時打晒鑼而食客又一窩蜂沖出去,好似孟蘭節派米咁,搞到啲食客好似前世未食過糖水,不尊重客人,所以我地都冇去攞。當晚燒烤場的巨形電視播掌上明珠大結局,個個人落足眼力去睇,好彩不嬲唔睇電視,當晚攞食物時都幾暢通無阻,如入無人

今日朋友話耐冇燒烤 , 咁就擇日不如撞日 , 就約齊一班好友燒烤 , 見呢道食評有 15 個笑臉 , 原本諗住去老地方【大旗嶺偉記】, 咁我就突然通知轉一下新場試下啦。下午六時多我到達 , 大人入場費$90元 , 1.3米以下小童收$70元 。現場泊車地方好寬敞 , 駕車o黎都幾方便 , 泊低部車就已經係門口 , 唔使點行。兩個朋友一家大細都到達 , 現場地方都好大 , 可能個場尚係新關係 , 人數唔係太多 , 燒烤爐大致都係放系有瓦遮頭之下 , 外面空地無開爐 , 可以俾一大班細路仔玩 , 玩場有電子遊戲機、乒乓球、射籃球機、鞦韆及玩具車仔。可讓細路仔安心自己玩樂奔跑 , 因外地石屎空地都幾乾淨企理。我地一行十人多都係開一個爐 , 因為方便我地一班好友暢談 , 不過爐與爐之間空間都幾貼近 , 有種好淺窄感覺 , 出出入入都好似幾難。不過枱櫈算係幾乾淨 , 唔使自己再用紙巾拭抹。 講講食物先 , 食物醃得好鹹 . 食物供應安排方面 , 會俾一個食物盆限量拎食物 , 食完可以不停咁拎。但肉類未完全解凍 , 要燒好熟先冇未解凍雪味 , 但如果係牛肉類食物 , 因為通常唔會燒得太熟先食 ,

平時BBQ我們都去開龍鼓灘的朱古力,今次因為想試'新野',決定去有好多好評的好之味!為安全,下午一點鐘我們打電話去燒烤場問開店時間和收費.接聽電話的男人說收費是$98一位,嚷著我們要下午四點才好到達,因為BBQ場是開四點.我們三點五十分就到了,看到有一家庭在等待,於是就走去問問.應是老闆娘的阿姨說店未開齊,很客氣咁叫我們入來坐著等店內有很多店員,全部也著手執拾枱面,掃地等,我看到有多個大垃圾箱的垃圾也未處理.(應該是昨晚完場後未執過)我們等到四點十分,只見店員仍忙著執枱,突然老闆娘阿姨走來向我們說"就得就得",然後又走了去.期間望望食物部,什麼食物也沒有,不知道兩位店員在食物部忙什麼了...勁耐心等待期間,給我們看到一位店員小姐將拖完廚房的地拖(她由廚房行出來),放在場內的大型洗手盤中....清潔看到那純熟CHOK地拖的動作,証明做慣做熟...我和老友看完後面色一沈,加上本人有某程度上潔癖.......................看一看電話,時間是四點半,我小聲問老友走不走?老友隨即說好然後我們就逃離此地.順帶一提,老闆娘阿姨已不知去了邊,而多位店員這一刻才開始執垃圾!!!!眼見B

同學gathering 天氣凍冰冰 燒野食原本打算去荔枝角點知無位search下之後去左呢間比想像中好於是將第一篇食評獻給佢價錢:$80一個人,比想像中平地點:接電話的staff很nice的教我們在西鐵朗屏站搭k68巴士到銀田花園,一下車就見到招牌,有點複雜和''隔涉''但唔難搵環境:去的時候沒什麼人 還在想是否去錯地方 地方沒有一般燒烤場般擠迫 可能人比較少 有街機,夾公仔機之類,不過沒有試 最讚的洗水間極乾淨首先不是流動洗水間,一入去''白o雪o雪令立立''的,燒烤場有這樣的洗水間實在難得服務:staff全部都很nice,有個哥哥很關心我們十二個人一個爐會否太迫,主動問我們要唔要再開(不過我們想擠在一起暖d婉拒了)食物:一般食物都有,一支水一罐飲品,飲品都幾多元化 推介的有牛肉粒,四四方方,很易燒,味道很好 很揼本的腰形麵包,佢有一個很正的麵包corner,有各種配料提供,其中蒜蓉牛油很有心意的說,塗在腰形麵包做烘蒜蓉包非常好 有食評提過的

本身同家人諗住去西鐵附近果間,好彩我一早上左open rice睇睇先,發現到果間勁多劣評!!馬上搵其他啦,見到好之味好似唔錯,所以就黎試下喇!!!地點方面:都幾唔就腳,我地係元朗公園巴士站,行過去都幾遠><一早應該搭西鐵轉的士(下次要醒目d喇)環境方面:星期六都唔算多人,可能位置既關係,燒野食都幾舒服,而且有冷氣房(細房加多$80)服務方面:係我去過咁多燒烤場最好既一間,d員工好有禮貌,想租麻雀打,都只係加多$50!!食物方面:都係平時食開既,食物選擇都幾多,又有番薯,什菜包,粟米,唔係度度都有得任拎嫁0.0我最鍾意牛柳粒,好好食,燒起上黎又方便11點幾仲有生果拎值得一提既...就係佢有好多調味料,d蒜蓉牛油用黎搽面包一流價錢又唔貴(星期六$85位,包一支水及飲品,免開爐費)服務態度又好,又唔洗同人迫住咁燒!!!我下次一定會再黎

第一次光顧好之味, 打來問30號開唔開接電話女士好有禮貌地回答我的問題又教我如何行過去, 雖然係元朗通, 不過夜媽媽去咁偏僻的地方, 都係搭的士為妙 係元朗廣場上的士叫"欖口好之味燒烤樂園", 5分鐘就到, 唔洗跳錶 每位 $75 (一支水及一罐汽水)1-3人有一包炭, 另加就 $15一包d 炭大大舊, 又重, 我地燒左2-3個鐘都夠用, 唔洗加 肉類 : 豬脾骨, 雞全翼, 雞中翼, 雞腎, 豬扒, 金沙骨, 牛扒豬脾骨, 雞全翼, 雞中翼最好味 魚類 : only 多春魚 另有咖喱魷魚好失望囉~ 沒有秋刀魚, 連魚柳都冇供應 丸類 : 牛丸, 貢丸, 墨魚丸, 獅子狗卷, 蚧子丸, 芝士丸, 龍蝦丸......自助取 : 用鍚子包好的菜包, 粟米(好甜好好味), 蕃薯, 麵包, 牛油, 蒜蓉牛油, 調味料... 乜都提供晒, 食物又唔錯, 服務又好, 底呀~

今日去完朗同親戚賀生日, 之後就去附近的好之味bbq. book左間房食物 - 很好味, 食完唔口渴, 醃料多薑, 蔥, 洋蔥等推介雞翼, 豬扒, 牛脾仔. 咖哩尤魚等服務 - 每次攞食物服務員都好有禮貌又會主動介紹食物俾我哋試吓, 有個穿耳環哥哥仔見我地起唔到火, 都幫我地手. 我話上網讚佢地員工好有禮貌, 佢居然話唔好咁選佢, 佢好低調架設施 - 有蓋遮太陽又有幾把大風扇吹住,ok衛生 - 場內環境 & 洗手間都好乾淨,好個好多bbq場冷氣房 - $80 租全日, 絕對超值

剛剛去完呢度bbq回家! 呢度d野食真係ok, 初時見d蒜蓉雞翼是白色的, 有點心感不妙, 不過食落去又幾好食, 係我去過咁多間bbq場整得最好食的雞翼, 黑椒味同蒜蓉味冇分別的。豬仔骨都OK! 麵包就麻麻地, 實的的! 平時出面bbq場食一陣就會覺得好口渴, 0係呢度就唔係咁覺~成個場乾淨企理, 間位間得好, 用長枱同隔黎枱隔開, 唔駛同人地痴咁埋;有高高帳篷, 今日落大雨都完全冇影響, 又有電視睇; 工作人員有禮貌; 廁所就.........因為今日人少, 所以尚算OK;地點都算方便, 由大馬路行入去都係10-15mins, 可以搭的士入去Claim返錢, 可以Claim幾多我就唔知; 有冷氣房位, 出面係爐, 燒到熱可以入去涼冷氣, 夏天0岩晒, 不過果d位好似貴d;星期六每位$85, 1-3人包一袋炭, 唔夠要買, $15/包, 每人包一支水及一罐罐裝飲品。總結: 會再黎~~~

地方好清潔, 檯與檯之間有足夠既空間, 雖然地方唔係好大, 但佈置得好舒適。食物種類算多, 都算衛生, 肉類掩得幾好味。服務員很有禮, 唔錯唔錯。

看到食評有咁多朋友推介, 我都約了幾個朋友中秋節去燒野食.停車場夠大, 泊車ok. 但入到燒烤場就覺得比較擠迫, 坐得不算很舒服, 大部份是無背硬膠櫈,想挨吓都唔得.食物方面 - 檔主標榜無人造色素, 第一眼望到D雞翼及朱扒, 都覺得檔主醃野應該唔重手, 但食落就覺得D味有點怪, 很不自然, 唔之點講.有點臘感及很木! 很可能加了味精醃制其他食物亦差不多有同樣感覺.面包是不錯的, 比其他燒烤場提供的垃圾面包好很多.番薯很差, 完全無味. 我跟朋友們都只吃了少少就停手了. 對食物真是失望.

為左幫我個班既maths a sir 搞 farewell , 特地黎openrice做左research先!見其他去過好之味bbq場既人都間野都有讚冇彈,同埋成30個人可以去既地方實在唔多,所以就揀左呢間喇 係上水搭276A去到水邊圍村落車,再行大約15min路程就到,一條大直路,雖然系偏僻左d,不過都算易找去到間野仲沒開,不過個老細好好人叫我地入去坐住先,由於琴日不時落雨,所以我地原本打算book間大既vip房既,不過老細話驚我地落雨行黎行去唔方便,建議我地book格離既細房,2間冷氣房加埋都係$100咋 由於我地成班都係學生,加上星期四,所以每位都係$59包一枝大水同野飲!依我粗略估計加加埋埋都有差唔多30幾樣野吃揀,絕對夠吃,值得一讚既係d野吃完全冇雪味,d肉醃得入味之餘又唔會咸 好好味 特別係金沙骨同龍蝦丸,吃到停唔到口呀,拎完1 round又1 round,d伙計個個都好好傾,服務態度冇得頂丫!bbq緊個陣場內一直播歌,好有feel,播到快歌個陣,我個fd仲忍唔住跳番part 舞,哈哈,想起都開心丫我地由6:00剛開場p.m.玩到12:00noon收場,真係唔捨得走人

星期六2點鐘到達，發覺個場一個人都冇？！仲以為冇開，行咗陣先見到員工，拿拿淋比錢(1位@$75)，同book咗間冷氣細房(好抵！1日@$50！)，間房又有梳化櫈，十分舒適。到攞野食，留意到d員工有禮貌同衛生，場地同廁所都好乾淨，食物方面雖然款式唔算多，但樣樣都幾好食，要讚既尤其係秋刀魚同芝心丸，咖喱魷魚好大塊好好食！到走既時候已經7:30，個場都唔係好多人，可能係地點偏僻關係，真係好鄧佢地唔抵！講真呢間好過「西x燒烤場」不知幾多倍！仲有段小插曲：臨走攞車先發覺電池冇電！之後即刻搵老闆幫手，佢仲緊張過我地，即時幫我地安排好哂，仲笑哂口話唔洗客氣，真係感動！

7月1日, 大大細細一行十二人去呢度燒烤家庭樂, 見到open rice 評語幾好就去試吓, 原來真係得喎! 以下係值得讚嘅:食物 - 很好味, 食完唔口渴, 醃料竟然有勁多薑, 蔥, 洋蔥......推介雞翼, 雞腎, 豬扒, 金沙骨, 雞扒, 什菜包服務 - 每次攞食物服務員都好有禮貌又會主動介紹食物俾我哋試吓設施 - 有蓋遮太陽又有幾把大風扇吹住, 下午三點開始燒都唔覺好熱衛生 - 場內環境 & 洗手間都好乾淨, 仲周不時見到個哥仔攞住支殺蟲劑滅蚊冷氣房 - $50 租全日, 絕對超值老闆 - 很友善, 主動走埋嚟問食物得唔得? 又叫我哋俾意見, 跟住叫我哋玩得開心d, 走時仲猛話多謝晒......呢樣係要改善: 位置好難揾, 沿途冇指示今次玩得好開心, 由下午三點玩到夜晚九點半, 下次一定會再去!!!